السلام عليكم ورحمة الله وبركاته
كل عام وانتو بخير متابعاتي الجميلات .. العيد جاء وكلنا نبي بشرتنا تكون بأجمل حال :$
بشارككم روتيني قبل المناسبات عشان بشرتي تلق :$ طبعاً لازم تسوونه قبل العيد بيوم او يومين يعني اليوم سووه عشان البشره ترتاح قبل المناسبه ! ، بالصوره الأشياء اللي راح نحتاجها :
1 – سكرب .. حطيت بالصوره اللي استخدمه حالياً من سوب اند قلوري هو مو سكرب بس منظف عميق يعني كلهم ينفعون
2 – تونر ، أي تونر انتي تستخدمينه
3 - موية ورد فبخاخ تكونين حاطتها بالفريزر عشان تكون بارده
4 - ماسك ! اذا عندك ماسك جاهز مرتاحه معاه أو تسوين مثل طريقتي : زبادي + شوفان + عسل او موية ورد
5 – السيروم تبعك واذا ماعندك مو ضروري حطي الكريم على طول
6 – كريم الليل أو أي كريم مرطب عميق
7 – مرطب شفايف
وقبل لا ادخل بالطريقه شوفو هالشيء
هذا جهاز بخار للوجه (من ساكو) .. اللي ماعندها عادي تقدر تجيب قدر وتحط فيه مويه مغليه وتسمّي بالله وتحط فوطه حوالين راسها بحيث البخار يجي على وجهها مايطير بالهوا ، بس انتبهو مو تقربون مره من القدر ..
حطو المنبه على خمس دقايق وتعرضو للبخار
حطو المنبه على خمس دقايق وتعرضو للبخار
بعد خمس دقايق بتطلعين وجهك بيكون مندّي فيه مويه شوي من البخار ، على طول جيبي السكرب تبعك وحطيه قبل ينشف وجهك وافركي (برقّه) لمدة دقيقه وركزي على الأنف والذقن وحطي منه شوي على شفايفك ..
بعد الدقيقه غسلي وجهك بمويه دافيه ونشفيه وامسحيه بالتونر , لما تمتص البشره التونر حطي الماسك وخليه 10 دقايق
بعد كذا شيلي الماسك وجيبي قطنه وحطي عليها موية ورد وامسحي وجهك عشان ينظف عقب الماسك ، بعدين بخي عليه كثييير من موية الورد عشان يريح ويبرد ..
اذا نشف وجهك من موية الورد حطي السيروم وبعده الكريم أو الكريم على طول + مرطب الشفايف ولاتنسين مرطب العيون
افضل اسوي هالطريقه قبل النوم عشان البشره ترتاح وقت النوم
وبس هذي طريقتي دائماً وابداً قبل أي مناسبه وبشرتي بعدها ولا احلى نظيفه وتلق :$ وحتى لو مافيه مناسبه احاول اسويها كل شهر او شهر ونص : )
عيدكم مبارك وينعاد عليكم بالصحه والسعاده .. مع السلامه اشوفكم على خير بعد العيد :$
Love you all <3
الله يجزاك خير ويسعدك ,, ممكن أفضل تونر ؟
ReplyDeleteؤش التونر !؟
ReplyDeleteالتونر ياقلبي هو سائل ينحط بقطنه وتمسحين وجهك فيه .. ينظف البشره وفيه تونرات كثيره تكون معالجه بنفس الوقت ..
ReplyDeleteافضل تونر على حسب نوع بشرتك ، اذا دهنيه كلينيك ، واذا عاديه او جافه هذا من بوتس حلو استخدمه حالياً :)
ReplyDeleteالله يسعدك عيني ، حبيت أوضح عمليه تعريض الوجه للبخار م يكون منزله راسك بسوي لك ترهل الاحسن ان يكون وجهك على قدام ، وشىءءء ضروري تقفلين المسام بعدالبخار ولا بشرتك
ReplyDeleteبتتعب
# روز شكراً كبير وكثير على كل شىء كتبتيه و يجعلها في موازين حسناتك و يبلغك رمضان كل عام و عساك من العايدين و السالمين
ويسعدك يارب زي ما اسعدتيني بكلامك .. شكراً لك على التوضيح المفيد :$
ReplyDeleteوشكراً لكم انتو اللي تشجعوني بلطفكم اني اكمل واقدم احسن .. جد شكراً
روز اولا كل عام وانتي بخير وتقبل الله طاعتك وينعاد عليك بالصحه والسلامه
ReplyDeleteثانيا نخش بالعميق P:
ههههههه عاد تصدقين اليوم مسويه لوجهي روتين قريب منه عشان العيد
بعض الاوقات اسويه بالعياده صحيح يوجعون لاجاء وقت الرؤؤس السوداء بس ترتاحين وهم يسوون لك
هالمره سويته بالبيت بما ان ماعندي اله البخار حطيت مويه مغليه صبيتها بعلبه وحطيت علي فوطه وجلست عالبخار حوالي ١٥ دقيقه لان مو مثل الجهاز يظل يطلع بخار يبدا يبرد
بعد البخار شلت الرووس السوداء ثم حطيت صنفره فركتها بيدي ثم بالفرشه حقت الوجه شوي
ثم سويت قناع شريته من نزيه ماركته Casmara للبشره الحساسه يجي بودره وجل مره رهيب لايفوتك ولايلعوز لانشف ثم بعد ماشلته بما ان عندي مسام مفتوحه سويت ماسك خفيف مكون من ملعقه خميره وملعتين نشا وملعتين حليب سايل وملعقتين ماء ورد نص ملعقه ليمون يصير ماسك سايل وغسلت فيه المسام ثم عاد اخر شي ثلج عشان تقفيل كافه المسام وكريم مرطب وبس
صح الصنفره استخدمت مثلك حقت st.levs
Deleteوترا الماسك اللي حطتيه النشا ملعقه وحده
وانتي بخير وسلامه ياقلبي ♡ والله يتقبل مننا ومنك ♡
Deleteيازييينك ويازين تجربتك :$ ان شاء الله بجرب الماسك اللي تقولين عليه .. تحمست ادلع وجهي بعد شوي :$ يعطيك العافيييه ياقلبي وهالمره بجرب الماسك تبعك لاني مابعد سويت تنظيف :$
الشوفان وموية الورد والزبادي اللي بالماسك كيف مقاديرها ؟
ReplyDeleteواذا ماعندي تونر وش استبدله فيه ؟
السكروب يعني اي كريم ممكن استخدمه ؟
ReplyDeleteاشيل الماسك بالمويه ولا كيف ؟
ReplyDeleteحتى انا ماعندي لا التونر ولا موية الورد ولا كريم الرطب :( يمديني ابدلهم بشيء ثاني او استغني عنهم او لا ؟؟
ReplyDeleteاهلين بنات اعذروني تأخرت عليكم ..
ReplyDeleteمقادير الماسك : ملعقه كبيره زبادي ، ملعقه صغيره عسل او موية ورد ، ملعقه صغيره شوفان
الماسك ايه تشيلينه بمويه ياقلبي
ReplyDeleteوالسكرب هو المقشر ماله علاقه بالكريم ♡
اللي تقول ماعندها تونر ولا موية ورد ولا مرطب .. ماعندك اي كريم للوجه ؟ ضروري كريم بعد التنظيف ماتستغنين عنه حبيبتي ♡ والتونر وموية الورد استبدليهم بمكعبات ثلج حطيها على وجهك بعد الماسك وعقبها حطي الكريم ..
يعطيكي العافيه
ReplyDeleteيعطيك العافية
ReplyDeleteبس عندي استفسار من فضلك
الحين مو البخار يفتح المسام ؟ بالتالي الوجه بيصير فية دهون ورؤؤس سوداء
كيف اسكر المسام بعد البخار من فضلك ؟
الله يعافيك حبيبتي
ReplyDeleteايوه يفتح المسام والتونر وموية الورد البارده بتسكرها واذا حبيتي مرري ثثلجه على وجهك بعد الماسك ..
ReplyDeleteحبيت طريقتك وترتيبك
ان شاء الله بطبقها :)