Yumminess | الآيس كريم اللذيذ



السلام عليكم ورحمة الله وبركاته
اليوم البوست تغيير عن اللي متعودينه بمدونتي ، قررت اضيف قسم "yumminess" بالمدونه وبيكون عباره عن اكلات مره سهله مثل مشروبات ، سناكز ، اكلات سريعه بشكل عام .

طيب اليوم راح استفتح هالقسم الجديد بشيء فريش ومنعش , بمناسبة فصل الربيع والإجازة والوناسه
اللي هي طريقة آيسكريم لزيز واقدر اسميه الآيسكريم الحُلم ، لأن كل وحده تقدر تغير بالمقادير وتحط الأشياء اللي تحبها وتبدع والطعم ولا اجمل *.*
وغير طعمه اللزيز ، فكرة تقديمه حلوه وجديده / أنا سويت نكهتين منه ونشوف المقادير :


1 آيسكريم بأي نكهة تحبين (اضطريت على آيسكريم السعوديه بس حلو مش بطال) لو تحطون آيسكريم بالتوفي بيطلع اجمل
2 زبدة الفول السوداني
3 أوريو
4 هيرشي كيسز
5 سيروب كارميل
6 اعواد مدري ايش تتسمى :$
7 كوب ورقي
وزي ماقلت تقدرين تغيرين فيها وتحطين التشوكلت اللي تحبين ولو كنتي تبين شيء خفيف استبدلي التشوكلت بفراوله مثلجه مثلاً .
الطريقه ، مره سهله وهي :
-          اولاً نحط السيروب بقاع الكاس بعدين نكسر فوقه الهيرشي كيسز "ممكن تستبدلونه بـ البندق او اي مكسرات تحبون" :


-          ثانياً نحط طبقة آيسكريم حوالي 3 ملاعق
-          فوق الآيسكريم ، نحط زبدة الفول السوداني ونكسر فوقها اوريو كسر كبيره
-          نحط طبقة اخيره للآيس كريم ، ونغمس العود فيه

بعد كذا نجيب التغليفه الشفافه البلاستيك ونغطي الآيسكريم فيها وندخله الفريزر لمدة ماتقل عن 4 ساعات


النكهة الثانيه / مقاديرها :


1 آيسكريم
2 نوتيلا
3 فيريرو روشيه
4 سيروب كارميل
5 كاس ورقي
6 اعواد

الطريقه نفس اللي فوق :

-          أولاً نحط السيروب بقاع الكاس الورقي
-          ثانياً نحط طبقة آيس كريم حوالي ملعقتين وفوقها شوية نوتيلا
-          نحط طبقه ثانيه من الآيسكريم وفوقها النوتيلا والفيريرو روشيه زي كذا :



-          واخيراً نحط طبقة آيسكريم نهائيه ونغمس العود فيها :



بعد مانطلعه من الفريزر ايش نسوي ؟
نجيب مقص ونقص طرف الكاس من فوق ، بعدين نبدا نسحبه بيدنا ونشيل الكاس الورقي عشان يبقى لنا الآيس كريم "نفس الصوره" :
 

وهذي النكهة الثانيه بالنوتيلا والفيريرو روشيه *.*


وبس ! يتقدم بصحن زي كذا ، طبعاً الآيسكريم ماع شويه لأني طولت وانا اصور :$


وبالعافيه عليكم مقدماً :$ ، ان شاء الله يكون اعجبكم البوست وفكرة القسم الجديد بالمدونه
اشوفكم في التدوينه الجايه ان شاء الله
Love you all ، مع السلامه
You may also like:

7 comments

  1. اااااااه وجعتي قلبي
    ):
    يشهي

    ReplyDelete
  2. Yumm ♥♥ بوست حلو يعطيك العافيه ^^

    ReplyDelete
  3. these all look so wonderfully yummy! love love love your blog! so happy to have stumbled across it! I'm your newest follower hey-o! hope you will stop by mine and follow =]

    xo, Kelsey Belle
    www.happiereading.blogspot.com

    ReplyDelete
  4. really its yummy :)) thank you for sharing

    ReplyDelete
  5. الفكررررررة عجيببببة اهنيك
    يسعدك ربي
    مرررة شكرا بجربها قريبا
    احتفينا بابداعتك

    ReplyDelete
  6. wooooow very ymmmmy
    Thx

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.