ريفيو : بلشر ماكس فاكتور " اللمسه المعجزه"

السلام عليكم ورحمة الله وبركاته

اليوم مسويه لكم ريفيو سريع وبسيط لبلشر ماكس فاكتور ، لما سويت ريفيو لبلشر ماك كثير منكم قالو لي سوي بدائل ارخص من الدرق ستور وانا معكم في هالنقطه ..

بالنسبه للبلشرات اكثر نوع احبه هو الكريمي يعطي شكل طبيعي وكيوت ومايجي اوفر

طيب نبدأ :$

هالبلشر عندي من سنه يمكن وكل فتره ارجع له لما اكون ابي شكل صحّي واكثر شيء احط منه بالصباح أو لما يجينا احد وابي اتضبط شوي بس مابي احط ميك اب فأحطه واحط كحل ومرطب شفايف وخلاص :$
هو عباره عن بلشر كريمي باللون البينك الجميل .. لونه احسه يناسب اغلب الوان البشرات
ماكس فاكتر طلعت منه 4 الوان .. تقريباً الوانهم عباره عن الوان البلشرات الأساسيه : بينك ومشمشي و واحد على برونز شوي والرابع معرف كيف اوصفه :$
اللون اللي بحكي لكم عنه اسمه "soft pink"

رأيي فيه :

-          البلشر حلو خصوصاً للمبتدئات وللي مايعرفون يوزعون البلشر لأنه خفيف يعني ماتخافين يحوسك بالعكس مره بسيط توزيعه ، هو خفيف يعني ممكن حسب رغبتك تزودين منه ولاراح يطلع تو متش او كيكي ابداً

-          فيه شيء مره حلو انه يعطي لمعه ، لمعه مو قليتر .. لااا اللمعه الثانيه الصحيه الجميله :$ وبوريكم صوره تحت وبتفهمون ايش اقصد

-          علبته صغيره مره يعني تقريباً نفس حجم علبة الاي شادو من ماك او اكبر بشووووي .. هالشيء حلو ومو حلو ، حلو تحطينه بشنطتك ماياخذ مكان ومو حلو انه بيخلص اسرع من غيره

-          امم زي ماقلت توزيعه سهل فبالتالي ماتحتاجين فرشه فراح ينفعك وانتي طالعه او وانتي مستعجله او لو انتي ماعندك فرشه حتى ..

-          الثبات متوسط مو مره ثابت واصلاً نادر تلقين بلشر من الدرق ستور ثابت ، بس هو سهل انك تعيدين عليه ولايحتاج وقت او دقّه فهالشيء يشفع له

وهذا سواتش له

















وبحثت في النت وجبت لكم صورته على الخدود وشوفو كيف اللمعه اللطيفه

تقريباً هذا كل شيء فبالي ، هو زي ماقلت لكم خفيف بس مو بزياده يعني يعجبني للأوقات البسيطه بس للسهرات ماينفع ..

لو وحده منكم اشترته واعجبها للصباح ممكن تستفيد منه بطريقه ثانيه للعزايم والسهرات اللي هي :

تحطينه على خدودك قبل البلشر الباودر وراح يساعد انه يثبت وقت اطول

تلقونه بإيكونيك - سنتر بوينت ، سعره اذكر كان مره كويس يعني يمكن 35 او 40 ..

اشوفكم على خير ياجميلات ، مع السلامه :)