السلام عليكم ورحمة الله وبركاته

حبيت احط بوست خفيف مو من تصويري ولا كله من تجاربي الشخصيه .. بس اعرض لكم افضل الكونسيلرات والأفضل مبيعاً بعضها جربتها وبعضها لا :$

ان شاء الله يكون مفيد للي حاب يشتري كونسيلر ومو عارف ايش يختار !!

أول شيء ببدا بأفضل الكونسيلرات للهالات السوداء :

النمبر ون طبعاً بوبي براون ! بالهالات وبالبليمش وبكل شيء ! افضل كونسيلر ممكن يغطي هالاتك مهما كانت سيئه ان شاء الله .. يجي معاه باودر عشان تثبت الكونسيلر ، لو كانت هالاتك شديدة اشتري معاه الكوريكتر اللي هو يجي لونه على اورنج تحطيه قبل الفاونديشن يتساوى مع لون بشرتك بعدين تحطي الفاونديشن وبعده الكونسيلر !! لو كانت هالاتك وسط يكفي الكونسيلر ان شاء الله ..

بما اننا عن بوبي براون ، فيه هذا اللي يسمّى " برايتر"

هو يضيء اللي تحت العين ، تغطيته ماراح تكون مثل اللي فوق بس ميزته الأضائه  / يخلي المنطقه منوره على كلامهم .. ينفع للي هالاتهم خفيفه !

هذا من سان لوران نفس الشيء " برايتر" يقولون ينباع كل 20 ثانيه حول العالم :O! هو يسوي اضائه اكثر من انه يغطي ويخفي الهالات ، يستخدم تحت العين وتحت الحاجب وعلى الأنف ينور هالأماكن .. لو تم استخدامه غلط ممكن النتيجه ماتكون مرضيه ، اذا بتحكمون عليه احكمو من ناحية الاضائه مو من ناحية التغطيه .. نفس الشيء احس ينفع للي هالاتهم خفيفه لمتوسطه وطريقة وضعه تكون بعد الفاونديشن ! عموماً اذا احد حاب ياخذ البرايتر ياخذه من سان لوران احسن من بوبي براون حسب الريفيوز اللي قريتهم ..

من بينفت .. كونسيلر قوامه مناسب لتحت العين ولباقي الوجه  ، تغطيته متوسطه !

واخيراً حبيت اذكر كونسيلر من درقستور ، يعني من الماركات اللي تنباع في سنتر بوينت عندنا وتكون ارخص .. بحثت عن درق ستور كونسيلر والكل اجمع انه ريميل هذا ! وفيه ناس تقول انه يشبه سان لوران البرايتر ، يسوي اضائه وممكن استخدامه لأماكن ثانيه بالوجه ..

الحين نجي للكونسيلر اللي ينفع للوجه لتغطية حبوب او كلف او احمرار .. طيب بتقولون ايش الفرق بين كونسيلر تحت العين وكونسيلر لباقي الوجه ؟ انا اقولكم :$ اللي تحت العين يكون قوامه سايل مثل سان لوران ، او كريمي جداً بحيث انه يرطب منطقة تحت العين الحساسه ، بينما كونسيلر باقي الوجه بيجي اثقل وماراح تقدرين تحطينه تحت عينك بيتكتل ويسوي خطوط ويجي باهت ! عشان كذا بعض الكونسيلرات تضبط مع وجهك بس تحت عينك لا .. بس كونسيلر بوبي براون ينفع لتحت العين ولباقي الوجه ! < احس اني متعصبه لبوبي براون : ( ههههههههههههههه

كونسيلر فور ايفر فول كوفر .. هذا الكونسيلر عندي فضول اجربه ، كثير يمدحونه ويقال تغطيته عاليه حتى يغطي التاتو !!! وينفع هذا الكونسيلر لمنطقة تحت العين .. يخفي الحبوب واثارها والأحمرار بكل احتراف وفيه درجات كثير له حتى للسمروات الجميلات !!

كونسيلر ماك استديو ، اختاري درجة بيرفكت وبيمشي معاك ان شاء الله .. برضو تغطيته عاليه ويزعمون انه يغطي التاتو

نفس الشيء من بوبي براون .. مصمم بهالشكل بحيث يكون خفيف الحمل فشنطة الميك اب ، وسريع تسوين تتش اب لما تكونين طالعه ! كل من شراه حبّه من ناحية الباكيجينق والتغطيه ..

وبس :$ هذي افضل الكونسيلرات اللي متوفره عندنا .. ان شاء الله يكون بوست مفيد حتى لو سريع وخفيف : )

اشوفكم على خير .. مع السلامه

Love you all  <3