get inspired by pretty little liars !!

السلام عليكم ورحمة الله وبركاته

هذا اول بوست يخص الفاشن في المدونه :$ اتمنى اجزاء الفاشن تعجبكم قد الميك اب .♡ .. لما فكرت بشيء عن الفاشن وعن التجهيز للدوامات جتني فكره جمييييله هو اني انزل لكم ستايل مسلسل أحبه تاخذون منه افكار وتشوفون اللي يناسب ذوقكم الشخصي :$ .. اليوم بسوي عن مسلسل pretty little liers  اللي تابعه لازم يحبه ويتعلق فيه حمااااس والشيء المهم عاد هو ستايل البنات فيه .. هم اربع بنات كل وحده ستايلها مختلف تماماً عن الثانيه وهذا الحلو فيه ، اعترف اني ما اشوفه افضل مسلسل من ناحية تلبيس الممثلات ، يعني احس فيه افضل منه مثل قوسيب قيرل وناين أو .. بس برضو بحطه لأن ممكن تاخذون افكار وتستفيدون بسبب التنوع ..

شوفو معاي وكل وحده تقولي مين اقرب وحده لستايلها :$

Aria

آريا الكيوت تحب تلبس طبقات وتحط قطع كثيره واكسسوارات " اخترت لكم احلى اطلالاتها لأن فيه كثير لها زحمه " ..

Hanna

هانا الجميله كانت عاديه جداً وفجأه سارت تحب تتأنق ، تحب تلفت النظر بملابسها ماتلبس شيء بسيط وعادي !

لون الجاكيت جمييييل :(

Spencer

سبينسير أكثر وحده فيهم عقلانيه وملابسها تعكس هالشيء تلبس كلاسيك دائماً مع لمسة شخصيه منها .. هي اكثر وحده فيها ملابسها ممكن تاخذون منها افكار للجامعه لأنها بسيطه وساتره :$

Emily

إيميلي الطيوبه ستايلها عادي جداً سبورت واحياناً لبسها فيه شوي صبيانيه .. اخترت لكم اشيَك لبسين

لقطات لهم سوا :

 

وبس :$ ان شاء الله اعجبتكم الفكره واستفدتوا ؟.♡  المره الجايه ان شاء الله بحط لكم عن مسلسلي المفضل من ناحية الستايل والملابس والخيارات فيه بتكون اكثر واجمل ان شاء الله .. أي طلبات لبوستات أو افكار حابين تشاركوني فيها لاتستحون قولو لي في الكومينت تحت " تقدرون تحطون كومينت بدون ماتسجلون وراح يطلع عندي "مجهول" ..

حالياً خلصت البارتات السريعه للعوده للدوامات .. بنرجع لتنويع المواضيع وبنفس الوقت بيكون فيه بوستات تخص الجامعه طبعاً لأننا رجعنا لها :$

مع السلامه ياجميلاتي .♡ .. أشوفكم على خير