مفضلات شهر اكتوبر

السلام عليكم ورحمة الله وبركاته
نيولوك للبلوق وبوستات جديده وحماسيه جايه ان شاء الله
وخلص شهر اكتوبر الجميل وخلصت العطله وجاء وقت مفضلاتي الشهريه اللي متأخره شوي :$
ان شاء الله يكون عجبكم النيولوك اهم شيء
خلونا نبدأ بمفضلاتي بالعنايه :


- على اليمين ليف ان كونديشنير من بوتس بجوز الهند ، عباره عن بلسم يترك على الشعر يعني تحطينه لما تطلعين من الشاور وشعرك مبلول .. مره اعجبني عكس باقي منتجات الشعر من بوتس ! يخلي الشعر ناعم وفيه لمعه وسهل التمشيط ومقارنة بسعره فهو شيء جميل ، الحين خلصت العلبه تقريباً فـ لو فيه منتج زي كذا تنصحوني فيه عطوني خبر لأني حابه اغير :$ سعره بـ 10 ريال من صيدلية بوتس !!!
-اللي جنبه بودي سبراي من سوب اند قلوري ❤❤❤ كان جاي سيت فيه 3 بودي سبراي وكنت مخليه هذا مخصوص للخريف والشتاء لأن ريحته اثقل وادفى من الباقين وحسيتها مره مناسبه هالوقت ، الريحه فتنه وانثويه ،  نسخة ارقى وافخم من ريحة باقي منتجات سوب اند قلوري .. وصف الريحة بالموقع عباره عن ورود منعشه مع المسك والفانيلا مره انصح في اشياء الجسم من سوب اند قلوري .. (من بوتس الكويت وكان سيت فيه 3 عطور جسم والسعر بـ 70 تقريباً اذا مو ناسيه)

من اليمين :
- كريم ليفيان للعنايه بالعين وعلاج الهالات السوداء ، من فتره طويله وانا استخدم هذا الكريم عشان الهالات وفي البدايه حسيته مره ساعدني وخففها بس كسّلت شوي وصرت استخدمه مره وحده بدال مرتين فما استمر التحسن الكبير ، وخصصته لقبل الميك اب .. هالكريم فيه ميزه جميله انه يخلي عينك مليانه ومصحصحه ويبرزها فوراً لما تحطينه ! حتى جربته على ماما واختي وحطيت لهم بعين وحده وحسو بفرق ، و الكريم نفسه مكتوب عليه       eye contour
الكريم سعره 100 اخذته من صيدلية الحبيب وموجود في أي صيدليه كبيره
- اللي بعده كريم دوف لليدين ، اعترف انه شدني سعره بـ 8 ريال قلت يلا اخذه بما اني احب اجمع كريمات يدين .. بس فعلاً يستاهل اكثر من هالسعر ! اول شيء ريحته مره لطيفه ولما احطها يلاحظها اللي حولي ، ويرطب اليد بدون مايترك البشره تلزق ! هو ينفع كريم للشنطه تحطين منه لما تحتاجين لأنه خفيف ومايحتاج تنتظرين تتشربه بشرتك .. زي ماقلت سعره 8 ريال وحجمه مناسب للشنطه تلاقونه فالصيدليات والسوبر ماركت
- غسول نيوتروجينا بالقريب فروت بشرتي مختلطه لجافه ومعرضه للحبوب لكن نادر تجيني ، وهالشهر طلعت لي كم حبه وقررت اخذ هالغسول لأني جربته من زمان وكان مره حلو ، ساعدني اتخلص منها بشكل سريع ونظف لي بشرتي ، لما اغسل فيه احس بشرتي جد نظيفه ومنتعشه وريحته حلوه صحيح فيه حبيبات صغيره بس لطيفه على البشره مو خشنه ابداً ، سعره 40 ريال

-         كريم لليدين من ناتيورال كوزماتيكس ، ميزته انه اورقانيك "عضوي" كل منتجات هالشركه عضويه .. ريحته بالضبط نفس ريحة كريم اللوز لليدين من بودي شوب ، تجيب السعاده ريحته ويرطب كويس ويترك اليد ناعمه ولا يلزق ، احب أي شيء اورقانيك مدري ليه سعره 45 وتلاقون اشياء هالشركه في مي للعطور ..
مفضلات الميك اب :



هالمره مفضلات الميك اب شوية لأني لسى استخدم الأشياء اللي حطيتها بمفضلات الشهر اللي فات !
-        اول شيء ماسكرا فول اكسبوسير من سماش بوكس ، جاتني هديه مع البيبي كريم من سماش بوكس واعجبتني جداً ، فرشاتها كبيره وتكثف وتطول بس ماتترك الرموش ناشفه ! واللي حبيته فيها اني لما احط طبقه وحده تعطيني نتيجه حلوه بس مو اوفر فتناسب الصباح والطلعات الخفيفه ولما اكون ابيها لعزيمه احط اكثر من طبقه وتعطيني نتيجه اقوى .. ابدعتو يا سماش بوكس :$
-        بيبي ليبس من مايبلين ، تعرفوني اعشق الأشياء اللي ترطب الشفاة وتعطي شوية لون .. صحيح هالمنتج مايعطي لون واضح زي ريفلون ، بس ريحته وترطيبه شيء جمييييل احط منه مو عشان لونه بس عشان طعمه وريحته بالكرز يعطي لون كرزي احمر خفيييف ينفع بالبيت وحلو بالجامعه لما اكون ابي اتعدل بس مابي اروح مرايه وحوسه فأحط هذا على السريع ويعطي شفايفي لون بسيط وناعم ويرطبها لي ..
-        كونسيلر قارنييه ، هو مو كونسيلر ! يعني لاتتوقعون يخفي الهالات زي كونسيلر بوبي براون وماك وكذا ، خفيف مره ويعتبر هاي لايتر .. احب احطه في الصباح مايبين اني حاطه شيء تحت عيوني بس انه ينورها ويخفف من هالاتي فيه مكونات مفيده وتساعد بعلاج الهالات ..

مفضلاتي العشوائيه :$



أول شيء هالكوب من ستاربكس ❤.❤ سعنون كبر الفناجيل ترا ! ينفع لقهوتنا العربيه بس جميل وكيوت ، للناس اللي يحبون المزاج مثلي بيعجبهم عطتني اياه صديقتي الجميله ومن وقتها وانا ما اشرب قهوتنا الا فيه :$


ثاني شيء هذي الأساور اللطيفه تلبسينها تحسينها اضافت شيء جميل لشكلك بس مو اوفر ابداً ، أحبها هالأساور وبلبسها كل هالسنه اتوقع :( هي من تركيا بس تلاقون هنا اشياء مقاربه لها كثير بالكشكات ..


ممممم وبس كذا اكون خلصت مفضلاتي الشهريه :$ تلاحظون اني صايره اقرق كثير ؟ ايه صرت امون عليكم عاد الله يعينكم :$ شكراً للـ 8 الاف متابع على التويتر احبكم كلكم واسعدتوني لو عندكم أي طلبات او اقتراحات او اسئله تفضلو فيها بالأسك :
حسابي في التويتر :
@BeautyDeRosee
اشوفكم على خير ياجميلات : )
You may also like:

14 comments

  1. ياعيني عالنيولوك الرااايق للبلوق

    من ناحية كونسيلر غارنية انا احطه بعد الكونسيلر والفاونديشن
    وحمستيني على سوب اند قلوري ،، موجود في بوتس ؟؟ وبوتس دي فين القاها بجدة :(
    في اشياء كتير البنات بيمدحوها في بوتس ولحد دحين مارحتلها

    ReplyDelete
    Replies
    1. لاا سوب اند قلوري مو موجوده في بوتس السعوديه :(
      ومعرف وين تلقينها في جده :(
      شكراً حبيبتي ♡

      Delete
  2. الإسوارة جميلة جداً ، واللي جربته من مجموعتك هو سبريه سوب أند جلوري وليف كونديشنير والأثنين فعلاً حلوين ويستحقون اتجربة ، بوسك جميل ياجميلة

    ReplyDelete
    Replies
    1. انتي الجميله والله ♡_♡
      احب اشياء سوب اند قلوري ياليتهم يجيبونها هنا :(
      شكراً منى حبيبتي ♡

      Delete
  3. أول شيء مغررررمة بديزاين البلوق *-*

    ومفضلاتك عجبوني الليف إن كونديشنر لأني مجربة الشامبو والبلسم وريحتهم جمييلة وكريم دوف شكلي راح أشتريهم اليوم لول
    وغسول نيتروجينا مننعش والكوب لزيز

    ثانكس ندى ❤

    ReplyDelete
    Replies
    1. اول شيء انتي شيء جميل ♡ الله يجبر بخاطرك دائماً تردين على بوستاتي والله اقدّر هالشيء ♡ مع اني مقصره بالردود في البلوق بس انتو جميلين ♡
      جربي كريم دوف خفيف و ينفع للشنطه ♡ ثانكس انتي ♡

      Delete
  4. ..

    يوب اند قلوري منتجات ممكن القاها بمحلات .؟

    ولا ماركة لها محلها .؟

    ReplyDelete
  5. يعطيكِ الف عافيه ندى بجد مفضلاتك روعة مثلك ♥ جربت منهم سبراي سوب اند غلوري و غسول نيتروجينا الاثنين حبيتهم مره واشتريت من قريب الكونديشنر سبراي بعد مدحك له بس لسه ما جربته و متأكده راح يعجبني
    دمتي بخير ♥

    ReplyDelete
  6. ي جممممالكك ي اختي وجممال مدونتكك ♥
    عجبني كريم ليفيان راح اششتريه ان شاءالله
    والكوب دمميل والاسواره ناعممه ممره بس فيها هذي العين الزرقا حقتهم احس مايصلح نلبسها بتركيا شفت حاجات تتجنن بس خفت اخذهم يصير ششرك او زي كيذايعني :(

    ي كثري بعد خخخ

    ReplyDelete
  7. الله الله ♥♥♥ نيولوك جمممميل مرررره حبيتتته ♥__♥
    واساورك مره حبيتها ♥ =$
    حمستيني ع غسول نيتروجينا ان شاءالله راح اجربه ..

    ReplyDelete
  8. ودي اشتري كل شي كتبتي عنو .
    الكونسيلر حق قارنيه مرره عجبني وجربتو وبحكم اني مراهقه اعتقد يناسب الي بعمري مررره.
    حمستيني اشتري كريم ليفيان تجربتك تحمس بس احس سعره غالي بس يستاهل دام تأثيره كذا.
    شكرا حبيبتي وتدوينه جميله جدا.

    ReplyDelete
  9. وش هالجمال يختي التغير عجبني مره
    الاسواره روعه كل شي فيه الكف جميل
    يعطيك العافيه ويهنيك

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.