كيف تخفين هالاتك بشكل مُحترف وعلى طريقة الكارداشيان !♡

السلام عليكم ورحمة الله وبركاته ..

اشتقت للبلوقينق :/ مدري احس من زمان مانزلت شيء دسم :$

اليوم البوست بيكون : كيف تخفين الهالات السوداء بطريقه محترفه جداً ! البوست يمكن يطول جيبو لكم شيء يسليكم وروقو عليه :$

 

أول شيء بقولكم نصائح بسيطه لازم تلتزمين فيها بعملية اخفاء الهالات السوداء :

1 – لازم العين تكون مترطبه  مو ناشفه .. والا راح يكون شكل الكونسيلر بايخ ويطلع خطوط

2 – لاتشترين كونسيلر على بينك ، او افتح من لون بشرتك

3 – لاتحطين الكونسيلر بالفرك كأنك تدهنين وجهك ! لا حطيه بالطبطبه سواء بالفرشاة او بأصابعك

 

أول شيء بقولكم ايش المنتجات اللي راح تحتاجونها بعدين ندخل في الطريقه ..
 

راح تحتاجين " كوريكتر أو مصححّ " يكون لونه على مشمشي أو اورنج

و " كونسيلر " و " باودر "

بتقولون ليه كل هالثلاث اشياء ، يكفي كونسيلر ياندى :/

انا اقولكم ليه :$

الكوريكتر راح يصحح لون الهالات عشان نبدا بعملية الكونسيلر .. خطوة الكوريكتر بتكون مفيده للي هالاتهم غامقه أما لو هالاتك خفيفه اكتفي بكونسيلر

الباودر بتثبت الكونسيلر عشان مايروح وعشان ماتطلع خطوط والا بيطلع شكل الكونسيلر غلط : (

 

افضل كونسيلر وكوريكتر جربتهم هم بوبي براون ، جمييييل لونه مثالي وقوامه اجمل واجمل ، نتفه منه تكفي عيونك الثنتين !! وفيه ترطيب مو من الكونسيلرز اللي ناشفين وباهتين .. الكونسيلر يجي معاه لوس باودر

 

نشوف الصور :

اللي على اليمين كونسير واليسار الكوريكتر




الكوريكتر .. شايفين كيف لونه على مشمشي ؟




وهذا الكونسيلر .. لونه على بيج نفس لون بشراتنا




يجي معاه تحت لوس باودر " مخلصه الحين :$ " الحين استخدم اللوس باودر من ميك اب فور ايفر HD






وهذا سواتش عشان تفرقون بين اللونين " فوق الكوريكتر وتحت الكونسيلر " لاحظو انهم مره مشبعين باللون يعني هذا ترا نتفه اخذته بطرف اصبعي ! :$


هنا اخفيت العروق بيدي عشان تشوفون كيف تغطيتهم جميله :




على فكره بالعاده العروق زرقاء باينه مره بس الحين مافيه ولا شيء !!

طيب الحين نجي للتكنيك اللي راح نتعلمها سوا عشان نخفي الهالات بشكل محترف ويخلي تحت العين منور وثابت طول السهره مافيه خطوط ولا لون رمادي ولا شيء :$

الطريقه اللي راح اقولكم عنها معروفه فيها كيم كارداشيان .. شوفو صورتها بدون ميك اب لها هالات بس بالميك اب مافيييه شيء ابداً !!

 

كيف يخفيها الميك اب ارتست تبعها ؟

1-أول شيء ترطبين العين .. بعدين تحطين الكوريكتر على شكل V أو على شكل علامة صح .. شوفو الصوره رسمت لكم بالأحمر المكان اللي بتحطون فيه الكوريكتر والمنتجات الباقيه ..

من تحت العين لين الأنف بعدين تسحبينه .. نفس ماقلت لكم شكل علامة الصح ..

 

 

 

 

 

 

 

 

 

 

 

 

 

 

 

 

 

 

2- بعد ماحطيتي الكوريكتر تجيبين الكونسيلر وتحطينه نقط فوقه وعلى نفس الشكل اللي معتمدينه اللي هو علامة الصح .. بعدين تبدين تدمجين الكونسيلر سواء بفرشاة او اسنفجه حتى توصلين لشكل طبيعي ..

3- بعد كذا تجيبين الباودر .. احلى شيء تبع ميك اب فور ايفر السايبه الشفافه .. تحطينها على نفس الشكل بس مو توزعينها على طول ! حطيها بالفرشاة طبطبه بعدين جيبي فرشاة الدمج وادمجيه وحاولي تدمجينه مع باقي الفاونديشن ..

وبتلاقين منطقة تحت العين منوره ومافيه هالات نفس كذا :$

هذي التكنيك تسمّى " هاي لايتنق "

شوفو كيم اثناء ما الميك اب ارتست يسوي لها الهاي لايتنق تحت عينها

 

 

 

 

 

 

 

 

 

 

 

 

 

 

 

 

 

شايفين كيف تحت عينها ابيض ؟ هذي الخطوه 3 لما حط الباودر بس لسى مادمجها " اتوقع نفس اللي استخدمها ميك اب فور ايفر"

 

طيب عشان يكون اسهل لكم شوفو هذا الفيديو مسوي نفس الخطوات بالضبط وراح تفهمون ايش اقصد .. لاتخافون من الرجال ههههههههههههههههههههه هو ميك اب ارتست وجالس يطبق على نفسه عشان نفهم :$

 

http://www.youtube.com/watch?v=UAtJkOk7PKE&feature=plcp

 

الفرش اللي استخدمها أنا هي من سيقما وحده احط فيها و وحده ادمج ، تقدرون تستغنون عن اللي تدمج :$

 

E60

 

 

 

 

E40

 

وبس :$ ان شاء الله تكونو استفدتو وفهمتو الشرح يارب ..

بالنسبه للكونسيلرز كلهم من بوبي براون بهارفي نيكلز الفيصليه واسعارهم مو فاكره بس بحدود 150 كل واحد والفرش طالبتهم من موقع سيقما وباودر ميك اب فور ايفر موجوده بوجوه وسيفورا وسعرها مو اكثر من 150 ..

بكون سعيده لو شاركتو هالبوست وسويتو ريتويت ♡

 

اشوفكم على خير ، مع السلامه ♡