نصيحه : ♥كحل ثابت مايسيح !!♥





السلام عليكم ورحمة الله وبركاته
بوست وليد اللحظه !! :P كنت فاتحه البلوق اشوف كومينتاتكم اللي تشرح الصدر ♥ وقريت وحده جميله تسأل عن كحل لجواة العين ثابت وكويس ، كلنا عانينا من الكحل كم ساعه ونشوفه نازل لتحت العين ومخرب كل شيء :( .. فقلت ليه ما انزل بوست صغير عن حل هالمشكله ان شاء الله بما انها مهمه !!
تبين كحل ثابت واسود ومايسيح ولاينزل تحت ؟
استخدمي كحل جل !! اللي نرسم فيه الكات آي او الوينقد لاين  " الموجودين بالصوره ".. طريقتي فيه بالفرشاه امشي على خط رموشي السفلي ، بالأغلب ما اكحل جوا لأن احسه يصغر العين ولما اكحل على خط الرموش يعطي منظر حلو للعين مره ومرتاحه مع هالطريقه .. واحياناً لما ابي اكون كحيله مره ههههههههههه احط على خط الرموش وجوا برضو ♥ وثابت ولا احلى منه وتحسين براحه نفسيه صراحه :(
طيب فيه كثير من هذا النوع من الكحل ، جربت ماك وجربت مايبلين واشوف انه مافيه فرق ! لا في السواد ولا في الثبات نفسه ، يمكن القوام يختلف شوي بس .. عشان كذا اللي حابه تشتري توفر على نفسها وتاخذ ميبلين ، وللمبتدئات احلى شيء الفرشاه المشطوفه .. اجمل وحده من ماك حاده مره وترسم بدقه ، ولو احد حاب بديل ارخص عند فافافوم فرشاة مشطوفه كويسه بس مو نفس حدّة ودقّة ماك .. بالصوره تشوفون فرشاه ثانيه صح ؟
هذي الفرشاه الأساسيه لرسم الكحل بس يبي لها احد متمرس عشان كذا الأحسن المشطوفه .. طيب لو وحده اشترت كحل مايبلين عشان بس تكحل على خط رموشها ومن جوا تستخدم الفرشه اللي تجي معاه مايحتاج تشتري مشطوفه : ) .. وهنا سواتش للكحلين






على اليمين مايبلين وعلى اليسار ماك .. فيه فرق ؟ لا :$
وهذي نصيحتي البسيطه يارب تستفيدون منها ♥ وعلى فكره ترا مو هذا البوست اللي قلت بتكلم فيه عن الاي لاينر :$ البوست الجاي ان شاء الله بحط درس رسم الكحل ، وبيكون فيه بوست عن ميك اب الجامعه وبيكون فيه افكار حلوه للاظافر عشان كذا خليكم قريبين :$ .. أشوفكم على خير ♥
مع السلامه .. Love you al ♥



 
* كحل مايبلين موجود بسنتر بوينت وسعره بالخمسين او الاربعين ما اذكر بالضبط :$

You may also like:

13 comments

  1. وعليكم السلام ورحمة الله وبركاته
    كيفك ميك آب ارتيست :$؟

    ماشاءلله أهنيك تكتبين عن الشيء بذمة ♥
    يكون الواحد مطلع على المنتج من جميع النواحي لما يقرا تدويناتك

    بالنسبة للآي لاينر استخدمت سايل من مايبلين ومن ديور .. حبيت مايبلين أكثر -بما اني مبتدئه واغلط واعدل واجد- لأنه ينمسح بسرعة ولا يطبعك ..
    ديور كانت فرشته اسهل وثباته أكثر (Y)

    الجل لاينر مفكرة ببوبي براون قريت أن قوامه كريمي وأسهل.. حق مايبلين يقولون أنه ينشف بسرعه واحيان تحطين شوي مويه عليه قبل ماتستخدمينه عشان يمشي معك , هذا صدق؟ ولا سوء استخدام ماله دخل بالمنتج!

    ReplyDelete
  2. مرحبا
    يعطيكِ العافيه ع المجهود الحلو
    بالنسبة لي انا استخدم كحل مايبلين ومرتاحه عليه كثير
    واستخدم الكحل البني للحواجب مره حلو ويعطي نتيجة رائعه ولمعة حلوه للحواجب
    انصحكم فيه ❤

    ReplyDelete
  3. انا عندي من مايبلين كحل جل لونه بني وجميل وسهل بالرسم :) حبيت الريفيو حقك مرا يعطيك الف عافيه3>

    ReplyDelete
  4. Boo
    انا بخير دام عندي ناس عسل كذا :$
    بالنسبه للكحل كلهم بينشفون لو ماحافظتي عليهم وسكرتيه كويس ، يعني وانتي ترسمين لاتخلينه مكشوف عشان ماينشف .. قوامه اشوف انه حلو مو ثقيل بس للامانه ماجربت بوبي براون
    وشكراً لك ياجميييله

    ReplyDelete
  5. عبير
    الله يعافيك حبيبتي ، وفعلاً فيه وحده قالت على نفس طريقتك للحواجب .. فكره حلوه !
    شكراً لك نورتيني

    ReplyDelete
  6. الله يعافيك ياقلبي .. نورتيييني :$

    ReplyDelete
  7. نصيحة مجربه :
    لكي تحافظي ع الكحل الجل من الجفاف ضعيه دائماً بالمقلوب من شان تظل المادة اللزجة والسائله فيه في الاعلى
    هالطريقه رائعه جداً وتحافظ ع الكحل من الجفاف لفتره طويله

    اتمنى لكم الفائده ❤

    ReplyDelete
  8. يسعد صباحك ، وربي يعطيك العافيه عيني
    فعلاً مو شايفه فرق الا بالسعر ، انا اخذت ميبلين و الحمد لله كويس

    # درس رسم الكحل أحتاجه كثير بالرغم اني أشوف فديو عنه ولا يزبط معاي ، ان شاء الله امشى بعد طريقتك =)

    * عبير ياقمر شكراً على النصيحه

    ReplyDelete
  9. احححححححب البلوق حقك مره جميل ما شاء الله

    بس حبيت اسألك عن حبوب زيت كبد الحوت
    كم مره تاخذينها ؟
    أنا اشتريتها و مو عارفه كم حبه أكل :/
    و شكررررررا <3 <3
    لوڤ يو

    ReplyDelete
  10. عبير ياقلبي شكراً على النصيحه الجميييله ♥ ♥

    ReplyDelete
  11. الله يعافيك ويخليك ♥ وان شاء الله تستفيدين من الدرس الجاي ياحلوه .. نورتي

    ReplyDelete
  12. وانا احححححب اللي يتابعوني ويدعموني الله يخليكم يارب ♥
    اخذها ٣ مرات باليوم ياقلبي
    لوڤ يو مور ♥

    ReplyDelete
  13. انا جربت ميبيلين و بوبي براون
    بوبي براون ما يكمل معايا فترة بسيطة وينشف
    ميبلين جلس معايا سنة وما اهتم فيه واسيبه مفتوح قدام المكيف وماشاء الله ما نشف الا بعد سنة من الاستخدام

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.