Shop the trend via Voga closet! تسوقي عالموضة من فوقا كلوزيت - توصيل مباشر ودفع عند الإستلام

Sunday, September 14, 2014













Hello everyone ,
 
hope you all had a lovely weekend :)
 
 
A lot of you loved the last post and thought it was helpful , so why not make things more helpful and share with you a web site that you can shop the trends by it .
I'm talking about THE VOGA CLOSET http://vogacloset.com/ , I'm sure a lot of you have seen it in other blogs before and the reason that many people loved it is that they ship to middle east and they provide a cash delivery payment to KSA , USA, and Jordan
 
Here are the trendy pieces I picked up from Voga closet :
 
 
اهلاً وسهلاً ،
اليوم التدوينة بتكون نوعاً ما تابعة للي قبلها ، ف تدوينة العودة للمدارس شفت انه كثير منكم حبها واستفاد منها الحمدلله لأنها كانت عن ابرز الموضات اللي تناسب الجامعه ، فـ اليوم حبيت اكمل هالشيء واخليكم تتسوقون القطع التريندي
 
 
وكل هالقطع بتكون بواسطة موقع  http://vogacloset.com/ لأن حبيت سياسة هالموقع كثير ، أول شيء هو موقع بريطاني ويوصل مباشر للشرق الأوسط + مايحتاج يكون عندك فيزا عندهم دفع عند الأستلام للأمارات والسعوديه والأردن!
اكيد كثير منكم مر عليه من قبل من خلال المدونات ، بس يستحق تلقون عليه نظره ومنزل أشياء مره جميله خصوصاً للي يحبون يركبون اكثر من قطعه بلبس واحد ، عندهم قسم أطفال ورجال حلو بعد .
فيه شيء برضو لاحظته انه عندهم قطع كثييير تناسب المحجبات انبسطت عليه
 
نشوف القطع اللي عالموضه وروابط شرائها ❤
 
 


أول شيء موضة اللؤلؤ بتلاقون خيارات كثير منها بهالموقع ، اخترت لكم اكثر شيء اعجبني

الحلق :
http://vogacloset.com/women/accessories/jewelry-watches/mirocca-earstuds.html

العقد1 :
http://vogacloset.com/women/accessories/jewelry-watches/cimat-necklace.html

العقد2 :
http://vogacloset.com/women/accessories/jewelry-watches/cuma-necklace.html

العقد3 :
http://vogacloset.com/women/accessories/jewelry-watches/cuma-necklace.html

خاتم :
http://vogacloset.com/women/accessories/jewelry-watches/hogan-rings-330926.html


بعد كذا اخترت لكم موضه ماذكرتها بالبوست السابق بس اللي تتابع الفاشن بتلاحظ انها طالعه الحين بقوه وهي الأبيض والأسود .. بنات الأبيض والأسود شيء مره حلو لما تدمجينه مع لون ثاني خصوصاً بالشتاء نقدر ندمج قطع كثيره مثلاً تخيلو هالجاكيت مع سويتر تحت اخضر غامق او حتى مع اورنج ، بالنسبة لي ن شاء الله من اهم القطع للشتاء بتكون جاكيت نفس هالفكره!

الجاكيت :
http://vogacloset.com/badly-jacket.html

السويتر : نفس الشيء ابيض واسود بس تحسينه هادي وكلاسي ممكن تدخلين فوقه كارديقان اورانج
http://vogacloset.com/knitted-fishnet-sweater.html

التنوره :
http://vogacloset.com/price-penny-skirt.html






الحين نجي للون الأورانج اخترت منه قطعتين وبتلاقون اكثر بالموقع

التوب :
http://vogacloset.com/shift-dress-302941.html

الجاكيت :
http://vogacloset.com/zip-front-peplum-jacket.html
 
 
 
 
موضة النظارات الستيتمنت اخترت منها ثنتين :
 
نظاره1 :
 
نظاره2 :
 
 
وأخيراَ موضة السنيكرز الأبيض ، بتلاقون خيارات كثييير بهالموقع بس حطيت اثنين :
 
كونفرس :
 
 keds نفس اللي قلت لكم عنه بالتدوينة السابقة :
 
 
 
 
 
 
وبس هذا كل شيء لبوست اليوم ، أن شاء الله كان مفيد وخفيف ولو حابين اسوي بوست تنسيقات شتويه من هالموقع خبروني اكيد بسوي
 
 
اشوفكم على خير ،
byeeee 

Back to school : Study in style ، العودة للدراسه : فاشن

Monday, August 18, 2014

 
 
Hi everyone , I know it's been long time and I'm really sorry about that . How ever , I'm trying to be 
more active lately and I did a giveaway on my Instagram if you wanna check it out @Beautyderosee
I asked you guys on twitter if you want me to post about back to school or about iherb.com , a lot of you actually said iherb , but I waill post the back to school one until I find my camera charger :[
 
 
السلام عليكم ورحمة الله وبركاته
أعرف اني من زمان مادونت واعتذر عن هالشيء جداً ، لكن جالسه أحاول أكون انشط من قبل بإذن الله وعشان كذا سويت قيف اواي / مسابقة على الانستقرام ، تعويض عن الغياب هههههههه :(
هذا انستقرامي اذا حابين تشاركون فيها @beautyderosee
 
 
سألتكم عالتويتر اذا حابين البوست الجاي عن العودة للدراسه أو عن موقع iherb ، وللأمانه كثير منكم اختار آي هيرب بس اضطريت ادوَن عن العودة للمدارس الحين لحد ما الاقي شاحن الكاميرا !! يارب
 
 
عنوان هالبوست هو ادرسي بـ اناقة ، اخترت لكم 5 موضات أساسية لهالموسم تناسب لـ جو الدراسه .
ان شاء الله تساعدكم خلال التجهيز للعودة للدراسه .
 
وهي :
 
So there are five main trends that are suitable for the school-college
 
 
 
 
 
 
 
أول تريند لاحظناه هو الشوز الرياضي الأبيض ، مره دارج بشكل واضح والأحلى انه راح يناسب مع أي لبس
 
white sneakers are so in right now
 
 
طبعاُ لأنه ابيض ولأنه موضه ، ف الأفضل تشترين ارخص خيار متوفر وتوفرين فلوسك لـ شيء عملي اكثر
ارخص واجود خيار بتلاقينه بماركة keds
 
 
Kimonos
 
الكيمونو ، جتها فتره طلعت بقوه والحين رجعت ثانيه بشكل واضح
 
 
 
 
الكيمونو هو الكارديقان اللي اكمامه واسعه ، مستوحى من الكيمونو الآسيوي
 

 
وين بتلاقين الكيمونو ؟
محلات كثير نزلوه ماراح يكون شيء صعب
لكن الموقع اللي شفت عنده خيارات جداً كثيره للكيمونو هو choies
 
 
 
هذا من ضمن الكيمونز اللي اعجبوني عند choies
هنا موقعهم :
 
أو بتلاقينهم عند Asos
 
 
 
Statement Sunglasses
 
 
كل البراندز الكبيره نزلو نظارات ستيتمنت
وهي انه النظاره تكون فيها فكره من ناحية الشكل  أو واضافات مثل ستراس  وغيره  ببساطه عكس الكلاسيكيه
 
بس اذا حابه نظاره بهالشكل ويكون سعرها معقول بتلاقينها بكثره عند ASOS
 
 
Orange pop
 
فيه مقوله الحين بالفاشن تقول Orange is the new black! طبعاً مستوحاه من اسم مسلسل اورانج از ذا نيو بلاك
بس توضح لنا وش كثر الآورنج الحين دارج
قبل ماكان يشدني كثير بصراحه بس الحين لما صار موضه وشفت كيف حلو لما يدخل مع باقي الألوان حبيته!
 
 
 
 
Pearls
 
 
 
اللؤلؤ ❤❤❤
ومين مايحبه ، برضو كان بارز جداً خصوصاً بعرض شانيل مثل ماشفناه
حلق بسيط من اللولو بيكمل اناقتك وبتكون قطعه مميزه لهالموسم .
 
 
 
وهذا كل شيء لـ بوست اليوم أتمنى كان مفيد وخفيف واشوفكم ان شاء الله في البوست الجاي
 
see u soon ladies :)
مع السلامه



Travel series - Part 2 - your beauty shopping guide سلسلة رحلات الصيف - دليلك لتسوق منتجات التجميل بالخارج ❤

Monday, April 14, 2014



السلام عليكم ورحمة الله وبركاته
تدوينة اليوم بكتبها بالعربي بس ، لأنها اساساً موجهه للعربيات والخليجيات "ابداً مو عجزانه بعد" :$
مثل ماتعرفون ، بالتدوينه السابقه بدأت معاكم سلسلة رحلات الصيف ، بهالسلسلة راح ادون عن كم موضوع يخص السفر واهتمامات البنات فيه .
فـ جزء اليوم بيكون دليلك للتسوق (التجميل فقط) في حال سافرتي أو حبيتي توصين احد ، من اكثر الأستفسارات اللي تجيني هي عن هالشيء اني بسافر ايش المنتجات او الماركات الحلوه اللي مو عندنا؟
متفهمه كثير انه اللي تسافر تحب تستغل هالشيء وتشتري اشياء جميلة مو متوفره عندنا ، بس البعض ماعنده خلفيه ومعلومات عن الزين والشين خصوصاً انه هناك كل شيء بـ يكون انقلش .
عشان كذا جمعت لكم كل الماركات اللي موجوده برا ومو عندنا (فيه منهم تلقونهم في دبي) ، وقررت اجمعها لكم على شكل :  اني امثل كل ماركة بمنتج مشهور والأكثر مبيعاً عندهم ، واكيد تحت كل ماركه منتجات اكثر وحلوه جداً بس ماراح تكفيني تدوينة عشان اغطيهم كلهم .



بسم الله نبدأ :

العنايه في البشرة :




1 - Caudalie براند فرنسية انعرفت بجودتها العاليه

2 - Elemis الميس بدأت تنتشر مؤخراً بشكل واضح ، واكثر منتج محبوب هو التونر

3 - Murad ماعندي معلومات كثيره عنها لكن فيه ناس تحب هالبراند والسيروم هذا كان من الأفضل مبيعاً في سيفورا

4 - Fresh هذا المنظف من فريش اشتهيت اجربه! عليه ريفيوز كويسه والبراند كلها مرتبه وجميله

5 - boscia معروفه بفعالية منتجاتها بس ماعندي خلفيه كافيه عنها

6 - nude skincare

7 - Origins حبيب الملايين ، اوريجينز هي من الأفضل  في العناية بالبشره وكثير كثير يقدرونها ، عندهم الماسكات مشهوره كثير وكل منتجاتهم تقريباً حلوه لكن الأفضل مبيعاً بجداره هو هالماسك واسمه Skin drink .

8 - Olie Henrikson h اولي هينركسون اكثر شيء اشتهرو فيه هو سيروم الفيتامين سي ومعروفه فعالية الفيتامين سي ، دائماً ماخذ الأفضل مبيعاً ومؤخراً شفت ناس تمدح مناديل ازالة الميك اب من عندهم

9 - Josie Maran اكيد مر على كثير منكم ، جوزي ماران كل منتجاتهم داخل فيها زيت الأرقان ، وطبعاً اشهر منتج عندهم هو زيت الأرقان نفسه .

10 - Kiehls كايلز من احلى منتجات البشره بعد ، فيه ناس كثير تحب هالسيروم وتشكر فيه ! عندي فضول اجربه يوماً ما

11 - Kate somerville كيت سمورفيل اكثر منتجاتها فعاله وجميله لكن يعيبها غلائها شوي ، عندها هالمنتج المخصوص للحبوب

12 - First Aidbeauty من البراندز اللي برزت بآخر سنه بزياده ، اشتهرو بكريماتهم اللي ترطيبها عميييق ومخصصه لصاحبات البشره الجافه والحساسه ومنهم هالكريم .


ميك اب :





1 - Elizabith Arden

2 - Nars احب نارز كثير ، ضروري تجربون المات بينسل وفاونديشن شير قلو ، واكيد البلشرز مشهورين فيها

3 - Anastasia اشتهرو كثير بالفتره الأخيره بمنتجات الحواجب ، ومن بينهم هالقلم ماخذ الأفضل مبيعاً بمنتجات الحواجب ككل وشفت كثير يمدحونه .

4 - kevyn Aucoin نفس شيء مشهوره بهالمنتج بالذات ، هو عباره عن منتج متعدد الإستعمالات وتغطيته عاليه جداً بحيث تقدرين تستخدمينه كـ كونسيلر وراح يخفي اي شيء ، أوكـ فاونديشن اذا تبين تغطيه مره عاليه ، او تخلطينه مع فاونديشن خفيف أو مع مرطب .. الميك اب ارتيستز مايستغنون عنه ابداً والحلو فيه انه لونه على اصفر فـ يناسب البشرات الحنطيه .

5 - Tarte تارت منتجاتها كلها حلوه وخصوصاً البلشرز ثابتين ولونهم غني ، هنا حطيت الفاونديشن تبعهم اللي الحين الكل يمدحه وماخذ الأفضل مبيعاً من بين منتجاتهم ، تغطيته عاليه بس احساسه عالبشره خفيف ومايكتل .

6 - Stilla عندهم احلى ايلاينر سائل ممكن تجربينه ، لما خلص ضعت بدونه والله ، أحس كل مقومات الآي لاينر فيه سواد وثبات وفرشاه سهله ونحيفه! وكمان مشهورين بآي شادو اسمه Kitten

7 - Amazing cosmatics اكثر شيء مشهوره فيه هو هالكونسيلر القوي ، يقولون يخفي حتى التاتو!

8 - LauraMercier اكيد كثير منكم سمع عنها ، الفاونديشن تبعهم محبوب كثير هو والتينتد موسترايزر (مرطب ملون) وفعلاً جربته وكان جداً جميل

9 - Joer البرونز عندهم يتميز بأنه مطفي + لونه مثالي حسب الريفيوز ، كثير يحبونه ويحبون المرطب الملون المات عندهم .

10 - Lip tar الروج اللي فعلاً نقدر نقول انه ثابت وبنجاح + مطفي .. لو عندك اكثر من لون تقدرين تخلطين وتبدعين مثلاً المشمشي مع الأحمر والبينك مع الموف وتطلع لك درجات جديده 

11 - urben decay وهل يخفى القمر؟ لأنكم عارفين باليت نيكد ، حطيت نيكد فلشد اللي هو عباره عن بلشر وبرونز وهاي لايتر
12 - The balm اضائتهم جميله جداً ، هذي والبرونز ، واحب بلشراتهم دلع 

13 - Clé de Peau Beauté مفروض انه من افضل الكونسيلرز لأنه يعطي تغطيه + ترطيب معقول + يمتزج بسهوله بالبشره

14 - Hourglass البراند اللي للحين ما اشتريت منها شيء وقلبي يهفني عليها ، ماشاء الله كل شيء انمدح منهم ابتداء من البرايمر الى الاضائه والحين طلعو اصدار بلشر مع اضائه بنفس الوقت .

العناية في الجسم :




1 - STtropez : عندهم افضل سيلف تان ، مش اورنج ولا بني ، اللون المثالي اللي كأنك تشمستي فعلاً

2 - Elizabeth Arden عندهم هالكريم متعدد الأستعمالات ومفروض ترطيبه مره عميق ، يعني تستخدمينه على الأماكن الجافه جداً مثل الأكواع  ، الكيوتكل ، او اذا حبيتي للشفايف يرطبها .. وحتى يدينك واقدامك ينفع لهم .

3 - Tocca بصراحه ماعندي معلومات كثير عنهم بس اعتقد مشهورين بعطر معين وكريمات اليدين والجسم

4 - Laura Marcier هالمره للعنايه ، وهو سوفليه الجسم يترك البشره ناعمه جداً ويرطبها وفيه منه روائح تناسب اي مود

5 - Fresh فريش عندهم اشياء كثير مشهورين فيها ، مرطب الشفايف وعندهم عطر كمان مشهور يقولون انه بارد وعلى سويت ، وصوابين الجسم كمان محبوبه كثير .

6 - Philosophy فيلوسوفي عندهم لاين عنايه بالوجه والجسم واعتقد كثير منكم يعرفها ، وعندهم عطور بارده وحلووه

7 - Melvita من المنتجات اللي بدأت تشتهر بآخر فتره او يمكن انا توي انتبه لها ، عندهم اشياء عنايه حلوه سواء للوجه او الجسم وهذا الكريم لليدين مفضل عند الكثيرين .




نسيت اقول نقطة ، فكرت اجهز بوست يكون دليلك لصيدليات فرنسا بما انها مشهوره بمنتجات العنايه بالبشره فـ ايش رأيكم ؟

,وبس هذا كل شيء لبوست اليوم ، اتمنى كان مفيد و واضح 
واشوفكم على خير ان شاء الله
Bye bye 

Beauty De Rosee All rights reserved © Blog Milk - Powered by Blogger