Travel series - Part 2 - your beauty shopping guide سلسلة رحلات الصيف -دليلك لتسوق منتجات التجميل بالخارج ❤



السلام عليكم ورحمة الله وبركاته
تدوينة اليوم بكتبها بالعربي بس ، لأنها اساساً موجهه للعربيات والخليجيات "ابداً مو عجزانه بعد" :$
مثل ماتعرفون ، بالتدوينه السابقه بدأت معاكم سلسلة رحلات الصيف ، بهالسلسلة راح ادون عن كم موضوع يخص السفر واهتمامات البنات فيه .
فـ جزء اليوم بيكون دليلك للتسوق (التجميل فقط) في حال سافرتي أو حبيتي توصين احد ، من اكثر الأستفسارات اللي تجيني هي عن هالشيء اني بسافر ايش المنتجات او الماركات الحلوه اللي مو عندنا؟
متفهمه كثير انه اللي تسافر تحب تستغل هالشيء وتشتري اشياء جميلة مو متوفره عندنا ، بس البعض ماعنده خلفيه ومعلومات عن الزين والشين خصوصاً انه هناك كل شيء بـ يكون انقلش .
عشان كذا جمعت لكم كل الماركات اللي موجوده برا ومو عندنا (فيه منهم تلقونهم في دبي) ، وقررت اجمعها لكم على شكل :  اني امثل كل ماركة بمنتج مشهور والأكثر مبيعاً عندهم ، واكيد تحت كل ماركه منتجات اكثر وحلوه جداً بس ماراح تكفيني تدوينة عشان اغطيهم كلهم .



بسم الله نبدأ :

العنايه في البشرة :




1 - Caudalie براند فرنسية انعرفت بجودتها العاليه

2 - Elemis الميس بدأت تنتشر مؤخراً بشكل واضح ، واكثر منتج محبوب هو التونر

3 - Murad ماعندي معلومات كثيره عنها لكن فيه ناس تحب هالبراند والسيروم هذا كان من الأفضل مبيعاً في سيفورا

4 - Fresh هذا المنظف من فريش اشتهيت اجربه! عليه ريفيوز كويسه والبراند كلها مرتبه وجميله

5 - boscia معروفه بفعالية منتجاتها بس ماعندي خلفيه كافيه عنها

6 - nude skincare

7 - Origins حبيب الملايين ، اوريجينز هي من الأفضل  في العناية بالبشره وكثير كثير يقدرونها ، عندهم الماسكات مشهوره كثير وكل منتجاتهم تقريباً حلوه لكن الأفضل مبيعاً بجداره هو هالماسك واسمه Skin drink .

8 - Olie Henrikson h اولي هينركسون اكثر شيء اشتهرو فيه هو سيروم الفيتامين سي ومعروفه فعالية الفيتامين سي ، دائماً ماخذ الأفضل مبيعاً ومؤخراً شفت ناس تمدح مناديل ازالة الميك اب من عندهم

9 - Josie Maran اكيد مر على كثير منكم ، جوزي ماران كل منتجاتهم داخل فيها زيت الأرقان ، وطبعاً اشهر منتج عندهم هو زيت الأرقان نفسه .

10 - Kiehls كايلز من احلى منتجات البشره بعد ، فيه ناس كثير تحب هالسيروم وتشكر فيه ! عندي فضول اجربه يوماً ما

11 - Kate somerville كيت سمورفيل اكثر منتجاتها فعاله وجميله لكن يعيبها غلائها شوي ، عندها هالمنتج المخصوص للحبوب

12 - First Aidbeauty من البراندز اللي برزت بآخر سنه بزياده ، اشتهرو بكريماتهم اللي ترطيبها عميييق ومخصصه لصاحبات البشره الجافه والحساسه ومنهم هالكريم .


ميك اب :





1 - Elizabith Arden

2 - Nars احب نارز كثير ، ضروري تجربون المات بينسل وفاونديشن شير قلو ، واكيد البلشرز مشهورين فيها

3 - Anastasia اشتهرو كثير بالفتره الأخيره بمنتجات الحواجب ، ومن بينهم هالقلم ماخذ الأفضل مبيعاً بمنتجات الحواجب ككل وشفت كثير يمدحونه .

4 - kevyn Aucoin نفس شيء مشهوره بهالمنتج بالذات ، هو عباره عن منتج متعدد الإستعمالات وتغطيته عاليه جداً بحيث تقدرين تستخدمينه كـ كونسيلر وراح يخفي اي شيء ، أوكـ فاونديشن اذا تبين تغطيه مره عاليه ، او تخلطينه مع فاونديشن خفيف أو مع مرطب .. الميك اب ارتيستز مايستغنون عنه ابداً والحلو فيه انه لونه على اصفر فـ يناسب البشرات الحنطيه .

5 - Tarte تارت منتجاتها كلها حلوه وخصوصاً البلشرز ثابتين ولونهم غني ، هنا حطيت الفاونديشن تبعهم اللي الحين الكل يمدحه وماخذ الأفضل مبيعاً من بين منتجاتهم ، تغطيته عاليه بس احساسه عالبشره خفيف ومايكتل .

6 - Stilla عندهم احلى ايلاينر سائل ممكن تجربينه ، لما خلص ضعت بدونه والله ، أحس كل مقومات الآي لاينر فيه سواد وثبات وفرشاه سهله ونحيفه! وكمان مشهورين بآي شادو اسمه Kitten

7 - Amazing cosmatics اكثر شيء مشهوره فيه هو هالكونسيلر القوي ، يقولون يخفي حتى التاتو!

8 - LauraMercier اكيد كثير منكم سمع عنها ، الفاونديشن تبعهم محبوب كثير هو والتينتد موسترايزر (مرطب ملون) وفعلاً جربته وكان جداً جميل

9 - Joer البرونز عندهم يتميز بأنه مطفي + لونه مثالي حسب الريفيوز ، كثير يحبونه ويحبون المرطب الملون المات عندهم .

10 - Lip tar الروج اللي فعلاً نقدر نقول انه ثابت وبنجاح + مطفي .. لو عندك اكثر من لون تقدرين تخلطين وتبدعين مثلاً المشمشي مع الأحمر والبينك مع الموف وتطلع لك درجات جديده 

11 - urben decay وهل يخفى القمر؟ لأنكم عارفين باليت نيكد ، حطيت نيكد فلشد اللي هو عباره عن بلشر وبرونز وهاي لايتر
12 - The balm اضائتهم جميله جداً ، هذي والبرونز ، واحب بلشراتهم دلع 

13 - Clé de Peau Beauté مفروض انه من افضل الكونسيلرز لأنه يعطي تغطيه + ترطيب معقول + يمتزج بسهوله بالبشره

14 - Hourglass البراند اللي للحين ما اشتريت منها شيء وقلبي يهفني عليها ، ماشاء الله كل شيء انمدح منهم ابتداء من البرايمر الى الاضائه والحين طلعو اصدار بلشر مع اضائه بنفس الوقت .

العناية في الجسم :




1 - STtropez : عندهم افضل سيلف تان ، مش اورنج ولا بني ، اللون المثالي اللي كأنك تشمستي فعلاً

2 - Elizabeth Arden عندهم هالكريم متعدد الأستعمالات ومفروض ترطيبه مره عميق ، يعني تستخدمينه على الأماكن الجافه جداً مثل الأكواع  ، الكيوتكل ، او اذا حبيتي للشفايف يرطبها .. وحتى يدينك واقدامك ينفع لهم .

3 - Tocca بصراحه ماعندي معلومات كثير عنهم بس اعتقد مشهورين بعطر معين وكريمات اليدين والجسم

4 - Laura Marcier هالمره للعنايه ، وهو سوفليه الجسم يترك البشره ناعمه جداً ويرطبها وفيه منه روائح تناسب اي مود

5 - Fresh فريش عندهم اشياء كثير مشهورين فيها ، مرطب الشفايف وعندهم عطر كمان مشهور يقولون انه بارد وعلى سويت ، وصوابين الجسم كمان محبوبه كثير .

6 - Philosophy فيلوسوفي عندهم لاين عنايه بالوجه والجسم واعتقد كثير منكم يعرفها ، وعندهم عطور بارده وحلووه

7 - Melvita من المنتجات اللي بدأت تشتهر بآخر فتره او يمكن انا توي انتبه لها ، عندهم اشياء عنايه حلوه سواء للوجه او الجسم وهذا الكريم لليدين مفضل عند الكثيرين .




نسيت اقول نقطة ، فكرت اجهز بوست يكون دليلك لصيدليات فرنسا بما انها مشهوره بمنتجات العنايه بالبشره فـ ايش رأيكم ؟

,وبس هذا كل شيء لبوست اليوم ، اتمنى كان مفيد و واضح 
واشوفكم على خير ان شاء الله
Bye bye 

You may also like:

6 comments

  1. ايييه بليز ناديه نبي تقارير لصيدليات فرنسا ، طالعه هالصيف اول مره واحب اخذ اشياء مميزه.. شكرا يا قمر

    ReplyDelete
  2. مررره مشكورره ونبغى لندن بعد

    ReplyDelete
  3. ميرسي كتير على نصائحك الرائعة
    http://www.hnajdclinic.com/

    ReplyDelete
  4. مشكوورة نصائح اكثر من رائعة .. جزاكي الله خيرا

    ReplyDelete
  5. نصائح روعه اذا تسمحي ايش اسمه السيروم اللى من Kiehls

    ReplyDelete
  6. شكرا حبيبتي. سلمت يداك على النصائح

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.