كيف ترتدين الشفاة الغامقه ؟

السلام عليكم ورحمة الله وبركاته
< وش رايكم بالعنوان بالفصحى :$ يهبل صح ❤.❤
طيب اليوم البوست مره مفيد .. خصوصاً بهالوقت اللي بدينا نحط ارواج غامقه ونحبها
بعد بوست توجهات الموضه لاحظت كثير منكم اعجبتكم الموضه والشفاة الغامقه وخصوصاً اللون الكرزي :$
فحبيت اشارككم هالطريقه ، كيف تستخدمين الأرواج وتحطينها بالطريقه الصحيحه
سابقاً ماكنت اقرب من الأرواج الغامقه ! لما احطها احس ملامحي تختفي خلاص وماتطلع هالأرواج حلوه علي ابداً ، يعني على قولة الأجانب washes me out .. بعدين مع التمرس والملاحظات عرفت ليه انا مايطلع معاي حلو ! واتوقع كثير منكم مايعرف هالمعلومه او هالخدعه ،
كيف تخلين الشفاة الغامقه جذابه ؟
= بلش برونز او مائل للبرونز .. سواء كان غامق او فاتح وبالكاد ينشافهالحركه تخلي ملامحك ادفى وتتماشى مع الروج الأحمر او أي روج غامق ويطلع فتنه فتنه ! بتحبين شكلك وبتعشقين الروج الأحمر الغامق ،
وغلط غلط غلط تحطين روج غامق والبلشر بينك ودرجاته
حتى لو كنتي مو مسويه تان عادي تحطين بلش مائل للبرونز ودافي أو حتى تسوين كونتور
يعني الزبده تستخدمين لون دافي بوجهك سواء كان بلش او كونتور :$ .. خلينا نشوف صور فنانات مسوين هالتكنيك :








الشيء الثاني اللي حابه اذكره في هالبوست .. هو برضو تكنيك تسوينه لما تستخدمين روج غامق
اغلبنا يعاني من الروج الغامق لما يروح منّا ومنّا -.- والشفايف ماتكون متحدده زي الفنانات وش زودهم ؟ خلوني اقولكم كيف شفايفهم تطلع متحدده وجميله بالأرواج هذي
-          اولاً تاخذين كونسيلر وتحددين فيه حوالين شفايفك وهذي صوره للتوضيح ( طبعاً هي مستخدمه قلم بس انا اقولكم استخدمو كونسيلر وهالصوره مجرد توضيح للمكان اللي بتحطين فيه كونسيلر وكيف تحددين شفايفك فيه من برا )



< اللي محدده عليه دائره :$
-          بعد كذا هاتي محدد لحمي وحددي شفايفك نفسها فيه وعبيها
-          الحين انتي جاهزه وحطي روجك واستمتعي فيه :$

وبس كذا نكون خلصنا هالتدوينه اللطيفه :$ وحابه اشكركم على ردة فعلكم الجميله ودعمكم لآخر بوست الله يسعدكم يارب ❤ ..
مع السلامه ، اشوفكم على خير ❤
You may also like:

8 comments

  1. وش هالزييين ما شاء الله *.*
    طيب نبي خيارات لبلشر برونزي جميل ، وسعره مناسب؟
    و ربي يعافيك يا جمييلة ()

    ReplyDelete
  2. صح نبي افضل بلشر برونز طبيعي مو مره غامق وكمان افضل برونز للكونتور يناسب البشرات الفاتحه ومايكون على اورنج ياليت تذكرين الدرجه والماركه
    اخيراً مواضيعك توثلج الصدر ومميزه

    ReplyDelete
  3. دائما احط روج غامق و ما يصلح شكرا لان علمتينى كيف

    ReplyDelete
  4. طول عمري محاربة الالوان الغامقة في الارواج لانها مو حلوة علي مثل ماقلتي بالضبط! حمستيني اطلع اللي مخزن عندي واجرب طريقتك ..

    كفيتي ووفيتي عالشرح حبيبتي ..

    xx

    ReplyDelete
  5. أنا من محبين الأرواج الغامقة والحركة هذه مرة حلوة وتبين الروج نظييف ومرتب ..
    بوست جميييل يعطيكِ العافية حبيبتي ❤

    ReplyDelete
  6. انا كنت دايما احس انه اللون الغامق مو حلو علي
    مشكوره على المعلومه
    بجربها مره ثانيه


    myobsession-l.blogspot.com

    ReplyDelete
  7. شكراً على تعليقاتكم الجميله :*

    ReplyDelete
  8. مره جميل البوست اعجبني
    انا كنت اتخوف من الالوان الغامقه لكن بطبق نصايحك وباستمتع بوضعها
    يعطيك العافيه

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.