Part 2 ♥ : كيف تختارين الفاونديشن المناسب لك ؟

 

omag_200709_jigsaw_220x312

السلام عليكم ورحمة الله وبركاته .. ♥

هذا البارت الثاني من سلسلة اساسيات الميك اب للمبتدئات

اليوم بتكلم عن الفاونديشن .. كيف تختارين الفاونديشن المناسب لك ؟ هو اصعب مرحله بالميك اب لو حطيتي كثير بتطلعين مهرّج ولو حطيتي شوي بتطلعين بـ ولا حاجه ،  لو اخترتي النوع الغلط بينرمي بالدرج : (!

كثير يقولون انه لو بنحط دائماً فاونديشن او باودر او اي ميك اب بتندمر بشرتنا ، لا مو شرط ! اذا اول ماتخلص مناسبتك او دوامك تشيلين كل اللي حطيتيه .. ان شاء الله بشرتك ماعليها خوف ( أهم شيء تشيلين الميك اب بالمناديل مزيلة الميك اب او اي شيء بعدين تغسلين وجهك وترطبينه ) يعني لاتغسلين الميك اب مباشره بغسولك ..

طيب اول حاجه قبل تشترين الفاونديشن لازم تعرفين ايش نوع بشرتك ؟ جافه ، مختلطه ، دهنيه ؟

- البشره الجافه : اختاري فاونديشن يكون سايل أو ستيك أو (باودر بس تنحط على البشره باسفنجه رطبه ! )،

- البشره الدهنيه : اختاري فاونديشن يكون مكتوب عليه oil free خالي من الزيوت ! ، والباودر بتساعدك بأمتصاص الدهون وتعطيك لوك مات .. وصاحبات البشره الدهنيه بامكانهم استخدام فاونديشن قوامه موس مثل مايبلين

- البشره العاديه  او المختلطه : فاونديشن سايل ، او باودر مافيه مشاكل مع هالنوع ماشاء الله .. بس لاتاخذو oil free والا شيء للبشره الجافه ، اطلبو فاونديشن للبشره العاديه

طيب بعد ماعرفنا كل بشره والمناسب لها ، الحين بنشوف كيف تختارين النوع حسب احتياجك ؟

هل بشرتك فيها مشاكل وحابه تخفينها ؟ الجأي للفاونديشن !

بشرتك مافيها مشاكل كثيره او صافيه ؟ او انتي بنوته وماتبين تستخدمين فاونديشن وحوسه ؟ عندك خيارين يا استخدمي مرطب ملون Tinted moistrizer !! اللي هو مرطب لكن معاه لمسة فاونديشن ويعطي تغطيه خفيفه ..

أو BB cream اللي استخدمه حالياً :$ هو اختصار لـ Belmsish balm وهي ماده تستخدم في علاج الحروق وكذا ، واخذو هالماده وحولوها لمنتج تجميلي ، مره خفيييف وجميل ويعطي لوك كأنه بشرتك بس احسن ! كثير انصح فيه احسن من الفاونديشن ، ما ادري ينفع اللي عندهم مشاكل في البشره او لا ، يناسب البنات اللي بالجامعه جداً لأنه غالباً يجي معاه حمايه من الشمس ويسوي تغطيه حلوه وخفيفه ..( قريب بسوي ريفيو عن البيبي كريم حقي )

الحين نجي لأختيار الدرجه المناسبه لبشرتك

ارجوك لاتحاولين تاخذين لون غير لون بشرتك الحقيقي ، الفاونديشن وظيفته يعطيك سنحه جميله ويخلي بشرتك احسن ، مو يغير لك لونك !

حددي ايش الاندر تون حق بشرتك ؟ هي على اصفر او على بينك او بني ؟ وعلى اساسها اختاري اللون

غالباً احنا الخليجيات الاندر تون حقنا على اصفر : $

طيب انتي رحتي للمحل واخترتي نوع الفاونديشن واللون المناسب .. استني لاتروحين الكاشير وتحاسبين وين رايحه !!اندهاش الحين المحلات صارت نسائيه وش رايك تروحين لزاويه وتجربينه على وجهك وتحكمين ؟ :$

هذي اهم خطوه انك تجربينه قبل تشترينه لأنه يبي له دقه بالأختيار ..

بعد ما اشترينا الفاونديشن وناسبنا *Dance* الحين نتعلم كيف نوزعه ؟ طبعاً ما اقدر احدد كيف توزعونه ، لأن كل فاونديشن يختلف احياناً فيه شيء باليد يطلع احسن وشيء بالفرشاه احسن وشيء بالاسفنجه احسن .. فانتي جربي بيدك والفرشه وشوفي ايش الأحسن !!

بس بقولكم على الأغلب :

لو الفاونديشن حقك ستيك يعني زي كذا :

Bobbi-Brown-Foundation-Stick

أو مضغوط زي كذا :

21eR2sV0uyL__AA300_PIbundle-1,TopRight,0,0_AA300_SH20_

هالنوعين يفضّل توزعينهم بفرشاة دمج لأن قوامهم اثقل فيحتاجون توزيع كويس .. هذي صور لفرش الدمج

realtechniquestip1

M45R01

 

وهالفرش ينفعون للفاونديشن العادي بس مايكون مره مره سايل وخفيييف !!

لو سايل جداً وخفيف هذي انسب شيء أو بيدك بعد

mac3-300

 

بالنسبة للبيبي كريم والمرطب الملون مايحتاج فرشه احسن شيء باليد : $

وخلصنا بوست الفاونديشن !! YAY ان شاء الله اكون غطيت كل شيء يخصه واي سؤال تفضلو اسألوني .. واخيراً ترا كل ماكان الفاونديشن اقل كل ماكان اجمل ، وكل ماكثر كل ماغطى جمالك وملامحك : $

كل عام وانتو بخير ومبارك عليكم الشهر ♥♥♥

مع السلامه اشوفكم على خير : )

You may also like:

13 comments

  1. مرحباً تكلمي عن دكتور وايت من جفنشي وهل يغني عن الأساس اذا كنا نبغى نطلع بلوك طبيعي

    ReplyDelete
    Replies
    1. مرحبتين .. ان شاء الله ابشري ♡

      Delete
  2. you are incredible♥♥!!
    شرحك ممتاز وواضح وأفادني كثير
    كلامك كلام ميك آب ارتيست ماشالله
    والأهم انك ماطولتي علينا :$
    يعطيك العافية :*
    ننتظر البارت الجاي ♥.♥

    ReplyDelete
    Replies
    1. شكراً شكراً شكراً ♡
      الحمدلله انه اعجبكم والله يعافيك حبيبتي ♡:$

      Delete
  3. يعطيك الف عافيه ع الريفيو الجميل افيدتيني مرا ؛$. ومبروك عليك الشهر ياعسوله 3>

    ReplyDelete
    Replies
    1. الله يعافيك ويسلمك حبيبتي ♡ اهم شيء استفتدي :$
      علينا وعليييك ♡

      Delete
  4. ال BB cream وينن القآه

    ReplyDelete
  5. حبيبتى ابغا كريم اساس للمناسبات
    وواحد للاستخدام العادى يعنى حق الزيارات وتالجماعات وكذا

    ReplyDelete
    Replies
    1. للمناسبات : شانيل ، بوبي براون ، نارس ، .. لاستخدام يومي بورجوا هيلثي ميكس ❤ نورتي

      Delete
  6. الله يسعدك ويحقق لك مراادك شرحك ممتاز استفدت منه كثييير

    ReplyDelete
  7. الريفيو مره جميل بس حبيت اسئلك البيبي كريم يناسب البشره الدهنيه

    ReplyDelete
  8. انا عندي سؤال ممكن تجاوبيني لوسمحتي

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.