Showing posts with label Girls talk. Show all posts
Showing posts with label Girls talk. Show all posts

Here comes the bride 2 تدوينة العروسات - جزء الفستان





مرحبا :**

اول شيء شكراً كثير على ردة الفعل الجميله وتشجيعكم ، انبسطت ان التدوينة اعجبتكم وان شاء الله هالبارت يعجبكم .

راح ادخل بالزبده على طول لأن المعلومات كثيره ويارب اعرف ارتبها ،

بسم الله .


هذا البارت راح يكون عن الفستان والأشياء الجميله المتعلقه فيه

 

اختيار طلّتك ❤


اكثر جزء راح يحيرك لكن خذي وقتك على الآخر لاتستعجلين في هالمرحلة ابداً .
بتوضح لك الصورة بالنهايه وتختارين وانتي مبسوطه

خطوات مهمة اثناء اختيار الفستان :

* جربي جميع الستايلات ولاتركزي على اللي فبالك لأن ممكن تكتشفين انه فيه ستايل ثاني مناسبك اكثر فـ خليك متفتحه اثناء البحث .
* لاتختاري فستان بس لأنه موضه ، حاولي تكون طلتك كلاسيكيه والموضه تدخل بتفاصيل صغيره .
* في كل زيارة للبوتيك خذي صورة لنفسك بالفستان اللي اعجبك عشان ترجعين لهم بعدين وتقررين
* فستانك وشكلك يعبر عن شخصيتك وذوقك فـ لاتكونين نسخه من كل العروسات ، تمسكي بذوقك وسوي اللي حابته
* لاتسمعين اراء كثير لأنها راح تلخبطك ، بيجي احد يقولك فكي شعرك واحد يقول لميه واحد يقول البسي كذا وكذا ، كل هذا راح يشتتك وتترددين حتى لو انتي عارفه ايش تبين .



* watching the runways

 تفرجي قد ماتقدرين على عروض الأزياء للعرايس لآخر موسم واستلهمي منها ، في هذه العروض لاتركزين فقط على الفستان ، ركزي على الطرحة - اكسسوارات الشعر - شعر المودل وميك ابها - المسكه
اليوتيوب مليان عروض أزياء جديده وتقدرين تبحثين بهالكلمات  مع كتابة السنه عشان تطلع لك العروض الجديدةbridal fashion week  -bridal show
أو تبحثين عن مصمم معين وهنا لستة افضل مصممين فساتين عرايس واكيد فيه مصمم منهم راح يمثل ذوقك وتختارين الستايل اللي حابته ولو ميزانيتك تسمح تشترين منهم .

 - Oscar de larenta bridal
 - Carolina Herrera bridal
- pronovias
- berta bridal
- Monique  Lhuillier bridal
- Reem Acra
- Marchesa
- Romana keveza
- Lazaro
- Steven Khalil
- vera wang

* inspiration board

سوي لك نفس لوحة الإلهام ، بـ استخدام التطبيقات اللي تجمع اكثر من صوره : جمعي صورة فستان اعجبك مع الطرحه والمسكه والشعر وتخيلي اللوك مع بعضه كيف بيكون ، هالشيء بيصفي ذهنك كثير وبتتقلص الخيارات شوي شوي وتختارين طلتك بقناعه ورضى .. سويت كثييير طلات وهميه لين طلعت باللي راضيه فيها .

يمكن للحين مافهمتو كلامي بس بوضح لكم ، هنا آخر بورد صفى سويته وطبقته بكل اللي فيه ❤ أصلا هالبوردز بتبقى ذكريات عندك

(فستاني صممته بنفسي فـ راح تشوفوني حاطه اقمشه بالبورد وهي اللي استخدمتها بفستاني)



جمعت اقمشتي والطرحه سوا عشان اشوف اذا كل شيء على بعضه متناسق أو لا

+


هذي صورة لمسكتي اول ما استلمناها ❤ احب الأوركيد جداً ،  طبعاُ توي عدلتها وحطيتها بدال المسكه الافتراضية الأولى :$

تحت راح أتكلم المسكه والكيكه من وين ، الحين نكمل بـ الطله :



* online dress shopping?

جتني استفسارات كثيره عن لو انصح احد يشتري فستانه من النت ، طبعاً كل بنت حره ولها خياراتها
بس نصيحتي لو قررتي تطلبينه ، مري قبل على بوتيكات وقيسي كل الفساتين بكل القصات وشوفي ايش القصه اللي بيرفكت عليك واطلبي مثلها .



في حال العروسه مصرّه انها تطلب فـ هذي مواقع حلوه كثير ( وفيها شوزات وطرحات وكل شيء يخص هالموضوع + تلاقون فيها اكمام دانتيل واشياء جميله تضيف للفستان )



العروسه الناعمه  + عندهم طرحات واكسسوارات شعر جمييييله جميييله ، كنت دائماً افتح الموقع واشوف جديدهم ، من اجمل المواقع ❤



وهنا موقعين عندهم فساتين لمصممين كبار مثل فيرا وانق و اوسكار دي لا رينتا ، لكن انتبهو فيه أشياء جديده وفيه أشياء ملبوسه





للميزانية المحدودة :




دليل لشكل الجسم والقصه المناسبه له :






وهنا أسماء ستايلات الفساتين بالإنقلش :



* The wedding lingerie

لاتنسين البرا المناسبه لفستانك ، فيكتوريا سيكرت عندهم أشياء تفك ازمه حتى لو الظهر مفتوح ، المشدات والحاجات هذي موجوده في موقع Asos و Nordstrom اللي يكونون خفيفات مو نفس الكورسيه .



لـ مين رحت ؟



الكيكة :

من PetitCake بالرياض ، كان خيار ناجح شغلهم راقي ودقيق ومره متعاونين ويسوون الكيكه نفس ما اطلبها بالضبط ، طبعاً بالزواج قلت لهم مايضيفون ورد لأن انا راح اضيفه بس شائت الأقدار انه اهلي نسو يحطون ورد فيها عشان كذا انتبهو تكثرون مهام على الأهل بيوم الزواج لأنهم راح ينحاسون وينضغون فـ ينسون شغلات ، اعتمدي على المحلات واختاري الثقه منهم .

المسكة :

زهرة الربيع فرع طريق الملك فهد ، امام مستشفى دله
ما ادري عن باقي الفروع بس هالفرع بالذات جداً متعاونين وسريعين ، زي ماشفتو المسكه مره متقنه وسووها احلى من اللي طلبت والله . اعتمدت على شركة الديكور بس ماوفرو الورد اللي ابي وعلى طول كلمت زهرة الربيع وارسلت صورة المسكه ومن بكرا استلمناها الحمدلله!

المصورة :

مصورة اسمها غادة في منطقة سدير لكنها توقفت للأبد .

الشعر والميك اب بمنطقة سدير برضو .



انتهى ❤❤❤

ان شاء الله التدوينات كانت مفيده وممتعه لكم ، حبيت اقدم معلومات مفيده بعيداً عن أي شيء شخصي ، هذا آخر بارت بس أي وحده عندها استفسار لاتتردد في التويتر والانستقرام @beautyderosee
وفي الأسك برضو .

مع السلامه ...



Here comes the bride ❤ لكل عروسة






السلام عليكم ورحمة الله وبركاته .
أول شيء وحشتوني و وحشتني الكتابة بالمدونة ❤
مثل ماتعرفون لو متابعيني بالأنستقرام والتويتر انه تم زواجي الحمدلله ، والتحضيرات للزواج فعلاً مهمة وتاخذ وقتك وتفكيرك اكثر من ماتوقعت وهذا اللي ابعدني عن المدونة والسوشيال ميديا . لكن مو معناته انها مو ممتعه بالعكس الحمدلله !

قررت أشارك البنات تجربتي بالأشياء اللي راح تفيدهم لأنه ابداً مافيه مصادر حلوه بالعربي الا ما ندر . وأتمنى جد انه يستفيد احد لو بمعلومه وحتى السنقلز الحلوات راح يستفيدون .

راح تكون مجموعة تدوينات مختصره ومرتبه ، عن التحضير والعناية + الفستان واختيار اللوك

طبعاً كل شيء بالتدوينات من تجربتي الخاصة مافيه أي دعايه او رعاية من أحد

بسم الله نبدأ :

 

التحضيرات والعناية بنفسك :


- أول شيء تعمله العروسه انها تخصص دفتر كذا جميل لتحضيراتها وترتيب امورها ، ممكن تدلعين نفسك وتطلبينه عليه اسمك من هنا ❤

اضغطي هنا

الأفضل تختارين واحد صغير عشان يكون بشنطتك دائماً .


- بعد كذا انصح من كل قلبي انه كل عروسة تدخل pinterest وتسجل فيه وتسوي لها Board تجمع فيه الأفكار سواء فساتين ديكور شعر كله بتلاقينه مهما كان ذوقك وبتستفيدين كثييير منه .
انا مسويه لي بورد هناك اذا حابين تشوفونه وتاخذون أفكار هذا حسابي BeautyDeRosee تحطونه في البحث ويطلع لكم .
هنا https://www.pinterest.com/

طريقة الموقع سهله بس لو مره ماعرفتو فيه شروحات بالنت لأن مابي اتطرق له واضيع الموضوع :* طبعاً فيه منه تطبيق للجوال


كذا انتي صار عندك مرجع والهام ، وعندك مكان ترتبين فيه افكارك اللي هو الدفتر ❤

من هنا تنطلقين وتبدأين تجهزين فعلاً .


مواقع راح تفيدك وتعطيك الهام وأفكار :

The knot

Style me pretty

Love my dress

green wedding shoes

grey likes weddings

omg im getting married


ايش استنتجت واستفدت من تجربتي ؟

Do your own plan قسمي أولوياتك بنفسك


فيه حكاية ما اتفق معها اللي هي تدخلين الأقلاع وتشوفين تقسيم المهر ؟ بنات كل وحده تختلف بذوقها واحتياجها عن الثانية غلط مره تمشين على تقسيم ناس غيرك لأن بينتهي فيك الحال بمليون شيء ماتحتاجينه .
انتي انسانة فاهمه وعارفه نفسك اكثر من غيرك قسمي فلوسك لحالك وحسب اولوياتك وذوقك ممكن ترجعين للجداول هذي بس عشان تتذكرين الأشياء .

Don't go crazy with the pieces لاتكثرين من القطع بشكل مجنون


وفيه حركة مره غلط أتمنى نفكر فيها بعقل ومنطق ،
مسألة اننا نحسس نفسنا راح نروح لمكان نائي  وبنشتري كلللل شيء من اول وجديد وبكميات هائله ليه :(
نصيحة ركزي على الجودة اكثر من الكمية .

Go Classic استثمري بالكلاسيك


طبعاً فيه فكرة انصح فيها انك ضمن جهازك تشترين شيء كلاسيك وثمين كأنك تستثمرينه لبعدين لأنه راح يبقى لك ( المقصد بـ ثمين مو تطيرين نصف فلوسك على قطعة وحده هالشيء يختلف حسب ميزانية كل وحده )  اعطيكم مثال : مثلا محفظة شانيل ، شوز لوبوتان اسود او نود ، أي شوز من براند مرتب  يكون سمبل ولون عملي هالأشياء ماراح تطير نصف الميزانية بس تبقى ثمينة و لو الميزانية تساعد عندك خيارات اوسع ،
القطع التريندي قللي منها لكن لاتمحينها نهائي لأن يضل لك شكلك كـ عروسة

هالشيء مو معناته تضغطين على نفسك وتشترين كل شيء ماركات ، بس المقصد حاولي تشترين لو شيء واحد كلاسيك . ان شاء الله وصلت الفكرة ❤

 

لاتعلنين للعيادات او الصالونات انك عروسة

لما تروحين تسوين تريتمنت او أي علاجات وتقولين انك عروسة هنا اعرفي انهم راح يشفطون فلوسك ، روحي وانتي عارفه ايش حابه بالضبط و سويه لأن غالباً بيعطونك أشياء إضافية ماتحتاجينها ويغلون السعر عليك .
أوكي قولي انك عروسة للميك اب ارتست والشعر ودلعي نفسك لكن بالعيادات انتبهي عن تجربه :(


هذي النقاط اللي احس مهم تحطينها فـ بالك قبل تبدأين بالتجهيز .

 

ننتقل للعناية و الـ NEW LOOK


النيو لوك حددي بالدفتر ايش حابه تسوين :

تغيرين ستايل شعرك أو لونه ، تسوين اسنانك ، تريتمنت للبشره كلها سجليها على شكل نقاط بعد كذا سجلي عندها مين اكثر شخص يمدحونه لهالشيء وتقررين بعدين مين تختارين فيهم !

الحين بقولكم ايش جربت ولو انصح فيهم أو لا :

بشرة الوجه :


ضروري تهتمين من هالناحية ولاتبخلين على نفسك ،  انا كنت لسى مخلصه الجامعه والشمس  مأثرة على وجهي فـ قررت اسوي تقشير ديرما ميلان .. سويته عند هبة فاروق في عيادة أيمن آل الشيخ اسمها Via center بالرياض
التقشير هذا مكلف نوعاً ما ، لكن يستاهل لو انتي فعلاً محتاجته والحمدلله راضيه عن نتجيته .
 شكيت منهم بالتويتر قبل كذا انهم يكنسلون المواعيد قبل ساعة واكون ضربت مشوار للرياض! وهالشيء ضايقني بس الحمدلله من بعدها ماتكرر .

اذا بشرتك كويسه بس يبي لها شوي اهتمام ابعدي عن التقشير وخليك عالكريمات وتنظيف البشرة كفايه .

الدكتورة اعطتني لاين عنايه مره حلوه ومافيها مواد ضاره بالعكس مكوناتها لطيفه لكنها مكلفة شوي فـ راح اعطيكم الزبده حقتها وافضل شيء فيهم :

 اللاين اسمه excellent  وموجود في صيدلية العناية بالبشره .
الغسول حقه مره جميييل انصح فيه من قلبي فيه احماض فواكه ويعطي البشره قلو ونظافه وكان  بميه وشيئ معقول بالنسبه للكريمات
وسيروم فيتامين سي دائماً كويس يعطيك نضاره ومو شرط براند معين ..

الدكتورة تجنن وحبابه وترد عليك على طول بالواتساب مهما ابثرتيها ههههههههه بس روحو لها وانتو عارفين ايش تبون بدون أي زياده والا بتطير فلوسكم لو طاوعتوهم -.-

العناية في الجسم :


خذي الأمور ببساطه تامة ، انا فاهمة شعور كل وحده عشان كذا بعطيكم الخلاصه وكيف ان الأمور مره بسيطه :

عندك مشكله جلدية فعليه اتجهي للطبيب ، عندك اختلاف لون بسيط بالركب والأشياء هذي مو ضروري ترا تقشير مجرد روتين بسيط تمشين عليه بيحل لك الموضوع . طبعاً لو كانت غامقة فعلاً هنا يكون دور التقشير

تجربتي :

ركبتي احترقت من الليزر واغمق لونها شيء بسيط  فـ توترت قلت ماعندي وقت ليمون وكريمات لازم اسوي لها تقشير ، طبعاً سويته بنفس العيادة وكان تركيز الـ tca اقل شيء بحيث الباقي عالكريم المفتح .
كان فيه نتيجه  بس بصراحه ماتسوى بسيطه لو رجع فيني الوقت ماسويتها لأن ماتستاهل ادفع عليها وكان دلع بنات -.-
ولما كملت على روتيني عادي رجع لونها فـ ماكان له داعي التقشير

روتيني :

سكرب للجسم من هيليا براين Heliabrine  هنا صورته

انصرف لي من دكتورتي ، هو مو سكرب عادي مثل بودي شوب وكذا ، هذا مخصوص للتصبغ فيه احماض فواكه ومكونات مفيده وفعلاً يخفف من التصبغات و يعطي نعومه ونظافه جميله ، تستخدمينه بكل شاور على الأماكن الغامقه ، ومره بالأسبوع لكل جسمك .
استخدمته لـ يديني ورجولي تكرمون لأنها كانت مغمقه من شموس الجامعة ، والنتيجة الحمدلله كانت مرضية جداً وانصح فيه .
طبعاً مافيه نتيجة بدون استمرار لازم نتذكر هالشيء .
 (تلاقون السكرب في صيدلية العناية بالبشره أو امازون)

بعد السكرب اعتمدي كريم او لوشن فيه زبدة الشيا ، تلاقون في موقع iherb خيارات كثير (يوصل مباشر) واللي ماتعرف تطلب تعطيني خبر لأن اعرف وحده ثقه وتطلب بعموله مره بسيطه .

وهذا هو الروتين البسيط مجرد سكرب هيليا براين + لوشن ❤

تجربتي في الأسنان :

من سنتين وانا مركبه بريسز وفكيته قبل الزواج بأسبوع الحمدلله لحقت لكن مالحقت اسوي تبييض قوالب اللي كل الأطباء ينصحون فيه وشفت نتيجته على كثير فضيييع!
فـ اضطريت اسوي تبييض zoom بالعيادة بالليزر ، كان فيه الم الليزر بالأسنان ينرفز :(  ممنوعة من القهوة ، وكانت النتيجه حلوه للزواج بس ،
بعد الزواج هجمت على القهوه وخلال أسبوعين النتيجه تغيييرت كثير فـ ما انصح فيه الا للزنقات .
كان سعره 600 أو 800  بعيادة الماس لطب الأسنان بمخرج 10 و 5  وهي نفسها العيادة اللي ركبت البريسز عندهم

 الليزر :

سويت الليزر بنفس المركز Via center بس ما انصح فيه لأنه مره غالي هناك وانا اضطريت لهم عشان يكون بنفس المكان اللي اراجع فيه بما اني اسافر للرياض .. فـ صراحه فيه فرق كبير بالأسعار بينه وبين باقي المراكز .
دوري على افضل الباكجات والعروض دائماً .

تشقير الليزر :

مره جميل انصح فيه تسوينه على الأقل قبل الزواج لحواجبك عشان يضل على الشكل المرتب وترتاحين بالهني مون .
طبعاً ماطيح شعر الحاجب ولا شيء لأن نبهت الطبيبه ، التشقير يكون نظيف ونفس لون الجلد ويطوول معاك
فيه مراكز كثيره تسويه مثل الإستشاري وفيه مستوصفات برضو بس ماتحضرني أسمائهم .
فيه نوع اسمه تشقير سبكترا ، كويس لـ وبر الوجه
بـ اول جلسة يتشقر الشعر وماتحسين بألم ، بالرتوش تحسين بألم ويبدا يطيح
السبكترا يقولون انه مفيد للبشرة نفسها بس ماقدر افيد من هالناحيه لأن سويته مره وحده بس .
لو استمريتي بجلسات كل مره يطول مايطلع وهكذا . افضل بكثييير من الليزر للوجه
وهذا كل شيء لتدوينة اليوم .
يارب أكون مانسيت شيء ، لسى باقي بوست ثاني ان شاء الله عن الفستان واللوك ومواقع والخ ❤ وممكن لو ماكفانا نخليهم بوستين زيادة .
حاولت اختصر واعطي معلومات بنفس الوقت ، انا تركت الـ ask بس برجع له هالفتره عشان ارد على أي استفسار بخصوص هالموضوع لأن ادري راح تبقى تساؤلات :* الأسك هو Beautyderosee
يارب البوست اعجبكم واستفدتو منه واشوفكم على خير ان شاء الله
Byeeee

Nada

What's on my iphone ❤





Hi everyone ,
How is your week :d? I had a boring one between my studying papers , that's why I was  late with this post!
As you can see from the title , today I'm going to be sharing with you what's on my iPhone , I don't know about you ladies but I've always loved to see the what's on my iPhone videos\posts , it's nice to stick your nose and see what apps they like to use *.* I mean in a good way lol to discover new apps or games .

السلام عليكم ورحمة الله وبركاته ،
ان شاء الله كلكم بخير وسعاده ، اسبوعي كان جدا مزحوم وصارت اشياء غير متوقعه وقضيت اغلبه بين الأوراق والمذاكره وهذا السبب بتأخيري بالتدوينات ، الله يوفقني وإياكم ❤ اعتذر كثير اني لخبطت الجدول بس اوعدكم انه التدوينات الـ 15 راح اكملها كلها حتى لو ماكفاني الشهر .
مثل ما تشوفون بالعنوان ، هالبوست بـ يكون مشاركه للـ التطبيقات الموجوده في جوالي ، انا من الناس اللي استمتع بهالنوع من التدويات او الفيديوهات ، احب احشر خشمي واشوف الناس ايش تستخدم هههههههههههه بس حشره مؤدبة عشان اكتشف تطبيقات جديده كل مره !



So my phone is iphone 5 , and my case is by moschino you can find it here :

جوالي IPhone 5 ، والكفر الكيوت جداً من موسكينو طلبته لأني ماشفته موجود هنا .. تقدرون تشترونه من :

http://www.shopbop.com/rabbit-iphone-case-moschino/vp/v=1/1578556273.htm

http://www.luisaviaroma.com/index.aspx#ItemSrv.ashx|SeasonId=59I&CollectionId=L0M&ItemId=12&SeasonMemoCode=actual&GenderMemoCode=women&CategoryId=&SubLineId=accessories

 looove this case it's so adorable and cute!!


  Let's get started : شوفو الشوارب كياته هههههههههه كانت اطول وثلاثه بس مع الكرف تغيرو ❤  يلا نبدأ


هذه الصفحه الأولى وفيها كل التطبيقات اللي استخدمها بشكل يومي .

From the top , of course I'm not going into the self explainary ones .
نبدأ من فوق واكيد ماراح اتطرق للتطبيقات المعروفه واللي شارحه حالها .

Wunderlist :

My favorite list app , you can organize your lists and name them to make things easier ,
For example I have many lists like : to do list – shopping list – blog ideas – wish list – work – movies to 
watch . And you can always set an alarm to remind you about any specific thing you choose .

التطبيق المفضل عندي لـ كتابة أي لسته ، هو اخذ افضل تطبيق للـ lists في 2013 ويستاهل ، مميزاته كثيره واولها انك تعملين لك حساب فيه وهالشيء سهل وسلسل جداً ، مجرد تسجيل دخول وبكذا تقدرين تدخلين على اللستز حقتك من اي جهاز سواء اللاب توب او الأيباد او الآيفون .
من ناحية اللستات تقدرين ترتبينهم وتسمينهم + تسوين منبه على شيء معين عشان يذكرك فيه .. مثلاً انا عندي اكثر من لسته : لستة اشياء بسويها To do - لستة التسوق - لستة افكار للمدونه - قائمة منتجات حابه اشتريها بالمستقبل :D - العمل - افلام حابه اشوفها ..... الخ
هو مجاني وفيه ميزه انك تشاركين القوائم حقتك مع اي احد بس هالميزه مو مجانيه .

Pinterest :

ادماني وحبي ❤
شرحته لكم من قبل ، بس ببساطه هو برنامج فيه كمية الهام جميله
كل شخص بإمكانه مشاركة أي شيء على شكل صور او فيديو ، والصوره أو الفيديو عند الضغط عليها توديك لمصدرها .
مفيد جداً وفيه افكار ومعلومات قيمه بكل مجال ، وكل مجال له قسم تضغطين عليه يطلع لك كل الصور اللي تمت مشاركتها مؤخراً ،
فكرته ببساطه مثل لما تسوين لك لوحة الهام بالحياه الواقعيه وتجمعين صور فيها ،
البرنامج نفس الشيء بالضبط ، تسوين لوحات متعدده وتقسمينها مثل ماتحبين وحسب اهتمامك ، واللوحات اقصد فيها كذا :



هذه اللوحات من حسابي اللي هو BeautyDeRosee

حلو تفيدين غيرك وتستفيدين انتي . والأحلى انك تقدرين ترجعين لكل شيء سبق ونزلتيه


Then i have my photography apps  بعد كذا عندي مجلد خاص لتطبيقات التعديل على الصور

1- frameartist

The best collage app ! There are many options with the frames and stuff
افضل تطبيق لـ تجميع الصور ، فيه خيارات كثيييير للإيطارات وتقدرين تتحكمين بألوانها وبـ شكلها وتقدرين حتى تخفين الإيطار ، لسى مكتشفته قريب ومبسوطه فيه .
مجاني

2- Flipagram

Best photos slide show app ever! Very simple and fun + you can add music with your slide show
نفس الشيء افضل تطبيق لـ عرض شرائح الصور ، يعني تسوين فيديو بالصور مثل اللي اسويه بالأنستقرام احياناً
مجاني ، لكن ميزة انك تشيلين حقوقهم لها حقها مو مجانيه .

3- fotorus

One of my favorite editing apps
من التطبيقات المفضله عندي لتعديل الصور ، فيه خيارات واشياء كثير تقدرين تعملينها بالصور
مجاني

4- Lumie

This is the app i use to add glitter or hearts to my photos
هذا التطبيق اللي استخدمه عشان اضيف القلوب الصغيره والقليتر على الصور . كيوت!
مو مجاني . بـ 7 ريال وشيء 

5- Afterlight

One of the best filters app , looove it especially the dreamy one .
من افضل البرامج اللي استخدمها لـ فيلترات الصور .
اشياء رايقه وجميله كثير واكثر فلتر احبه هو Dreamy .
صحيح غالي بالنسبه لباقي التطبيقات بـ 7 ريال تقريباً بس يستاهل .

6- VSCOcam

I'm sure you've heared about it , it's basically the best filter app , the filters are so calming and nice , and you can purchase more filters from their market , and there are free ones also .
متأكده سمعتو عنه من قبل ، هو افضل برنامج لـ فلتر الصور .
الفلترز جميله وهاديه وريلاكسنق وجد تضيف جمال للصوره! وتقدرون تحملون فلترز اكثر من متجرهم جوا التطبيق ، فيه بعض الفترز مجانيه وبعضها لا (في المتجر)
التطبيق عامة مجاني

7- picsart

It's one of the genius apps that allows you do a lot of things in your photo , cropping , pasting , gathering them in one photo and writing on your photo .
من اجمل واذكى التطبيقات ، أحبه لأنه يسمح لي اسوي اشياء كثيييره بالصور
اقص والصق واجمع المقصوصين سوا :D واقدر اكتب على الصوره كمان .

مجاني

8- phonto

The only app i use to write on my photos and it's my favorite one , so many nice fonts to choose from
تطبيق مخصوص للكتابة على الصور ، وهو الوحيد اللي استخدمه لهالشيء
فيه خطوط كثيييره وجميله وراقيه ويسمح لك تسوين اشياء كثيره من ناحية الكتابه .

9- squaready

This one is for putting a white background behind your photo , so that you can put it on instagram without cutting it > I know I'm bad at explaining these stuff *.* 
هذا التطبيق عشان يخليك تنزلين الصوره بالأنستقرام بدون ماتنقص ، الشيء اللي نعاني منه
يعني هو ببساطه يسوي خلفيه بيضاء للصوره وتتصغر شويه فـ تنزل كامله بالأنستقرام .
تراني ماعرف اشرح هالأشياء كثير هههههههههههه :(

مجاني

Tweetbot :

You know the drill 
عارفيه اكيد مايحتاج اتطرق له 

Free video :

This is what I use to download videos 
هذا التطبيق اللي استخدمه لـ تحميل الفيديوز
بس صاير ينرفزني كثير بسبب اعلاناته ، ومن البجاحه يقولون اذا حاب تتخلص من الأعلانات اشتري النسخه المتقدمه منه
عناد ماني شاريه -.-
مجاني


Kik :

I only have it to receive the fashion designing orders . 
موجود عندي بس عشان استقبل الطلبات والأستفسارات بخصوص التصميم .

Blogger : 

I didn't have the blogger app before , but I'm so glad that I do right now . I highly recommend it to the bloggers and I'm using it now to write this post while I'm in the car :D it's useful when you want to edit a post that is out but you want to correct something and so .
ماكان عندي تطبيق بلوقر من قبل ، بس الحين مبسوطه اني حملته وانصح فيه كل المدونين (على اساس ينتظروني هههههههههههه اعتقد اني اخر وحده حملته)
والحين استخدمه عشان اكتب هالبوست فيما انا بالسياره ، مره كويس لو كنتي بتكتبين بوست وماعندك جهازك أو حتى لو البوست نازل اساساً وحبيتي تعدلين خطأ بدون ماترجعين للجهاز الأكبر .

بس مشكلته مافيه تنسيقات للبوست من ناحية الخط والحجم واللون فـ اكيد بالنهايه راح ارجع لجهازي واسوي اللمسات النهائية :D

مجاني .

Sleep cycle :

A very cool app , that count how much hours of sleep you got and also tells you if you had a deep sleep or not , you simply put it near your pillow and click start ; it will watch your moves while you're sleeping , smart huh?
I've told you i'm so bad at explaining things like that lol

مره يونس هالتطبيق ، والا اقولكم مايونس والله يجرح :(
لأنه فكرته انه يحسب لك كم نمتي من ساعه ولو نمتي بعمق او لا ، بتقولون كيف؟
لما تفتحين التطبيق تضغطين على ستارت اذا صرتي بتنامين وتحطين الجوال جنب المخده هو راح يشرح لك وين تحطينه وراح يسوي اختبار اذا هو صحيح المكان او لا .
فـ لما تتحركين اثناء نومك راح يحس ويسجل حركاتك فـ يطلع لك نمتي بعمق او كل شوي متحركه وصاحيه :P
قلت لكم اني ماعرف اشرح هالأشياء لأن شرحي طلعه سخيييف هههههههههههه بس هو والله كويس !!

Eqra'a :

This is the one i like for Quran , very simple and clear .
إقرأ ، التطبيق الوحيد اللي استخدمه للقرآن ، بسيط و واضح وهذا المطلوب

Google maps :

Can't live without this !
مقدر اعيش بدون هالشيء واتوقع كلكم تعرفونه 

The Hunt :

A new discovery for me , let me try and explain this for you ; this app as the name suggest is for hunting items , how is that? You sign in and share a photo of something that you want to know from where you can buy it , the people who use this app will tell you and give you a direct link for the item , and you can also help people to find the items they want . I always find pretty things that people share and hunt for! Love it .

هذا برنامج لسه مكتشفته ، خلوني احاول اشرحه لكم بطريقه واضحه :
هو تطبيق عشان الناس يساعدون بعضهم يلاقون منتجات معينه حابين يشترونها .
لما تحملينه وتسجلين بتلاقين صفحه فيها صور منتجات الناس منزلينها عشان لو احد يعرف من وين يساعدهم ويعطيهم رابط الشراء ، فهمتو كيف؟
وانتي لو فيه فستان او شوز او اي منتج شفتي صورته بالنت ومو عارفه من وين ، تحطينه والناس اللي محمله البرنامج راح تساعدك .
مو بس كذا هو مفيد لأني كثير اوقات الاقي منتجات جميله ومميزه الناس جالسه تدور عنها .

مجاني

Finally shopstyle :

The best app for onlineshoppingaholics :) there is a website of it also .
Shopstyle is a searching tool for online shopping , you simple search for example "pink dress" and it will 
most of the pink dresses in the websites .
واخيراً تطبيق شوب ستايل .
افضل تطبيق لمحبين التسوق الألكتروني ، وفيه موقع منه كمان
فكرته انه هو اداة بحث للتسوق الألكتروني ، يعني :
تبحثين مثلاً عن Pink dress (فستان بينك) وهو راح يطلع لك اغلب الفساتين الورديه اللي في المواقع ولما تضغطين عليها توديك للموقع مباشره .


الكولكشن الجديد - صور - افكار لتنسيقه - طريقة الطلب وشوي سواليف ❤




السلام عليكم ورحمة الله وبركاته ،
مثل ماكثير منكم يعرف ، دخلت عالم الفاشن ديزاين كـ مبتدئه من شهور واطلقت اول كولكشن وكانت تجربه جميله الحمدلله ، ماتوقعت الكولكشن الثاني راح يطول بس فعلاً اصعب مرحله هي البدايات ، بهالكولكشن واجهت صعوووبات كثيره كثيره كثيره وتعلمت وتطورت بسبب هالصعوبات والحمدلله اني ما استسلمت لأني انبسطت لما خلصته وحسيت بالإنجاز وانه كل قطعه تعبت عليها كثير .

كمان بالفتره اللي راحت فتحت باب التصاميم الخاصه وصممت لـ كم بنت وعشت معاهم المشاعر والحوسه والربكه لدرجة ودي احضر المناسبه معاهم ❤ في اغلب الأوقات اكون مستعجله وماجهزت سيت اصور فيه القطع الخاصه بس مقرره ان شاء الله ابدأ اصورها واشارككم اياها .

هالكولكشن الصغير هو الثاني ، وكل قطعه متوفر منها مقاسات وجاهزه للبيع فوراً وشحنها للعميله عن طريق فيديكس .
هالمره حبيت التركيز يكون على القماش وتناغم الألوان والقصات والتفاصيل الصغيره ! والكولكشن كامل اتبعت فيه تريند الكروب توبس وحاولت تقديمها بشكل انيق بحيث تنلبس كـ فُستان ❤
ما اخفي عليكم الأسعار ارتفعت حبتين وهذا بسبب اني رفعت جودة الأقمشه ، المره اللي راحت الأسعار بدأت من 800 وهالمره بدأت من 1300 للقطعة كامله .

نبدأ بأول قطعه :




 مرات اقول انها اقرب شيء لقلبي ومرات اقول لا كل قطعه لها مكانه وقصه غير ..

كروب توب مورد أوف ذا شولدر والقماش المستخدم لها من دار رالف لورين ، التوب مايطلع البطن الا لو رفعتي يدك او تمددتي مثلاً واكيد بإمكانك تلبسين تحت بودي بيج عشان يغطي .
التنوره من الحرير لونها مينت فاااتح وتعتمد موضة الهاي لو "قصير من الأمام واطول من الخلف"


أفكار لتنسيق القطعه :


بما انها جداً ناعمه مافيه احلى من هيلز Nude ولون المجوهرات سواء فضي او ذهبي راح يكون جميل + كلتش اوف وايت ، اعملي اضافة للقطعه بإستخدامك روج بارز مثل الوردي الغامق ونكمل نعومة القطعه بـ تسريحه حالمه




نشوف تفاصيل القطعه ❤









ثاني قطعه :




ممكن اقول انها مظلومه شوي بالصور وهذا بسبب انه الموديل لبسناها توب مقاس ميديم فـ صار اطول واكبر شويه ، الفكره بهالقطعه كانت بالألوان ، وبالقماش والقصه الأنيقه بالتنوره !!
التوب يحاكي لون هالسنه وهو الأوركيد :
توب حرير كروب باللون الأوركيد الغامق
وتنوره من التفتا الحرير بإستخدام قماش من دار كارولينا هيريرا ، التنوره بما انها تفتا فـ تجي واقفه شويه والقماش فيه تفاصيل وباترن شوفوها تحت بالزوم ❤

افكار لـ تنسيق القطعه :

هالقطعه بالذات احس البنت تقدر تبدع فيها كثييير وتضيف لمستها وستايلها ،
الستيتمنت نيكلس راح يكون فكره جميله تضيف للبس مع شوز كلاسيك وكلتش ميتاليك
أو حلق ستيتمنت وأساور + شوز ميتاليك وكلتش شفاف
بكل الفكرتين الشعر راح يطلع جميل بهالشكل وانصح كثير تدخلين اللون الميتاليك مع هالقطعه سواء بـ الهيلز او الكلتش .





وهنا تفاصيل الباترن والقصه للتنوره ❤



القطعه الثالثه والأخيره :



كروب توب حرير باللون العنابي ، وتنوره من الدانتيل اليدوي

افكار لتنسيق القطعه :

وروج عنابي أو احمر يكمل الطله ❤ الهيلز اكيد nude والكلتش ممكن أوف وايت او ذهبي شامبين ، اللفات الضيقه سواء على جنب او من النص مناسبه كثير للقطعه ، مثل هنا :







زوم على جميع القطع




طريقة الطلب :


بواسطة الإيميل Nada.Alwhaib@gmail.com
"لاحظو انه بين ندى والوهيب نقطه ، لأن فيه بنات كثير ماينتبهون ويغلطون بالإيميل"
أو Kik :
 FashionDeRosee

القطع انعملت وفق المقاسات المتعارف عليها S M L XL
واكيد اللي حابه نعطيها المقاسات بالأنش عشان تتأكد انه القطعه مناسبه لها .



وبس ! هذه كل صور الكولكشن ، شكراً كثير لتعليقاتكم عالأنستقرام ودعمكم ، كل تعليق يعني لي واسعدني جداً جداً
أحبكم ❤
واكيد رأيكم يهمني واي اقتراحات او نقد ارحب فيه ..
واشوفكم على خير بتدوينات جديده إن شاء الله "ياكثر ما اقولها :("
مع السلامه
❤

Ask Nada + 20$ ITUNES gift card giveaway ❤




السلام عليكم ورحمة الله وبركاته
كيفكم وكيف البرد معاكم ❤ روقان جداً
اليوم البوست بيكون مختلف شوي مثل ما قلت لكم في التويتر والإنستقرام ، جمعت اسئلتكم وحطيتها في هالبوست وجاوبتها باللي اعرفه واقدر عليه ، حسيت الفكره مفيده لأنه بيكون فيه اسئله عن البيوتي والفاشن وكل شيء يهم البنات .
فيه اسئله ماحطيتها لأني ماقدر افيد اصحابها بالإجابه بما اني مو خبيره ومتخصصه بأمور البشره كلها ، اللي اقدر افيدها بشيء مجربته واعرفه جاوبتها واللي ماقدرت اعتذر منها ❤

وفي آخر البوست شوفو فكرة القيف آواي اللي راح اعمله ❤

بسم الله نبدأ "الأسئله نسختها مباشره من الأسك" :


وشو الإير كفز ؟؟
الإير كفز اللي يكون حلق كامل على الأذن وتقدرين تلبسينه حتى لو ماكنتي مسويه بيرسنق زي كذا اشكالهم


المسامات بوجهي وسيعه آبي شيء يضوقها يخليها مآتبين
المسامات من المشاكل اللي صعب حلها وما اتذكر سمعت او قرأت عن حل نهائي لها ، لكن قرأت انه التقشير هو الأفضل لها وبنفس الوقت ماراح يشيلها تماماً بس بيخفف منها (والتقشير اقصد فيه تبع العيادات مو السكرب العادي) ، ومن ناحية الحل المؤقت جربي برايمر بورفيشنال من بينفيت

ندوش حبيبتي أنا عندي فقر دم. وماحب اكل حبوب بس شعري يتساقط وخفيف ابى حل بس مايكون عن طريق حبوب
تعالي بالأحضان نفس المشكله :( اذا ماتبين حبوب مالك الا تركزين على الأكل ، سوي لك كل يوم سموذي اخضر بتلاقين وصفات كثيره له واهم شيء تحطين الجرجير كـ مكون اساسي له لأنه مره كويس للدم والشعر وغني بالحديد ، انا كنت متخوفه إني اجربه لكن حطيته مع فراوله مجمده ونص موزه وشوي عسل وحفنة جرجير ومابان طعمه ابداً والسموذي كان طعمه مقبول وحلو ، كمان جربيه مع مانقا مجمده "المانقا غنيه بالحديد" وكم حبه فراوله مجمده وحفنة جرجير ، المانقا بتشيل طعمه ..
على فكره انا مثلك جاني تساقط الشعر بسبب فقر الدم وكنت موقفه حبوب الحديد لأني طولت عليها وخفت تضرني فـ قررت اسوي السموذي و من اسبوع لاحظت تحسن واضح

أنتي أنسانه مبدعه كثير وأنتي من الناس اللي غيرت لي حياتي وكثير اتابعك واحب اشوف جديدك .. انا احب الازياء كثير واختياري للاقمشه كويس بس عندي مشكله الرسم كيف اتعلم تعبت كثير .. وشي ثاني يوم نزلتي اول كولكشن لك عند مين سويتي او اي خياط !! احب ابدأ مثلك ♥♥ والله يوفقك يارب
أووه يازينك شكراً شكراً كلامك يعني لي الكثير والله ♥ اسعدتيني الله يسعدك يارب ،
بالنسبه للرسم فيه دروس عاليوتيوب تفضلي هنا
سؤالك الأخير اعتذر عن الإجابه لأنه شيء خاص بشغلي ياقلبي ♥
الله يوفقك وتكوني مصممه أد الدنيا

ندى ياجعل ربي يوفقك وش رايك في برايمر بينفت ووش افضل شدو نكد ١ او ٢ وانصحيني وش افضل منتجات اشتريها من النت للمكياج
ويوفقك يارب ، برايمر بينفيت حلو بس ماينفع كل يوم الأفضل تخصصينه للمناسبات لأنه ثقيل وكثرته ممكن تضر البشره ، بالنسبه لـ نيكد انا عندي 2 بس احس الأولى احلى فيها الوان فاتحه وخيارات اكثر

الميك اب من النت عندك :
laura mercier الفاونديشن والتينتد موسترايزر عندهم حلوين مره ومشهورين
hourglass cosmetics صحيح غاليه بس كل شيء فيها يستاهل على مستوى والحين عندهم باليت هاي لايترز حلوه ولمده محدوده لاتفوتينها !
Stilla اكحالهم جميله مره خصوصاً السايل
و
Nars – the balm –marc Jacobs – lip tar –tarte –shou umera –anastasia –

ندى انا بشرتي وجهي كلله بقع وحول الفم ايش الحل
ماوضحتي بقع من إيش ؟ بما اني مو طبيبة بشره ولا خبيره فيها ، بـ اقولك روحي لطبيبة تشوف مشكلتك وتعمل لك التريتمنت المناسب لها
الدكتورة شهلا بعيادة أباس بالرياض مره شاطره بالتقشير وبحل مشاكل الكلف وعدم توحد لون الوجه عن تجربه .

ابي افضل ماركة كريم اساس سايل وبعدين فيه شيء احطة قبل ولا بيشوهني بيصير طبقات ؟ الكحل السايل اخذ اللي بعلبة ومعه ريشة خارجية ولا كحل عادي انا ما اعرف ارسم ؟ والمسكرة ايش افضل نوع والبلاشراخذ كريمي ازين ؟ امم اخر شيء العطورابي اسما سامحيني صكيت راسك بس ما اعرف مين اسال ومحتارة والله حيل اكون لك شاكرة
أهلاً :* ماقدر افيدك كثير بالأساس لأنك ماحددتي نوع بشرتك ، بس عندك ديور سكين اذا تبين شيء يبين طبيعي وتغطيته من خفيفه لمتوسطه واذا حابه شيء للمناسبات وفل كوفرج عندك ايستي لودر دبل وير
هذي الفاونديشنز اللي مصنفه لجميع انواع البشره .
الكحل جربي السايل اللي يكون له فرشه مثل القلم ، والبلاشر حسب مودك تحبين شيء مخملي ومطفي خذي باودر ، تحبين شيء ديوي خذي كريمي .
العطورات مادري كيف ذوقك بس روحي لـ جو مالون احبه ، وجربي عطورات كلوي وعطر لانكوم الجديد .

تعرفين دكتورة جلدية كويسة با الرياض :( حالتي حاله واللهي رحت لدكتورات كثير بس همهم الفلوس وياليت شفنا فايدة
دكتورتي اللي اراجع عندها هي شهلا بمركز أباس الطبي ، معروفه بالتقشير البارد وشاطره مره من ناحية امور البشره وكم مره شطحت عليها ابي شيء وتنصحني ما اسويه مع انه متوفر وممكن تاخذ فلوسي عشان كذا حسيتها صادقه والله اعلم ، لكن من ناحية الفيلرز والبوتكس والحاجات هذي شفت كثير يقولون انها مو كويسه فيهم فـ انتبهي :*

مرحبا انتي ماشاء الله شكلك خبرة بصرراحة انا مو من النوع اللي يحب مكياج وخرابيط بس روج ومسكرة وحواجبي اضبظها وزواجي قريب لازم اشتري كريم اساس وعطور وكحل سايل اخخ هذا عقدتي الثنين الكريم مااعرف ايش اللي يناسب لوني انا سمراء اذا حطيت علي يدي يطلع جميل بس اذا حطيت على وجهي يشهب ويبان انه مكياج مو حلو 1
مرحبتين ، غالباً الأساس يطلع بهالشكل لأنك تكوني ماخذه درجه افتح منك أو احياناً الأساس يكون مو كويس ويتأكسد ويقلب رمادي
الحل ، خذي نفس درجتك واختاري كم واحد وعبيهم بـ علب العينات تبع سيفورا وجربي في البيت على راحتك ولاتحكمين على يدك ممكن هي افتح من وجهك عشان كذا يبين عليها احلى .
جربي ميك اب فور ايفر matt velvet وجربي شانيل فيتالوميير وفاونديشن ماك المينيرال ، هالثلاثه حلوين ومنهم درجات كثيره

حابة اشتري مناكير احمر من براند كويسة، بايش تنصحيني ؟ وشكراً ♡
توم فورد – شانيل – ديور :* عاد الحين بتلاقين كثير لأن الماركات بدأت تنزل كولكشنز الكريسمس وكلهم لازم مناكير احمر 

ايش احسن مسكرا تكثف ؟! ومآتصير ضد المويه ؟ وتنصحينى بمسكرا الالياف الوبريه ؟!
ماسكرة لانكوم وسان لوران ، أما ماسكرا الألياف الوبريه جربت وحده وماحبيتها حسيت رموشي ناشفه ومقرمشه :/

افضل عطر صباحي ويكون هادي ومآتصير ريحته قويه وسعره معقول !
مواصفاتك كثيره :p جربي عطر تشيري بلوسم من بودي شوب أو لوكستيان

حبيبتي انا يوني صغيره وابغا رسمة كحل او ايلاينر تناسبها وحواجبي خفيفه وشكلها يعني تكون ساده بعدين نزله على تحت شويه ووجهي دائري


سوي مثل كذا + كحل لحمي جوا العين بعدين كحل اسود على خط الرموش
الفكره انك ترسمين الخط من نص العين راح يبينها اوسع ، لاترسمينه من البدايه

ومولازم تنشرين الخطاب الطويل العريض اللي كتبته :$ هي بس (كلمة)شكر لك xD
ياحبيبتيييي شكراً من قلبي ماتدرين قد ايش فرحني كلامك ودعائك ♡♡♡♡ الله يعطيك بالمثل قولي آمين
وفخوره انه عندي متابعات مثلك والله ، الله يسعد قلبك ويابختي فيكم ♡ شكراً ماتوفيك واحتفظت بخطابك الجميل على فكره :*

Q2 - ايش رايك ببينفت
شاطرين في البلشرات مره وعلبهم كيوت احبها

ايش الفرق بالتغطيه بين الفرشه وألاسفنجه ؟
بالإسفنجه راح تحصلين على تغطيه أخف وفيها نداوه
بينما بالفرشاة "وعلى حسب نوعها" غالباً تحصلين على تغطيه اكبر ومنظر مخملي

اهلين ندى انا حابه استشيرك بما انك مصممت ازياء مبتدء انا ودي اصير مصممة ازياء وتجيني افكار ملابس حلوه ويعني تكون حلوه بس لما اجي ارسمها في ورقه تطلع الرسمه تضحك لاني ماعرف ارسم وبس ايذا عندك مواقع تعلمني الرسم اتمنى تفيدين او ايذا عندك طرق او خطوات وثانين التخيط من وين تعلمتيه لاني حتى التخيط فاشه
لاتشيلي هم انا بالأول رسماتي تضحك مين فينا انولد متعلم ؟ كل اللي عليك انك تشوفين باليوتيوب دروس عن الرسم وتبدأين تمارسينها والله يوفقك يارب ، شوفي هنا

ندى انا صاحبه السؤال اللي اقولك عن النصائح عن المشخه وما قصرتي بس ممكن تعطيني اسماء بلوقرز يعجبوك وكشخه اكيد ؟
اكثر وحده احبها هي
atlantic pacific مره شيك وكلاسي واحسها قريبه من ستايلي هذا بلوقها :
كمان احب ستايل جيسيكا البا واوليفيا باليرمو و ميرندا كير مره انيقات ابحثي عن لوكاتهم .

وشي منتجات الشعر إلي تنحط على فروه الرأس والي على الأطراف ؟ وشكرا ؛$
على حسب فيه ناس تحب تحط زيوت وماسكات على الفروه وفيه ناس ماتحب عشان مايهبط شعرها

وش افضل مرطب وغسول للبشرة المختلطة؟ يكون سعره مناسب مو غالي :(
اتذكر جربت غسول نيوترجينا بالقريب فروت وكان حلو ، والمرطب جربي سيتافيل للبشره الدهنيه يناسب المختلطه مايدهنها وبنفس الوقت يعطي ترطيب معقول

انا عمري ١٤ سنه وابي اشتري فلات كريستيان لوبوتان وش رايك ؟
قصدك اللي يجي قماش وعليه لوقو ؟ احس ينفع لعمرك وفيه منه الوان فرايحيه حلوه

ندا ما قد قلتي لنا ايش تخصصك وبأي جامعه نبي نعرفك اكثر ❤️
تخصصي أدب انجليزي وادرس في جامعة المجمعه كلية الغاط ❤

افضل الكريمات لترطيب العين قبل المكياج ؟! وهل عادي نرطبها ب كريم الوجهه المُعتاد ؟!
بوبي براون – كلينيك – والأفضل انك ماتستخدمين لها كريم الوجه لأنها منطقه رقيقه وحساسه
مرحباً ندى:)..كيف أقدر أضبط مقادير مشقر الوجه؟! غربلني يطلع لون الشعر له لمعة ذهبية شوي .. يضبط على أمي و أخواتي ويصير شعر حواجبهم أو الشارب آبيض شفاف ..يمكن لأن لون شعري غامق مرة بس وش الحل!!

أهلاً وسهلاً ❤
ايه لأن شعرك كثير :( طيب جربي مشقر بوتس يمكن ينفع معاك

ليش ماتزيدين مقاسات بتصاميمك وتكثرين الكميه :(
إن شاء الله حبه حبه بزيد الكميات والمقاسات ، حالياً اسوي تصاميم تحت الطلب ولو حبيتي اصمم لك تصميم خاص فيك بس ضروري قبل المناسبه بشهرين اقل شيء ،
راسليني على الكيك FashionDeRosee
أو بالإيميل FashionDeRosee@gmail.com
خاصين بطلبات التصاميم ..

ايش احسن طريقة لتبييض الأسنان- إزالة هالات العين
لصقات كريست – تبييض بالقوالب
والأهم المحافظه عليهم بإنك تستخدمين معجون اسنان مبيض كم مره في الأسبوع وماتشربين قهوه واذا عندك ادمان اشربيه بـ مزاز :p غير كذا راح ترجع اسنانك مثل قبل بسرعه
أما الهالات سمعت انو البلازما كويسه لها بس ماجربت للأمانه ، بالنسبه لي جربت كريمات كثيره والنتيجه بسيطه

أهلاً ندى, بسألك عن أحسن كونسيلر جربتيه من الدرق ستور
أهلاً ياجميله ، كونسيلر بورجوا هيلثي ميكس

انتي سعيتي ورا حلمك وصممتي ،، علميني الخطوات لتحقيق حلمي علميني كيف اواجه اللي مايثقو فيني وفي قدارتي ويحطمو ويسخرو ويستهزؤ حتى أحيانا من الام نفسها من صديقه الطفوله من خاله يوم صار عندي هدف وحلم الكل يواجه هدفي وماني عارفه ليه كيف اقوي نفسي واستمر ابغى بكره التفت لورا وافرح بانجازاتي ونفسي ،،هذاسؤا
ياحبيبتي ، انتي عارفه انه تحقيق الحلم مو شيء صعب انك تبدأيه أبداً
اول شيء لازم تسوينه انك تصلين استخاره وتتوكلين على ربك وتستودعينه امورك كلها وتبدأين حبه حبه بمشوار حلمك والأهم انك تحولين التحطيم السلبي الى تحفيز لك انك تثبتين لهم إنك نجحتي وقدها وقدود!❤
كثير شفنا ناس ناجحين ومخترعين وعملو ثورات علميه ولما تشوفين سيرتهم الذاتيه تلاقينهم ناس قست عليهم الحياة وعاشو ايام صعبه بس ما استسلمو وقالو مانقدر بالعكس حولو الشيء السلبي لتحفيز ولشيء ايجابي .
شوفي هالصوره :

فوق : كيف الناس مفكره طريق النجاح
تحت : كيف طريق النجاح بالفعل ، راح تواجهين اشياء كثيره لكن مع اصرارك بتنجحين .

وعلى فكره أنا لقيت معارضه من كم شخص وخصوصا جدتي كانت تقول يابنتي راح تتعبين وماتسوى ترا هههههههه والحين لما بدأت وشافت اني جاده واشتغلت صارت تشجعني وتتحمس معاي الحمدلله .
الله يوفقك يارب وتحققين كل احلامك :*

ايش طموحك في المجال الدراسي
اروح على بعثه واكمل ماستر إن شاء الله

حبيبتي انا فيني عاده ماعرف ايذا هي سيئه او لا بس انا احس انها سيئه المهم هو اني لمن اشوف شي ابغا اسير مثله واحسن يعني مثلا البلوق شوفت ناس كثير مسوينه وجلست اتابعهم بعد فتره ابغا اسويلي واحد وبعدين شفت اليويتيوب وكننت ابا اسير يوتيوبرز وسرت ابغا اسير مصممه وكثير شغلات طيب وبعد مأفكر يعني اجلس يتبع/كثير وادور وبعدين اشوف شي ثاني طالع واروح ادور وراه وهالسالفه ماتنتهي ومع انو هاذا الشي اعرف اسويه ماباقي غير اني اعرضه للناس وكذا فأتمنى احد يساعدني في هالعاده واعرف شو ابغى وشو مأبغا وكذا يعني والله متعبتني نفسين صراحتن

لاتحزني هذا شيء بالفطره لما تشوفين فكرة أو شخص ناجح نفسك تكونين مثله بس حكاية انك تبين تسوين كل شيء هذا معناته انك ماتعرفين اهدافك لسى ، والناس اللي كذا غالباً يبدأون بالأشياء اللي يشوفونها مع الناس كـ نوع من الحماس والمحاكاة بعدين يوقفونها لأنه اصلاً مو شغفهم ولا هدفهم .
ماعرف ليه حسيت انك صغيره عشان كذا استني وركزي على دراستك لأنك بمرحلة تكوين الشخصيه واكيد راح يجي يوم تبدأين تحددين فيه اهدافك وترسمين حلمك وعقبال ماتحققينه ان شاء الله .

إيش الموضه بفساتين السهرات ؟
فساتين الـ OFF the shoulder ، اما الألوان فـ هي الأحمر والأسود والكحلي والأبيض اكثر شيء دارجه .

ماركة الملابس المفضله عندك ؟
Juicy couture  أحب ملابسهم كثير .

ليه تأخر الكولكشن حقك
صارت لي عوائق كثيره بس ماراح استسلم وبينزل قريب بإذن الله

وش روجك المفضل ياندى
ميك أب فور ايفر مات 5
وماك بليز مي

Q1 - كم عمرك
22 

الأفضل فرشاة سيقما المشطوفه أو ماك ؟
ماك احسن لأنها دقيقه وتطلع خط نحيف اكثر

افضل نصيحه للعنايه بالجسم ممكن تعطيني اياها
الترطيب والترطيب والترطيب

ودي اشوف ستايلك بالجامعه احسك كشخه ، علمينا ستايلك ومحلاتك المفضله ؟
 ياحبي لك تراني اميل للبساطه مو مثل ماتتخيلين ولا احب اشطح في الجامعه :D
ستايلي صعبه اوصله لك لازم الواحد يشوف ويفهم بس بإختصار احب ادمج الكلاسيك مع القيرلي ، محلاتي المفضله مثل ماقلت جوسي للملابس مره يعجبني وقمصانه حلوه وفور ايفر 21 كمان احبه وكثير اطلب منه اون لاين و Jcrew  وزارا وماسيمو دوتي وفيكتوريا سيكرت Pink ..

مرحبا ندو .. انا عيوني واسعة بس جاحظة شوي :( موب عارفة كيف اهتم فيها ؟ وش يناسبني وش ما يناسبني ؟ ما أعرف اهتم فيها :( اككككررة الأشياء الأوفر ما أحب الكحل يكون قوي احب الشيء طبيعي وكيوت :"( .. احب ذوقك كثير وأثق فيه ♥♥♥.
أهلاً وسهلاً شكراً حبيبتي لـ ثقتك ♥
لما ترسمين بالآي لاينر أو الكحل القلم دائماً ابدأي من نص العين تقريباً و لاترسمين خط من بدايتها ، وعلى الزاويه الخارجيه خلي خط الآي لاينر مرفوع شويه وركزي على الرموش دائماً + شوفي رسمة الآي لاينر هذي تناسب العيون الجاحظه


مرحبا ياجميلتي تعرفين العطور اللي تجي ريحتها خفيفه وريحتة صابون شوي بس مو صابون يعني نظافه؟ ماعرف اشرح ادري بس ان شاءالله فهمتي علي:')من وين اقدر القاها وتعرفين اسماء عطور معينه؟
مرحبا يا اجمل :*
فهمت عليك وبحثت لك عن هالنوع من العطور لأنه للحين مالقيت طلبي نفسك بس بروح اشمهم معاك :p
اكثر شيء اقترحو :
Estee Lauder's Pleasures
Chanel 5 لما يبرد
Pure Grace, Philosophy فيلوسفي ماركه مو عندنا بالسعوديه بس اعتقد بسيفورا دبي وتقدرين تطلبينها من موقع سيفورا ، معروفين بعطورهم نظيفه وناعمه
وفيه كمان هالعطر اسمه Clean يعني "نظافه" واسمه معبر جداُ ، مشهور بأنه افضل عطر صابوني ونظافه بس ماعتقد موجود عندنا شوفيه بموقع سيفورا :
وفيه عطر عند امي اسمه acqua Suisse مره جميل وناعم ودي اسرقه منها بس المشكله انه هديه ومادري وين موجود بالضبط ، ابحثي عن اسمه ان شاء الله تلاقين مكانه :*

ندى انا كان وزني 52 بس بعد ما أعرف لجسمي احس موب زين. ولسوء التغذية و عدم ممارسة الرياضة صار61 وطولي وسط ع قصير وجسمي كمثرى بس جد جد ماعندي ثقة بجسمي ابببببببد ..احس خلاص كرهت نفسي اذا نحفت يقولون مايناسبك النحف واذا سمنت اكون موب راضية عن نفسي. من جد تعبت
ياحبيبتي مدري ايش سؤالك بالضبط ، بس عموماً لاتسمعين لأحد اهم شيء انتي ايش ودك ؟ ودك بـ نحفك وراضيه عنه والا حابه تزيدين وتكوني مليانه ؟ اللي يرضيك سويه
وزنك مره حلو ماشاء الله 52 وماحسه نحيف بزياده ، رضا الناس غايه لاتدرك ولاتهمنا اصلاً لو نحفتي قالو يوه وش فيك ميته مافيك عيشه ولو سمنتي قالو منتفخه يافلانه .. كلي أكل صحي ومارسي رياضه و اوصلي للوزن اللي عاجبك وبس .

احسن بي بي كريم للبشرة الدهنية والمختلطة

بيبي كريم ديور Nude


وهذي كل الأسئله ، كان فيه مكرره واخترت واحد منهم عشان مايكون طويل البوست .
ان شاء الله تكون افادتكم و Love u all

القيف أواي The GIVEAWAY :

حبيت اسوي اكتفيتي بالمدونه ونغير الروتين شوي ، بما انه الجو بارد وبدأنا ندخل بالشتاء واخيرررراً
الكل مروق ومبسوط بالجو ❤❤ فـ المسابقه بتكون كل وحده تشاركنا الـ Winter must haves يعني الأشياء اللازمه لك بالشتاء مثل كريمك المرطب المفضل + مرطب شفايفك ، عطرك بالشتاء ، الكنزه اللي تحبينها و لون الروج اللي تحبينه .. ان شاء الله تكونون فهمتو يعني اجمعوهم بـ صوره وحده وحطوها في هاش تاق #BeautyDeRosee في الأنستقرام ❤

الجائزه بتكون كرت آيتونز بـ قيمة 20 $ دولار ، لو حبيتو فكرة المسابقه البسيطه وشفت تفاعل بكمل واسويها الأسابيع الجايه بـ افكار مختلفه ان شاء الله .

متحمسه اشوف اشيائكم واختيار الفائزه راح يكون عشوائي + الصوره الفائزه بـ انزلها في بوست مستلزماتي الأساسيه في الشتاء ان شاء الله .

مع السلامه وشتاء سعيد ياجميلات ❤
اشوفكم على خير .
© BeautyDeRosee. Design by MangoBlogs.