♥REVIEW : Dior snow BB Cream !♥







السلام عليكم ورحمة الله وبركاته
 كملت اسبوع مانزلت بوست أحس طوّلت :$
عاد مع النيو لوك للبلوق لازم نكملها مع ريفيو جميل ♥_♥
هالريفيو بيعجب البنات اللي مايحبون يحطون ميك اب كثير ولبنات الجامعه والموظفات :$ .. كنت مخططه انزله قبل بفتره بس قالت لي وحده جميله انها راحت تشتريه وقالو لها انه مقطوع ! فحبيت اتأكد قبل اسوي الريفيو واحمسكم :( والحمدلله رحت لـ Faces وحصلته عندهم وفيه نوعين منه بعد !!
طيب قبل لا ادخل بالريفيو ، اذا حابين تاخذون مقدمه عن البيبي كريمز عموماً وتفاصيل عنها .. طلّلو على هذا الفيديو للجميله ( زهرة الليلك)

http://www.youtube.com/watch?v=Lhum0Lt7vdg&feature=plcp
سوو لها لايك وسبسكرايب تستاهل : )


بعد ماعرفتو ايش هو البيبي كريم بالأساس .. نبدا بالريفيو بسم الله :$
بما اني احب احط شيء خفيف فكنت دائماً ادور على منتج خفيف ويعطي تغطيه بنفس الوقت جربت دكتور وايت وجربت تينتد موسترايزر من كذا ماركه لين ماطحت على هذا وفتنني ♥
أول شيء سعره 250 .. يمكن بعضكم يقول غالي وانا لما اشتريته استغليته خصوصاً انه مو فاونديشن وكنت خايفه يخلص بسرعه لأن حسيت علبته صغيره ! بس الحين كلها شهر ويكمل سنه عندي وحلال فيه كل رياال .. تغطيه ونضاره وملمس وكل شيء  ♥ مره جميل للصباح ولغير الصباح ..
مميزاته بنظري هي :
  • حماية من الشمس 50 .. يعني يغنيك عن السن بلوك وحوسته !
  • قوامه جداً جميل ، لاهو كريمي مره ولاهو ثقيل .. فيه ناس استخدمو البيبي كريم الكوري وقالو انه ثقيل ويدبّق كأنك حاطه سن بلوك ، بس هذا لا ماتحسين انك حاطه شيء على وجهك اصلاً ♥
  • التغطيه تبعه رائعه ♥ ويعطيك لوك كأنه بشرتك بس احسن واحسن  وتلق :$ .. مايبين انك حاطه شيء ! واشوف انه تغطيته احسن من التينتد موسترايزر بكثير ..
  • ثباته جيد جداً ! قبل كنت اعاني بنص الدوام الاقي المنتج اللي حاطته رايح نصه وصاير شكله مو حلو .. بس مع ديور الحمدلله ارجع البيت وهو تمام ! صح انه يخف مو مثل اول ماتحطينه بس يخف شيء بسيط ومايفسد اللوك ..
  • ميزه حلوه فيه .. بينما انتي حاطته لغرض تجميلي ، هو جالس يعالج بشرتك ويحسنها مع الوقت ، ولايكتم البشره ويسد المسام !
  • يقولون انه 3 بواحد مرطب + واقي + يسوي تغطيه .. صراحه ماقدرت استغني عن المرطب بالنسبه لي مع مرطب اجمل
  • يعطي نضااااره جميله للبشره ويفتحها درجه بدون مايخليها رماديه ! يخلي شكل بشرتك صحيييّه
  • الباكيجنق تبعه حلو مره ! لما تضغطينه مايطلع لك كثييير ويحوسك ويضيعه عليك .. تقدرين تتحكمين بالكميه اللي تبينها

الكريم تحصلونه بـ Faces "وجوه" وسعره زي ماقلت 250 واظن انه هو درجه وحده او درجتين وتناسب كل البشرات ، تشوفون تبعي بالسواتش مبين غامق شوي بس لما يندمج بالبشره يطلع لونه تمام ويفتح درجه حتى !! .. وفيه نوع ثاني لونه ازرق بـ 350 تقول انه يسوي تغطيه اكثر ويشيل التجاعيد لما ينحط 
انصح فيه جداً احسن من الفاونديشن ، الحين صرت مخليه الفاونديشن للمناسبات الكبيره فقط ! وصار عندي من المست هاف ما استغني عنه .. وبالنهايه يمكن اللي يناسبني مايناسب احد ثاني ، فلازم تجربونه بنفسكم قبل تشترونه واحكمو ♥
وهذا الريفيو وخلصناه :$ اتمنى اكون غطيت كل تسائلاتكم ويكون عجبكم الريفيو ♥
"للأمانه الصوره الثانيه اخذتها من النت عشان اوضح لكم"
شكراً لكم ♥ .. مع السلامه : )

You may also like:

38 comments

  1. اللللللله، اريييييد بس لازم اخف شوبنغ، اذا خلص الفاونديشن اللي معي بشوف هذا
    شكرا عالرفيو عجبني، بس كنت اريد اسأل كم ميلي داخل؟ لانه بعضهم ٣٠ و بعضهم ٥٠

    ReplyDelete
  2. ياسلام عليك .. ابدعتي في هالريفيو بقوه
    كنت انتظر منتج مثل هذا بفارغ الصبر
    حبيت اسألك ايش رقم الكريم او إسمه
    لان تقريباً لون بشرتي نفس لون بشرتك تماماً

    والف شكر ماقصرتي ياحلوه ❤

    ReplyDelete
  3. وه اخيرن :$
    الريفو ذا انتظره بفارغ الصبر من جد
    بغيت اسالك يور اندير تون اصفر ولا بيج وايش الفرق بينهم وامم ودرجه البي بي كريم ذا ايش ؟

    ReplyDelete
  4. نورتيني ياجميله ♡ هو 30 مل .. بس كفاني لمده طوييييله

    ReplyDelete
  5. شكراً حبيبتي ♡ احب تعليقاتك على فكره :$
    دورت لك اسم او رقم بس مافيه .. شكله درجه وحده !!
    نورتيييني ♡

    ReplyDelete
  6. ياحلوك :$ اهم شيء عجبك
    مدري انتي تسألين عن الاندر تون حقي او حق البيبي كريم ! عموماً اذا قصدك البيبي كريم فهو يناسب كل الاندر تون ♡ شكراً لك

    ReplyDelete
  7. ماشاء الله جميل الريفيو يعطيك العافيه :$
    بس حبيت اسالك يناسب البشرة الدهنية ؟ يعني خالي من الزيوت وقوامه مائي ؟

    ReplyDelete
    Replies
    1. الله يعافيك :$
      ايه ان شاء الله بيناسب .. لان قوامه لاهو اللي كريمي مره ولا هو اللي ناشف .. لما تحطيه يطلع مات

      Delete
  8. الجميله اللي اسمها عبير طار الكومينت حقك :( عيديه حبيبتي ماقريته كلللله :(

    ReplyDelete
  9. من عيوني اعيديه .. تستآهلين ياست الكُل ❤
    الليله رحت faces ومآلقيته وبعدها دبنهامز مالقيته كمان
    واخيراً رحت بآريس غاليري وانا فاقده الأمل احصله
    لكن الحمد لله لقيته
    من جد منتج بطل .. حبيته من قلب ❤
    وحبيتك انتي اكثر لإنك عرفتيني ع هالكريم الخطير

    من جد أحوبك ❤❤
    وأسأل الله يسعدك في هالشهر الفضيل ويتقبل منك ي رب
    ويخليك لنا .. ولكل احبابك
    وماننحرمش من نصائحك الحلوه ❤❤❤

    ReplyDelete
  10. اعتذر ع الإزعآج :(
    بس حبيت أسألك ضروري احط قبله مرطب ؟؟
    علماً إن بشرتي مختلطة تميل للعآديه اكثر من الدهنية

    موفقه ياقمر ❤❤

    ReplyDelete
  11. تسلمين ياقمر بصراحه لي فتره ادور ع بييي كريم ينفع للجامعه
    ووفرتي علي التعب بإذن الله راحه اشتريه
    لا تحرمينا من ابداعاتك ♥-♥

    ReplyDelete
  12. ياجمالك ياعبير ♥ ♥ ♥ ♥ الله يسعدك زي ما اسعدتيني بكلامك جد شكرااااااً لك ♥
    واااو يعني اشتريتييه وعجبك :$ الحمدلله الله يهنيك فيه :$ انبسطت انه احد اقتنع وجربه
    وانا والله حبيتك من كومينتاتك العسل دايم ، شكراً مره ثانيه ♥

    ReplyDelete
  13. يازينييينك لا ازعاج ولا شيء تعالي دايم :$
    الافضل تحطين مرطب لانك بتكونين مغسله وجهك وبينشف فمع مرطب احسن :$ واهم شيء انتظري المرطب تمتصه البشره بعدين حطي البيبي كريم ..

    ReplyDelete
  14. الله يسلممممك ♥ مشكوره واول ماتجربينه علميني ايش رايك :$

    ReplyDelete
  15. ودي آسال اذا فيه براند ثانيه ،،، يعني اذا ممكن القى غير ديور نفس مواصفات البي بي كريم او تحت هالنوع من الكريمات؟

    ReplyDelete
  16. ايه حبيبتي فيه .. مايبلين وقارنييه طلعو بيبي كريم بس مادري نزلوه بالسعوديه والا لا

    ReplyDelete
    Replies
    1. شكرا ! ماقصرتي الله يعافيك :*

      Delete
  17. الحين سؤالي ممكن يقهر هههه..كل الصورتين لنفس الكريم مع اختلاف الدرجه!!
    اقصد كلهم بي بي كريم.. ..لاني انا مااعرف الا الكوري وتوي اعرف عن الشركات الثانيه اللي نزلت مثله .. :)

    ReplyDelete
  18. هلا والله ❤ ايه كل الصور لبيبي كريم واحد اللي هو من ديور

    ReplyDelete
  19. الله يسلمك حبيبتي ، بسألك بس أنا اشتريت bb cream الكوري ، وأنا بشرتي وسط مو فاتحة زي الكوارية :) ، بس أحسه بيضني مرة وطلع على رمادي ماعجبني ابببد ، جربتي الكوري ؟ وش فرقه عن هذا ؟

    ReplyDelete
  20. اهلين .. انا ماجربت الكوري وكثير قالو انه يصير رمادي ، بس ديور ابداً مايطلع رمادي !!
    عموماً انتي جربيه على وجهك قبل تشترينه احسن :$

    ReplyDelete
  21. ماشالله عليكي ابدعتي من جد! شكلي بجريه لاني انا وحدة مااحب احط فاندويشن و ميك اب كل يوم وزين انه عنده SPF عالي.. تعرفين شمسنا تحرق.
    نسلمين حبيبتي على المجهود

    ReplyDelete
  22. حبيبتي مشكوره نورتيني

    ReplyDelete
  23. صباح الخير ياحلوه ،، الله يعطيك العافيه على مجهودك ،، بس حبيبتي حبيت أسألك انتي رديتي على اللي فوق انو لازم تحط قبله البي بي كريم كريم مرطب بس ماعرفت ايش قصدك يعني كريم مرطب طبي ولا كيف وقولي لي أسما كريمات مرطبه قبل الميك اب وكذا عشان نستفيد،، والله ياربي يسعدك دنيا وآخره على اللي تعمليه

    ReplyDelete
    Replies
    1. صباح النور ياقلبي .. ايه ضروري الترطيب :$ مافيه مرطب معين اللي مرتاحه عليه استخدميه اهم شيء مايكون ثقيل ويدبّق ، بعطيك اقتراحاتي : سيتافيل ، اولاي الوردي ، كيو في ،
      والله يسعدك يارب آنستي وشرفتي ❤

      Delete
  24. This comment has been removed by the author.

    ReplyDelete
  25. وعليكم السلام ورحمة الله وبركاته♥
    Rosee U R amazing as usual ♥,♥ !!
    متابعتك من اول بارت نزلتيه وسويت لي أكاونت عشان أتابعك :*
    البوست مليء بالفائدة والمصداقية والأسلوب المقنع , أول ماقريته رركض طلبته من النت <أوفر على نفسي عناء الدوران :p

    ReplyDelete
  26. سعره بالويب سايت تبع سيفورا بـ 110 .. انتظره يصل بفارغ الصبر *.*
    اللي تسأل عن براند غير ديور / فيه كلينك وسماشبوكس وتوفيسد وستيلا وفيه عند بوبي براون بعد
    حق بوبي براون تلقونه بموقع نورد ستروم ، والباقي تلقونهم بموقع سيفورا وفيه كم براند زياده غيرهم .
    روز الله يحرم ايدينك عن النار ويوفقك وين ما كنتي♥
    بانتظار بارت الشادو والايلاينر لاتطولين علينا :**
    بليز لاتوقف السلسله استمرري :( 3> !!

    *قسمت الكومنت لجزئين مارضى يطلع كامل :/

    ReplyDelete
    Replies
    1. اهلاً وسهلاً ❤ ❤ ❤ thaaaaank you thank you thank you !
      كلامك يجيب السعاده يختي :$ الله يسعدك يارب شكراً لك ❤
      يشرفني انه فيه احد يتابعني كذا انبسط بشكل ماتتخيلينه :"""( واول مايوصل وتجربينه تعالي قولي لي ايش رايك فيه
      والسلسله ابشري من عيوني قرّبت ان شاء الله ❤
      نورّتي وشرفتي ❤

      Delete
  27. ياحبيلك والله ، معليش أزعجتك بأسئلتي بس قريب بطلع اشتريه وحبيت أتأكد من حاجات
    اول شئ أنا إنسانة ما أحب أحط مكياج بالجامعة ، يعني لما أحطه يبين أني حاطة شئ مثل الفاونديشن ؟ ولا بس صفاء ونضارة ؟
    واذا ا شتريته أقدر استخدمه للعيد ، مدري أحس كل الفاونديشنات يطلعون بشرتي رمادية ؟ يعني يغنيني عن الفاونديشن ؟
    وهل مثلا اقدر استخدمه وأضيف له طبقة فاونديشن ؟

    وأبي اسألك عن كحل أسود ، أنا مبتدئة وودي اتقن رسمة الكات آيز ، ايش الكحل الي يساعد ، جربت الي يكونون زي القلم فيه ريشة ، يارب تعرفينه ، الي يكون فيه زي الاسفنجة ، بس اغلبهم ينشفون .

    آخر شئ أنا بشرتي حنطي فااتح مرة على بياض ، وبشرتي عادية ، ايش الفاونديشنز الي تنصحيني فيهم ، ودي بفاونديشن يكون على حمار يعني يزهّيني ، ما ابي الي تقلب على رمادي وموف :( ، في ناس نصحوني بأرماني ، جربتيه ؟

    والكونسيلير ايش الي تنصحيني فيه ؟

    ومشكوورة جدا جدا جدا ، وإن شاء الله ماراح أنساك بدعوة عند الفطور
     

    ReplyDelete
  28. شهد ياجميله ❤ اول شيء الله يوفقك بالجامعه ، ثاني شيء اذا انتي ماتبين يبين انك حاطه ميك اب حذي البيبي كريم تبع ديور وانتي مغمضه خصوصاً لو بشرتك مافيها مشاكل كثير .. بيعطيك نضاره وصفاء مايبين انك حاطه شيء .. بالنسبه لسؤالك تستخدميه بالعيد ، اذا بشرتك كويسه ايه ينفعععع عادي
    الفاونديشن يطلع رمادي لو اخذتي لون افتح منك او لو اخذتي على بينك وانتي لونك على اصفر .. بعطيك اقتراحاتي لفاونديشن : بورجوا هيلثي ميكس ، شانيل فيتا لوميير ، واذا تبين يزهّيك حطي بلاشر على حمار خفييف وبيعطيك لوك جميل ❤ .. والكحل اسهل شيء لك كحل مايبلين اللي معاه فرشاة اسود وثابت ، بس جيبي له فرشاة مشطوفه حاده احلة شيء تبع ماك ،
    بأنزل بوست قريب ان شاء الله بيعجبك وتستفيدين منه .. شكراً لك حبيبتي ❤

    ReplyDelete
  29. ي حلوكك والله حتى انتي تستاهلين الدعم ، لي فتره ادوره و اسمع فيه من المدح بس يقولو مخلص و شلته من بالي يوم فتحتت صفحتك تذكرته كويس رجع للحياه =)

    ابدعتي مو ريفيو هذا بس بالكل عيني ، كنت اشوفهم بلا رد وانا عندي كم هائئئئئئل من الاسئله ( عذري دراسه )


    مرا شكرا شكرا على كل تدوينه افدتينا فيها ربي يسعدك و يوفقك حبيبتي

    ReplyDelete
  30. تسلميييين ياقلبي ♡ اسعدني كلامك والله ربي يسعدك ♡ ♡ ♡
    واول ماتجربينه شاركينا تجربتك وعطيني رايك :$
    شكراً لك ياجميله ♡

    ReplyDelete
  31. http://tinyladylife.blogspot.com/2011/11/dior-snow-bb-cream-review.html

    صلاحيته ٩ شهور بعد الفتح
    انتبهي لايكون خلص تاريخة تبعك

    ReplyDelete
  32. اخيييرا شريته مررره رووعه نفعني كثير بالجامعه

    ReplyDelete
  33. تسلمي علي الموضوع المفيد بس ابغا اعرف فية منة درجات والدرجة رقم كم تناسب البشره السمرا القمحية ويناسب البشرة الدهنية

    ReplyDelete
  34. اخذت منه عينه وفتني سحري الصراحه وع مدحك واكثر لكن لاحظت شي اوبشرتي تقشر شوي يمكن عشان الخريف وكمان ماحطيت مرطب قبل ناويه عليه بقوووووووه مشكوره ياقمر

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.