كيف تخفين هالاتك بشكل مُحترف وعلى طريقة الكارداشيان !♡
























السلام عليكم ورحمة الله وبركاته ..

اشتقت للبلوقينق :/ مدري احس من زمان مانزلت شيء دسم :$

اليوم البوست بيكون : كيف تخفين الهالات السوداء بطريقه محترفه جداً ! البوست يمكن يطول جيبو لكم شيء يسليكم وروقو عليه :$

 

أول شيء بقولكم نصائح بسيطه لازم تلتزمين فيها بعملية اخفاء الهالات السوداء :

1 – لازم العين تكون مترطبه  مو ناشفه .. والا راح يكون شكل الكونسيلر بايخ ويطلع خطوط

2 – لاتشترين كونسيلر على بينك ، او افتح من لون بشرتك

3 – لاتحطين الكونسيلر بالفرك كأنك تدهنين وجهك ! لا حطيه بالطبطبه سواء بالفرشاة او بأصابعك

 
أول شيء بقولكم ايش المنتجات اللي راح تحتاجونها بعدين ندخل في الطريقه ..
 

راح تحتاجين " كوريكتر أو مصححّ " يكون لونه على مشمشي أو اورنج

و " كونسيلر " و " باودر "

بتقولون ليه كل هالثلاث اشياء ، يكفي كونسيلر ياندى :/

انا اقولكم ليه :$

الكوريكتر راح يصحح لون الهالات عشان نبدا بعملية الكونسيلر .. خطوة الكوريكتر بتكون مفيده للي هالاتهم غامقه أما لو هالاتك خفيفه اكتفي بكونسيلر

الباودر بتثبت الكونسيلر عشان مايروح وعشان ماتطلع خطوط والا بيطلع شكل الكونسيلر غلط : (

 

افضل كونسيلر وكوريكتر جربتهم هم بوبي براون ، جمييييل لونه مثالي وقوامه اجمل واجمل ، نتفه منه تكفي عيونك الثنتين !! وفيه ترطيب مو من الكونسيلرز اللي ناشفين وباهتين .. الكونسيلر يجي معاه لوس باودر
 

نشوف الصور :




اللي على اليمين كونسير واليسار الكوريكتر




الكوريكتر .. شايفين كيف لونه على مشمشي ؟




وهذا الكونسيلر .. لونه على بيج نفس لون بشراتنا




يجي معاه تحت لوس باودر " مخلصه الحين :$ " الحين استخدم اللوس باودر من ميك اب فور ايفر HD






وهذا سواتش عشان تفرقون بين اللونين " فوق الكوريكتر وتحت الكونسيلر " لاحظو انهم مره مشبعين باللون يعني هذا ترا نتفه اخذته بطرف اصبعي ! :$


هنا اخفيت العروق بيدي عشان تشوفون كيف تغطيتهم جميله :




على فكره بالعاده العروق زرقاء باينه مره بس الحين مافيه ولا شيء !!



طيب الحين نجي للتكنيك اللي راح نتعلمها سوا عشان نخفي الهالات بشكل محترف ويخلي تحت العين منور وثابت طول السهره مافيه خطوط ولا لون رمادي ولا شيء :$

الطريقه اللي راح اقولكم عنها معروفه فيها كيم كارداشيان .. شوفو صورتها بدون ميك اب لها هالات بس بالميك اب مافيييه شيء ابداً !!
 

















كيف يخفيها الميك اب ارتست تبعها ؟

1-أول شيء ترطبين العين .. بعدين تحطين الكوريكتر على شكل V أو على شكل علامة صح .. شوفو الصوره رسمت لكم بالأحمر المكان اللي بتحطون فيه الكوريكتر والمنتجات الباقيه ..
من تحت العين لين الأنف بعدين تسحبينه .. نفس ماقلت لكم شكل علامة الصح ..
 
 
 
 
 
 
 
 
 
 
 
 
 
 
 
 
 
 
2- بعد ماحطيتي الكوريكتر تجيبين الكونسيلر وتحطينه نقط فوقه وعلى نفس الشكل اللي معتمدينه اللي هو علامة الصح .. بعدين تبدين تدمجين الكونسيلر سواء بفرشاة او اسنفجه حتى توصلين لشكل طبيعي ..

3- بعد كذا تجيبين الباودر .. احلى شيء تبع ميك اب فور ايفر السايبه الشفافه .. تحطينها على نفس الشكل بس مو توزعينها على طول ! حطيها بالفرشاة طبطبه بعدين جيبي فرشاة الدمج وادمجيه وحاولي تدمجينه مع باقي الفاونديشن ..

وبتلاقين منطقة تحت العين منوره ومافيه هالات نفس كذا :$


















هذي التكنيك تسمّى " هاي لايتنق "
شوفو كيم اثناء ما الميك اب ارتست يسوي لها الهاي لايتنق تحت عينها
 
 
 
 
 
 
 
 
 
 
 
 
 
 
 
 
 
شايفين كيف تحت عينها ابيض ؟ هذي الخطوه 3 لما حط الباودر بس لسى مادمجها " اتوقع نفس اللي استخدمها ميك اب فور ايفر"
 
طيب عشان يكون اسهل لكم شوفو هذا الفيديو مسوي نفس الخطوات بالضبط وراح تفهمون ايش اقصد .. لاتخافون من الرجال ههههههههههههههههههههه هو ميك اب ارتست وجالس يطبق على نفسه عشان نفهم :$
 
 
الفرش اللي استخدمها أنا هي من سيقما وحده احط فيها و وحده ادمج ، تقدرون تستغنون عن اللي تدمج :$
 



E60
 
 
 
 
E40
 

وبس :$ ان شاء الله تكونو استفدتو وفهمتو الشرح يارب ..

بالنسبه للكونسيلرز كلهم من بوبي براون بهارفي نيكلز الفيصليه واسعارهم مو فاكره بس بحدود 150 كل واحد والفرش طالبتهم من موقع سيقما وباودر ميك اب فور ايفر موجوده بوجوه وسيفورا وسعرها مو اكثر من 150 ..

بكون سعيده لو شاركتو هالبوست وسويتو ريتويت

 

اشوفكم على خير ، مع السلامه
 
You may also like:

11 comments

  1. اه اه منها الهالات
    طيب الكوركتور ممكن اعرف درجته واذا فيه بديل مناسب ؟
    ترطيب الهالات مجنني ايش ممكن يرطب كويس؟ وباودر ميك اب فور ايفر اول ماتحطينها بفرشه e60 وتدمجينها بعدين بحقت الدمج ؟ طيب ماتخطط اذا حطيتها بالبدايه بالطبطه ؟

    معليش كلوا اسئله بس لاني هلكت من هالهالات :( ;(

    ReplyDelete
    Replies
    1. اهلين ❤
      الكوريكتر درجته peach
      الترطيب استخدم ليفيان مره جميل ويرطب كويس ، الباودر ماتطلع خطوط وايه ادمجها :$ 

      Delete
  2. يعطيك العافيه حبيبتي ع البلوق المفيد جدا بس أنا عندي سؤال يمكن غبي شوي بس مشيها لي توي مبتداه عقبال مانتعلمومنك اكثر واكثر الحين عادي احط الكونسيلر ع جفني لانو من زاويه العين عندي سواد

    ReplyDelete
    Replies
    1. الله يعافيك حبيبتي ❤ ولو عادي خذي راحتك بالأسئله :$
      ايه ينفع ونص ..

      Delete
  3. افدتيني يعطيك العافيه

    ReplyDelete
  4. يعطيك الف عافيه ياعسل جدا أفدتيني .. عن جد مشكووووووووووووووره مشكوووره =)

    ReplyDelete
  5. اليش ماتردين على الناس هما يتابعوكي وماتردي

    ReplyDelete
  6. الله يعافيكم ويسعدكم حبيباتي ❤

    ReplyDelete
  7. حبيبتي /
    من يوم تنزلي التدوينة وأنا مرا متلخبطة .
    أنا مبتدئة بالميك أب وقاعده اتعلم .

    كل الأرتست البنات اللي يكتبون بالمدونات العربية مايكتبون بشكل مفصل عن الهالات .

    فرحت جدا بتدوينك وحسيت أنو مفيدة لي لانو عندي هالات وأكتشفت انو ماتتغطى مع الفاونديشن .

    فشكرا لك ع نصايحك لكن اذا ممكن ومو مزعج لك حابه استفسر كم شئ وسوري اذا يزعج :"(

    أنا منطقتي مافيها محل لماركة بوبي براون .
    ودورت في النت عن تاجرات يبيعون ولا حصلت
    فلو ممكن بديل للمنتجات اللي حاطتهم هون : المصحح ومخفي الهالات والباودر .. من سنتر بوينت أو وجوه أو ماك هذولا اللي بمنقطتي : ))
    * وأوعدك لو رحت منطقة ثانه بشتري الاشياء اللي بالتدوينة : )

    وحتى يستفيد الكل حطيهم بتدوينة وبدعي لك أقوى شئ



    شئ ثاني حابه اذا ممكن تعطيننا تدوينة عن روتينك بعنايتك بعيونك .. من مرطب ومقشر وغسول ومعالج أو أي شئ آخر..
    لانو مالقيت احد كاتب كذا فبتكوني الاولى في هالنقطة ..


    ثالث شئ ممكن اذا مو مزعج لك تسوي لنا عن اخفاء الهالات مع المكياج البسيط تبع الجامعة أو الدوام
    وهل هو نفسه حق الكارداشيان .. وألا فيه شئ خفيف ويعطي تغطية متوسطة وشكل جذاب .

    اتابع انا عشرات البنات يكتبون ولا احد ذكر تغطية الهالات بتدوينة دسمة مثلك
    فشكررررررا اقوى شئ ودعواتي لك بالسعادة

    انتظر دخولك وردك ياغالية
    ومشكورة ع كل ماتقدمينه استفدت كثير من تدويناتك مختلفه انت بعرضك وإخلاصك ..

    ومرا ممتنة لقراءتك لكلامي الطويل وتحملك لنا :")
    خليك بخير .
    وانتظرك .

    ReplyDelete
    Replies
    1. ماك عنده كونسيلر & كوريكتور مشابه للي عند بوبي بروان , جودتها جيدة ومناسب كبديل , لكن مدري عن اذا كان بنفس الجودة ..

      وجوه- ميك اب فور ايفر - عندهم باليت كونسيلر اكثر من مجوعة , واحد منهم فيله كوريكتور لونه مشمشي .. مناسب للهايلات تحت العين .

      وجوه- بينفت - برضوا عندهم كوريكتور نفس هاللون .

      وفيه حركة شفتها بأحد الفديوات , انك ماتحتاجي تشتري كوريكتور , لانك ممكن تستخدمي روج لونه مناسب مشمشي او خوخي المهم درجة تغطي الهالات وراح ينفع كـ كوريكتور ..

      والباودرة الي ذكرتها القميلة Rosee من ماركة ميك اب فور ايفر .. اسمها HD

      + شكله خانك التعبير ,لما قلتي روتينك للعين + غسول ومقشر , لانه أكيد منطقة العين وحواليها ما ينفع يقربها الغسول والمقشر .

      واضيف ع طلبك طلب , لانه بالفعل حيفيدنا نعرف اذا بستخدمي كريمات خاصة لمنطقة ماتحت العين وحواليها او اي منتج لنخفيف من الهالات ..

      -----

      و الله يعطيك العافيه ع التدوينةوعلى كل توديناتك ^^
      انا متابعة لكِ من فترة لكن مقصرة بالردود ..

      Delete
  8. ياليت لو ترجعين ترفعين الصور

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.