مفضلات شهر سبتمبر ♡

 

 

مفضلات هالشهر عكس الشهر اللي راح تماماً ، رجعنا للجامعه وللروتين وكثرت الأغراض

وفيه شيء جديد مسويته بالمفضلات :$ بصير احط لكم مفضلات غير الميك اب والشعر ، بيكون فيه فاشن ومفضلات عشوائيه للشهر يعني مثل اكل وهيك < أحس وناسه والا ايش رايكم ؟♡.♡

 

طيب نبدأ بالميك اب ♡

أول شيء فاونديشن بوبي براون ،

 

 

اظن اني تكلمت عنه بمفضلات شهر قبل كذا .. وعموماً اكيد شفتوه كثير بتدويناتي لأني احبه  ، قوامه مررره خفيف كأنه لوشن مخففته بمويه واذا حطيته على بشرتي يطلع طبيعي وجميل ومايكون طبقه سميكه فوق وجهي ، تغطيته تتحكمين فيها وتقدرين تحطين طبقتين منه ومايطلع مكتل ابداً يعني ينفعك لو تبينه لنهار او طلعات خفيفه تحطين طبقه ولو بغيتيه لسهره تحطين طبقه زياده وهنا تلاقوني مسويه عنه ريفيو من أول مافتحت مدونتي ومجربته على الخدامه هو وكونسيلر بوبي براون :$  http://beautyderosee.blogspot.com/2012/07/review-bobbi-brown-foundition-and.html

سعره 230 ..

- الشيء الثاني اللي حبيته بهالشهر هو (بيبي كريم سماش بوكس) أول ماجربته ماحبيته وجلست اتحلطم اقول على ايش مزعجيننا فيه ؟ <_<

البيبي كريم هذا عباره عن ترطيب وتغطيه وبرايمر و وقاية من الشمس .. اربعه في واحد

طبعاً لحد يتوقع انه زي الفاونديشن ، تغطيته اخف يعني يشبه للتينتد موسترايزر بس احسن منه ♡

مع الإستخدام حبيته اكثر واكثر والحين جالسه احبه زياده ههههههههههههههه .. اللي عجبني فيه انه فيه منه درجات عكس البيبي كريم الثانيه ، يعني لو انتي سمرا بتلاقين درجتك .. يعطي بشرتي منظر حلو ونضاره وتغطيه معقوله للصباح ..

حلو مره للجامعه وللطلعات الخفيفه ويكفي انه يغنيني عن السن بلوك والحوسه 

حمايته من الشمس 35 .. من ناحية التغطيه احس انه بيبي كريم ديور تغطيته اقوى شوي منه

الخبر السيء انه مانزل للحين هنا ( طلبته من موقع سيفورا) بس سمعت انه راح ينزل قريب ان شاء الله وسعره ميتين وشيء

 

وهنا جربته على خدامتنا الجميله وشوفو الفرق ( ماغطى الكلف اللي فيها تماماً بس اعطى بشرتها نضاره واشراق وراح الصفار اللي فيها صار لونها حلو )

- الريفلون ليب بترز عشقتهم خصوصاً هاللونين فتنه واستهلكتهم هالشهر .. اكثر لونين اعجبوني هم Pink truffle و Suger plum ، اللي مايعرف الريفلون ليب بترز هم عباره عن روج + مرطب + قلوس ، يعني لما تحطينه يرطب شفايفك ويعطيها لون بنفس الوقت  .. بسنتر بوينت وسعره 60







الوانهم على الشفايف اخفّ من اللون في العلبه  .. وهذا سواتش






- روج من ماك لونه جميييييييل واقعه في غرامه بس الحين اكتشفت انه ليمتد اديشن عشان كذا ماراح اوريكم السواتش اخاف تقعون في غرامه وتتحسرون :( :$

 - برونزر H&M استخدمته في هالشهر كثير واكتشفت انه اجمل يكون مع فاونديشن ، ماينفع مع البيبي كريم ماعجبني ! طبعاً حكيت عنه فتدوينه ..


















- اي لاينر مايبلين ، شيء جميل وسبق وتكلمت عنه برضو .. سواد وثبات وقوام كله حلو وسعره احلى بـ 70 أو 60 من سنتر بوينت ، صايره احب احطه مع فرشاة الآي لاينر من سيقما مره جميله وسهله

















-  كريم العيون من لامير مره جمييييل وخفيف ولطيف على البشره ، طبعاً هو سامبل بس كفاني مدة حلوه ! سعره بالأساس 800 او شيء زي كذا يعني سعره هو اسوء شيء فيه :( مستحيل اشتريه وجع

- مرطب الشفايف من بيزلين بالعسل ، من احلى المرطبات اللي استخدمتها يرطب من قلب بس مايدبق ولا ينشف شفايفك بعد مده

- عطر بنانا ريببلك ، لسى مسويه ريفيو عنه شوفوه :$


( مفضلات العنايه )

-          شامبو لوريال الفيف ، لو انتي شامبوهاتك تجاريه وماتحبين تدفعين على الشامبو فجداً انصحك بهالشامبو ، ماتوقعته حلو كذا ! يعطي الشعر نعومه ولمعه جميله وينظف بإعتدال ماينشفه ولا يتركه مدهن وسعره مره معقول يعني مو فوق 30 ريال بكل صيدلية او هايبر ماركت

-          صابونة من نكتار ، ايه نكتار هههههههههههه بيني وبينكم كنت حاقرته بس يطلع منهم هالصابونه ♡ صابونة وليفه بنفس الوقت ، اكثر شيء عجبني فيها الليفه احسها تشيل الجلد الميت وتنظف من قلبببب ، مره تنفع لجوّنا سموم يبي لنا يوم ورا يوم نغسل فيها ويالله ! طبعاً لازم الصابون يرغي بعدين استخدم الليفه والا بتكون خشنه على الجلد .. كان ودي الصابونه تكون طبيعيه وبدون عطور وكذا :( بس اذا انتو عادي عندكم تغسلون بشاور جل بريحه وعطور فـ راح تعجبكم وريحتها خفيفه وحلوووه مو مزعجه .. سعرها 20 وشيء وكبيره يعني تطول عندك

 

 

( مفضلات عشوائيه :$)

أول شيء هالبجامه احببببها ،  البسها واغسلها والبسها o_O تعرفون لما تحبون بجامه وترتاحون فيها وماتملون منها ؟ هذي انا الحين ، الوانها تجيب لي السعاده ♡_♡ < ياسلام على العشوائيه بس

ثاني شيء ام اند امز بالـ peanut ادمان ♡♡♡ برضو ما امل منه واعشقه دائماً مو بس هالشهر ، لكن هالشهر زودتها ههههههههههههههه :$

وآخر شيء هالعلبه :

شايفين كيف مقسمه ؟ لأني احب احط اغراضي في الدروج وتكون التسريحه نظيفه ، فأحط هالعلبه فوق على التسريحه واحط فيها الأكسسوارات اللي البسها كل يوم : ساعتي ، ربطاتي والبنس ، الحلقان والأساور والسلسال اللي البسهم يومياً .. ومرررره ارتحت يعني بالصباح القطهم والبسهم مو زي قبل اجلس احوس في الدرج o_O ريحتني وانصحكم تسوون هالحركه .. العلبه تلقونها فأي محل ابو ريالين وسعرها مره رخيص ما اتذكر كم :$

 

 

وكذا اكون خلصت مفضلاتي ، اتمنى لكم اكتوبر جميل ياجميلات :$

مع السلامه ، اشوفكم على خير