Part 3 / eyebrows !!


IMG_0754
السلام عليكم ورحمة الله وبركاته :$
اليوم البوست ان شاء الله بيكون عن الحواجب ♥_♥
كثير مايعرفون يصلحون حواجبهم في البيت ويعانون منها ، تشقير الحواجب مره سهل بس يبي له شوية تركيز وبتفهمين لحواجبك وتتصالحين معاها : )
ادرجت الحواجب مع سلسلة اساسيات الميك اب لأنها جداً مهمه .. طيب قبل ابدا في الدرس بقول اشياء :
اول شيء لاتحاولين تنحفين حواجبك مره عن عرضها الأصلي ! لأن كذا بيطلع نص حواجبك شعر اصفر وبيطلع منظرها مو مرتب :( ، وكل ماكانت الحواجب على رسمتها وبسيطه كل ماكان فيسك املح ومرييح عكس لما تكون حواجب حاده .. لما نجي نرسم الحواجب نمشي على رسمتها اسهل لين تكونين محترفه واذا بغيتي تغيرين بالرسمه شوي :$ يلا نبدا ♥
بالصوره اللي فوق الأشياء اللي راح نحتاجها :
1 – بلوندر (مشقّر) هذا اخذته من مي للعطور
2 – صبغة بني ويلّا العصار
3 – اوكسيجين عادي رقم 6 او 9
4 – اعواد اذان + اعواد اسنان
وطبعاً فنجالين اي فنجال قديم خصصيه لخلط الصبغه :$
طيب الحين نشوف صورة الحاجب اللي اشتغلت عليه قبل :
IMG_0773
شكراً للموديل اللي تطوعت وخلتني العب فيها ♥_♥
اول شيء سويته جبت الصبغه البنيه العصار واخذت شوي منها وشوي اكسجين وخلطتهم بالفنجال ، بعدين بعود الأسنان اخذ من الصبغه وارسم الحاجب وامشي على رسمته الأساسيه ..
IMG_0762
شفتو هنا حطيت الصبغه البني لحالها ورسمت الحاجب .. نخليه 10 دقايق بعدين نغسله ، اذا غسلتو حواجبكم لاتخافون ترا ماراح تطلع حلوه على طول ! :$
بعدين نبدا نجهز التشقير مثلاً نحط نص ملعقه بودرة التشقير ونص ملعقه اكسجين ونخلطه لين يطلع معنا كريمي ! مو ثقيل ولا خفيف ، طبعاً مو شرط هالمقدار بالضبط احيانا ازود وانقص لين اوصل لقوام كريمي
IMG_0777

ونبدأ شغل !
IMG_0779
بديت في بداية الحاجب .. نحاول مانخليه مربع مره ولا دائري مره .. نخليه مربع مدببّ : $ !
شفتو الجزء اللي حاطه عليه تشقير تحت ؟ هذا دائماً نحاول نحدده بس ماننحفه ونرقّي الحاجب فوق !! عشان يبان طبيعي اكثر ♥_♥
IMG_0784
وهنا كملنا تشقير
IMG_0791
IMG_0796
نخلي التشقير يطوووّل يعني ساعه تقريباً عشان يصبغ صح .. ولو فيه تعديل على الرسمه نفسها نجيب عود الأسنان وناخذ من الصبغه البني ونعدل !!
ومرّت الساعه وغسلنا الحواجب
IMG_0805
ممكن بعد هالخطوه نكون خلّصنا .. ونطلع بحواجب طبيعيه وحلوه ، واحياناً تحتاج تعديل ونحددها بالصبغه البنيه ، فهالمره حددتها لأن الموديل تبيها محدده زين :$
- نصيحه : لما اروح المغسلة اغسل التشقير اكون ماخذه معاي الصبغه البنيه وامسح المكان المتشقر فيها ، عشان تطفّي اللون الأصفر ويطلع قريب من لون الجلد ♥_♥
وبسسس !! وتمتعو بحواجب طبيعيه ومرسومه وجميله :$
يارب يكون الدرس مفهوم ومفيد لكم ♥
وتقبّل الله صيامنا وصيامكم : )
مع السلامه ، Love you all !!♥♥♥
أشوفكم في البوست الجاي إن شاء الله : $
You may also like:

32 comments

  1. اعجبتني النتيجه مممره مرتبه ماشاء الله عليككِ
    بس اذا طلع اصفر وش اسوي ؟ :) دايم اخاف يطلع اصفر
    ويصير شكلها مو حلو مررره :( في الشمس ولا النور :(
    بس ماشاء الله في الصوره ماطلع حتى في شعر ههههههههههه
    انتظر البوست الجاي ياججميله :$

    ReplyDelete
    Replies
    1. ياحبي لك شكراً ❤ ، شوفي النصيحه اللي قلتها ! لما تغسلين خوذي من الصبغه البني وحطيها على الشعر الاصفر ثواني واغسليها وبتخليه مطفي مو اصفر ❤ وبالنسبه لانك تقولين مافيه شعر لاني معرضه الحاجب ماشقرت شيء كثير ههههههههههههه :$

      Delete
  2. omg♥!!
    البوست مممممتع غير انه مفيد جداً وواضح ونتائجة مبهرة.. أسلوبك حلو الله يحفظك
    متحمسة للبوستين الجايات مرره
    ياليت تستمرين بالسلسة وماتوقف أبد :(♥
    keep on ♥, Make up artist ;) ..

    ReplyDelete
    Replies
    1. الله يسعدك زي ما اسعدتيني بكلامك الحلو ❤ ❤
      وان شاء الله كل البوستات الجايه بتكووون احلى واحلى مع دعمكم ❤ really thank you ..

      Delete
  3. يعطيكِ العافية يارب استفدت من البلوق تبعك وتصفحته كامل :$
    بس عندي سؤال انا أربع مرات جربت اشقر بصوالين مختلفة وبكل المرات انحرق تتورم المنطقة وتطلع حبوب وتصير حمرااااء واجلس اعالجها كم يوم عشان تروح : (
    اخر شي شريت مشقر جولان عشان اشقر بالبيت وماانحرق سمعت انه خفيف وبرضو انحرقت وش اسوي : ( ؟

    ReplyDelete
    Replies
    1. اهلاً وسهلاً :$
      حبيبتي انتي ، انا مثلك والله مره تتحسس حواجبي وتصير حمراء وتورّم .. احط عليها ثلج وفازلين اذا ماوراي مناسبه ، بس اذا فيه مناسبه احط عليه مرهم اسمه (كيناكومب) يشيل الاحمرار والانتفاخ بساعات !! بس المشكله في كرتزون فمخليته للضروره مره :(

      Delete
    2. وبعد جربي تمسحين حواجبك شيء بسيط بفازلين قبل ماتشقرين .. جربي وطمنيني :(

      Delete
  4. صباح الخيرر حبيبتي ..
    انا عندي مشكلةة بحواجبي كل ماصبغهم يحترقون وينزل دم ويتنفخ وجهي ..
    تنصحيني بشيء معين ..
    وشكرا مقدما ..<3

    ReplyDelete
    Replies
    1. صباح النور والسرور :$ انا نفسك تنتفخ واحمرار وحاله بس جربي تمسحين الحاجب بفازلين شيء بسيط قبل تشقرين ، واذا خلصتي حطي ثلج بعدين فازلين :( واذا عندك مناسبه استخدمي مرهم (كيناكومب) بيشيل الانتفاخ والاحمرار بساعات ان شاء الله ، بس المشكله فيه كرتزون فخليه للضروره بس :( طمنيني وش يصير معاك :$ نورتي

      Delete
  5. الله يجزاك خير يارب على نصايحك استفدت من الشامبو العضوي ولاحظت الفرق  استمري رعاك الله

    ReplyDelete
    Replies
    1. ياسلام ياسلام  فرحتيني بردك الحمدلله يارب
      شكراً لك الله يسعدك

      Delete
  6. حبيبتي تسلمي ع المعلومات تعليقي بس لو تعدلي لون خط ردودك وتكبريه لانه متعب في القراءة اقصد مثلا لما تجاوبي اضطر اظلل على كلامك حتى اشوفه واقراه ..... شكرا ياقمر

    ReplyDelete
    Replies
    1. ابشري ولايهمك :$ معليش عورت عيونك ههههههههههه :(

      Delete
  7. عجبتني مدونتك ومواضيعك جداً مفيدة
    متابعة لتدويناتك ان شاء الله ^^ 3>

    ReplyDelete
    Replies
    1. شكراً ياجميله :$ تشرفني متابعتك 

      Delete
  8. النور نورك حبيبتي ..
    شكرااا ماقصرتي ربي يعطيكي العافيةة ..

    ReplyDelete
  9. الصبغه البني من ويلا بني اي درجه بالظبط
    ومرررا مشكوووره :)

    ReplyDelete
    Replies
    1. الصبغه اللي استخدمتها بني غامق =)

      Delete
  10. Very impressive *_* <3
    Walla marra sheft methil kitha qabl, shukran 3al dars!

    ReplyDelete
    Replies
    1. Thank you !! <3 it means alot to me :$

      Delete
  11. مرحبا
    وقت التشقير مره طويل يعني ساعه كفيله بعمل انتفاخات وتحسس
    عاﻷغلب نص ساعه كافيه جدا
    مع استخدام اكسجين 6 vol
    تفاديا لسقوط الشعرات والدخول في دائرة اللعن والحرام
    وتسعين الف تشكره عالتدوينه القميله

    ReplyDelete
    Replies
    1. اهلين .. انا شخصياً دائماً اخليه ساعه ولايطيح شعر ولا شيء ، بس اذا احد مره حساسه بشرته اكيد لايخليه ساعه ، وشكراً لك ياجميله :$

      Delete
  12. مساء الخير
    يعجبني البلوق حقك من جد احسه اسلامي وسعودي بقوه
    خخخ يعني اقصد بلوقات الاجانب صعبه واغراضهم مو عندنا :’(
    شوفي شعري صبغته بني فاتح فا ماقدر اصبغ حواحبي بني غامق احس بيطلع غلط فا ايش اسوي
    يعني عادي لما اصبغ مره ثانيه عالجذور لانه طول شوي ومن نفس الصبغه اصبغ حواجبي ولا كيف
    وشكرا مقدما

    ReplyDelete
    Replies
    1. مساء النور هههههههههههه:$ ياحبي لك مشكوره الله يسعدك
      اييه عادي عادي حبيبتي ينفع ونص :*

      Delete
  13. الله يعطيك العافيه ياست الكل
    بصراحه استفدت منك كثير
    الله يجزاك كل خير
    وبإنتظار ريفيو ( البي بي كريم ) تبعك على احر من الجمر
    لاتتأخرين ياقمرهم كلهم

    ماننحرم منك ي رب ❤

    ReplyDelete
    Replies
    1. الله يعافيك ياجميله
      وسعيده انك مستفيده <3 والريفيو قرررررّب اوعدكم
      شكراً لك على الكلام الحلو :$

      Delete
  14. صبغه ويلا اخلطها مع الاكسجين ؟ وش السبب مايكون لوحدها ؟

    ReplyDelete
    Replies
    1. هلا والله .. ايه مع الاكسجين لان لو حطيتيها لوحدها ماراح تصبغ لازم اكسجين =)

      Delete
  15. مرحبا,, مرره متأزمه من التشقير اذا شقرت طلع اصفر +الشعر الاسود يطلع عندي بسرعه
    انتي طريقتك بالتشقير مثلي تقريبا المقادير تكون متساويه واخليه ساعه تقريبا
    الصبغه ماستخدمها بحكم انو حواجبي ماتحتاج كثيفه
    يصير استخدم الصبغه بس عشان امسحها ع منطقه التشقير؟؟ وهل فعلا تطفي اللون الاصفر اللامع الغبي ؟؟

    ReplyDelete
  16. ايه يصير ونص وفعلاً تطفيه دائماً اسويها :$

    ReplyDelete
  17. يعطيك العافيه.. طيب كيف اطفي اللون الاشقر بالصبغه مع الاكسجين والاالصبغه لحالها؟
    هل الصبغه لها الوان ؟من وين شريتيها وبكم ؟؟

    ReplyDelete
  18. السلام عليكم ..
    بس حبيت اسأل اذا الصبغه تصبغ شعر الحاجب بس ولا تجي تصبغ على الجلد في مقدمة الحاجب؟
    لاني ابغى اطول المقدمه فما اعرف اذا تجي تصبغ على الجلد ويكون شكلها طبيعي او لا ، وشكراً مقدمات

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.