❤ مفضلات شهر اغسطس ❤

السلام عليكم ورحمة الله وبركاته
صار وقت مفضلات الشهر " أغسطس " حلو هالشهر ببدايته العيد وتجهزياته واجوائه بس عقب احسه ممل مع احترامي لك يا اوقست :$ يالله الحمدلله انه عدّا علينا بخير ولا فاقد ولامفقود
مفضلاتي هالمره مافيها ميك اب تصدقون ؟ ماطلعت كثير بهالشهر ولا استخدمت ميك اب غير بطلعات العيد ، فهالمره مفضلاتي شويه وعباره عن عنايه وكذا :$

أول شيء هالشامبو حبيت اذكره في هالمفضلات لأني ناويه اغيره وابيكم تعرفون عنه قبل اجرب شيء جديد وازعجكم فيه :$ هذي ثالث علبه اشتريها من كثر ماحبيته .. أول شيء ساعدني بالتساقط وخفف منه ، ثاني شيء يليّن الشعر وفيه سحر مدري كيف يخلي الشعر شكله اكثر !! فرق بينه وبين لما استخدم شامبو عادي اللي بيخلي شعري مسطح .. أول ما تستخدمونه بتحسونه مانظف الشعر زين بس مع كذا استخدام راح يتعود الشعر عليه ، زي ماقلت بتحسون شعركم تغير من ناحية الملمس والحجم الشامبو اسمه "مين تيل" تلاقونه في صيدلية وايتس وفي الدانوب والتميمي وسعره بالثلاثين هالحجم وفيه حجم اكبر منه بالأربعين ..
اللي بجنب الشامبو هذا زي الشاور جل بس انه احلى قولو ليه ؟ لأنه يرطب جسمك بينما هو ينظفه .. أحب استخدمه مع الليفه الناعمه اللي تجي اسفنجه ، استخدمه كل ما اتحمم وطبعاً مره بالأسبوع أو مرتين اسوي سكرب لجسمي عشان كذا احب استخدم بالأيام الباقيه شيء مرطب مو ينشف لي جسمي ، ريحته حلوووه مو من نوع الروائح اللي احبها بس تبقى حلوه وفيها فخامه شوي .. من صيدلية بوتس شريته لما كان عليه عرض فكان بعشرين ريال واظن قبل كان بأربعين !
السبراي الأبيض هذا عطر جسم من سوب اند قلوري ريحتتتتته فتنه فتننننننه ❤❤❤❤ من كثر ما أحبه ودي اعطر مفرشي ومخدتي فيه بس متحسفه لأنه سعنون ❤❤❤ اللي يحبون عطر شانس شانيل بيعجبهم لأنه نفسه بالضبط بس ابرد وطبعاً أخف لأنه سبراي ❤❤❤ بارد وريحته انوثه مع انه عطر جسم بس ابخ على ملابسي منه قبل البسهم وريحته تثبت ثبات معقول وكويس بالنسبه لأنه عطر جسم .. الشيء الحلو فيه انه مرطب بنفس الوقت !! يعني لما تبخينه على جسمك بتلاحظين لونه ابيض زي لون الكريمات بس خفييف مره طبعاً وتتشربه بشرتك بشكل حلووو
هو زي ماقلت لكم من سوب اند قلوري ، هالماركه مفروض انها بصيدلية بوتس عندنا بس للأسف ماينزلونها .. اخذته من بوست الكويت لازم لو رحتو للكويت او دبي او اي مكان خارج السعوديه او احد راح توصون عليه وتجيبونه وماجاكم علي :$ طبعاً انا موصيه عليه واللي جابته ماعلمتني بكم :$ بس اتوقع انه بالثمانين أو السبعين مو اكثر ..
بجنبه منتج ثاني من سوب اند قلوري برضو ، هو منظف غريب شوي شفته بموقعهم ماخذ جائزه والناس هابه فيه فتحمست له ! يجي معاه فوطه صغيره .. طريقته تحطينه على وجهك وتسوين مساج لمدة دقيقه بعدين تتركينه كـ ماسك لدقيقه ثانيه ، لما تخلص الدقيقه تجيبين الفوطه وتحطين فيها مويه دافيه وتمسحينه من على وجهك بهالفوطه .. بعد ماتخلصين بتحسين وجهك ناعم ومترطب من قلب ونظيف بنفس الوقت ريحته تشبه كريم الشعر القديم الأبيض ههههههههههههههههه !! بس احسها معه مقبوله :$ سعره 80 ريال (على فكره كنت احسبه بيغنيني عن السكرب بس لا مايعتبر بديل للسكرب يعني خلو السكرب بيوم وهذا بيوم ثاني احسن)
شوفو هالصوره لشكله من جوا وقوامه .. كريمي ثقيل ومافيه حبيبات مثل المقشرات


واخيراً اجمل شيئين .. الشيء اللي كأنه مرطب شفايف وهو فعلاً مرطب شفايف بس معاه لون بينك خفيييف وجميل ، حبيت ترطيبه وحبيت اللون الخفيف لأني من عشاق مرطبات الشفايف الملونه صح مايثبتون بس حلو يكونون معاك بالشنطه والا لو احد زاركم زياره خفيفه ناعم ومو متكلف ويرطب الشفايف ❤ لونه عاجبني ومناسبني تمنيته يكون ثابت والا فيه زي لونه ثابت :(  شوفو السواتش زي ماقلت لكم لونه خفيف مو مثل ريفلون ليب بترز اللي هي قريبه للروج اكثر من هذا ..



وليس آخراً هالشيء البينك اللي تشوفونه هو مشط ، يمكن بعضكم يعرفه اسمه دي تانقلر يعني ضد التشابك .. هالمشط سحر يفك تشابك الشعر بسررررعه بدون مايسحب شعر من فروتك ! مره خفيف على الشعر اللي يتعقدون من التمشيط لأنه يسحب شعر بيحبون هذا شعري يتعقد بسرعه وساعدني هالمشط والأحلى زي ماقلت لكم مايسحب شعر ، شوفو صورته من قريب كيف اسنانه مره من المرات بوتس جابوه وان شاء الله يجيبونه ثانيه ، أنا طالبته من امازون سعره بالخمسين يمكن بس يستاهل والله .. حتى خالتي كنت متعذبه مع شعر بنتها مره متشابك ومتعقد وتتعب بتمشيطه وجبت لها هذا وقالت بطلب منه ثنين بعد !! ❤❤❤


وبس هذي مفضلاتي لشهر اغسطس اتمنى لكم سيبتمبر جميل واحلى من ماتتمننون
اشوفكم على خير حبيباتي ، وياليت لو تعطوني كومينتس سواء هنا او بالتويتر تقولون لي ايش حابين تشوفون بالبارت الجاي اللي يخص تجهيز الجامعه ؟
مع السلامه
You may also like:

13 comments

  1. حبيت الاغراض
    الشامبو مررررا تحمست اجربو لااني مالقيت شي يناسبني
    من دوف وصانسيلك و و و :(
    والبودي سبراي من سوب اند جلوري مرا تحمست اوصي عليه ان شاء الله
    لاانو بجد عندي كم غرض من سوب اند جلوري ريحتهم جننااااننن

    ReplyDelete
    Replies
    1. وانا احب كومينتاتك ترا ❤ :$
      جربيهم وعطيني رايك .. شكراً ياجميله

      Delete
  2. اختيارتك تغري ^^

    حبيت اسألك عن هالشامبو من كثر ماتمدحينه بجربه والله بس اللي عندنا شكله غير بس نفس الاسم بلد الصناعه شنو ؟

    ReplyDelete
    Replies
    1. لا هو فيه منه اكثر من نوع حبيبتي .. اللي استخدمه بأعشاب تطول الشعر وفيه الاوريجينال العادي وفيه للشعر المصبوغ بس ماشفته هنا ، هو اظن مصنوع بأمريكا

      Delete
  3. يعطيك العافية يا جميلة :$
    الشامبو شاريته شاريته الله لا يعوق بشر :D
    بس بغيت اعرف من وين اخذتي البي بي ليبز مرة عاجبني من زمااان صراحة ونفسي فيه :$ 

    ReplyDelete
    Replies
    1. الله يعافيك يا أجمل :$
      البيبي ليبز من امازون طالبته ياقلبي :$ اتوقع قريييب ينزل عندنا ان شاء الله

      Delete
  4. ياي أحب أجرب شامبوات جديدة خخ التجارية زي سانسيلك وغيرها مررة تعدم شعري.
    منتجات سوب أند قلوري أمنيتي أجربها :( اندثرت هالأمنية من فترة وتوني أتذكرها ههههه يمكن أطلبها من النت لو قدرت.
    وآخر شي بالنسبة للفرشة, عندي زيها من إسوس وكانت عاجبتني مرة لأن شعري يتعقد.. بس مشكلتها بالنسبة لي واللي توني أكتشفتها ورجعت للفرش العادية, إنها مرررة تشيل النفشة من الشعر! تصلح للي شعرها ينتفش بشكل كبير مع الحر وكذا بس أنا حسيتها خلت شعري هابط مافيه حياة مافيه فوليوم خخخ ماكنت أعرف السبب بس من بعد ماتركتها تغير شعري مرة وكلن لاحظ يقولون صاير كثير!
    كلامي كثير:$ بس تحمست ناوية أتكلم عن الفرشة في مكان ما خخ

    شكراً عزيزتي على البوست <3 واصلي ومتابعتك

    ReplyDelete
    Replies
    1. هلا والله :$ الشامبو جربيه بيعجبك مره مريح على الشعر ♡
      اما المشط تصدقين انا يفك التشابك والتعقيد بس النفشه عادي مخليها ! غريبه بس احبه مايسحب شعر وهالشيء يطمن قلبي ههههههههه :(
      عموماً شكراً حبيبتي ودائماً تعالي وسولفي ههههههههههههه :$ 

      Delete
  5. ماشاء الله ذووق ربي يحفظك وتسلمين على النصايح الجميلة والله ان شعري تنتف من الجامعة والطرحه وحالتي حالة وابطبق نصايحك

    ReplyDelete
    Replies
    1. تسلمين الله يسعدك يختي :$ معليش كلنا جتنا حالة تأزم شعر انتي اعتني فيه وبيرجع وش زينه ان شاء الله :$

      Delete
  6. This comment has been removed by the author.

    ReplyDelete
  7. مرحبا ي جميله - قد ايش استفدت من مدونتك صور تفتح النفس ترتيب وتنسيق
    يسعد البك ي شيخه ،،
    تحمست ع الفرشه بما ان شعري طويل وحوم كبدي بالتشابك بشكل ما اقدر اوصفه غير انه يتساقط وامشطه كمان يطلع لي كتل شعر =.. (
    يعني كيف بتفك العقد ، ومايتقصف اذا كان بلاستيك يتكهرب وحالته حاله - واي افضل بعد الشاور والا لانشف ؟
    وش ميزتها بالضبط ، عندي فرشه من بودي شوب خشب - وكمان مشط خشبي واسع

    دورتها ع اسوس ولقيت رابطين - قلت احطهم هنا يستفيدوا
    احس الاول افضل والا ايش رايك ؟

    http://www.asos.com/Tangle-Teezer/Tangle-Teezer-Compact-Styler-Professional-Detangling-Brush/Prod/pgeproduct.aspx?iid=1210294&cid=5021&sh=0&pge=0&pgesize=-1&sort=-1&clr=Leopard

    http://www.asos.com/Tangle-Teezer/Tangle-Teezer-Professional-Detangling-Brush/Prod/pgeproduct.aspx?iid=666522&cid=5021&sh=0&pge=0&pgesize=-1&sort=-1&clr=Disco+purple

    مشكوره ي قلبي ،،،

    ReplyDelete
  8. بالعكس لاتستحقرينها لأنها بلاستيك .. تفك التشابك بشكل عجيييب وسريع !! ♡ وتنفع للاستخدام بكل الحالتين مبلول او ناشف .. مره حلوووه انصحك فيها بترتاحين معاها
    وشكراً حبيبتي على ذوقك ولطفك ♡

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.