مفيش حد كامل Girls Talk ♥ !!

 

دائماً اذا حصلت لنا مواقف حلوه او تجربه جديده او احساس جميل نستخدم كلمة "مثالي" لوصفها ، لما نكون مبسوطين من شيء نقول واو بيرفكت ! بس لو جينا لنفسنا كآدميين ، مين احنا ؟ كيف عايشين ؟ ايش نشتغل او ايش ندرس ؟ كيف شكلنا الخارجي ؟ .. صعبه نقول عن نفسنا كاملين ومثاليين ، لأنه مافيه احد كامل مهما حاول يبيّن العكس أمام الناس .. الكل عنده مشاكله الخاصه بس فيه ناس ذكيه بإخفائها ، وفيه ناس تتعب نفسها وتبي تكون كامله من كل شيء ..كل مازاد بحثهم عن الكمال كل ماحسو بالنقص لأنه شيء لاوجود له " الكمال لله "

ناس تدور عن الكمال بشكلها ، وناس تبي تكون كامله بتصرفاتها ولو غلطت اي غلط نقصّت من نفسها !!

دائماً اسمع أو اشوف كثير يستشيرون اخصائيين عن انعدام الثقه بالنفس و جلد الذات وحسيته انتشر مع ان هالأشخاص هم عدد بسيط تجرأ وطرح مشكلته منهم يعني فيه ناس يعانون وساكتين ..

عندنا محاسبة النفس وهذا شيء لطيف ومحبب إذا كان بإعتدال ، وفيه جلد الذات وهذا اللي مانبيه ! محاسبة النفس انك تجلس تراجع اخطائك وتبدا تصححها وتتجنب تكرارها وايضاً تاخذ درس من تجاربك ، برضو لو جرحت احد او زل لسانك لأحد تحس بالذنب.. هذا شيء جميل جميل واهني اي احد فيه هالصفه لأنه انسان نظيف من جواء يعني لايضيق صدركم ياللي تحاسبون نفسكم وتكبرون الموضوع بعينكم وتحسون انه غلط لكن ننتبه ان هالمحاسبة ماتتطور لجلد الذات ! الفرق بين محاسبة النفس وجلد الذات برأيي هو ان محاسبة النفس تتذكر خطأك وتعالجه وماتكرره ، لكن جلد الذات انك تخاف تخطأ !! ليه تخاف ؟ الأنسان معرض للخطأ ولو محد اخطأ كان محد تعلم من اخطائه ونجح ! لوم النفس كويس في بعض الأوقات لكن لو زاد يتحول لمشكله لدرجة ممكن الأنسان يبدا يحقر من نفسه ويخاف يختلط مع الناس عشان مايرتكب اخطاء ، لازم اللي يعاني من هالشيء ويبي يغيره يكون عنده دافع ورغبه قويه في التغير .. مو شيء صعب ابداً التخلص منه وأنا شخصياً مريت بمرحلة محاسبة النفس بزياده والتفكير بالناس بس تعبت نفسيتي والناس اللي افكر فيها عايشه حياتها ومبسوطه ايش استفدت أنا ؟ ولا شيء ! خلاص اطلعي من دائرتك الكئيبه وشوفي حياتك وعيشيها بطولها وعرضها وسوي اخطاء واختاري خيارات غلط وقولي اشياء خطأ و Rock it !!! لو مامريتي بكل هذا كيف بتتعلمين وتكونين اقوى ؟

هذي بعض الكلمات الجميله اللي أن شاء الله بتحفزكم ♥

- السقـوط ليـس فشـلاً .. إنما الفشـل أن تبقى حيـث سقطـت

- أن كل الاكتشافات والاختراعات التي نشهدها في الحاضر ، تم الحكم عليها قبل اكتشافها أو اختراعها بأنها : مستحيلة

- أنه هناك أناس يسبحون في اتجاه السفينة .. وهناك أناس يضيعون وقتهم في انتظارها

- أن الإنسان لا يستطيع أن يتطور ، إذا لم يجرب شيئاً غير معتاد عليه!

كلنا مرينا بأوقات حسينا فيها بالفشل ، وبغينا اشياء وماحصلناها .. بس بعد بفتره من فشلنا نلاقي نفسنا بمكان أفضل من اللي كنا نبيه !! دائماً لازم نحط فبالنا أنه اذا بغينا شيء وماحصل معناته فيه افضل منه ربي مخبيه لنا وبيعوضنا فيه (الخيره في ما اختاره الله مهما كانت رغبتنا شديدة بالشيء) .. يكفي اننا نوكل أمرنا لله من قلبنا وش نبي احسن من كذا ؟

الجانب الثاني اللي ابي اكلمكم عنه هو الشكل الخارجي ومشاكلنا البناتيه الورديه :$♥ ، اغلب البنات يبون يكونون بيرفكت عشان يحسون انهم جميلات !! غلط ، انتي مو محتاجه تكونين كامله حتى تكونين جميله ..

كل بنت فيها جمال والذكيه اللي تعرف تبرزه مهما كان وزنك مهما كان لونك مهما كانت ملامحك  مو لازم تكونين رشيقه وشعرك طويل ولونك حلو واسنانك صفه عشان تكونين جميله وبيرفكت ! ، وماعليك من كلام الناس اللي يحاولون يحبطونك ويركزون على الأشياء السلبيه فيك ويكبرون عينك عليها .. ترا لأنهم يحسون بالنقص يقولون لك كذا ! لو بتحاولين ترضين كل الناس وماتبين احد ينقدك راح تتعبين تتعبين تتعبين خصوصاً بمجتمعنا .. دائماً البنت الواثقه من نفسها ومهتمه فيها تجذبك ولو مافيها مقومات الجمال كامله ، حبّي نفسك وثقي فيها لأنك تستاهلين هالشيء ..  وبالنهايه اهم شيء في الأنسان الجوهر لأن مافيه ميك اب يقدر يجمّل او يخفي روح سيئه : ) بنات انتو مو محتاجين تكونون كاملين من كل شيء ..

شايفين مارلين مونرو اللي كانت مثال الجمال والأنوثه بهذاك الوقت ؟، ماتت منتحره ! وكانت كاتبه رساله لما لقو جثتها : «لدي إحساس عميق بأنني لست حقيقة تماما، بل إنني زيف مفتعل ومصنوع بمهارة وكل إنسان يحس في هذا العالم بهذا الاحساس بين وقت واخر، ولكني أعيش هذا الاحساس طيلة الوقت، بل أظن أحيانا أنني لست إلا إنتاجاً سينمائياً فنياً أتقنوا صُنعه.» كانت تحس انها مزيفه رغم جمالها .. وعلى فكره مارلين سوت عملية تجميل لفكها ولأنفها وكانت قبل تسوي التجميل عاديه بس انوثتها ونعومتها محليتها من أول وكانت تعاني من التأتأه حتى وشوفو وش صارت ! .. فأقول لكم كذا أقول حبي نفسك ودلليها واذا فيه شيء بشكلك مأثر على نفسيتك وبيدك تغيرينه ، روحي غيريه ما اقول لا بالعكس اشجعك اذا كان يرضي الله لكن لاتكرهين شكلك الحالي أبداً أبداً وكوني راضيه عن نفسك و واثقه والأهم مرتاحه  ..

إن شاء الله يكون كلامي مفيد وخفيف عليكم ♥

If people trying to bring you DOWN it only means that you are above them !!