مفضلاتي مؤخراً / منتجات ما استغني عنها









السلام عليكم ورحمة الله وبركاته ،
من زماان  ماسويت بوست مفضلات ، هو اكثر نوع احب اقرأه او اشوفه عند غيري لأني من خلاله اجهز الويش ليست ❤
اليوم بسوي مفضلاتي للفتره الأخيره جمعتهم وحطيت اللي فعلاً فعلاً ما استغني عنهم ، نقدر نقول انها مفضلات + منتجات ما استغني عنها .


مفضلات الشعر :

فرشاة تانقل تيزر :

طلبتها من امازون وتلاقونها بمواقع كثيره في النت
اللي شعرها يتعقد بسرعه ماراح تستغني عنها ، شعري عادي لكن احب كيف صرت امشط شعري بسهوله وسلاسة بدون مايسحب شعر يعني لطيف جداً . ذكرتها كثير بالمدونة أتوقع مليتو منها :p

زيت الموروكن اويل :

 للأسف قريت مؤخراً انه منتج إسرائيلي بعد ماصورت وحبيته ههههههههه ، وما افكر ارجع اشتريه لهالسبب مع انه كثير حلو يعطي لمعه ونعومه للشعر+ليونه ، ف بالي بديل له وهو الـ agava oil تلاقونه في سيفورا .

العناية بالبشرة :

ماسك ren glycolactic radiance renewal mask :

احلى ماسك جربته للحين ، واشوف انه افضل من القلام قلو مع اختلافهم ..
هذا الماسك من ماركة ren هي ماركة بريطانية صارت عندنا بالسعودية وأخيراً
منتجاتهم مصنوعة من مواد ومعادن طبيعية ، خاليه من الكيماويات!
ومع انها طبيعيه لكن لاحظت انها جداً فعالة واكثر منتج احبه منهم هو هالماسك واعتبره مست هاف .
هو ماسك بأحماض الفواكه وظيفته انه يجدد بشرتك ويعطيها نضاره وحيويه ، يخفف الخطوط ويوحد اللون لو عندك اثار او كلف (مع الإستمرار يخفف الكلف) .
ينظف بعمق وبسبب احماض الفواكه يقشر بلطف وفعاليه بنفس الوقت .
من أول مره استخدمته حسيت بنضاااره وصفاوة جميله جداً ،
سعره تقريباً 200 وشيء .

مافالا للرموش :

اعرف انه هالمنتج مشهور أساسا بس للي مترددين فيه اقولهم انه فعال واحبه شخصياً ، لكن مايناسب أي شخص وممكن ناس يتحسسون منه ، حسيته طول رموشي بشكل ملحوظ وفتره قصيره لكن لازم نكون حذرين لما نستخدمه عالرموش بحيث مانكثر الكميه ومانقربها مره من العين عشان مانتحسس منه .


عطر لوكستيان الصلب :

 بالكرز الياباني مره حلو وخفيف وبارد احبه يومي واحطه على أماكن النبض ريحته ثابته وجميله اللي تحسين انها ريحتك أصلا مو شيء يصدع راسك ❤ يبدو اني بحب هالنوع من العطور خصوصاً للشنطه بما انه الكل صار معاه شنطة كروس و ماتكفي علبة عطر كامله .
سعره أتذكر مره رخيص حوالي 40 ريال طلبته من نوردستروم واكيد تلاقونه بفروعهم .


مفضلات الميك اب

ما استغني عنهم ابداً واولهم كونسيلر Nars

من احلى اللي جربتهم ، تعرفون اني احب كونسيلر بوبي براون وذكرته كثير هنا لكن نارز غطى عليه
الحلو فيه انه اخف من بوبي براون (ماهو ثقيل ولا خفيف) ، لكنه غني باللون جداً وشوي منه يكفي ، يغطي أي حمار او اثر بسهووله
ولونه جاي على صفار يعني ابداً ماراح يقلب رمادي بالعكس ..
هالماركه للأسف الشديد مو عندنا بس برضو تقدرون تطلبونها من موقع Nordstrom يوصل مباشر للسعودية ويفك ازمه

روج Nars velvet matt باللون DAMNED

اعتبره اجمل روج عندي ومره متحمسه ارجع احطه بالشتاء ، ماراح اشرح لونه أخاف اظلمه! بحط لكم صورته عالشفايف عشان تشوفون وش كثر هو جميييل


الصورة من بلوق http://www.viviannadoesmakeup.com/an-ode-to-the-nars-velvet-matte-lip-pencils-again/

وتقدرين تتحكمين بالكمية وتخلينه اغمق
ولأني احب هالدرجات بالأرواج اللي تكون مايله على توتي ، فيه طريقه ثانيه اسويها لو ما ابي لون حاد
اعبي الشفايف بقلم لحمي بعدين احط شووي مره من هالروج وبيطلع لون جميل وطبيعي


برضو طلبته من Nordstrom


قلم الشفايف من بورجوا ، درجة 18

اللون اللي محد يمل من تجميعه ، البينك اللي فيه نقطة مشمشي!
وهذا من اجمل الأقلام بهاللون لازم تجربونه .

باودر bareminerals original

اللي مثلي ماتحب الباودرز بس ودها تثبت الميك اب بالمناسبات تجرب هالباودر
فيك تستخدمينها لحالها بس ضروري مع الفرشاه الخاصه فيها ، بتعطيك تغطيه مخمليه جميييله بدون مايكون الشكل كيكي (لازم برضو برايمر قبلها في حال حبيتي تستخدمينها لحالها)
او بالمناسبات اللي لازم الميك اب يطول ، تاخذين شويه وتثبتين فيها مره جميله وماراح تقتل الشكل الطبيعي
اما لو تحبين المات فيه نوع ثاني مات بس انا فضلت هذا

موجوده هالبراند بسيفورا السعوديه


آي شادو MAC Naked lunch


لأني احس أي شادوهات ماك باديه تنظلم مع كثرة الباليتز اللي منتشره ، حبيت اذكر لون ما استغني عنه ،
هو اكثر لون من ماك اوصي عليه من قلبي لأي وحده ، بيرفكت وغريب ومنظره عالجفن حلووو جداً
سواء تبينه لـ لوك ناعم راح يضبط او حتى لمناسبه راح يضبط ..
اللي احبه فيه ، انه القليتر مره ناعم ويبين مع الضوء والحركه + اللون مشمي وتان مع لمسة بينك


وبس <3


هذا كل شيء لـ بوست اليوم ، ان شاء الله يكون مفيد وخفيف
اشوفكم على خير ..
BYE



© BeautyDeRosee. Design by MangoBlogs.