How to spend the greatest winter lazy day !❤❤❤



السلام عليكم ورحمة الله وبركاته
كيفكم ان شاء الله كلكم بأحسن حال ؟
اليوم البوست مختلف جدا عن اللي تعودنا عليه ، حالياً نعتبر بعز الشتاء وهذا وقت الكسل والنوم والأكل ودك بس تتسدحين ❤ فـ جتني فكره اسوي بوست كيف تقضين اكسل يوم شتوي وتدلعين نفسك ، كل مره بالبلوق نسوي اشياء تحتاج نشاط "رياضه ، عنايه ... الخ" هالمره راح نخربها عاد :P
إيش احلى من يوم تخصصينه لنفسك وتسوين اللي تبين وتنسين أي شغلات عالقه براسك سواء مهام ماسويتيها او حاجه شاغلتك ..
كنت ابي اشارككم وصفة هوت تشوكلت + الأفلام المفضله عندي + موقع رائع ماراح يكمل الدلع بدونه ! فـ حسيت افضل طريقه اوصلها لكم راح تكون من خلال هالبوست ❤.
بالبدايه احب اخذ شاور عميق واعمل سكرب وارطب بزبدة جسم عشان احس بنظافه واروق صح + البس بيجامتي وانطلق لـ يومي الكسول :$

مشروب الشتاء الرسمي بالنسبه لي هو الهوت تشوكلت ، من اشم ريحة البرد اشتهيه وادمنه ومتأكده فيه كثير مثلي يحبونه عشان كذا ماراح يكمل اليوم الدلوعي بدونه وهذه الوصفه اللي اسويها مره احبها لذيذه وسهله :
مقدار كوب حليب سخنيه عالنار واضيفي له ملعقة نوتيلا + رشة قرفه + رشة صغيره ملح ناعم + رشة سكر لحد مايسخن مره واسكبيه بالكوب وبس ! بالهناء والعافيه
"لاتكثرون السكر لأنه النوتيلا اساساً حالي"
بعد كذا اخذ بطانيتي الصغيره وجهازي واشغل فيلم واحياناً اثنين على حسب كمية البؤس هههههههههههههههه ، بالفتره اللي راحت شفت افلام كثير منها العادي ومنها الحلو ، فـ راح اقترح لكم احلى افلام شفتها بـ 2013







واخيراً نجي لجزء الأكل ، المتعه الحقيقيه :$ اكيد ودك يجيك اكلك المفضل لحد عندك وانتي تشوفين الفيلم ومسترخيه بدون طبخ وجهد ، عشان كذا بشارككم موقع انبسطت لما اكتشفته بما اننا طايحين بالطلبات اون لاين بس هالموقع غير ❤!




موقع اسمه هلو فود Hello food فكرته انك تطلبين طعامك عن طريقه وراح يوصله للبيت وتدفعين عند الإستلام جامع مطاعم كثيره وشهيره منها : سوشي يوشي – فات برقر – بنينوس – كويزنوز – تاكو هت – كانتون وغيرهم كثييير راح يرضي كل الأذواق ..
فكره سهله وممتعه ، الموقع يوصل لمعظم المناطق بالسعوديه : الرياض – جده – الدمام – الخبر – الظهران
طريقة الطلب سهله وسلسله :
هذا الموقع تدخلينه :
أو بإمكانك تحملين تطبيق هلو فود hello food المجاني على جوالك
بعد كذا تتبعين هالخطوات البسيطه :
1- حددي مدينتك والمنطقة
2- راح تظهر لائحة بالمطاعم اللي عندها خدمة التوصيل إلى منطقتك. 
3- إختاري المطعم اللي تحبين والوجبة اللي تفضلينها (تقدرين تسوين تعديلات على طلبك )
وهنا المطاعم المتوفره على هلو فود :
4- واصلي للخروج، إكتبي اسمك ، عنوانك ...
5- اكلك راح يجيك لحد المنزل والدفع عند التسليم "اغلبية المطاعم توصل مجاناً"




وبس ❤
هذا كل شيء لـ بوست اليوم ، واتمنى لكم سنة سعيده وكلها خير يارب :*

اشوفكم على خير ، 
مع السلامه
Love u all

You may also like:

3 comments

  1. يعطيك العافيه ع البوست الجميل
    بسالك ( هلو فود ) يوصل 24 ساعة ولا لا

    ReplyDelete
  2. هههههههههههههههههههه ضحكتيني رهيبة فكرتك
    جد قمة الروقااان والفله نفس جووي أنت
    تقريبا كل الأفلام الي حطيتيهم شفتهم إلا ثلاثه برزنورز وناو يو سي مي والثالث الأخضراني حق إيما واتسون
    والمفضل والمفضل بينهم قاتسبي قلوووب من هنااا لأمريكاا ^_^

    استمتعت كثيير بالبوست شكرا كثيرا

    ReplyDelete
  3. يسعدك ربي على هالموضوع نزلت التطبيق عندي وراح اجربه الأسبوع الجاي
    تبين الصراحة هالموضوع جاب لي السعادة الله يسعدك دنيا وآخره ويوفقك وين ماكنتي

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.