June favorites 2012 ♥♥

السلام عليكم ورحمة الله وبركاته

هذي مفضلاتي الشهر اللي فات .. أن شاء الله كل نهاية او بداية شهر بنزل مفضلات الشهر اللي هي الأشياء اللي استخدمتها كثير فيه وحبيتها ، بسم الله نبدأ

من اليمين : Boots leave in conditiner بخاخ بلسم يترك على الشعر بجوز الهند ، ابخه على شعري وهو مبلول وامشطه حلوه مره يخلي الشعر طري وفيه لمعه وريحته حلوه مو ريحة جوز الهند المزعجه !

بجنبه عطر Marc jacobe بالياسمين ، من زمان عندي بس خلصته هالشهر مرررره حلو وخفيف وريحته ياسمين على نظافه أحبه هالعطر ♥

فاونديشن BOBBI BROWN .. أحسن فاونديشن استخدمته للحين قوامه سايييل خفيف مو يتكتل ويكتم البشره ! تغطيته حلوه وميزته اذا تبينه للنهار اوكي حطي منه خفيف ويناسب وفيه حماية 15 ، واذا تبينه لسهره تحطين منه طبقتين ويطلع ولا احلى منه !! بتقولون كيف طبقتين بيكتل ويطلع شكله اوفر ، بس لا مررره حلو ويطلع طبيعي ويسوي تغطيه جميله .. أن شاء الله قريب بسوي عنه ريفيو واتكلم عنه اكثر

لوشن Soap&glory هذا اللوشن ريحته فتنه ♥♥♥ ريحته نفس ريحة شانس شانيل ، يرطب وبنفس الوقت ريحته حلوه وثابته .. حتى لما اغسل يدي ترجع تنتشر ريحته وتفتني :"(♥

نرجع تحت من اليسار ..

اي شادو ماك All that glitter مو صحبه مع الشادوهات ونادر استخدمها بس هذا ما استغني عنه  لونه يناسب كل شيء واستخداماته كثيره يا لحاله مع اي لاينر او مع كونتور ببني غامق او مع سموكي خفيف  برضو احطه على مدمع العين ولا اجمل منه !♥ احسه شادو اساسي عند كل بنت       

وهذا سواتش له

بعدين روج MAC Pleas me جميل جميل بينك ناعم ومطفي من الأرواج اللي ما استغني عنها

بجنبه الدائره البينك EOS lip balm مرطب شفايف طعمه يهبببل ودي أكله :( فروتي جميل ويرطب والأحسن من هذا كله تحطينه مره وحده على شفايفك اللي فوق وتحت اسرع شيء يعني : p

بلشر كريمي  NYX لون Roug  .. حلو ولونه واضح وثابت ويخلي الوجه يضوي ، ما استغني عنه هالبلشر

وهنا سواتش له

كريم ليفيان للهالات السوداء ، كريم للهالات السوداء وللتجاعيد برضو .. كانت هالاتي غامقه وبعد ما استخدمته خفت كثير الحمدلله بس يبي له وقت حتى تبان النتيجه ، هذا جديد طلعو فيه حماية 15 يعني ممكن استخدمه بالبيت مو مشكله بس لو بطلع للشمس ما احطه ، استخدمه مرتين باليوم ولما احطه بالليل واصحى الاقي عيوني مليانه ومصحصحه وتفتح النفس !! الحمدلله

بجنبه قلوس من ماك كان ليمتد اديشن الصيف اللي فات اظن والحين رجعت استخدمه هو تقريباً شفاف وفيه تينت بينك خفييف فيه مره احبه ينفع لحاله يخلي الشفايف طبيعيه بس حلوه ولايدبق ويزعج ..

ليب ستين من ELF لونه عجبننني وحاولت اسوي له سواتش بس عجزت اطلع لونه صح :( لونه توتي على روزي مدري كيف بس حلوووو ولو احط نتفه منه يكفي الشفايف كلها ..

فرشة سيقما E55 للاي شادو حبيتهااا مسطحه وشعراتها كثيره مو كبيره بزياده ولاهي صغيره .. يعني مسحتين ويتوزع الشادو !!

فرشة ريل تكنينك للفاونديشن .. هذي الفرشه تنفع للي يحبون التغطيه تكون خفيفه وتبين تطبيعيه ، توزع الفاونديشن زين وتدمجه وتخلي منظره طبيعي : $