♥ميك أب الصباح♥ كل شيء يخصه من إلى !!

السلام عليكم ورحمة الله وبركاته

زي ماشفتوا بالعنوان هالبوست بيكون عن ميك اب الصباح من الى !! تعبت على البوست شوي عشان كذا اتمنى تسوون ريتويت وتشاركون المدونه مع غيركم عشان الكل يستفيد ولايروح تعبي  والكل يشوف البارتات اللي بحطها :$ ♥♥♥

طبعاً اليوم بحكي لكم عن المنتجات اللي راح تحتاجينها لميك اب الصباح ، كل اللي بحطه لكم عن تجربه ان شاء الله واذا فيه اشياء ماذكرتها من قبل فتأكدو بسوي عنها ريفيو مستقبلاً :$ .. قسمت لكم المنتجات : هاي إند ، ودرق ستور
ايش الهاي إند ؟ هي الماركات اللي موجوده بوجوه وسيفورا مثل شانيل وديور وميك اب فور وما الى ذلك .. أما الدرق ستور هي ماركات سنتر بوينت مثل ريفلون وريميل واسعارها معقوله وبمتناول الجميل
زي ماقلت لكم قسمت لكم الميك اب قسمين بتلاقون مكتوب على الصوره هاي اند ودرق ستور ، طبعاً كل وحده وذوقها وميزانيتها ممكن  تنوعين وتشترين من الهاي اند والدرق ستور والا تاخذين كله من الدرق ستور والعكس .. أحس اني حستكم :$ خلينا نبدا احسن :$

أول شيء وأهم شيء هو : الفاونديشن أو التينتد موسترايزر أو البيبي كريم .. بالمختصر المنتج اللي بتستخدمينه عشان يزين بشرتك ، شوفو معاي هالصوره


على اليمين 2 فاونديشنز من الدرق ستور .. واحد بورجوا هيلثي ميكس اتوقع كلكم سمعتوا فيه وتعرفونه من أفضل الفاونديشن بالدرق ستور رائع جداً ومناسب للصباح يعطيك تغطيه حلوه بس انه خفيف ويوحد لون البشره .. مره جميل حتى ريحته حلوه اما الثاني هو ريفلون كولور ستاي تغطيته اثقل من بورجوا بس كثير حلوووووو ومنظره على البشره يبرد القلب فيه منه انوع لكل البشرات الدهنيه والعاديه والجافه يعني كل وحده بتلاقي اللي يناسبها إن شاء الله
بما إنه هالفاونديشن هو اثقلهم بقولكم كيف تستخدمونه الصباح : تغسلين وجهك وماترطبينه بس على طول حطي الواقي لأنه بيرطب .. بعدين خذي من الفاونديشن هذا وحطي نقط على الأماكن اللي محتاجه تغطيه مثلاً حول انفك فيه حمار حطي نقط بهالمكان ، على خدودك او ذقنك فيه اثار حبوب مثلاً حطي نقط بس نقط صغيره مو مثل لما بتروحين عزيمه ههههههههههههه :$ .. لما تخلصين منقطه بتحسين انك معنقزه بس معليش :$ ابدي ادمجي النقط مع باقي المناطق يعني وزعيه بشكل ناعم بحيث يندمج مع لون بشرتك ويغطي الأماكن اللي تبين ولايطلق مترقع :$ يارب فهمتو هالطريقه عاد
كذا خلصنا من فاونديشنات الدرق ستور ولو بتقولون لي ناخذ اي واحد بورجوا او ريفلون بقول بورجوا انسب للصباح واخف  .. نجي للهاي إند :
مو شيء جديد حاطه بيبي كريم ديور ، تكلمت عنه كثير عشان كذا بأكتفي بقولي انه مناسب للصباح لأنه يعطي تغطيه + حمايه من الشمس 50 + نضاره بنفس الوقت ..
أما الفاونديشن الثاني شانيل فيتالوميير أكوا .. جمييييل هالفاونديشن ومستحيل احد يشتريه ولايحبه ♥♥♥ بينفعك بطلعاتك وعزايمك وبالجامعه بعد لأنه مره خفيف وحلو على البشره بس بنفس الوقت يعطي تغطيه كافيه ورائعه ولوك ديوي !!
بما إننا خلصنا من الفاونديشنز الحين بذكر نقطة الحمايه من الشمس .. البنات المستجدات لاتستهينون بالحماية من الشمس لو تركتوه بتندمر بشرتكم حرام : ( عشان كذا حافظو عليها واشترو واقي شمس .. الواقي اللي جربته هو فيتشي ♥♥♥ يهبل خفيييف مو مثل الواقيات الباقيه تكتم وثقيله .. مع انه بشرتي جافه بس مستحيل اخذ واقي فيه نسبة ترطيب ما احبهم أبداً !! فأجيب واقي خفيف للبشرات الدهنيه واحط معاه نتفه من المرطب تبعي ويمشي تمام ..
واقي شمس ثاني ماجربته بس سألت لكم وحده جميله بشرتها دهنيه وكانت تمدحه .. من بايوديرما اسمه فوتوديرما ..

يعني الحين انتي راح تصحين الصباح وتغسلين وجهك الجميل بعدين تحطين واقي الشمس تبعك وتستنين شوي وتحطين الفاونديشن ..
ماجبت سيرة التينتد موسترايزر لأن للحين مافيه شيء عجبني مره .. بس للي يحبون الخفيييف جداً ممكن ياخذون من الفاونديشن نقطه ومن المرطب تبعهم نقطه ويخلطونه ويحطونه مره حلوه هالطريييقه اذكر كنت اسويها مع فاونديشن بورجوا واحب النتيجه تخلي الوجه صحي ولا كأنك حاطه شيء بس بشرتك زانت ♥!
ننتقل للباودر .. شخصياً ما احط باودر بس فيه بنات يحبون يحطون واكثر شيء اللي بشرتهم دهنيه عشان كذا بذكر نوعين باودر خفيييفه وتناسب الصباح ماراح تخلي وجهك مغبر ان شاء الله



اللي هي باودر ماك منيرال سكين فينيش .. وبالمقابل باودر ارخص منها مايبلين دريم مات باودر .. السعر اللي حطيته لمايبلين مو متأكده منه بس بهالحدود :$

خلصنا من الفاونديشنز والباودر وان شاء الله كذا كل الأطراف راضيه :$
نجي للعيون :



أغلبهم من الدرق ستور لأنهم كلهم حلوووين .. أول شيء قلم حواجب من مايبلين او ريميل كلهم حلوين ، كحل مايبلين الجل جمييييل ثابت وأسود سواء رسمتي فيه فوق أو تكحلتي من جوا اضمن لك ماراح يسيح ويحوسك ! وحطيت لكم كحل سايل للي يحبون السايل من ريميل ثابت وأسود بس فيه كحل احلى منه من مكياجي ! سواده وثباته ♥♥♥  بس مالقيت صورته ..
ماسكرا بورجوا فوليومايزر زي ماحكيت لكم فيها فرشتين وحده تطول و وحده تكثف بالصباح استخدم وحده منهم مو كلهم .. عشان ماتطلع أوفر
أحب هالماسكرا لأنها ماتخلي الرموش ناشفه والا يابسه أكره شيء عندي <_<
وطبعاً عاكف الرموش ..
يبقى كونسيلر قارنيير الخفيييف الجميل ، ماراح يعطي تغطيه زينه زي الكونسيلرات الباقيه مثل بوبي براون أو ماك .. بس بينور المنطقه وبيخفف من الهالات بشكل معقول ومناسب للصباح وقوامه حلو يرطب ..
وآخر شيء لون نحطه على مدمع العين عشان يفتح العين ويعطي الوجه قلو ♥♥♥
عندك خيارين يا تاخذين من ماك "كريم كولور بيس .. لون بيرل " أو خيار ثاني من الدرق ستور تاخذين آي شادو من نيكس  .. وبحط لكم الوان من نيكس تناسب تحطينها على مدمع العين :
Cream cheese
Dust
Salmon
Vanilla sky
Highlight

أوكي خلصنا من العيون .. نجي للشفايف + الخدود



أنا انسانه ماحب احط روج بالجامعه ولا قلوس .. نادر احط قلوس الا اذا كان من النوع الخفيف مايدبق ، احب الأشياء اللي تجي ترطيب ولون مثل جيفنشي اللي حكيت لكم عنه في البوست السابق وحطيت لكم اشياء نفس اللي احبها
نبدا بالدرق ستور .. طبعاً اووول شيء بتاخذينه لشفايفك للجامعه هو ريفلون ليب بترز !! اللي هي تجي مرطب + روج + قلوس ، مره مناسبه للصباح وماشفت لها بديل بالهاي اند صراحه ،
الخيار الثاني بالدرق ستور هو " ميبلين بيبي ليبس " اتوقع لسى مانزل عندنا ، انا طلبته من امازون هو مره رخيص نفس اسعار مرطبات الشفايف بس بما اني مهووسه بمرطبات الشفايف الملونه قلت لازم اجربه ، أعجبني مره ترطيبه ولونه بينك ناعم بس مايطول مره على الشفايف لكن علبته تشفع له سريعه تحطين كل شوي عادي !
نجي للهاي إند :
كل هالثلاثه ينفعون للشفايف وينفعون بلاشر .. يعني 2 بواحد
أول شيء جيفنشي قلت لكم عنه  بيعطيك لمعه قلوس حلوووه ، بوبي براون ميزته الوانه اكثر من جيفنشي اللي هو لونين بس بينك ومشمشي .. بوبي براون ماراح يعطيك لمعه زي لمعة جيفنشي كأنك حاطه قلوس بس انه مره جميل
أما ماك مافييه لمعه بس انه مو ناشف بنفس الوقت يعني متوازن أحسه ، ثباته مو ذاك الزود بس برضو حلو انه فيه منه الوان متعدده وانه تستخدمينه كبلشر يعني وانتي مستعجله كلهم بينفعووونك !
الشيء اللي ماحبيته بهالثلاث كلهم هو علبتهم .. تاخذين المنتج بإصبعك !! بس نتيجة جيفنشي مخليتني اشفع له بعلبته
حبيت علبة الريفلون ليب بترز كأنه روج سهل وريميل بعد ..

أمممم كذا يبقى اقولكم عن البلشرات .. عندك خيارين اذا تبين شيء رخيص لاتاخذين الا من نيكس لاتروحين بورجوا ولا ماكس فاكتور .. نيكس افضل بلشرات بالدرق ستور والوان البلشرات مو مررره كثيره وتحوس فـ روحو وخذو اللي يناسبكم ..
الخيار الثاني طبعاً ماك ..أحب استخدم بلشر كريمي بالصباح عشان كذا بحط لكم الوان بلشرات من ماك كريميه وللصباح :

So Sweet > لونه جميل باربي بينك كذا
Something Special > للي يحبون المشمشي
Tea Petal > هاللوان واااااو بس لو شفتوه بالمحل بالعلبه لاتخافون ! لونه بالعلبه غامق بس على  الخدود جمييييل
Brit Wit < هذا لازم تاخذونه أووول واحد ياجماله بس .. يعطي وجهك قلو واللي يشوفك يحتار وش حاطه مايبين انك حاطه بلشر ينادي !!
Ladyblush < مشمشي بس لونه ادفى واهدى من اللي قبل " سوم ثينق سبيشال "
Posey  < بينك جمييييل اغمق من أول واحد ..

خلصنااااا ♥♥♥ يبقى الأسعار واماكن الشراء ( بنات اعذروني الأسعار تقريبيه مو بالضبط لأني ناسيه )

بورجوا هيلثي ميكس 70 تقريباً ( سنتر بوينت )
ريفلون كولور ستايل 80 تقريباً ( سنتر بوينت )
ديور سنو بيبي كريم 250 ريال ( وجوه )
شانيل فيتالوميير أكوا 250 ( وجوه .. سيفورا )
قارنيير كونسيلر 30 ( صيدلية بوتس .. الهايبر ماركت )
ماسكرا بورجوا فوليومايزر 60 ( سنتر بوينت )
كحل مايبلين السايل 25 ( سنتر بوينت .. صيدلية بوتس )
كحل مايبلين الجل 50 ( سنتر بوينت .. صيدلية بوتس )
قلم حواجب ريميل ومايبلين مو أكثر من 40 ( سنتر بوينت .. صيدلية بوتس )
آي شادون يكس 35 ( سنتر بوينت )
ماك كريم كولور بيس 80 ( ماك )
جيفنشي للشفايف والخدود 150 ( وجوه )
بوبي براون للشفايف والخدود 150 ( هارفي نيكلز )
ماك للشفايف والخدود 70 ( ماك )
ريفلون ليب بتر 50 ( سنتر بوينت )
مايبلين بيبي ليبس 25 ( أمازون )
باودر ماك مينيرال سكين فينيش 130 ( ماك )
باودر مايبلين ستاي مات 60 ( سنتر بوينت .. صيدلية بوتس )
بلشرات ماك 90 أو 80 ( ماك )

هالبوست مو شرط لميك اب الصباح .. كثير اشياء منه استخدمها للطلعات والعزايم يعني اللي يحبون الشيء الناعم الخفيف بيستفيدون منه ان شاء الله

كذا نكون خلصنا كل شيء يخص الميك اب ♥_♥  لسى باقي بارتات تخص تجهيز الجامعه انتظروها بكرا ان شاء الله :$

مع السلامه .. أشوفكم على خير :$
أحبكم

ميك اب الصباح السريع سويه وانتي نايمه ! :D


















السلام عليكم ورحمة الله وبركاته
اشتقت للتدوييين ولتفاعلكم وكومينتاتكم ❤❤❤ اعتذر عن تأخري ماكان بيدي ، طبعاً الكل الحين جالس يسوي عن ميك اب الجامعه وكثير طلبوا مني اسوي بوست عنه وتجهيزاتها عموماً ، وبما اني تأخرت فبيكون كل يوم بارت عشان يمدي نخلص البارتات قبل الرجعه للجامعه :$
اليوم البارت الأول بيكون عن الميك اب السريييع اللي تسوينه وانتي نايمه ههههههههههههه والا حتى بالسياره مافيه اي مشكله :$ بما اننا نعاني من ضيق الوقت الصباح واغلب الأحيان مالنا خلق ومانمنا كويس عشان كذا حبيت يكون اول بارت عن الميك اب السريع ومع انه سريع بس نتيجته ولا اجمل ومرتب جداً ويناسب الموظفات والطالبات الجامعيات  
اخترت لكم منتجات احبها وخلصتها بسرعه وماندمت على شرائها وافكر اشتريها مره ثانيه .. ميزتها انه يكون منتج واحد بس يأدي لك اكثر من شيء والأهم كلها صباحيه وناعمه

نتخيل انك صحيتي وغسلتي وجهك وفرشتي اسنانك < آه الله يعين L
بعد ماتغسلين وجهك بالغسول اللي مرتاحه عليه .. رطبي وجهك بمرطب خفييف لأنك بتروحين لحر مانبي يكون فيه طبقه على وجهك ، أنا استخدم اولاي الوردي مره خفيف وترطيبه كويس .. بعد كذا تستخدمين البيبي كريم ، أوكي ادري ازعجتكم في البيبي كريم تبع ديور  بس جد يستاهل الإزعاج :$ ليه احبه ؟ لأنه تغطيته بالنسبه للبيبي كريمز الباقيه جيده جداً ويعطي الوجه نضاره ومنظر حلو للبشره وأحسن من البيبي كريم الكوري بمراااحل ، الشيء اللي مره احبه فيه خصوصاً للصباح انه فيه حماية من الشمس 50 ! يعني مايحتاج تحطين واقي بعدين تحطين الفاونديشن وتصير بشرتك طبقات .. عشان كذا اخترت احطه بالميك اب السريع لأنه يعطي شيئين وقايه وتغطيه بخطوه وحده ! ( ديور سنو بيبي كريم "الأبيض" سعره 250 في وجوه )

بعد كذا استخدمي كونسيلر قارنيير الرول ، مناسب للصباح مره خفيف وجميل ولما تحطينه ماكأنك حاطه كونسيلر بس يخفف من الهالات واحسن من لا شيء ولونه على اصفر ماراح يخلي هالاتك رماديه ! بالعكس بينور المنطقه ومايبين انك حاطه شيء  .. وهذا هو سويت سواتش له اول واحد من اليسار .. ( سعره معقول يمكن 25 أو حولها :$ في بوتس والهايبر ماركت )






الخطوه اللي بعدها هي ترتيب الحواجب ، طبعاً مايحتاج اقول ان الحواجب اهم شيء في الوجه لما تترتب يتغير الوجه ويحلى .. بالصباح اعتمدي الحواجب الطبيعيه واسرع شيء القلم ، قلم حواجب مايبلين حلو وفيه فرشه للحاجب ! لما تجين ترسمين حواجبك لاتضغطين على القلم بقوه كأنك تكتبين ، ارسمي بشكل خفيييف وعبي الفراغات بعدين مشطيه عشان يندمج اللون وتبين الحواجب مرتبه وطبيعيه .. ( قلم حواجب ريميل او مايبلين اسعارهم ماتتعدا اربعين في سنتر بوينت )

بعد كذا يجي دور الكحل بتقولون ليه اخترت الكحل الجل مو سريع مثل القلم او السايل .. اخترته لأنه ثابت لما تتكحلين فيه جوا العين مايسيح ولاينزل تحت وسواده حلو !! وبالصباح تكحلي جوا العين وعلى خط رموشك السفلي ومن فوق ارسمي خط نحيييف بدون كسره ولا شيء عشان يعطي العين منظر جميل :$ ( سعره بالستينات في سنتر بوينت ويجي معاه فرشاته )

اعكفي رموشك بعاكف الرموش وحطي الماسكرا، هالطريقه تاخذ ثواني منك بس رائعه بتفتح لك العين وبتطلع الماسكرا احلى بكثير .. الماسكرا اللي احبها هي بورجوا فوليومايزر اللي هي تجي فرشتين وحده تطول و وحده تكثف ، طبعاً بالصباح عشان مايكون اوفر اختار فرشه وحده وكل وحده حسب احتياجها تكثيف او تطويل ! :$ ( سعرها مو فوق السبعين موجوده في وجوه وسنتر بوينت )

يبقى شيئين بسيطين سريعين .. تجيبين الـ mac cream color base  او أي آي شادو لونه ذهبي هادي او فضي هادي وحطيه على مدمع العين ، جميله هالحركه ولاراح تاخذ منك شيء بس بتخليك مشعّه ودميله وماراح يبان انك مرهقه او تعبانه :$ طبعاً في البارت الجاي بحط خيارات كثير عشان تستخدمونها لمدمع العين ان شاء الله وبتكون من الدرق ستور
وهذا ريفيو مسويته عن ماك كريم كولور بيس

وآخر شيء استخدمي منتج جيفنشي اللي لونه ازرق بالصوره .. أحبببه كثير وللأسف انه مخلص وراميه علبته والا كان سويت لكم سواتش L جد انصح فيه مره مناسب للصباح يعطي شفايفك لون بينك ناااعم وامتلاء بسيط مع لمعه وترطيب ولا احلى منه واستخدميه على خدودك لأنك مستعجله بس بالطبطبه تحطينه مو تفركينه ! هو يلزق شوي بالنسبه للخدود مو مثل البلش الكريمي بس بالأيام المستعجله بيفك ازمه ويمكن البعض يحبه لأنه فيه لمعه حلوه مو قليتر يخلي ميك ابك ديوي جميل
( سعره 150 بوجوه )
وكذا تكونين خلصتي وطلعتي بحاجه ناعمه وجميله وسريعه :$   " بشره نضره + حواجب مرتبه + عيون كحيله ورموش جميله + شفايف ورديه ناعمه وخدود ورديه " < كيوت ❤❤❤

يمكن وانتو تقرون تحسون اشياء كثيره بس رتبوها في بالكم بتشوفون انها بسرعه ماراح تاخذ وقت ابداً ..
أشوفكم في البارت الجاي ان شاء الله بحكي فيه عن كل الخيارات الموجوده لميك اب الجامعه من ماركات هاي اند وماركات سنتر بوينت عشان الكل يستفيد ان شاء الله

مع السلامه .. أشوفكم على خير وادعو انه تنفك عقده الأجهزه اللي كل شوي تخرب :( ههههههههههههههههه
أحبكم

بشره تلق قبل العيد/مناسبه ؟




السلام عليكم ورحمة الله وبركاته

كل عام وانتو بخير متابعاتي الجميلات .. العيد جاء وكلنا نبي بشرتنا تكون بأجمل حال :$
بشارككم روتيني قبل المناسبات عشان بشرتي تلق :$ طبعاً لازم تسوونه قبل العيد بيوم او يومين يعني اليوم سووه عشان البشره ترتاح قبل المناسبه ! ، بالصوره الأشياء اللي راح نحتاجها :
1 – سكرب .. حطيت بالصوره اللي استخدمه حالياً من سوب اند قلوري هو مو سكرب بس منظف عميق يعني كلهم ينفعون
2 – تونر ، أي تونر انتي تستخدمينه
3 - موية ورد فبخاخ تكونين حاطتها بالفريزر عشان تكون بارده
4 -  ماسك ! اذا عندك ماسك جاهز مرتاحه معاه أو تسوين مثل طريقتي : زبادي + شوفان + عسل او موية ورد
5 – السيروم تبعك واذا ماعندك مو ضروري حطي الكريم على طول
6 – كريم الليل أو أي كريم مرطب عميق
7 – مرطب شفايف
 وقبل لا ادخل بالطريقه شوفو هالشيء


هذا جهاز بخار للوجه (من ساكو) .. اللي ماعندها عادي تقدر تجيب قدر وتحط فيه مويه مغليه وتسمّي بالله وتحط فوطه حوالين راسها بحيث البخار يجي على وجهها مايطير بالهوا ، بس انتبهو مو تقربون مره من القدر ..
 حطو المنبه على خمس دقايق وتعرضو للبخار
بعد خمس دقايق بتطلعين وجهك بيكون مندّي فيه مويه شوي من البخار ، على طول جيبي السكرب تبعك وحطيه قبل ينشف وجهك وافركي (برقّه) لمدة دقيقه وركزي على الأنف والذقن وحطي منه شوي على شفايفك  ..
بعد الدقيقه غسلي وجهك بمويه دافيه ونشفيه وامسحيه بالتونر , لما تمتص البشره التونر حطي الماسك وخليه 10 دقايق
بعد كذا شيلي الماسك وجيبي قطنه وحطي عليها موية ورد وامسحي وجهك عشان ينظف عقب الماسك ، بعدين بخي عليه كثييير من موية الورد عشان يريح ويبرد ..
اذا نشف وجهك من موية الورد حطي السيروم وبعده الكريم أو الكريم على طول + مرطب الشفايف ولاتنسين مرطب العيون
افضل اسوي هالطريقه قبل النوم عشان البشره ترتاح وقت النوم
وبس هذي طريقتي دائماً وابداً قبل أي مناسبه وبشرتي بعدها ولا احلى نظيفه وتلق :$ وحتى لو مافيه مناسبه احاول اسويها كل شهر او شهر ونص : )

عيدكم مبارك وينعاد عليكم بالصحه والسعاده .. مع السلامه اشوفكم على خير بعد العيد :$

Love you all <3

كيف ترسمين الآي لاينر ؟

السلام عليكم ورحمة الله وبركاته

هذا هو درس الآي لاينر واخيراُ .. حاولت ابسطه واختصره قد ما اقدر ، خلونا نبدأ بسم الله :

1 - اول شيء سمّي وارفعي حاجبك زيا لصوره الأولى عشان تشوفين خط الرموش زين وترسمين عليه  .. بالبدايه ارسمي خط صغير زي ماتشوفون
2 – بعد كذا كملي الخط وارسميه كامل ، بهالطريقه ارتب واسهل من انك ترسمينه مره وحده ..
3 – هنا جيبي الفرشاه وارسمي خط بجنب نهاية الرموش ، بس خط ! بسيطه صدقوني :$
4 – والحين اشبكي الخط من فوق مع باقي الرسمه اللي فوق عيونك ،، زي ماهو واضح بالصوره بس اشبكيه من فوق

5 – هنا عبينا اللي بين الخطين .. وخلااااص !!!
6 – اللوك النهائي بعد ماعبيناه :$ سهل صدقوني بس سويه شوي شوي وركزي لين تفهمين له وتبدين تغيرين فيه ، طبعاً زي ماشفتو الاي لاينر عريض من النهايه بس البدايه نحيييف ، لاتعرضونه من البدايه يكون شكله غلط :$

" الآي لاينر اللي استخدمته مايبلين مع الفرشاه تبعه "
وبس هذا هو الدرس اتمنى يكون سهل عليك ومفهوووم وشكراً للموديل الجميله ومعليش شخمطت عيونك بس عاكسه صورتي :$ ههههههههههههههههههههههه ..

مع السلامه ، اشوفكم على خير :$

Part 4 : اساسيات الآي شادو !

السلام عليكم ورحمة الله وبركاته
اليوم البوست ان شاء الله بيكون عن أساسيات الاي شادو.. ودرس رسم الآي لاينر بيكون البوست الجاي ان شاء الله عشان اعطيه حقه وماتتشتتون :$ .. ما اخفي عليكم قبل ما اعترف بالاي شادو وماحبه احسه تو متش ومايحتاج فكنت احط كحل وماسكرا وخلاص ، بس بعدين قررت ابدا احطه بالمناسبات الكبيره ، وشفت الفرق الواضح !! غلط فكرة ان الاي شادو دهره ومادري ايش ، بالعكس لما تستخدم الوان طبيعيه يغير اللوك تماماً ويخليك عيونك تضوي .. والحين بقولكم كيف تبدون رحلتكم مع الاي شادو الجميل
 روقو معاي :$ ببدا على طول
أول شيء الاي شادو ، الالوان الأساسيه لأي لوك عيون بتكون  نفس ماتشوفون بالصوره
1 - لون فاتح البيج واللحمي والألوان الطبيعيه هذي
2 – لون غامق
3 – هاي لايت
وشيء مهم معاهم .. البرايمر ، يوضح اللون ويخليه يطول على عيونك مايروح بسرعه

لو انتي ماعندك من قبل اي شادو او كل هالألوان .. تقدرين تشترين علبه وحاطين لك فيها الألوان الأساسيه عشان تسوين لوك كامل مثل ريفلون



أو تو فيسد تلاقونها بسيفورا



أو تنقينها لحالها من ماك او من انقلوت .. وانتي براحتك تاخذينها مات أو بقليتر خفيف

 
في هاللوك اللي طبّقته استخدمت الألوان الأساسيه واللي تناسب كل طلّه وكل الوان لبس ..  لون بيج وداخل فيه قليتر ذهبي دافي اللي هو من ماك All that glitter  ، ولون بني غامق مات من ماك Embark  واستخدمت Naked lunch  ك هايلايت لزاوية العين الداخليه ..
قبل ماندخل بالدرس بتكلم عن الفرش الأساسيه لميك اب العيون ! انتي بتحتاجين 3 فرش اساسيه ،
1 فرشه عشان تحطين فيها الآي شادو على الجفن .. وعلى حسب احتياجك ورغبتك تبينها كبيره او صغيره وهذي صوره لهالنوع من الفرش ..
2 فرشة الدمج ، واهميتها بالضبط نفس اهمية الفرشاه اللي بتحطين فيها الاي شادو ، ويمكن اهم برضو ! فرشاة الاي شادو ممكن تستغنين عنها وتستخدمين الاسفنجه اللي تجي مع بعض الاي شادو او الفرش الصغيره اللي تجي مع الاي شادو .. بس فرشاة الدمج ماتستغنين عنها لانها تدمج الألوان بحيث مايكون الاي شادوك انه مبقع !
باللوك اللي سويت درس عليه .. حطيت اللون الغامق على كسرة العين " شوفو هذي الصوره وضحت ايش كسرة العين اللي هي عليها الفرشه تبع الدمج وبالأحمر وضحت لكم كيف تحركون الفرشه وتدمجون يعني حاولو تحركون الفرشه بهذي الحركه "



3 فرشة مشطوفه للكحل وممكن تستخدمينها لرسم الحواجب برضو

طيب ايش اللوكات الأساسيه لميك اب العيون ؟
عندك لوكّين .. يا أما تحطين لون فاتح طبيعي على جفنك واذا خلصتي تجيبين فرشاة الدمج وتدمجينه بحيث مايكون دائره فوق عينك وبس فهمتو :$ ؟ وبعدين ترسمين الكحل ، أو تجيبين ظل اسود وبالفرشاه المشطوفه ترسمين بالظل الأسود على خط رموشك العلوي وتحطين الماسكرا وخلاص انتي جاهزه كذا
أو تسوين اللوك الثاني اللي انا مسويه له درس .. نشوف الصوره ونبدا بسم الله


1 - أول شيء حطيت ماك كريم كولور بيس .. كبرايمر عشان يوضح لون الشادو ويثبته زي ماقلت بعدين حطيت اللون الفاتح على الجفن المتحرك زي ماتشوفون .. اللون هو All that glitters

2 - بعد كذا جبت اللون البني الغامق ، (اللي بنسويه الحين اسمه كونتور) .. يعني تحديد
نجيب اللون الغامق ونحطه على كسرة العين

3 هنا جبت فرشاة الدمج ، وبحركه دائريه دمجته وصار اجمل
ومن بعد هالخطوه .. عندك خيارين يا ترسمين عينك بالكحل من فوق ، او تستبدلين الكحل بالآي شادو الأسود لو حبيتي يكون انعم وتحطين الماسكرا وخلاص :$

 وهنا صورة للأغراض اللي استخدمتها " حاطه الكحل على اساس بحط الدرسين مع بعض بس قررت افصلهم "

mac eyeshadow in all that glitter
mac eyeshadow in embark
mac eyeshadow in Naked lunch يستخدم كهايلايت لزاوية العين

وهذا سواتش للألوان

والفرش من سيقما وهذي ارقامهم :
E40 اللي هي تبع الدمج
E55 اللي حطيت فيها الاي شادو

فيه اغراض بالصوره صورتهم على اساس بسوي لوك كامل بس زي ماقلت لكم حطيته قسمين :$

خلّص الدرس .. يارب يكون مفهوم وسهل عليكم وتكونو استفدتو ، شكراً لكم
اشوفكم على خير
مع السلامه : ) Love you all
© BeautyDeRosee. Design by MangoBlogs.