review : Bobbi brown FOUNDITION and concealer

IMG_0450

السلام عليكم ورحمة الله وبركاته

اليوم بتكلم عن كريم أساس بوبي براون + الكونسيلر + البيس ..

نبدا بكريم الأساس ، هو اول كريم اساس عجبني لأنه خفيييف قوامه كأنه لوشن !! .. فيجي على البشره طبيعي مو ثقيييل ويكتم ، كريمات الأساس عند بوبي براون فيها التغطيه الكامله والمتوسطه والخفيفه وفيه للبشرة الدهنيه والجافه والمختلطه .. بفرعهم بالفيصليه في هارفي نيكلز فيه غرفة تدخلين وتحط لك الخبيرة كريم الأساس وتشوفينه بنفسك كيف عليك مناسب او لا وتاخذين على حسب بشرتك ، بشرتي مختلطه عطتني هذا النوع +اخذت تغطيه متوسطه عشان المناسبات .. والاندر تون حقه على اصفر + فيه حماية من الشمس 15

هنا سويت له سواتش عشان تشوفون كيف قوامه ولونه على اصفر ..

IMG_0459

 

IMG_0466

IMG_0463

الخبيره قالت لي انه كل مابغيتي تغطيه اكثر حطي طبقه فوقه وماراح يبين مكتل ولا شيء ، وفعلاً ! بزواج حطيت طبقتين وطلع ولا اجمل منه + بما انه خفيف زي ماقلت فأخلطه مع البيس واسويه تينتد موسترايزر ويجي خفيف وحلوووو ومشرق .. يعني هالكريم استثمار له 3 استخدامات بدال ما تشترون واحد للمناسبات و واحد يومي و تينتد موسترايزر .. عندكم هذا بس لازم لازم تقولون للخبيره نوع بشرتكم وتعطيكم على حسب نوعها + جربوه عندها يمكن مايناسبكم .. شيء اخير بقوله لاتاخذون درجة افتح من لونكم، شايفين كيف بالصوره حقي غامق ؟ ترا لما احطه يطلع نفس لووني وش زينه

يلا نجي لصور الفاونديشن على الفيس :$ متحمسين صح ؟

اشكر خدامتنا اللي اقتنعت اجربه عليها ياحبيييلها ♥

قبل وضع كريم الأساس :

IMG_0417

زي ماتشوفون عندها كلف وبقع ..

IMG_0418

هنا حطيت لها البيس بس .. ترا هالشيء البينك عشان هي مسلمه ومحجبه فغطيت شعرها ورقبتها :)

IMG_0421

هناااا حطينا كريم الأساس ♥♥♥ نشوف بدت تتغطى البقع

IMG_0425

وهنا حطينا الكونسيلر اندهاش!! وتغطى كل شيء ♥_♥

وش رايكم : $ ؟

نجي للبيس .. ماكنت ناويه اخذ البيس بس لما حطته علي عجبني خصوصاً لما قالت انه يثبت الميك اب ومايحتاج باودر معاه ، وانا اكره الباودر !

استخدامه يا بيس تحت الأساس او كريم نهار عادي لأنه فيه حماية من الشمس ويرطب كويس ..

IMG_0471

هذا هو الجميل ..

IMG_0469

وأخيراً وليس آخراً الكونسيلر ..

IMG_0458

اكيييد كثير سمعتو عن كونسيلر بوبي براون هو النمبر 1 بالكونسيلر ، يخفي الهالات السوداء بشكل مره كويس + البقع والآثار .. الخدامه ماشاء الله ماعندها هالات شديدة بس فيها شوي واختفت مع الكونسيلر !! والبقع غطاها زين الاندر تون حقه بيج على اصفر وهذا افضل شيء للهالات ، يجي معاه كوريكتر على اورنج شوي للهالات الشديدة ينحط قبل الكونسيلر وتحصلين على تغطية كااامله ومافيه اي هالات ان شاء الله ..

طريقة وضع الكونسيلر : اهم شيء ترطيب العين بمرطب عميق خاص فيها ، نستنى دقيقه تمتصه البشره وبعدين نحط بالفرشاه الكوريكتر اذا الهالات شديدة أو نستغني عنه ونحط الكونسيلر على طول بالطبطبة بالفرشاة وبعدين تطبطبين بأصبعك على خفيف فوقه وخلاص ♥:)

الفرش اللي استخدمتها للأساس (سيقما F60 ) والكونسيلر ( سيقماF60 )

IMG_0474

مكان الشراء : هارفي نيكلز الفيصليه

الأسعار :

كريم الأساس 210

البيس : 230

الكونسيلر : ما اتذكر للأسف بس الظن انه 150 مو اكثر من كذا

وبكذا اكون خلصت هالبوست .. ان شاء الله يعجبكم ويفيدكم وشكراً لكم ♥ Love you all

You may also like:

12 comments

  1. شكرا عالبوست الجميل keep going! الفاونديشن هذا الوحيد اللي أستخدمه ومرة حلو
    بس بالنسبة للكونسيلر حق بوبي براون أو أغلبهم لمن استخدمه لتحت العين يسيح بسرعة أو يتكتل أو خطوط المهم مرة ما يزبط معايه و يختفي بعد فترة جربت بالفرشة- بالإصبع بكل شي ممكن تساعديني؟

    ReplyDelete
  2. شكراً لك نورتيني ♥ .. طيب جربتي ترطبين العين كويس قبل الكونسيلر ؟ وجربي بعد لما تخلصين تحطين على تحت العين من الباودر بشكل خفيف وعلميني يضبط اولا ، موفقه

    ReplyDelete
  3. الله يعطيك العافيه على البووست .. خصوصا اني مره متردده في كونسيلر بوبي بروان احسه بيطلع ثقيل حبتين بس انتي غيرتي رايي هههه .. طيب برأيك يصلح استخدام يومي للجامعه ؟

    ReplyDelete
  4. الله يعافيك نورتي .. بصراحه ماحسه ينفع يومي !! يبي لك كونسيلر سايل لليومي احسن :$

    ReplyDelete
  5. الله شكررا على الريفيو الحلو هذا ، طيب هذا تغطيته متوسطه ولا عاليه ولا وشو ؟ والخبيره هذي انا اصلا ما عرف نوع بشرتي يعني تقدر تعرف وش نوعها وتختار لي الفاونيشن المناسب :$ ؟ وايش كريم العين اللي تستعملينه قبل الكونسيلر ؟ وياختي شغالتكم حبيتها . شكرا للمره الثانيه

    ReplyDelete
    Replies
    1. ولو ليه الشكر بس :$ الحمدلله انه اعجبكم .. تغطيته متوسطه بس لو تبين عاليه تحطين زود لين توصلين للنتيجه اللي تبين .. والله ما ادري اذا تقدر الخبيره تعرف نوع بشرتك :$ الكريم اللي استخدمه هو ليفيان اكثر شيء واحياناً كلينيك .. شكراً لك نورتي :*

      Delete
  6. انتي جميله مره استفدت من مدونتك <3 ، ابي اسألك عن خبيرت التجميل في هارفي نكلز ، متى تكون موجوده ؟

    ReplyDelete
  7. وانتي اجمل ♥♥♥ .. والله ما ادري بس كنت رايحه الصبح وحصلتها ، هي لبنانيه واذا رحتي قولي ابي اجربه بيدخلونك جوا وتجربه عليك .. نورتي ♥

    ReplyDelete
  8. مرحبا ❤
    انا عندي مثله تماماً ،، بصراحة قمة الروعة
    ماتستخدمين معاه بودره حره ؟؟

    ReplyDelete
  9. مرحبتين :$
    ايه مره جمييييل ، لا ما استخدم لانها قالت انه البيس يغني عن الباودر بس شكلي بستخدم باودر خفيفه احسن :$

    ReplyDelete
  10. بودرة بوبي براون الحره الصفرا مره حلوه وخفيفه
    لاتفوتك ،، جربيها بتعجبك ❤

    ReplyDelete
  11. يعطيك العافيه
    ايش نوع الكونسيلر كريمي ؟

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.