review : mac cream color base in " pearl" ♥♥!

السلام عليكم ورحمة الله وبركاته ..

اليوم مسويه لكم ريفيو عن منتج ما استغني عنه وأحبه جداً اللي هو كريم كولور بيس من ماك سعره في السبعينات او الثمانينات ما اتذكر : $ .. ايش هو الكريم كولور بيس ؟ هو منتج من ماك متعدد الإستعمالات وفيه الوان كثيره له وبحطها بالأخير ان شاء الله .. اول شيء هو كريمي و زي مانتو شايفين اللون هذا مره جميل وفيه لمعه حلوه مو قليتر مزعج ولونه مو فضي ولاذهبي بينهم

شوفو السواتش اللي ظالمه حبتين لأن لونه اجمل

♥ طيب اقولكم استخداماته الحين :

أكثر شيء احبه اني احطه عند مدمع العين ♥♥♥ يخلي اللوك جميل مره ويحلي العين حتى لو حاطه ماسكرا وكحل بس واحط هذا خلاص يكفي ♥ ولأنه كريمي ومافيه هذاك القليتر + لونه مو فضي على ابيض ولاذهبي اوفر ! يسوي جو مع العين :$ ويناسب كل الأوقات ..

استخدامه الثاني برايمر للعين ! هو لونه مره حلو لو احطه لحاله بس مشكلته يسيح ماينفع ابد لحاله فاستخدمه برايمر قبل الشادو ويأدي الواجب يثبت الشادو ويوضح لونه !!

برضو استخدمه على عضمة الخد كلمعه جميله نفس اللي دائماً ينسأل عنها   ( وش يحطون بخدودهم بنات هوليود ؟ :P ) ويستخدم بعد فوق روج مات وتبين فيه لمعه بس ماجربت هالشيء ..

وبعد يستخدم تحت الحاجب للي يحبون هالشيء بس ماجربته برضو ..

طيب الحين بوريكم الوان الكريم كولور بيس عند ماك

Luna

ابيض وفيه شيمر فروست

pearl

هذا الزين اللي نحكي عنه : $

Hush

ترابي مع لمعة ثلجيه فروست

Shell

بينك على بيج مع لمعة فروست

Improper Copper

نحاسي مع لمعة فروست !

Take Root

بني أحمراني ومافيه لمعة " ليمتيد اديشن"

 

وأخيراً بحط لكم مقطع وحده جميله مستخدمه الكريم كولور بيس نفس اللون اللي تكلمت عنه !! شوفو كيف استخدمته و وين حطته : )

 

وبكذا اكون خلصت هالبوست ان شاء الله يكون مفيد : $ انتظروني بسلسلة حماسيه ان شاء الله .. اشوفكم على خير

مع السلامه ♥ Love you all