فرشاة التنقيط والدمج ! من و إلى ❤

 

السلام عليكم ورحمة الله وبركاته

البوست اليوم متنوع عباره عن درس وريفيو ومقارنه :$ بحكي لكم عن الـ stippling brush  

اللي هي فرشاة التنقيط أو فرشاة الدمج .. من فتره وانا مخططه اسوي مقارنه بالفرش اللي عندي واعطيكم فكره عنهم وسبقتني الجميله وفاء وسوت بوست عنها شوفوه قبل تقرون بوستي عشان ما اهضم جهدها :
 

http://theartistichands.blogspot.com/2012/09/stippling-buffing.html

 

هذي الفرشة متعددة الإستخدامات وذكية جداً ! بالنسبه لي ما استغني عنها ابداً واكثر فرشة اشوف اني استخدمها

أول شيء ايش هي فرشاة التنقيط او فرشاة الدمج ؟

 

 

 

 

 

 

 

 

 

 

 

 

 

 

 

 

هي فرشاة ميك اب تستخدم استخدامات متعدده " راح اذكرها بعد شوي " وشعراتها طولها متفاوت يعني تلاقين شعراتها طويله وقصيره وغالباً لونين ابيض واسود ، فكرة هالفرشة انها تعطيك تغطيه ناعمه وطبيعيه  وكأنه فوتوشوب ❤ يعني تدمج الفاونديشن ببشرتك مايكون الفاونديشن طبقه ثانيه ..  كثير يسمونها معجزه لأنها تسوي اكثر من شيء وتعطي فينيش رائع لو استخدمتيها بالطريقه الصحيحه ..

استخداماتها :

للفاونديشن .. للبلشر وللبرونزر وللباودر حتى !

حتى تفك ازمه لو مره حطيتي بلشر كثير :O  تاخذينها وتدمجين البلش فيها ويخف ويطلع طبيعي وحلو ..

كيف تستخدمينها ؟

طبعاً هي تستخدم للفاونديشن الكريمي ورائعه لو فاونديشنك موس أو مضغوط .. اما لو الفاونديشن مره سايل ماينفع الا اذا كنتي تبين تغطيه مره خفيفه  

تحطين الفاونديشن على ظهر يدك وتاخذين الفاونديشن بالفرشاة بطبطبه زي ماهو واضح بالصوره ، بعدين تبدين توزعين الفاونديشن بطبطبه وبيطلع لك الفاونديشن منقط و بحركات دائريه ناعمه ابدي ادمجي الفاونديشن و وزعيه  ..

طيب الحركات الدائريه هذي لازم تكون صح والا ماراح تعطيك نتيجه حلوه .. شوفو معاي :

















وانتي تدمجين بحركات دائريه خليك حريصه ان الفرشاة تكون بهالشكل واقفه وانك جالسه تستخدمين الشعرات البيضاء بس وبخفّه ..

















والغلط انك تسوين كذا .. تضغطين عليها بقوه وتفركين ، كذا انتي جالسه تطيرين الفاونديشن عن بشرتك بدال ما تحطينه عليها وتسوين تغطيه ..

وهذا فيديو لبنت تستخدم هالنوع من الفرش " ما استخدمت حيلة التنقيط على طول بدت تدمج "

http://www.youtube.com/watch?v=-9a1nT0vY0o&list=UUrIIH7yHQugaUuoTZDoEUuQ&index=6&feature=plcp


اما استخدامها للبلشر والبرونز جميييييل لأنها تدمجه والبلشر يطلع متوزع بشكل محترف ! ❤

مقارنة بين فرش الدمج والتنقيط الموجوده عندي :




من اليمين سيقما .. ريل تكنيك .. ماك .. إيلف
ولاحظو الفرق بالشعرات :$

نبدأ بـ إيلف  :




الشعرات طولها واحد ! وشويه .. ماحبيتها  وحاولت استخدمها للبلشر اقل شيء بس ماتوزع ولا تمسك البلشر لأن شعراتها طويله وشويّه ، يعني احسهم يلعبون علينا ايلف <_< حاطين لنا شعرات ابيض واسود وقالو هذي ستيبلينق برش !! هالنوع من الفرش لازم يكون فيها شعرات طويله وقصيره وهذا اللي يخليها جميله للدمج بس هالفرشاة مالقيت فيها هالشيء ..

ماك 107 :





thats what im talking about <3
تأدي المهمه على اكمل وجه .. شايفين كيف شعراتها كثيييره وطولها متفاوت ؟ جمييييله جداً لكل شيء 

سيقما F50




اغلبية فرش سيقما تكون جودتها مقاربة او نفس ماك حتى .. لكن هالفرشاة لا للأسف ماتتقارن بماك ابداً
شعراتها اقل من ماك بكثير والشعرات نفسها جودتها اقل ، توقعت من سيقما تبدع في الستيبلينق لأنها مهمه بس ماش :$

ريل تكنيك





احلى فرشاة بريل تكنيك هذي ، وهي اكثر وحده مشهوره ، مررره حلوه ولو كنتو تبون خيار ارخص من ماك خذوها ولاتقربون ايلف ولا سيقما .. شعراتها كثيره وطولها متفاوت واللي حبيته فيها انه الشعر قصير يعني  تساعد في توزيع الفاونديشن بالأماكن الدقيقه مثلاً حول الأنف وكذا .. ما اقول انها احسن من ماك بس اقول انها تأدي الغرض بشكل جميل وشعراتها القصيره تميزها عن ماك ❤


بالمختصر : افضلهم ماك وريل تكنيك ❤

واحب هالفرشه وبضل اجمع فيهم ❤ مع اني نادر استخدمها بالفاونديشن بتقولون اجل ليه تحبينها ؟ احب استخدمها مع البلشر والبرونزر والهاي لايت ، لما استخدمها ما احس وجهي عباره عن بقع الوان ، كل شيء مدموج وناعم خصوصا البلش سحر معاها ❤ وتقدرون تستخدمون فرشاة ريل تكنيك للكونسيلر لأنه احياناً يطلع مو متناسق مع الفاونديشن وهالفرشة بتحل هالشيء ان شاء الله ..
امممم وش بعد ماقلته :$ اظن هذا كل شيء :$

الأسعار والأماكن :

mac 107 : من محلات ماك والسعر ما اتذكره بالضبط بس فوق الميتين

sigma F50 : رابط الشراء :

http://www.sigmabeauty.com/product_p/f50.htm

realTechniques رابط الشراء :

http://www.amazon.com/Real-Techniques-RLT-1408-Stippling-Brush/dp/B004TSFE6Y/ref=sr_1_1?s=beauty&ie=UTF8&qid=1347138216&sr=1-1&keywords=real+Techniques+Stippling+Brush

elf : رابط الشراء :
http://www.eyeslipsface.co.uk/product~prodID~227.htm


وبس كذا نكون خلصنا ❤ ان شاء الله البوست كان لطيف وخفيف :$
شكراً لكم .. اشوفكم على خير
مع السلامه : )