Review : benefit fine one one




السلام عليكم ورحمة الله وبركاته

الريفيو اليوم راح يكون عن منتج جديد اطلقته بينفيت مؤخراً اللي هو Fine one one ،

بينفيت من الماركات المفضله عندي لسببين : ابتكارهم وافكارهم الجديده ، ولإهتمامهم بالتفاصيل الصغيره من ناحية الباكجنق .. وطبعاً اكيد جودة المنتجات حلوه
كان عندي فضول اجرب هالمنتج وتحمست له خصوصاً انه نزل عندنا بسرعه بالسعوديه ، بالعاده المنتجات تطول ماتوصلنا :/
إيش فكرة المنتج Fine one one ؟
هو عبارة عن ستيك فيه 3 الوان :


1 – لون لؤلؤي على بينك (هاي لايتر – اضائه)
2 – بالنص لون بطيخي
3 وبالأخير لون مشمشي كورال

المنتج يستخدم للخد وللشفايف ، لما تستخدمينه للخد راح يسوي لك ثلاث اشياء : كونتور – بلشر – اضائه وبخطوه وحده بس 


الطريقه سهله جداً :

تفتحين الغطاء وتمسحين المنتج على الخد ابتدائاً من تفاحة الخد لحد العظمه بعدين تدمجينه بأصابعك
هالثلاث الوان مفروض تشتغل سوا وتعطي وجهك قلو ..  وهذا فيديو عاملينه بينفيت يوضح لك كيف تستخدمينه (وايضاً بالكرتون لما تشترينه راح يجي معاه ورقه توضح لك طريقة الإستخدام) :

http://www.youtube.com/watch?v=neHmSHwe2Cw


شايفين الفرق قبل وبعد ؟ جد احسه اعطى المودل قلو و وجهها صار فيه حياه
المنتج بشكل عامل اعجبني وناسبني الحمدلله

صور :






رأيي وملاحظاتي :

-          الألوان سوا مره جمييييله مشمشي على بينك (بطيخي)

-          من ناحية الكونتور "اللون المشمشي" ما حسيته سوا لي كونتور بمعنى كونتور يعني نحت ! "ممكن البشرات الفاتحه مره يُعتبر كونتور لها" انا حسيته اعطى وجهي دفء ولمسه حلوه وهالشيء كفايه

-          اللون الثالث البطيخي هو اللي حلو على الشفايف بس مو ثابت ومايغني عن الروج

-          مره حلو المنتج للمبتدئات بيوفر عليهم شراء اكثر من منتج

-          ممتاز تحملينه بشنطة الميك اب عشان وقت الزنقه لو بغيتي تتضبطين بخطوه وحده وبمنتج واحد بتضيفين قلو وحياة لوجهك ولاراح تحتاجين فُرشة

-          برضو حلو للسفر ماياخذ مكان ولاياخذ وقت وانتي تحطينه

-          البيقمنت وسط مو مره عالي ولا خفيف

-          خليك حذره بإستخدامه وانتي تمسحين على الخد ! لاتضغطين بقوه عشان مايتكتل ويطلع لون كثير واوفر .. امسحي بشكل خفيف بعدين طبطبي على الخد وادمجيه ولو احتجتي زيدي شوي

-          علبة المنتج عمليه وتناسب للشنطه وحجمه حلو يدخل بشنطة الميك اب بكل سهوله

-           ثباته نص ونص .

-         ماراح يناسب البشرات الغامقه لأنه بالكاد راح يبين عليها


Fine one one حلو كثير للمبتدئات وللي يحبون الميك اب الناعم .
البنات اللي يحبون الميك اب ومليانين منه ، راح يكون ممتاز لشنطة الميك اب عشان تسوي تتش اب و للـ لوكات الناعمه ،
لأنه مايعطي نتيجة كونتور وهاي لايت نفس لما نستخدم منتجات كونتور وهاي لايت بإنفراد وبالفُرش

تقييمي للمنتج 7.5 / 10 لأنه ثباته مو جيد ولأنه مافيه منه درجات متعدده عشان تناسب كل البشرات .
غير كذا المنتج توب ، واعتقد ان سهولته بالإستخدام تغفر لثباته لأنك تقدرين تعيدين عليه بسرعه وسهوله : )

وكذا اكون خلصت الريفيو اتمنى اكون غطيت المنتج من كل النواحي واستفدتو واشوفكم في تدوينات جايه إن شاء الله .

سعر المنتج 150 أو 180 مو متأكده كم بالضبط
المنتج مفروض يكون توفر الآن بكاونترات بينفيت بالسعوديه "سيفورا - وجوه - دبنهامز"

مع السلامه :*
Love u all
You may also like:

6 comments

  1. اهلن اهلن بالدميله
    المنتج شكله خطير صراحه
    واحلى شي كريمي حلو للصيف ما يسيح ههههههههههههههه
    والالوان فرايحيه حييييييل وبالنسبه للكنتور ما اتوقع هذا يصلح للكونتور حتى للفواتح لان اندر تونه ما يساعد سواء للبشرات البارده او الدافيه بس زي ما قلتي لمسه حلوه وخفيفه

    ReplyDelete
  2. الحلو فيه توفير وقت بدال ما احط هذا وهذا بس احس مره جميله الوانه تفتح النفس تحمست له :$ يعطيك العافيه حبيبتي

    ReplyDelete
  3. يا جممماله مرره تحمست له
    و بينيفت شغلاتهم تعطي لمسات جميلةة
    خلاص نزل للأسواق بالسعودية أكيد ؟
    و كم سعره تقريبا ؟

    ReplyDelete
  4. السلام عليكم

    اختي مدونتكي حبيتها من قلب
    بس ليش المواضيع القديمه ماتطلع ولا صوره ؟؟؟؟؟
    الرجاء الرد اختي ابغى اقرأ كل مواضيع مدونتكي بس صورها ماتطلع

    ReplyDelete
  5. حبيت الوانه بس مدري ليه ماحسه واو او قد المدح :(
    فكرته حلوه انو تستغلين الوقت وماتشيلين اكثر من منتج
    واالباكجنق واو وكيوت كعاده بينفت ♥
    بس يبيلي اجربه بنفسي قبل لا احكم عليه صح
    حبيت التدوينه ندوش يعطيك العافيه ♥

    ReplyDelete
  6. عجبني مره ق١ق١ يعطي قلو جميل ق١ ان شاءالله ابشتريه

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.