review : mac cream color base in " pearl" ♥♥!

DSC01036

DSC01035

السلام عليكم ورحمة الله وبركاته ..

اليوم مسويه لكم ريفيو عن منتج ما استغني عنه وأحبه جداً اللي هو كريم كولور بيس من ماك سعره في السبعينات او الثمانينات ما اتذكر : $ .. ايش هو الكريم كولور بيس ؟ هو منتج من ماك متعدد الإستعمالات وفيه الوان كثيره له وبحطها بالأخير ان شاء الله .. اول شيء هو كريمي و زي مانتو شايفين اللون هذا مره جميل وفيه لمعه حلوه مو قليتر مزعج ولونه مو فضي ولاذهبي بينهم

شوفو السواتش اللي ظالمه حبتين لأن لونه اجمل

IMG_0497

♥ طيب اقولكم استخداماته الحين :

أكثر شيء احبه اني احطه عند مدمع العين ♥♥♥ يخلي اللوك جميل مره ويحلي العين حتى لو حاطه ماسكرا وكحل بس واحط هذا خلاص يكفي ♥ ولأنه كريمي ومافيه هذاك القليتر + لونه مو فضي على ابيض ولاذهبي اوفر ! يسوي جو مع العين :$ ويناسب كل الأوقات ..

استخدامه الثاني برايمر للعين ! هو لونه مره حلو لو احطه لحاله بس مشكلته يسيح ماينفع ابد لحاله فاستخدمه برايمر قبل الشادو ويأدي الواجب يثبت الشادو ويوضح لونه !!

برضو استخدمه على عضمة الخد كلمعه جميله نفس اللي دائماً ينسأل عنها   ( وش يحطون بخدودهم بنات هوليود ؟ :P ) ويستخدم بعد فوق روج مات وتبين فيه لمعه بس ماجربت هالشيء ..

وبعد يستخدم تحت الحاجب للي يحبون هالشيء بس ماجربته برضو ..

طيب الحين بوريكم الوان الكريم كولور بيس عند ماك

M52511

Luna

ابيض وفيه شيمر فروست

M52505

pearl

هذا الزين اللي نحكي عنه : $

M52509

Hush

ترابي مع لمعة ثلجيه فروست

M52508

Shell

بينك على بيج مع لمعة فروست

M52521

Improper Copper

نحاسي مع لمعة فروست !

M52563

Take Root

بني أحمراني ومافيه لمعة " ليمتيد اديشن"

 

وأخيراً بحط لكم مقطع وحده جميله مستخدمه الكريم كولور بيس نفس اللون اللي تكلمت عنه !! شوفو كيف استخدمته و وين حطته : )

 

وبكذا اكون خلصت هالبوست ان شاء الله يكون مفيد : $ انتظروني بسلسلة حماسيه ان شاء الله .. اشوفكم على خير

مع السلامه ♥ Love you all

You may also like:

11 comments

  1. صادقه جربته مره روووعه يوضح لون الشدو

    ReplyDelete
  2. مخططه عليه من زمان - وبعد رفيوك راح اشريه ان شا الله . مدونه جدا روعه استمري وبالتوفيق ...

    ReplyDelete
  3. اهلين نورتيني .. تسلمين يارب  ♡

    ReplyDelete
  4. طيب ماقلتي كم سعره

    واذا بشتري وش اقول اسمه

    ReplyDelete
  5. هلا والله .. الا ذكرت سعره بالاول حبيبتي .. بالسبعينات او الثمانينات ما اتذكر بالضبط :$! واذا بتشترين قولي ابي الكريم كولور بيس لون "بيرل" موفقه ..

    ReplyDelete
  6. هالمنتج غني عن التعريف
    عن جد جميل مررآآ
    دايما احطه على عظمة الخد ويعطي انعكاس لون مرره جممميل
    ماجا ببالي اجربه عند مدمع العين وبجربه ان شاء الله ,شكرآآ ع الريفيو مدونتك حلوه ومفيده كويس اني طحت عليها ^_^

    ReplyDelete
    Replies
    1. شكراً لك سعيده انها اعجبتك :$ ودائماً نوريني ..

      Delete
  7. مخططه عليه ، بس ممكن ترشحي برايمر حلو

    ربي يسعدك

    ReplyDelete
  8. ويسعدك يارب ♥ اربن ديكاي وتو فيسد

    ReplyDelete
  9. ماشاء الله .. هالمنتج جميل وخصوصا ان له اكثر من استخدام.
    حلو شرحك وعفويتك .. متابعة لك اكيد.

    ReplyDelete
  10. ما شاء الله درسك او عرضك للمنتج يهبل ويحمس
    واللوك الاخير يفتح النفس :'(

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.