روتين عنايتي بالبشرة + تجربتي مع الروكتان ❤ skin care routine and my roaccutane experience



السلام عليكم ورحمة الله وبركاته
كيفكم ياجميلات :* هابي ديسمبر ، قربت تخلص 2013 احسها اسرع سنعه مرت علي مو مستوعبه للحين !
دائماً بكل بوست اتعذر عن طول الغيبه ، ادري اني مدونة كسلانه بس دعواتكم انجح واخلص :( كل ماتحمست للبلوق وصورت بوستات يعطوننا من هالإختبارات لين تخلص طاقتنا ! على كل حال قررت انظم جدول للبلوق ويارب تمشي الأمور .

عاد هالمره اكتب لكم البوست وانا سهرانه يعني شكل سواليفي ماراح تخلص :$ بس قبل ابدأ بالبوست ابي اشكر وحده جميله .
 الأسبوع اللي فات صار لي اجمل موقف وهو إني قابلت وحده من متابعاتي بالكليه ❤❤❤، يكل لُطف جات كلمتني وقالت انا باللي الأسك قلت لك اني معك بنفس الكليه هههههههههه :* ، ماتتخيلون كيف انبسطت يازينك يالهنوف وياسعدي فيك !! لو تقرين هالبوست اقولك شكراً على كلامك اللطيف كان يعني لي الكثير :* وترا اكاونتك ضيعته سوي لي منشن من فضلك ❤ ويارب اشوف الباقين قريباً .


نجي للبوست ، اليوم راح اشارككم تجربتي بالروكتان أو الـ رو اكيوتان وروتين عنايتي بالبشره .

الكلام كثير لأني راح اكتب تجربتي كامله وكل شيء مريت فيه عشان كذا هاتو لكم اكبر سكارف وكوب لمشروبكم الدافئ و بسم الله :


الصورة من تمبلر

بشرتي مُتقلبه جداً ، يعني كانت لفتره طويله جافه وخاليه من الحبوب بعد كذا جتها فتره صار عندي التي زون دهني والحبوب طلعت بشكل متوزع ، الحمدلله مو كثيره أو ملتهبه لكن ماهي قليله بنفس الوقت ، انتظرت كم شهر بـ اشوف اذا سببها انها متحسسه من شيء وغيرت الروتين حقي لأشياء طبيه وبسيطه جداً واعطيتها فرصه ثانيه يعني نقدر نقول فرصه 7 شهور .
بعد كذا لما شفتها ما راحت قررت اروح للطبيبه اللي هي الدكتورة شهلا في مركز آباس الطبي واقترحت علي اخذ كورس الروكتان .. وبعد التفكير قررت اخذه ، اعطتني اقل مده و هي 6 شهور "المدة تختلف حسب حالة بشرتك"
هالمقدمه كلها عشان اوضح لكم انه لازم تعطون بشرتكم فرصه قبل تلجأون للروكتان .


في البدايه :
عملت تحليل والحمدلله كان تمام واخذت وزني وعلى هالأساس عطتني الجرعه ، بدأت بـ 10 بعدين الشهر الثاني 20 والشهر الثالث 30 والرابع 40 بعدين بدأت اقللهم بالتدريج بالخامس اخذت 30 والسادس 20 و وقفت .

بالشهر الأول :
 اعطتني اول جرعه اللي هي 10 وصرفت لي غسول Pharmacirs + مرطب لـ حول العين وحول الفم فقط اسمه Dermagore + واقي شمس + مسحات للحبوب + لوشن للجسم ومرطب شفايف من Laino

التوجيهات اللي اعطتني اياها لأول شهر :

اغسل وجهي ثلاث مرات يومياً بالغسول الصباح والمساء وقبل النوم + بعد الغسول ترطيب حول العين وحول الفم
ومسحات الحبوب احطها يوم ورا يوم عن طريق الطبطبه بدون مسح .
واعطتني نصيحة اذا تبين بشرتك تتحسن وتستفيد تمام من الروكتان لاتحطين أي مرطب لوجهك غير حول عينك وفمك ! "اختي راحت لها وبدأت كورس عندها وقالت لها نفس الكلام كمان برغم اختلاف البشره!"
قالت مسموح ترطبين قبل الميك اب بس .
في البداية استغربت واستنكرت كلامها لأن الروكتان يجفف وزياده راح اغسل وجهي ثلاث مرات ، لكن مشيت على كلامها والحمدلله بشرتي تحسنت زي ماقالت . الغسول رغم تنظيفه العميق الا انه لطيف ولما اغسل ما احس بشرتي جافه ومشدوده بالعكس احسها نظيفه ونضره .

بعد شهرين :
طلعت حبوب اكثر من أول وهذا طبيعي جداً لكن الرؤوس السوداء اختفت الحمدلله !

 الشهر الثالث :
وهو اللي كنت اخذ فيه جرعة  30 ، هنا بدأت تصفى بشرتي من الحبوب .
استمريت بالروتين اللي فوق لمدة 3 شهور .

 الشهر الرابع : اللي هو يتضمن الجرعه العاليه 40 هنا اعطتني كورس اسمه التقشير المنزلي وهو عباره عن سيروم تفتيح + كريم للهالات
سيروم التفتيح اسمه والكريم
السيروم وكريم حول العين احطهم كل يوم قبل النوم ، لما اصحى اغسل بالغسول واحط الواقي واذا ماراح اطلع من البيت وماراح اتعرض لشمس ارطب حول العين وحول الفم . وغسل الوجه في المساء كنسلته يعني صرت اغسل مرتين .

آخر شهرين :
 الحمدلله كان تحسن واضح وجميل ومرضي ، السيروم فعال لكن يحتاج صبر يعني يبي لك تخلصين العلبه عشان تحكمين عليه واعتقد فعاليته جزء من اخذي للروكتان والسبب زي ماقالت الطبيبه : خلال علاجك بالروكتان البشره تتقشر تقشر بسيط فـ لما نستخدم منتجات تفتيح آمنه وطبيه راح تجيب نتيجه واضحه . اكيد مو أي منتج تفتيح تستخدمينه لازم تحت اشراف طبيبتك وهذا السيروم اعتقد مناسب للي يستخدمون روكتان لأنه انصرف لي ولأختي و فيه طبيبه ثانيه صرفته لقريبتي كمان .
كريم الهالات كويس أعطاني تحسن 30% بالميه تقريباً وهالشيء ارضاني لأن الكريمات نادر تعطي نتيجه زي كذا .

النتيجة النهائيه :
أول مارحت للطبيبه بشرتي كانت مسمره من الشمس اسمرار شديد ! كنت توي مخلصه من المخيم و وجهي ورقبتي ويدي لون ثاني + حبوب متوزعه بالبشره .
بعد ماخلصت الكورس : بشرتي استعادت لونها ماشاء الله الحبوب راحت تماماً ! حسيت بشرتي ككل تحسنت مو بس وجهي .

عنايتي + الآثار الجانبية + الممنوعات :

الآثار اللي صارت معاي *واكثرها تروح بعد التوقف عن العلاج* :

-          جفاف بالبشره وبالعين يعني ضروري تجيبين قطرة مرطبه
-          جفاف بالشعر :( تصلحين شعرك بالبيت تروحين للمناسبة طاير ومنفوش :(
-          خمول وكسل " بس مو شرط يصير لكل اللي ياخذونه" وبآخر شهر لي صار لي تساقط بالشعر لكن هالشيء نادر كمان
-          تحسس من الشمس ، يعني الشهر اللي فات كملت شهر وشوي مخلصه وللأسف تعرضت للشمس مباشرة كم مره مع انها مو شديده وتغير لون وجهي ورقبتي و أنا حاطه واقي شمس ! عشان كذا لازم تنتبهون كويس من هالنقطه
-          نزيف في الأنف وسببه الجفاف ، بيصير لكم بس لاتخافون الوضع طبيعي والنزيف بسيط قطرة يمكن مايتسمى نزيف
-          آلام في العضلات ، عانيت منه كثير :( عضلاتي احسها تتعب بسرعه يعني الرياضه تتعبني اسرع من أول ولما اوقف كثير او ارقص كثير اتعب كمان بس الحمدلله الم يوم ويروح .

عنايتي اثناء الكورس :

-          ترطيب الجسم والأطراف بـ لوشن زيت الزيتون من  Lainoهذا  اهم شيء لازم تعملونه لأنكم اذا حافظتو على هالنقطه ماراح ينتهي الكورس الا وانتو مبسوطين ببشرة جسمكم ان شاء الله ، والعكس صحيح لو اهملتو الترطيب ممكن تسمرون بسبب الجفاف والتقشير الخفيف اللي يحصل .
*لوشن Laino جمييييل جداً جداً ، اتوقع مليتو مني وانا احكي فيه بس يستاهل ! ذكرته كم مره بالأنستقرام وراح ارجع اعيد ، هو يرطب ويغذي البشره من جوا يعني مو مجرد ترطيب سطحي + طبي ، ولو عندك اسمرار باليد او الرقبه بيساعد بتوحيد لونهم . مره خلص مني واضطريت استخدم لوشن فازلين الكاكاو وانصدمت !! الترطيب كان جداً بسيط + كلها كم ساعه والترطيب راح ورجعت جفت بشرتي + المرطب حسيته سطحي و فرق عن الأول ! بالأول كنت اجلس يومين بشرتي مترطبه وفيها ليونه . أقدر اقول ان هالكورس خلاني اميز المرطب الكويس من الفاشل والتجاري*
-          احاول ارطب شعري بـ حمامات زيت اعملها بنفسي مثلاً بزيت اللوز او بجوز الهند
-          اعمل ماسك ترطيب عباره عن زبادي وعسل اذا عندي مناسبة بس ، وفي آخر الكورس صرت كل اسبوعين استخدم ماسك مطهر ومنظف من Lush اللي هو ماسك الطين اسمه Mask of magnminty ، خلصته وبدأت استخدم ماسك Glam Glow كل اسبوع او اسبوعين عند الحاجه وهنا ريفيو سويته عنه :
http://beautyderosee.blogspot.com/2013/11/glamglow-youthmud-mask-review.html

-          الكلاراسوينك بعدت عنها خلال الجرعات العاليه ، استخدمتها في نهاية الكورس وعلى وقت متباعد كل اسبوعين مره لأنه بشرتي جداً حساسه ومابي اتعبها
-          اشيل الميك اب بالبايوديرما لأنه خفيف وناعم عالبشره


الممنوعات اللي لازم تبعدين عنها :

-          التعرض المباشر للشمس مثل ماقلت
-          لاتاكلين اي فيتامينات تحتوي على فيتامين A لأن الروكتان هو مشتق من فيتامين A اساساً ولما تاكلين زياده عن طريق الفيتامينات ممكن يسبب لك مشاكل صحيه
-          المضادات الحيويه لما تاكلينها وقفي الروكتان كم يوم لحد ماتخلصين وكذلك أي علاج ثاني الا لو سمحت لك الطبيبه
-          لاتعملين تقشير قوي للجسم او الوجه ، تقشير خفيف ولطيف مره اسبوعياً للجسم كفايه أما الوجه ابعدي عنه
-          لاتتبرعين بالدم
-          انتبهي انتبهي تفكرين تاخذينه بدون مراجعة طبيبه ! مو شيء سهل وضروري تعملين تحاليل كل شهر عشان تتأكدين من سلامتك
-          الحمل اثناء كورس الروكتان خطر لأنه ممكن يسبب تشوهات للجنين لاسمح الله ، ضروري تنتظرين 6 شهور بعد الكورس اقل شيء عشان جسمك يكون نظف منه .


ممكن لما تقرين الأعراض والممنوعات تتخوفين ، لكن لو انتي مو مرتاحه مع بشرتك يستاهل التجربه كلها سته شهور "أو اكثر حسب حالتك" وتكونين راضيه عنها والآثار الجانبيه الحمدلله طالما ماتضر الصحه  عالمدى البعيد ونقدر نعتني بنفسنا فـ نتحمل عشان بشرتنا 

تقييمي للمنتجات كلها بإختصار لأن البوست طوّل + اسعارهم التقريبيه "كلهم بمية وشوي ماعدا سيروم التفتيح بميتين ريال ، للأسف الفواتير كنت محتفظه فيهم بس راحو :("





1 – غسول pharmaceris
اجمل غسول جربته ، ينظف بعُمق ويشيل الدهون المتراكمه بدون ما يجفف البشره جداً لطيف عليها ويتركها نضره وناعمه + ريحته جميله ، بيرفكت للبشره المختلطه هذا الشيء الوحيد اللي اقدر انصحكم فيه بخصوص البشره وانا واثقه ، لأنه طبي لكن لطيف وفعال حتى لو ماتاخذين روكتان وحابه غسول جديد انصحك فيه .
2 – مسحات للحبوب Image clear cell pads
قويه هالمسحات ، لازم يوم ورا يوم ومثل ماقلت فوق تستخدم بالطبطه بدون مسح
احطها عالحبه واحس بحراره فضبعه بس اقل من دقيقه وتزول ، فعاله لكن ما انصح تشترونها بدون استشارة طبيب
3 – مرطب dermagor
هذا كمان من اجمل المرطبات اللي جربتها ، طبعاً مثل ماقلت احطه حول العين وحول الفم بس
للي بشراتهم جافه راح يناسبهم لأني احطه قبل الميك اب على كامل الوجه ويعطيني نتجيه فضيعه ❤ ، ترطيب ونعومه بدون مايكون دهني بزياده وثقيل !
4 – واقي الشمس ISIS pharma SPF50
حلو ومناسبني ، مو دهني بزياده والبشره تتشربه اسرع من اللي جربتهم قبل
5 – مرطب الشفايف من Laino
الروكتان خلاني اقدر هالشركه بشكل ! مرطب الجسم ومرطب الشفايف جربتهم غيرهم اثناء فترة الجفاف وعرفت قيمتهم ، المرطب ناعم ويغذي الشفايف من قلب بدون مايكون طبقه ثقيله فوق شفايفك .
السعر 38
6 – كريم الهالات السوداء Vital c
نتيجتة بالنسبه لأنها من كريم حلوه ! اعطاني تحسن 30 % وصعب تلاقين تحسن اكثر من كذا مع كريم لوحده بدون تريتمنت .
7 – سيروم التفتيح Image ageless total intense lightning serum
فعال وله دور بإسترجاع لون بشرتي ، نتيجته بطيئه نوعاً ما بس مع الصبر مرضيه جداً
تقريباً بعد شهرين وشوي بدأت اشوف التحسن الواضح ، بصراحه ماعرف اذا راح يعطي نفس الفعاليه للأشخاص اللي ماياخذون روكتان .
8 – كريم لترطيب الجسم من Laino
حكيت عنه فوق :$ سعره 150 ريال وموجود بكل الصيدليات الكبيره مثل وايتس والنهدي والحبيب
9 – آلة تنظيف البشره كلارسونيك

هي ببساطه آلة لتنظيف البشره العميق راح تنظف افضل من لما تغسلين بيدك 6 مرات ، استخدمتها بنهاية الكورس لأن البشره بالجرعات العاليه تكون رقيقه وحساسه كثير ، ما استغني عنها لازم اسبوعياً مره او بالكثير مرتين عشان اضمن انه بشرتي نظيفه ومافيها تسربات خصوصاً بوقت الدوامات وتجميع السموم اللي يحصل .
سعرها 125 دولار ، تقدرون تشترونها اون لاين .
10 – ماسك Mask of magnaminty من لاش
بأول الكورس ماكنت استخدم ماسك ولا أي شيء من عندي ، ملتزمه باللي تعطيني الدكتوره
بس خربتها بآخر شيء وصرت استخدم ماسك كل اسبوعين او اسبوع حسب احتياجي ، هالماسك منظف ومطهر مايسوي شيء واو بس يترك بشرتك نظيفه وتتنفس . سعره تقريباً بالأربعينات
11 – ماسك قلام قلو GlamGlow
هذا حبيته اكثر وهنا الريفيو كامل بسعره واماكن شرائه :

وبس كذا اكون خلصت البوست واخيراً ❤ ، اتمنى من قلبي يكون مفيد و واضح
اكرر اني شاركتكم تجربتي عشان لو وحده مفكره تاخذ روكتان يكون مرجع لها وضروري زيارة الطبيبه لما تاخذين هالعلاج او اي منتج ذكرته ماعدا اللي نصحت فيهم "الغسول والمرطب لأنهم آمنين" ، وتذكرو انه اللي يناسبني ممكن مايناسبكم :*

واشوفكم على خير ان شاء الله
Love u all
مع السلامه

You may also like:

38 comments

  1. جميل يعطيك العافية <3

    ReplyDelete
  2. موضوع جميل انا دائما اسمع ع الروكتان وانه شي قوي ويخوف ههههه بس انا عندي سؤال لمن رحتي الستشفى هيا وصفته لك ولا انتي طلبتس انك تتعاجي بيه انا من قبل سنتين تقريبا كان بيطلعلي حبوب فوجهي وظهري بس كانا خفيفة وشوية كريمات وتخف فجاه على اخر السنتين صارت بشرتي سيئة يمعنى الكلمة ظهري صار مليان اثار وكتفي ويدي من تحت صدري ووجعي بس رغم انها كثيرة الل انه الحبوب نفسعا مو زي الحبوب الكبيرة الحنرا دي النلتعبة وي اللي يموت عنجهم نررا لا تحسيها كانها نمش ههه يس طفشت وعلى كثر ماارحت مستشقياات واخصائين ولا احد فكر يصرف لي الروكتان بس انا تعبت اخدﻻفي الكريمات بدون نايجه نفسي يشرتي تصفى لو اروح واقول لها انه بجي اتعالج ممكن ولا لا فير اني متهوفه منه كصير قريت موضوع لبنت بمنتجى من زمان لها تجربة مع الروكتان تقول نظري خف ةصارت تلبس نظارة وعظامها صرت توجعها وحاجة تانيع في الكلى بس عي كانا تعاني من الحبوب يس اقول اهم شي يشرتي صقيت الحمجلله ودا اهم شي عندها فناا اعرف ساعديني

    ReplyDelete
    Replies
    1. انا حالياً بستخدم هذي الحبوب وانا رحت للدكتورة وطلبت منها الروكتان وقالت لي بشرتك تحتاج الروكتان وعملت تحاليل والحمدلله الحين استخدمه لي شهرين

      Delete
  3. ياويل حالي كلجات كتييير :(

    ReplyDelete
  4. يعطيك العافية عالبوست المرتب♥
    بالنسبة لتريتمنت الهالات السوداء يعني تريتمنت يكون عند عيادة والا فيه اشياء اسويها بالبيت ؟ اذا عندك خلفية عن هالموضوع ياليت تفيديني ﻷنه مرا مأزمني :(

    ReplyDelete
  5. عجبني كلامك مرتب وكل شي مفصله فيه مررره
    انا رحت للدكتورة ووصفت لي الزيرواكتان
    *قالت هو نفس الروكتان بس الشركة غير*
    الزبدة بكرا رايحه اسوي تحيليل الكبد والكلسترول وهالاشياء ان شاء الله
    وكنت مرا خايفة من الاعراض اللي قريت عنها الجفاف اللي يخوف ومدري ايش
    بس خف لما قريت كلامك وان شاء الله تعدي ع خير

    بسألك بعد شهرين بالضبط من استخدامها كيف بشرتك
    لاني عندي سفره بعد شهرين من استخدام هالحبوب ف ابي اعرف هل بيكون فيه قشور أو شي زي كذا

    مره ثانية شكككرا ياجميلة ♥♥♥♥

    ReplyDelete
  6. مرة شكرا استفدت كثية من تجربتك
    أنا سبق وأخذت كورس روكتان عند د.هدى بيطار قبل سنتين ... كورسي 6 شهور لكن خلاله ما وصفت لي الا كريم مرطب
    أما الشفايف أحط فازلين .. وبعد ماأنهيت الكورس وصفت لي كريم تفتيح آثار الحبوب
    لكن استغربت انها مانبهتني على الأكل انه أبتعد عن المقليات و الكاكاو .. وهذا عرفته من خلال بحثي بالنت

    النتيجه رغم كذا كانت رائعه لمعات بالبشرة و ازالة الحبوب تماما الحمدلله
    الحين رجعت لي الحبوب مرة ثانية وأفكر أرجع آخذ روكتان عند د. شهلا .. تجربتك معها شجعتني أكثر على اختياري للدكتورة

    ReplyDelete
  7. انا اليوم رايحه اشوف حل لوجهي لاني مره قرفت ... بس بعرف ايش الفرق بينو وبين الزيركتان ؟ وكمان شعرك ماطاح ؟؟! لاني اسمع كتير شعورهم طاحت بشكل فضيع ��

    ReplyDelete
  8. بليز ممكن تردى عليه ضرورى انت وزنك كام

    ReplyDelete
  9. شركة كشف التسربات فشركتنا شركه مودرن كلين شركة تنظيف بالاحساء مع مودرن كلين التى نحن نتحدث عنها تجد التميز والعل الجاد والفعال دائما وابداكشف تسريبات بالرياض تعتبر افضل شركه تعتمد علها حيث نقدم لك الحل الامثل لكى تقول وداعا لارتفاع فواتير المياة فى منزلك فعندما تأتى اليك فاتورة المياه مرتفعة شركة مكافحة حشرات بابها فعليك التحقق من وجود اى تسربات بالمياه فى شقتك شركة تنظيف فلل بابها ذلك لان اقل ثقب فى خزانات المياه يؤدى أهدار كمية كبيرة من المياه على الاسطح وبالتالى أهدار الكثير من المال فعليك ايها العميل ان تصلح كافة التسربات لتحافظ على اموالك ومنزلك فنقدم لك الحل الامثل والافضل على الاطلاق عن طريق خدمة الكشف عن تسربات المياة فتقدم شركتنا كافة الخدمات المنزلية المتميزه بكل كفاءة وتميز علما بان الشركة تهتم اولا براحة العميل فتقدم شركتنا خدمات متميزه فى كشف تسربات المياة بجودة عالية ومهارة كبيرة فنحن نقدم افضل ما لدينا واحسن الخدمات وبارخص الاسعار التى لن تتخيلونها فنعمل على اصلاحها على الفور سواء تسريبات الماء وتعتبر مشكله تسريب الماء شركة مكافحه حشرات بالاحساء من اهم المشاكل التى يعانى بها الكثير من العنلاء فى المملكه وتعد شركتنا شركه كشف تسربات بالرياض والتى هى نتيجه لوجود بعض الاجزاء التالفه فى خط الانابيب سواء الماء وهذه التسربات تؤدى الى كثير من الاعطال الكثيره التى تهدد منزلك فالضرر او الخلل الناتج عن تسرب مياه من احدي شبكات المياه او الصرف شركة تنظيف بابها التي تؤدي الي تأكل المكان الموجود بالقرب من التسرب سواء بالحوائط او بالاسقف او بالارضيات فنحن نقدم لك الحل الامثل والاكيد .فنحن افضل الشركات التى تعمل على كشف التسربات المياة بالرياض شركة تنظيف منازل بابها فنحن لدينا طاقم كبير وهائل من الخبراء فى هذا المجال ولدينا الاعضاء المحترفون الذين يمتلكون الخبرات التى تعود لسنوات طويلة كما نعتمد على مهندسيين فنيين لهم القدرة على التمييز فى كف تسريبات المياه وكيفيه معالجتها ومن ثم لهم القدره على معالجة الامر بالشكل المظبوط كما نستخدم افضل الادوات والمعدات وأحدث الطرق والامكانيات العالية الجودة التى تساعدنا فى كشف تسربات المياة شركة تسليك مجارى بابها حيث نقوم باختبار عداد المياه لمعرفة اذا ما كان هناك تسرب ام لا كما نقوم بالكشف عن التسربات عن طريق غلق كافة المواسير والحنفيات والاهتمام بكيفيه اداره الاعمال لدى مستلزمات البيت فنحن دائما معك وحولك لان شركتنا دائما ترفع شعار الوقت الاقل والخبره الممتازه شركة كشف تسربات المياه بابها والاسعار الاقل دائما.شركة مكافحه حشرات بجازان

    ReplyDelete
  10. يعطيك العافيه مرررره شكرا

    ReplyDelete
  11. ان شاء الله تشوفي النتيجه اللي ترضيكي

    ReplyDelete
  12. ممكن تفيدينا باسم السيروم ؟

    ReplyDelete
  13. شكرا لك موضوع مفصل وملف كامل عن العناية بالبشرة .. يعطيك العافيه وبالمناسبة شوفوا هذا الموضوع أفضل منتجات اي هيرب للبشرة فيه افضل منتجات العنايه للبشرة من موقع اي خيري الامريكي

    ReplyDelete
  14. Are you planning on hosting a swap anytime soon? I recently stumbled upon busy bags and think my little man would de평창출장샵vour them!

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.