Part 3 / eyebrows !!

السلام عليكم ورحمة الله وبركاته :$
اليوم البوست ان شاء الله بيكون عن الحواجب ♥_♥
كثير مايعرفون يصلحون حواجبهم في البيت ويعانون منها ، تشقير الحواجب مره سهل بس يبي له شوية تركيز وبتفهمين لحواجبك وتتصالحين معاها : )
ادرجت الحواجب مع سلسلة اساسيات الميك اب لأنها جداً مهمه .. طيب قبل ابدا في الدرس بقول اشياء :
اول شيء لاتحاولين تنحفين حواجبك مره عن عرضها الأصلي ! لأن كذا بيطلع نص حواجبك شعر اصفر وبيطلع منظرها مو مرتب :( ، وكل ماكانت الحواجب على رسمتها وبسيطه كل ماكان فيسك املح ومرييح عكس لما تكون حواجب حاده .. لما نجي نرسم الحواجب نمشي على رسمتها اسهل لين تكونين محترفه واذا بغيتي تغيرين بالرسمه شوي :$ يلا نبدا ♥
بالصوره اللي فوق الأشياء اللي راح نحتاجها :
1 – بلوندر (مشقّر) هذا اخذته من مي للعطور
2 – صبغة بني ويلّا العصار
3 – اوكسيجين عادي رقم 6 او 9
4 – اعواد اذان + اعواد اسنان
وطبعاً فنجالين اي فنجال قديم خصصيه لخلط الصبغه :$
طيب الحين نشوف صورة الحاجب اللي اشتغلت عليه قبل :

شكراً للموديل اللي تطوعت وخلتني العب فيها ♥_♥
اول شيء سويته جبت الصبغه البنيه العصار واخذت شوي منها وشوي اكسجين وخلطتهم بالفنجال ، بعدين بعود الأسنان اخذ من الصبغه وارسم الحاجب وامشي على رسمته الأساسيه ..

شفتو هنا حطيت الصبغه البني لحالها ورسمت الحاجب .. نخليه 10 دقايق بعدين نغسله ، اذا غسلتو حواجبكم لاتخافون ترا ماراح تطلع حلوه على طول ! :$
بعدين نبدا نجهز التشقير مثلاً نحط نص ملعقه بودرة التشقير ونص ملعقه اكسجين ونخلطه لين يطلع معنا كريمي ! مو ثقيل ولا خفيف ، طبعاً مو شرط هالمقدار بالضبط احيانا ازود وانقص لين اوصل لقوام كريمي


ونبدأ شغل !

بديت في بداية الحاجب .. نحاول مانخليه مربع مره ولا دائري مره .. نخليه مربع مدببّ : $ !
شفتو الجزء اللي حاطه عليه تشقير تحت ؟ هذا دائماً نحاول نحدده بس ماننحفه ونرقّي الحاجب فوق !! عشان يبان طبيعي اكثر ♥_♥

وهنا كملنا تشقير


نخلي التشقير يطوووّل يعني ساعه تقريباً عشان يصبغ صح .. ولو فيه تعديل على الرسمه نفسها نجيب عود الأسنان وناخذ من الصبغه البني ونعدل !!
ومرّت الساعه وغسلنا الحواجب

ممكن بعد هالخطوه نكون خلّصنا .. ونطلع بحواجب طبيعيه وحلوه ، واحياناً تحتاج تعديل ونحددها بالصبغه البنيه ، فهالمره حددتها لأن الموديل تبيها محدده زين :$
- نصيحه : لما اروح المغسلة اغسل التشقير اكون ماخذه معاي الصبغه البنيه وامسح المكان المتشقر فيها ، عشان تطفّي اللون الأصفر ويطلع قريب من لون الجلد ♥_♥
وبسسس !! وتمتعو بحواجب طبيعيه ومرسومه وجميله :$
يارب يكون الدرس مفهوم ومفيد لكم ♥
وتقبّل الله صيامنا وصيامكم : )
مع السلامه ، Love you all !!♥♥♥
أشوفكم في البوست الجاي إن شاء الله : $