REVIEW : rimmel lasting finish lip liner in black tulip

السلام عليكم ورحمة الله وبركاته


البوست اليوم بيكون عبارة عن ريفيو لمنتج حبيته جداً

هو عن محدد شفايف من ريميل أو خلينا نسميه قلم شفايف .. حالياً بديت احب اقلام الشفايف واجمعها (طبعاً احطها على شفايفي نفس الروج اعبيها كلها مو احددها وبس :$) لاحظت انهم مره ثابتين والاقي الوان جميلة وغريبه مانلاقيها بالأرواج !! فصار هوس جديد عندي
غير انهم ثابتين ، احب استخدمهم بيس لمرطبات الشفايف الملونه اللي عندي (مثل الريفلون ليب بترز)  أو تحت القلوسات أو حتى الأرواج ، برضو احبهم زي ماهم لحالهم تكون الشفايف مطفيه ويجلس اللون لوقت طويل ♡♡♡♡

قلم ريميل هذا اساساً مصمم على انه يكون ثابت ويطول على الشفايف وأسمه :  Lasting Finish 1000 Kisses Lip Liner
اللون اللي اخذته واغرمت فيه اسمه black tulip  63 اللون غريب معرف كيف اوصفه ، حتى بالتصوير مظلوم ومتغير لونه بس شوفو هذا الفيديو استخدمته على الموديل في الدقيقه 7 تقريباً :
وهنا صورة وهي تحطه لها :



حبيت هالقلم لأنه اولاً مايقطّع يعني يمشي معاك  وناعم مع انه ماتّ ،
واللون جداً جميل خصوصاً للشتاء الحين احسه مناسب واقدر اغمقه لو حبيت او احطه بشكل خفيف للصباح واحط فوقه مرطب شفايف
الثبات فعلاً ثابت زي ماقلت وهذا اكثر شيء حبيته .. وسعره 35 !! ♡__♡




هنا سواتش له من اليمين اللون وانا مغمقته .. اللي جنبه مخففته
وآخر سواتشين هم للقلم نفسه استخدمته كـ بيس تحت الريفلون ليب بترز .. اول شيء مع اللون pink truffle والآخير مع اللون suger plum

بالنسبة للصور في الأول اكيد مستغربين فيها روج ماك وقلوس ، بس صورت على اساس بتكون فكرة بوست ثاني وفي النهاية قررت أخليه ريفيو لقلم الشفايف بس ♡
وبس خلص الريفيو ان شاء الله يكون اعجبكم واستفدتو ♡
بقولكم اني راح اتوقف عن التدوين الأسبوع الجاي ان شاء الله لظروف خاصة .. يعني بعد الأسبوع الجاي راح ارجع واجيب لكم معاي بوستات حماس بإذن الله (وعد) :$

يالله اشوفكم على خير ياجميلات ، احبكم ♡
مع السلامة : )


londonize me !

السلام عليكم ورحمة الله وبركاته

اليوم بقولكم عن ويب سايت أو اون لاين شوب جديد اسمه londonize me
فكرة الموقع هذا انهم يجيبون قطع من لندن غريبه وجريئه ويتعاملون مع مصممين هناك وكل القطع ماتلاقونها في الشرق الأوسط الا في الموقع تبعهم ..
هو مقرّه في دبي ولسى مفتتحينه قبل فتره قصيره ، الشيء الحلو فيه انك تقدرين تدفعين كاش عند التسليم !

وهذا الموقع
http://londonize.me/

الموقع مره مرتب تحسينه نفس اسوس ودلع وهو اساساً عربي يعني شيء يفرح نشوف شغل كذا
ولما تسوون سبسكرايب لهم يجيكم على الأيميل القطع الجديده اللي تنزل في الموقع + يعطون افكار عن الستايل ويشاركونكم التريندز الحاليه
صحيح القطع جريئه بس فيه حاجات حلوه وكل فتره بينزلون اشياء جديده ..

هم سوو فاشن شو في برج خليفه عشان يروجون للموقع الجديد وهذي صور من الفاشن شو :





















وهذي صور لبعض القطع في الموقع : وفيه قطع احلى























حساباتهم في التويتر والفيس بوك :



وبس :$
اشوفكم على خير ياجميلات .. مع السلامه ♡

سويه بنفسك : بيبي كريم !

السلام عليكم ورحمة الله وبركاته
اليوم البوست مره حماس بقولكم كيف تسوون البيبي كريم في البيت !! ويمكن احسن من اللي بالسوق برضو :$
الحين الماركات كلها نزلت بيبي كريم وكل واحد مختلف عن الثاني ومتميز بشيء ، مثلاً بيبي كريم ديور ميزته فيه حماية عاليه ويعطي نضاره بينما سماش بوكس يتميز بتغطيته الصافيه والناعمه وعندنا قارنييه يتميز بأنه يعطي شكل ديوي لما تحطينه ..
طيب وش بيصير لو حاولنا نجمع هالمميزات كلها في منتج واحد احنا نسويه على مزاجنا ؟
مره كنت اجاوب في الآسك وفيه اسأله كثير كثير عن البيبي كريم .. فجأه طنت براسي اسوي بيبي كريم بنفسي واجرب واسوي بوست عنه !! وجمعت براسي كم منتج بأستخدمهم لهالشيء وسويت سيرتش ولقيت كوريات واجنبيات مسوين بيبي كريم بنفسهم ولقيتهم حاطين نفس الأشياء اللي فكرت فيها فتطمنت ههههههههههه :$
طيب خلينا نبدأ .. البيبي كريم اللي ابي اوصل له : تغطية خفيفه ومعقوله + حماية عاليه + نضاره وصحة للبشره + ديوي فينيش ..
ايش بنحتاج ؟
1 – كريم اولاي لتفتيح البشرة الطبيعي "اللي معروف انه بالتوت البري وهذي العلبة الجديده منه" ليه اخترت هالكريم ؟ لأنه لما تستخدمينه لحاله تلاحظين يعطي بشرتك نضاره وشكل جميييل ويفتحها حبه وهذا اللي اغلب البيبي كريمز تسويه .. فحسيت بيعطيني نتيجة حلوه
2 – سبراي فيكس بلس من ماك أو اي سبراي مثبت للميك اب سواء من ميك اب فور ايفر او سيفورا ، بيساعد البيبي كريم انه يثبت وقت اطول " يمكن الاستغناء عنه لو ماعندك"
3 – ستروب كريم من ماك .. أو اي هاي لايت سايل وهذي صورة لكم هاي لايتر سائل معروف ( هالخطوه مهمه عشان نحصل على بيبي كريم فيه ديوي فينيش ) ديوي فينيش = لمعة صحية بالوجه

4 – فاونديشن ..
5 – واقي شمس ويفضل يكون حمايته عاليه
6 – اي سيروم عنايه للبشره عشان يكون البيبي كريم ناعم وفيه مكونات مفيده ولو ماعندك استبدليه ببرايمر

كذا نكون جاهزين ونبدأ نسوي البيبي كريم :$

نأخذ علبه فاضيه طبعاً ونسويه فيها وهذي العلبه اللي استخدمتها لكريم نمبر سفن ..

1-      نحط واقي الشمس طبعاً الكميه على حسب اللي تشوفينه انتي يعني انا سويت لي شويه ممكن يكفيني ثلاث ايام تقريباً



2-      نحط السيروم شوية مره مانكثر ونخلطه بواسطة عود اذان مع الواقي






3-      نحط الستروب كريم ولو تبين يكون البيبي كريم مره ديوي كثري منه شوي ، انا ماكنت ابيه ديوي بزيادة فحطيت شوي



4-      وآخر كريم بيكون اولاي ونخلطهم كويس




5-      الحين وقت الفاونديشن .. لو حابه تغطية عاليه خلي الفاونديشن بمقدار متساوي مع الكريمات اللي خلطناها ، انا هنا ماكثرت فاونديشن وكل وحده تزود وتنقص حسب حاجتها




6-      نحط بخه وحده من الفيكس بلس ، لو مكثره المقدار خليها بختين بس و نخلطهم للمره الأخيره وبكذا يكون البيبي كريم جاهز




 وهنا نشوف النتيجة على يد البنوته القميله ( اليد اليمين عليها البيبي كريم واليسار بدون شيء )



فيه بنات يحبون التان أو حتى يكونون سمرات فيعتمدون منتجات البرونز كل الوقت ، فممكن تحطين برونزر سايل كآخر خطوه ويصير معاك بيبي كريم برونزي أنا هنا حطيت جيل برونز من اوريفليم ما استخدمته من قبل  فما اقدر اقول رأيي – سارقته من امي :$- بس اعطاني نتيجة رايقه وهذا شكله على اليد "باليسار"



ممكن تستخدمون منتج من بينفيت بدال اوريفليم اللي هو  سن بيم :



بيصير معاكم بيبي كريم بسحنة برونزيه ♡_♡

رأيي في البيبي كريم اللي سويته :
جربته على وجهي مره جميل اعطاني نتيجة بيرفكت نضاره وتغطية ناعمه ولا بين اني حاطه شيء بس صارت بشرتي احسن بكثيييير ، حطيته على خد واحد وحسيت بفرق واضح
زي ماقلت لكم انتو تحطون المقدار مثل ماتحبون يعني تكثرون فاونديشن او تقللون حسب الرغبه
حطو في بالكم اننا استخدمنا 3 كريمات " واقي وستروب كريم وكريم اولاي " فـ لو حطيتو فاونديشن شوي ماراح يجيب فايده لأن الكريمات بتبلعه وتخففه مره .. يعني خليكم كريمين شوية :$
وبس كذا اكون خلصت البوست ان شاء الله يكون مفيد واي احد يجربه يقول لي وش رأيه :$ خن نسميه بيبي كريم ندى :$ ههههههههههههههههه
اشوفكم على خير ياجميلات مع السلامه اي لوف يو

Winter fashion trends & must haves !!

السلام عليكم ورحمة الله وبركاته
بما انه الشتاء على الأبواب وبدأت تتضح معالم التريندز لهالموسم الجميل
فحبيت اسوي هذا البوست لـ عشر تريندز للشتاء انا حابتها ومتحمسه لها ، اكثر القطع لابستها اوليفيا وهي اكثر فاشونيستا احبها وتبهرني بكمية الذوق اللي عندها + تلبس التريندز اول بأول ! يلا خلينا نشوف :$


1 - سويتر باللون الجملي من لما شفت اوليفيا لابستها وانا واقعه في غرامها وهذا اللون موضه للخريف والشتاء عموماً بس احسه اجمل بالسوتيرات..



 2 - تنوره – بنطلون مطبع ، اوليفيا جامعه اكثر من تريند بهاللوك ، الطبعات الشرقيه موضه الحين ولاحظوها بتنورتها + الحزام










3 - الحزامات راجعه بقوه بس يبي لها ذكاء بالتنسيق ، متحمسه ارجع البسها مع تنوره كيوت وكلاسي




4 - لون مسترد يلو ، يعني اصفر نفس لون الخردل مره جميل هاللون لو عرفنا ننسقه صح وهنا حبيت تنسيقها مع الأخضر يجننننن :(  





5 - جاكيت الآرمي أو الحرب زي مايسمونه ، هالنوع من الجاكيت جريء شوي بس اوليفيا عرفت تخليه قيرلي لما حطت معاه سكارف وهاي هيل :$ اعترف اول ماطلع هالتريند ببداية الخريف حسيته عربجي شوي بس الحين عجبني جداً خصوصاً مع سكارف كيوت ومناكير واكسسوريز لطيفه ♡.♡




6 - الجلد ، بالجاكيت او البناطيل الجلد ، حبيت الجاكيتات اللي يكون داخل فيها جلد بدون ماتكون كلها تماماً جلد .. نفس هنا :$


7 - فينتاج جاكيت ، بالضبط نفس ستايل جاكيتات شانيل بس الحين اكثر الماركات طلعت منه .. سابقاً هالستايل كنه نشوفه على الجدات الأجنبيات هههههههههههههه الحمدلله انه صار تريند لأني احب الفينتاج









8 - الفرو ، شيء كلاسي لما يدخل بالملابس



9 - الشوزات اللي مقدمتها معدنيه أو لون مخالف لباقي الشوز .. تريندي وكيوت واليقنت وكل شيء






10 - واخيراً .. الويدج سنيكرز ، اللي هي سنيكرز بس بكعب ويكون جوا مممم بالصور بتفهمون ، جريئه هالقطعه بس حبيتها وان شاء الله بوريكم كيف راح انسقها :$


وخلصنا البوست الحماسي للشتاء .. على فكره  راح يكون فيه لوك بوك أول بأول بالشتاء بإذن الله :$
اشوفكم على خير ياجميلات ، لوف يو
مع السلامه : )
© BeautyDeRosee. Design by MangoBlogs.