ريفيو : برونزر H&M

 

السلام عليكم ورحمة الله وبركاته

 

اليوم جايبه لكم شيء جمييييل توي طايحه عليه ❤ اللي هو برونزر h&m

بالبدايه بقولكم انا مو صحبة مع التان والبرونز ولا اهتم فيه .. احترم كل الأذواق وكل وحده وشخصيتها وستايلها بس ماحب التان الغامق مره أحسه احتراق :( ودائماً اشوف الأجنبيات تانهم جمييييل وناعم وفاتح .. يعجبني مره ❤ خصوصاً لما يجي التان على بينك ❤

 

المهم الفتره اللي راحت كنت ابي اشتري برونزر عشان استخدمه للكونتور لأن اللي عندي فيهم شيمر ماينفعون كونتور .. وكنت في h&m  وشفت البرونزر تبعهم وتذكرت بنات قالو انه مره جميييل قلت اجربه وش وراي وسعره مره رخيص بـ 30 !! ( لاحظو اني كنت ابيه كونتور بس :$ )

 

اخذته وجربته و وقعت في غرامه ❤

طيب كذا اكون خلصت قصتي ههههههههههه :$ خليني اقولكم ايش يميز هالبرونزر وليه حبيته ؟

 

 

البرونز هذا للوجه وللجسم .. سعره 30 ريال

 

ليه حبيته ؟

لونه مو غامق مره وبنّي ! ولا هو اورنج بزياده .. فيه لمسة اورنج ولمسة برونز ولمسة بسيطه بينك ، يعطي سحنه جميله

مو مات مررره ولا فيه شيمر ، غريب !

اللون مو مره متشبع يعني لو انتي مثلي ماتحبين التان الغامق مسحه وحده بتكفيك وبيكون لونه كيوت وفاتح ، واذا تحبين اغمق حطي زياده حتى توصلين للنتيجه المطلوبه .. ( وهالشيء عجبني عشان يرضي الطرفين :$)

جربت اغمقه وطلع مره جميل مو متكتل مع اني حطيت كم مسحه !

على فكره انا جربت قبل ماك وكان اورنج :/ ماعجبني ابداً ، وجربت بينفت وكان على بنّي وغامق مره يعني بس ينفع كونتور

ميزه ثانيه فيه علبته كبيره يعني بتكفيك وقت كثير .. مفكره اشتري علبه ثانيه احتياط اخاف يقطعونه :$

والعلبه نفسها انيقه ماتحسينها بـ 30 ريال !

السيئه الوحيده فيه انه ماينفع كونتور .. ممكن البعض يعجبه بالكونتور بس انا لا ماعجبني مره ..

 

 

 

 

 

 

 

 

 

 

 

 

 

 

 

 

وهذ سواتش :

 

 

 

 

 

 

 

 

 

 

 

 

ماعرفت اصور العلبه وهي مسكره ، تعكس صورتي:$ جبت لكم اياها من النت

 

 

 

 

 

 

 

 

 

 

 

كيف استخدمه ؟

اخذ مسحه وحده واهزّ الفرشاة عشان يطيح الزايد ..

بعدين احطه بنفس مكان البلش بس ما اركز على تفاحة الخد يعني امده ،  وعلى انفي وعلى الذقن وعلى زوايا الجبهه

وهذي صوره توضح الأماكن اللي ينحط فيها البرونزر :

مو من الناس اللي احب احط بودرة البرونز على وجهي كله بس جربته عشانكم وحطيت كم مسحه عشان اتأكد حلو او لا وطلع تمااام مو متكتل ولا شيء ..

وجربته على يدي بس حطيت اكثر من مسحه واللون جلس من العصر لين الليل !

مره حبيييته للجسم يخلي اللون جمييييل برونزي فاتح على بينك ❤

النتيجه اللي يعطيني اياها نفس كذا وممكن اخليه افتح :

 

اممم وش بقى :$ اللي ماجربو باودر برونز يجربون هذي لأني احس البرونز الفاتح يبرز الملامح ويدفّي الوجه حتى لو انتي مو مسويه تان بس حطيه على الأماكن اللي قلت ويطلع جميل ❤

 

كذا اكون خلصت البوست وجربوه وعلموني ايش رايكم ❤
مع السلامه ، أشوفكم على خير :$
love you all