مفضلاتي مؤخراً / منتجات ما استغني عنها

Wednesday, October 8, 2014


 






السلام عليكم ورحمة الله وبركاته ،
من زماان  ماسويت بوست مفضلات ، هو اكثر نوع احب اقرأه او اشوفه عند غيري لأني من خلاله اجهز الويش ليست ❤
اليوم بسوي مفضلاتي للفتره الأخيره جمعتهم وحطيت اللي فعلاً فعلاً ما استغني عنهم ، نقدر نقول انها مفضلات + منتجات ما استغني عنها .


مفضلات الشعر :

فرشاة تانقل تيزر :

طلبتها من امازون وتلاقونها بمواقع كثيره في النت
اللي شعرها يتعقد بسرعه ماراح تستغني عنها ، شعري عادي لكن احب كيف صرت امشط شعري بسهوله وسلاسة بدون مايسحب شعر يعني لطيف جداً . ذكرتها كثير بالمدونة أتوقع مليتو منها :p

زيت الموروكن اويل :

 للأسف قريت مؤخراً انه منتج إسرائيلي بعد ماصورت وحبيته ههههههههه ، وما افكر ارجع اشتريه لهالسبب مع انه كثير حلو يعطي لمعه ونعومه للشعر+ليونه ، ف بالي بديل له وهو الـ agava oil تلاقونه في سيفورا .

العناية بالبشرة :

ماسك ren glycolactic radiance renewal mask :

احلى ماسك جربته للحين ، واشوف انه افضل من القلام قلو مع اختلافهم ..
هذا الماسك من ماركة ren هي ماركة بريطانية صارت عندنا بالسعودية وأخيراً
منتجاتهم مصنوعة من مواد ومعادن طبيعية ، خاليه من الكيماويات!
ومع انها طبيعيه لكن لاحظت انها جداً فعالة واكثر منتج احبه منهم هو هالماسك واعتبره مست هاف .
هو ماسك بأحماض الفواكه وظيفته انه يجدد بشرتك ويعطيها نضاره وحيويه ، يخفف الخطوط ويوحد اللون لو عندك اثار او كلف (مع الإستمرار يخفف الكلف) .
ينظف بعمق وبسبب احماض الفواكه يقشر بلطف وفعاليه بنفس الوقت .
من أول مره استخدمته حسيت بنضاااره وصفاوة جميله جداً ،
سعره تقريباً 200 وشيء .

مافالا للرموش :

اعرف انه هالمنتج مشهور أساسا بس للي مترددين فيه اقولهم انه فعال واحبه شخصياً ، لكن مايناسب أي شخص وممكن ناس يتحسسون منه ، حسيته طول رموشي بشكل ملحوظ وفتره قصيره لكن لازم نكون حذرين لما نستخدمه عالرموش بحيث مانكثر الكميه ومانقربها مره من العين عشان مانتحسس منه .


عطر لوكستيان الصلب :

 بالكرز الياباني مره حلو وخفيف وبارد احبه يومي واحطه على أماكن النبض ريحته ثابته وجميله اللي تحسين انها ريحتك أصلا مو شيء يصدع راسك ❤ يبدو اني بحب هالنوع من العطور خصوصاً للشنطه بما انه الكل صار معاه شنطة كروس و ماتكفي علبة عطر كامله .
سعره أتذكر مره رخيص حوالي 40 ريال طلبته من نوردستروم واكيد تلاقونه بفروعهم .


مفضلات الميك اب

ما استغني عنهم ابداً واولهم كونسيلر Nars

من احلى اللي جربتهم ، تعرفون اني احب كونسيلر بوبي براون وذكرته كثير هنا لكن نارز غطى عليه
الحلو فيه انه اخف من بوبي براون (ماهو ثقيل ولا خفيف) ، لكنه غني باللون جداً وشوي منه يكفي ، يغطي أي حمار او اثر بسهووله
ولونه جاي على صفار يعني ابداً ماراح يقلب رمادي بالعكس ..
هالماركه للأسف الشديد مو عندنا بس برضو تقدرون تطلبونها من موقع Nordstrom يوصل مباشر للسعودية ويفك ازمه

روج Nars velvet matt باللون DAMNED

اعتبره اجمل روج عندي ومره متحمسه ارجع احطه بالشتاء ، ماراح اشرح لونه أخاف اظلمه! بحط لكم صورته عالشفايف عشان تشوفون وش كثر هو جميييل


الصورة من بلوق http://www.viviannadoesmakeup.com/an-ode-to-the-nars-velvet-matte-lip-pencils-again/

وتقدرين تتحكمين بالكمية وتخلينه اغمق
ولأني احب هالدرجات بالأرواج اللي تكون مايله على توتي ، فيه طريقه ثانيه اسويها لو ما ابي لون حاد
اعبي الشفايف بقلم لحمي بعدين احط شووي مره من هالروج وبيطلع لون جميل وطبيعي


برضو طلبته من Nordstrom


قلم الشفايف من بورجوا ، درجة 18

اللون اللي محد يمل من تجميعه ، البينك اللي فيه نقطة مشمشي!
وهذا من اجمل الأقلام بهاللون لازم تجربونه .

باودر bareminerals original

اللي مثلي ماتحب الباودرز بس ودها تثبت الميك اب بالمناسبات تجرب هالباودر
فيك تستخدمينها لحالها بس ضروري مع الفرشاه الخاصه فيها ، بتعطيك تغطيه مخمليه جميييله بدون مايكون الشكل كيكي (لازم برضو برايمر قبلها في حال حبيتي تستخدمينها لحالها)
او بالمناسبات اللي لازم الميك اب يطول ، تاخذين شويه وتثبتين فيها مره جميله وماراح تقتل الشكل الطبيعي
اما لو تحبين المات فيه نوع ثاني مات بس انا فضلت هذا

موجوده هالبراند بسيفورا السعوديه


آي شادو MAC Naked lunch


لأني احس أي شادوهات ماك باديه تنظلم مع كثرة الباليتز اللي منتشره ، حبيت اذكر لون ما استغني عنه ،
هو اكثر لون من ماك اوصي عليه من قلبي لأي وحده ، بيرفكت وغريب ومنظره عالجفن حلووو جداً
سواء تبينه لـ لوك ناعم راح يضبط او حتى لمناسبه راح يضبط ..
اللي احبه فيه ، انه القليتر مره ناعم ويبين مع الضوء والحركه + اللون مشمي وتان مع لمسة بينك


وبس <3


هذا كل شيء لـ بوست اليوم ، ان شاء الله يكون مفيد وخفيف
اشوفكم على خير ..
BYE



 

Shop the trend via Voga closet! تسوقي عالموضة من فوقا كلوزيت - توصيل مباشر ودفع عند الإستلام

Sunday, September 14, 2014













Hello everyone ,
 
hope you all had a lovely weekend :)
 
 
A lot of you loved the last post and thought it was helpful , so why not make things more helpful and share with you a web site that you can shop the trends by it .
I'm talking about THE VOGA CLOSET http://vogacloset.com/ , I'm sure a lot of you have seen it in other blogs before and the reason that many people loved it is that they ship to middle east and they provide a cash delivery payment to KSA , USA, and Jordan
 
Here are the trendy pieces I picked up from Voga closet :
 
 
اهلاً وسهلاً ،
اليوم التدوينة بتكون نوعاً ما تابعة للي قبلها ، ف تدوينة العودة للمدارس شفت انه كثير منكم حبها واستفاد منها الحمدلله لأنها كانت عن ابرز الموضات اللي تناسب الجامعه ، فـ اليوم حبيت اكمل هالشيء واخليكم تتسوقون القطع التريندي
 
 
وكل هالقطع بتكون بواسطة موقع  http://vogacloset.com/ لأن حبيت سياسة هالموقع كثير ، أول شيء هو موقع بريطاني ويوصل مباشر للشرق الأوسط + مايحتاج يكون عندك فيزا عندهم دفع عند الأستلام للأمارات والسعوديه والأردن!
اكيد كثير منكم مر عليه من قبل من خلال المدونات ، بس يستحق تلقون عليه نظره ومنزل أشياء مره جميله خصوصاً للي يحبون يركبون اكثر من قطعه بلبس واحد ، عندهم قسم أطفال ورجال حلو بعد .
فيه شيء برضو لاحظته انه عندهم قطع كثييير تناسب المحجبات انبسطت عليه
 
نشوف القطع اللي عالموضه وروابط شرائها ❤
 
 


أول شيء موضة اللؤلؤ بتلاقون خيارات كثير منها بهالموقع ، اخترت لكم اكثر شيء اعجبني

الحلق :
http://vogacloset.com/women/accessories/jewelry-watches/mirocca-earstuds.html

العقد1 :
http://vogacloset.com/women/accessories/jewelry-watches/cimat-necklace.html

العقد2 :
http://vogacloset.com/women/accessories/jewelry-watches/cuma-necklace.html

العقد3 :
http://vogacloset.com/women/accessories/jewelry-watches/cuma-necklace.html

خاتم :
http://vogacloset.com/women/accessories/jewelry-watches/hogan-rings-330926.html


بعد كذا اخترت لكم موضه ماذكرتها بالبوست السابق بس اللي تتابع الفاشن بتلاحظ انها طالعه الحين بقوه وهي الأبيض والأسود .. بنات الأبيض والأسود شيء مره حلو لما تدمجينه مع لون ثاني خصوصاً بالشتاء نقدر ندمج قطع كثيره مثلاً تخيلو هالجاكيت مع سويتر تحت اخضر غامق او حتى مع اورنج ، بالنسبة لي ن شاء الله من اهم القطع للشتاء بتكون جاكيت نفس هالفكره!

الجاكيت :
http://vogacloset.com/badly-jacket.html

السويتر : نفس الشيء ابيض واسود بس تحسينه هادي وكلاسي ممكن تدخلين فوقه كارديقان اورانج
http://vogacloset.com/knitted-fishnet-sweater.html

التنوره :
http://vogacloset.com/price-penny-skirt.html






الحين نجي للون الأورانج اخترت منه قطعتين وبتلاقون اكثر بالموقع

التوب :
http://vogacloset.com/shift-dress-302941.html

الجاكيت :
http://vogacloset.com/zip-front-peplum-jacket.html
 
 
 
 
موضة النظارات الستيتمنت اخترت منها ثنتين :
 
نظاره1 :
 
نظاره2 :
 
 
وأخيراَ موضة السنيكرز الأبيض ، بتلاقون خيارات كثييير بهالموقع بس حطيت اثنين :
 
كونفرس :
 
 keds نفس اللي قلت لكم عنه بالتدوينة السابقة :
 
 
 
 
 
 
وبس هذا كل شيء لبوست اليوم ، أن شاء الله كان مفيد وخفيف ولو حابين اسوي بوست تنسيقات شتويه من هالموقع خبروني اكيد بسوي
 
 
اشوفكم على خير ،
byeeee 

Back to school : Study in style ، العودة للدراسه : فاشن

Monday, August 18, 2014

 
 
Hi everyone , I know it's been long time and I'm really sorry about that . How ever , I'm trying to be 
more active lately and I did a giveaway on my Instagram if you wanna check it out @Beautyderosee
I asked you guys on twitter if you want me to post about back to school or about iherb.com , a lot of you actually said iherb , but I waill post the back to school one until I find my camera charger :[
 
 
السلام عليكم ورحمة الله وبركاته
أعرف اني من زمان مادونت واعتذر عن هالشيء جداً ، لكن جالسه أحاول أكون انشط من قبل بإذن الله وعشان كذا سويت قيف اواي / مسابقة على الانستقرام ، تعويض عن الغياب هههههههه :(
هذا انستقرامي اذا حابين تشاركون فيها @beautyderosee
 
 
سألتكم عالتويتر اذا حابين البوست الجاي عن العودة للدراسه أو عن موقع iherb ، وللأمانه كثير منكم اختار آي هيرب بس اضطريت ادوَن عن العودة للمدارس الحين لحد ما الاقي شاحن الكاميرا !! يارب
 
 
عنوان هالبوست هو ادرسي بـ اناقة ، اخترت لكم 5 موضات أساسية لهالموسم تناسب لـ جو الدراسه .
ان شاء الله تساعدكم خلال التجهيز للعودة للدراسه .
 
وهي :
 
So there are five main trends that are suitable for the school-college
 
 
 
 
 
 
 
أول تريند لاحظناه هو الشوز الرياضي الأبيض ، مره دارج بشكل واضح والأحلى انه راح يناسب مع أي لبس
 
white sneakers are so in right now
 
 
طبعاُ لأنه ابيض ولأنه موضه ، ف الأفضل تشترين ارخص خيار متوفر وتوفرين فلوسك لـ شيء عملي اكثر
ارخص واجود خيار بتلاقينه بماركة keds
 
 
Kimonos
 
الكيمونو ، جتها فتره طلعت بقوه والحين رجعت ثانيه بشكل واضح
 
 
 
 
الكيمونو هو الكارديقان اللي اكمامه واسعه ، مستوحى من الكيمونو الآسيوي
 

 
وين بتلاقين الكيمونو ؟
محلات كثير نزلوه ماراح يكون شيء صعب
لكن الموقع اللي شفت عنده خيارات جداً كثيره للكيمونو هو choies
 
 
 
هذا من ضمن الكيمونز اللي اعجبوني عند choies
هنا موقعهم :
 
أو بتلاقينهم عند Asos
 
 
 
Statement Sunglasses
 
 
كل البراندز الكبيره نزلو نظارات ستيتمنت
وهي انه النظاره تكون فيها فكره من ناحية الشكل  أو واضافات مثل ستراس  وغيره  ببساطه عكس الكلاسيكيه
 
بس اذا حابه نظاره بهالشكل ويكون سعرها معقول بتلاقينها بكثره عند ASOS
 
 
Orange pop
 
فيه مقوله الحين بالفاشن تقول Orange is the new black! طبعاً مستوحاه من اسم مسلسل اورانج از ذا نيو بلاك
بس توضح لنا وش كثر الآورنج الحين دارج
قبل ماكان يشدني كثير بصراحه بس الحين لما صار موضه وشفت كيف حلو لما يدخل مع باقي الألوان حبيته!
 
 
 
 
Pearls
 
 
 
اللؤلؤ ❤❤❤
ومين مايحبه ، برضو كان بارز جداً خصوصاً بعرض شانيل مثل ماشفناه
حلق بسيط من اللولو بيكمل اناقتك وبتكون قطعه مميزه لهالموسم .
 
 
 
وهذا كل شيء لـ بوست اليوم أتمنى كان مفيد وخفيف واشوفكم ان شاء الله في البوست الجاي
 
see u soon ladies :)
مع السلامه



Beauty De Rosee All rights reserved © Blog Milk - Powered by Blogger