♥July Faves♥

 




السلام عليكم ورحمة الله وبركاته
صار وقت مفضّلات شهر جون ♥ الأشياء اللي استخدمتها بالشهر وحبيتها .. ابدا على طول بدون مقدمات احسن صح ؟ :$
طيب نبدا من فوق من اليسار
  • حبوب سيفين سيس .. هي فيتامينات زيت كبد الحوت ، صايره أكلها من بدا رمضان !! برمضان ماانوع بالاكل واكل اشياء مفيده : ( حلوه مره ومايمديني اشقر حواجبي الا والشعر طالع ، واظافري تطول بسرعه .. يعني تطول الشعر والاظافر وتقويها

  • سكرب st ives للجسم والوجه .. جميل جداً بالنسبه لسعره !! وحتى علبته كبيره ، استخدمه مع ليفة من بودي شوب وياسلام على النعوووومه والنظافه ♥_♥ واستخدمه لوجهي لما اتحمم برضو .. لو احطه على جسمي بدون ليفه مايقشر مره يعني مع ليفة احسن ، بس للوجه يقشر كويس لحاله .. اتوقع يستاهل يكون بالفيفورت صح ؟ :$

  • الشيء الأزرق ما ادري وش اسميه :$ .. هو للرجول من تحت ، من بودي شوب مره مره حلوووو يخلي الرجل ناعمه زي البيبي وما استغني عنه ابداً بكل شاور استخدمه .. طبعاً استخدمه على رجلي وهي مبلوله !! انصح فيه مره

  • نجي للميك اب ♥_♥ بلاش ميك اب فور ايفر اتش دي لون .. هالبلاشر غريب ! لاتتوقعونه يكون كريمي مثل ماك ونيكس ويعطي الخدود لمعه ! هو ماتّ ولما أحطه على خدودي كأني حاطه بلاشر باودري ، شكله على الخدود مره جميل والأحسن انه ثااابت .. لونه مشمشي وفيه لمسة بينك ! لازم أكون حذره معاه لأن احيانا يطلع كثير ويحوسني ، أحسن شيء احطه بأصبعي بعدين بالفايبر برش ادمجه عشان يكون طبيعي ..

  • هذي الفايبر برش من ماك رقمها 107 .. استخداماتها كثيره وتفك أزمه ، للفاونديشن وللبلش وللباودر وللهايلايت وللبرونزر .. تدمج كل شيء كويس وتخلي اللوك طبيعي مو حادّ

  • الفرشاة المشطوفه والاي شادو البني اللي جنبها هذولا سوا :$ هالاي شادو حللته ! أسمه Embark استخدمه كونتور لو بحط اي شادو .. واستخدمه لحواجبي بهذي الفرشة المشطوفه ، اعبي الفراغات فيه بس بدون ما ارسم من بداية الحاجب :$ لونه بني غامق يعني شوي منه يكفي الحاجب كله .. الفرشاة من فافافوم !

  • ماسكرا فوليومايزر من بورجوا .. من احلى الماسكرات اللي استخدمتهم ! تجي بفرشتين 1 و2 .. 1 تطول و 2 تكثف ، بس أنا اعكس احط 2 اول بعدين 1 : $ ويعطيني نتيجه جميييله ، ماتخلي الرموش يابسه ابداً وتعطيك لوك كأنه رموش طبيعيه بس طويله وكثيييفه وسوداء ! " الماسكرا خلصت والا كان ودي احط لكم شكلها على الرموش :$ "

  • ديور سنو بيبي كريم .. توي مسويه ريفيو عنه :$ استخدمته كثير كثير ويستاهل احطه بكل شهر !!♥_♥

  • قلوس نيكس لون Natural .. قلوس جميل لحمي وفيه لمسة بسييييطه بينك يعني مايخليك كأنك مريضه : $ وريحته دوا بس حلوه : P

  • اللي جنبه من ماك .. ليمتيد اديشن وماينباع الحين بس وش اسوي ظلم لو ماحطيته : ( استخدمته وحابته مره .. هو تقريباً روج سايل مو قلوس ! والفينيش حقه مره حلو مو يلمع زي القلوس ولا ناشف ومطفي !!♥_♥ لونه فتنه ♥ من زمان ادور على هاللون حلو جداً وبالسواتش مظلوم ترا : (

  • فوقهم روج انجل من ماك .. لحمي على بينك والفينيش حقه فروست يعني مو مطفي وفيه ترطيب .. لون حلو واساسي بس عن نفسي ماحب احطه لحاله ! احب احط فوقه قلوس بينك او لحمي وحالياً حابته مره مع قلوس نيكس اللي تكلمت عنه ! ♥ بوريكم بالسواتش ان شاء الله كيف شكلهم سوا

  • وآخر شيء كريم QV .. يهبل يرطب من قلب مره انصح فيه للبشرات الجافه والحساسه .. مافيه عطور ولا مواد ملونه ولا اشياء مضره .. ترطيبه يجلس فتره ماتجف البشره بسرعه ! لما احطه وانام واصحى احس وجهي متغذي وناعم من هالمرطب .. خلصته بسرعه من كثر ماحبيته استخدمته ليديني حتى ، بس هو كريم يرطب بس ! مافيه تريتمنت ولا شيء

نجي للسواتشات : $

 



وهنا سواتش له



الماسكرا !!







أماكن الشراء والأسعار :
1 – فيتامينات سيفين سيس .. بكل صيدلية ! والأسعار تختلف حسب قوته ، فيه بـ 40 ريال و فيه بـ 80 ريال
2 – ST Ives Scrub 23 SR " تلاقونه بالصيدليات والهايبر ماركت"
3 – Body shop 15 SR
4 – Makeup for ever HD Blush 115 SR
5 – Mac fiber brush 107 .. 200 SR
6 – Vavavoom brush 30 SR
7 – Mac eyeshadow in EMBARK 80 SR
8 – bourjois volumizer mascara 70 SR
9 – Dior snow BB cream , 250 SR
10 – NYX lipgloss in Natural 40 SR
11 – Mac Angel lipstick 90 SR
12 – Mac kissable lip color 100 SR
13 – QV Cream 40 SR
You may also like:

18 comments

  1. شغلك مرتب وحلو واتابعك كثير .
    بس بسألك عن نوعية الليفه جربت ليفتين من بودي شوب .
    ولا اعرف اي وحده اللي تنفع !

    ReplyDelete
  2. شكراً لك تسلمين حبيبتي ❤ ، فيه ليفه ببودي شوب خاصه بالسكرب , هي اللي استخدمها ، وحتى اللي على شكل قفاز تنفع معاه

    ReplyDelete
  3. لاتلوميني إذا وقفت أمآم حسنكِ صآمتة ،،
    ف الصمتُ في حرمِ آلجمآل .. جمآل ❤❤
    ..
    لبى قلبك .. لبى عينك مع رمشك
    لبى ذوقك على فنك
    إنتي بطله / فنآنة / قمة في الروعه
    بصرآحة يعجبني ذوقك وإختيآرآتك ❤

    من جد كلك ع بعضك حلو
    يعطيك العافيه
    ومانتحرمش من بوستاتك الحلوين ❤

    ReplyDelete
  4. سؤال بسيط :)
    من أي فروع سنتر بوينت تآخذين مآركة نيكس ؟؟
    وهل موجوده في أماكن ثآنية ؟؟
    ..
    دُمتي متألقة يآجميلة ��

    ReplyDelete
  5. تسلمييين ياقلبي احرجتيني بذوقك والله ❤ ❤ شكراً لك الله يسعدك
    بالنسبه لسؤالك كل فروع سنتر بوينت عندهم نيكس ؟ مافيه فرع معين اروح له :$ 

    ReplyDelete
  6. يعطيج العافيه دير على البوس والبلوغ الحلو المفيد ^_^

    يبلي اجرب المسكره <<معانا في المسكره .. لحد الحين ما قريت على وحده عدله بعد لانكوم وديور .. ابي شئ احسن !!!

    ReplyDelete
  7. الله احب مواضيع مفضله الشهر

    بلش ميك اب فور ايفر مره لونه جميل بالعلبه كنت اتمنى انك مسويه سواتش له
    خاطري اجربه وبالاخص ان غالبيه الالوان جميله بس قهر مافيه عندنا الا فيسز يبيعها وان ماخاب ظني انهم ماراح يبيعونها بعد

    طبعا السكراب حق ست ايفز مرره جميل ماعليه خلاف وان شاء الله بجربه مع الليفه حقت بودي شوب بس اي وحده تقصدين القلفز اللي يجون اثنين او اللي يجي واحد ولونه بني ومن الياف طبيعيه ؟؟؟

    ولاتنسين ترا دايم ننتظرك

    ReplyDelete
  8. الله يعافيك ياقلبي ❤ ، وان شاء الله راح تعجبك الماسكرا :$

    ReplyDelete
  9. اهلين مُنيره ❤ ، البلش حاولت اسوي له سواتش بس ماضبط معاي :( دوري له سواتش بالنت يمكن تلقين :(
    بس ترا ميك اب فور ايفر يبيعونه بسيفورا برضو =) .. وبالنسبه للسكرب استخدمه مع اللي من الياف طبيعيه ، والقلفز ينفع بعد .. شكراً لك حبيبتي ❤

    ReplyDelete
    Replies
    1. القهر ان ماعندنا سيفورا ؛( ان شاء الله فيسز يظلون يبعونها

      Delete
    2. صح تراك ماحطيتي رقم البلش

      Delete
    3. ايه صح :( مالقيت رقمه ممسوح من العلبه لانه من زمان عندي .. معذره ❤

      Delete
  10. جميلين اغراضك مره
    تستخدمينهم بعافيه يارب
    بس بسالك الفيتامينات تزيد وزنك ولا كويسه وذربه

    ReplyDelete
  11. السلام عليكم . . حبيبتي يعطيك العافيى ماقصرتي

    حابة اسأل سؤال ..
    انا عندي اثار حبوب بسيطة وعندب حبوب تحت الجلد وابي اشتري بيبي كريم ديور بس متردده اشتريه ةلا اشتري كريم اساس من بينفت الي ب الاكسوجين سعره تقريب 170 ؟ وش رايك

    ReplyDelete
  12. اهلين .. حبيبتي انا مازاد وزني بس فيه ناس يقولون انه يسمن ، اتزقع يختلف من شخص لشخص !!

    ReplyDelete
  13. وعليكم السلام والرحمه .. الله يعافيك حبيبتي
    بالنسبه لسؤالك تشترين ديور والا فاونديشن بينفت .. شوفؤ اذا حابه شيء خفيف ويومي وفيه وقايه من الشمس ويبين كانه بشرتك حلوه وفيها نضاره مع تغطيه نص ونص خذي ديور ! اما لو تبين شيء تغطيته كامله واستخدام طلعات وكذا خذي الفاونديشن تبع بينفيت :$ على فكره انا ودي اجربه سمعت عنه اشياء حلوه ، مالك الا تاخذين سامبل منهم كلهم وتجربينهم على نفسك بالبيت وتقررين :$ موفقه ياقلبي

    ReplyDelete
  14. اشياءك جميله وتحمس
    واتفق معاك ع المسكررا مرررررا احبها واحب تكثيفها مرا مرتب
    وسكرب مرا عجبني للفيس حسيتو خفيف وناعم ويبغالي اجربه بالليفه
    وحبيت باقي الاشياء
    وروج انجل هوا تبع كيم ولا ؟

    ReplyDelete
  15. يا اهلاً بأميره ❤ .، فعلاً الماسكرا جميييله والروج ايه هو روج كيم المشهور :$

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.