How to : Elegant high bun ♥♥؟

السلام عليكم ورحمة الله وبركاته

اليوم بشرح طريقة الهاي بون .. شايفين الصوره ؟ هذي ما اخذت مني الا ربع ساعه تقريباً :$ سهله وسريعه وانيقه وتفك ازمه .. الطريقه اللي بحطها مو الطريقه اللي متعودين عليها حقت تسريحة الدونات !! بالنسبه لي هذي اجمل

يلا نشوف الطريقه

هذي الأشياء اللي بنحتاجها :

1 - حشوة "تلاقون كل المقاسات بمي للعطور"

2- سبراي مثبت واحب هالنوع مايخلي الشعره يابسه مع انه قوي مكتوب عليه هارد

3 – مشط أسنانه ضيقه وصغيره وغضو البصر عن العفطه اللي فيه : $ ،

4- بنس وسيعه تلاقونها بمي للعطور انصح فيها احسن من العاديه بكثير للبون ولرفعات الشعر اليوميه حتى " ماتعور الراس وتمسك الشعر كويس"

الخطوه 1

نمشط الشعر كويس ونربطه ذيل فووق ، بعدين نحط الحشوه هي تجي زي الدونات فيها فتحه بالنص ندخل الشعر بالنص كأننا نحط ربطه عادي .. بعدين ناخذ خصل عريضه ونمشطها بالعكس نفس بالصوره !! كل مانسوي خصله نبخ عليها من السبراي من بعييد

الخطوه 2

بعد ماسوينا الخطوه 1 على كل الخصل ، ناخذ خصله ونلفها حول الحشوه نفس بالصوره ، واحنا نلفها نخلي الخصله مفرووده عشان تغطي الحشوه ، بعد مالفيناها حول الحشوه و وصلنا لنهاية الخصله نحط كم بنسه بكل الأتجاهات عشان تثبت

الخطوه 3

الحين احنا لفينا اول خصله بإتجاه اليسار صح ؟ ، ناخذ الخصله الثانيه بعكس اتجاه الخصله الأولى .. الحين لفيت هذي بإتجاه اليمين عشان تكبر البون وتغطي الحشوه ، نفس الشيء طبعاً  نلفها دار مادار على الحشوه والشعر مفرود عشان يتغطى كل شيء ونمسكها بالأخير ببنسه ..

نكرر هالشيء خصله عكس خصله ليين نغطي الحشوه وتتشكل لنا البون النهائيه !!

خطوه 4

نبخ السبراي على البون عشان تثبت ، وزي مانتو شايفين لسى البون مو مرتبه ، نعدل الأشياء اللي طالعه ونثبتها ببنسه لين نوصل للنتيجه اللي حابينها : $ .. البنس ماراح تبان لأنها وسيعه وتدخل بالحشوه والشعر ، بعد كذا نبخ الشعر من قدام من عند الجبهه يعني ، ونمشطه بعد البخ عشان تروح الشعرات المتطايره ونحصل على لوك مرتب

الشكل النهائي :

وبس ! : ) شفتو كيف بسيطه ؟ إن شاء الله يكون الشرح مفهوم وسهل .. وعلى فكره تقدرون تسوونها بدون حشوه وتطلع جميله وأبسط واصغر "نفس الخطوات بالضبط"

شكراً لكم ♥

مع الف سلامه ♥