Mane tale carrot oil cream

 

بسم الله الرحمن الرحيم

بوست سريع خفيف عن هذا الكريم بالصوره اللي تكلمت عنه في (اعادة بناء الشعر واصلاحه) .. وجتني اسئله عليه وحسيت اني ماعطيته حقه وتكلمت عنه بالتفصيل ..

اول شيء هذا الكريم من شركة mane tale اللي فتنتني بمنتجاتها ♥ هالشركة اساساً كانت خاصه بشعور الخيل بعدين وسعو منتجاتهم وخلوها للآوادم

هو كريم شعر طبعاً وقوامه خفيف وريحته ما اعجبتني بس نتجيته مخليتني اتحمل ريحته بكل صدر رحب ههههههههههه : $ دخلت على الموقع حق هالشركة ولقيتهم حاطين فيديو لـ ELLEN SHOW متكلمه عن الشامبو حقهم وعن شامبوهات من شركات ثانيه تمدحهم .. ومن ضمنهم شامبوهي اللي من هذي الشركة وبلسمي حق جوز الهند اللي ببوست اعادة بناء الشعر !! هههههههههههههههه انبسطت ، المهم جبت لكم مكونات الكريم من موقعهم : يحتوي على خليط مميز من البيتا كاروتين ، الفيتامينات ، الأعشاب الطبيعيه ، والزيوت الضروريه التي تجدد مرونة الشعر وقوته ، يعيد رطوبة الشعر المفقوده ويغذي الفروه ويعالج الشعر المتضرر كيميائياً ..

الكريم مره حلو وخلص من عندي الحين وناويه اجرب اللي بزيت الزيتون ان شاء الله ، أحطه على فروة الرأس وبعدين باقي الشعر احط عليه زيت جوز الهند واسوي شعري بون فوق بس اخليه يطول 3 ساعات وفوق .. واوقات احط الكريم على كل شعري واطول فيه يوم كامل اذا ماعندي شيء "يعني ما اطلع فيه" ، صدق تحسينه يصلح شعرك ويرجع له رطوبته وليونته ويخليه صحي مع الأستمرار ، ويطووووول الشعر ومع الشامبو ياسلام بيطول الشعر أسرع من قبل ♥.♥

الحين صبغت شعري وحسيت اطرافه جافه و بدت تتقصف شوي مو نفس قبل الصبغه ! فلما احط على الأطراف من هالكريم واغسله مافيه جفاف مافيه تقصف !! ♥♥

منتجات هالشركه اخذها من التميمي أو الدانوب .. ما ادري اذا موجودة بمكان ثاني وسعر الكريم 35 والشامبو 39  ..

أخيراً ، انا لي فتره 3 شهور وفوق وانا استخدمه ومخليته روتين والنتيجه ماتنشاف بسرعه أصبرو عليه وبتشوفون اللي يسركم + امشو على النظام اللي في بوستي السابق

هذي تجربتي مع كريم الجزر ان شاء الله تكون افادتكم .. شكراً لكم ♥ مع السلامه : )