شعرك في الجامعه !

السلام عليكم ورحمة الله وبركاته

كيفكم ؟ ان شاء الله مبسوطين مع البارتات حقت التجهيز وماتنكدتو :$ ؟ اليوم ان شاء الله البارت بيكون عن شعرك في الجامعه  أو المدرسه أو الدوام  وخلال السنه الدراسيه عموماً .. عشان مايكون البوست طويل خلونا نبدأ على طول
نصائح بسيطه حابه اذكركم فيها والمستجدات يمكن مايعرفونها :


-     لاتغسلين شعرك يومياً .. اغسليه يوم ورا يوم واذا بتاخذين شاور كل يوم حطي كاب على شعرك


-     اعرف انه فيه من متابعاتي مايستخدمون البلسم ومو مقتنعين فيه .. جربو تضيفون بلسم بيليّن شعركم ويطريه ويخلي فيه لمعه ويكون شكله يفتح النفس والأهم بيحافظ على نهاية شعرك من التقصف ، زي ماقلت لكم في اول بوست لي ( البلسم تحطينه من اذنك وتحت لايقرب للجذور ! ) لو جربتوه ماراح تتركونه وبيكون نفس أهمية الشامبو بالضبط


-     حرارة الشمس راح تفقد شعرك حيويته ، كل اسبوع خصصي يوم تحطين فيه ماسك لشعرك تعيدين له الحياه والترطيب والتغذيه .. جربي ماسك الزبادي والعسل في البيت أو ماسك لوريال بغذاء النحل ولو شعرك مصبوغ جربي الأحمر المخصص للشعر المصبوغ ..


-     ابتعدي عن مصففات الشعر السبراي والموس لاتستخدمينهم بشكل متكرر ، ممكن مره حابه تغيرين والتصففيفه محتاجه موس  ، مافيه مشكله تحطينه لكن الأستخدام المتكرر لهم راح يعدم شعرك


-     حاولي قد ماتقدرين تبعدين عن الأستشوار والفير والآيرون ، كل فتره قصيره عادي تغيرين وتسوين شعرك ستريت او تسوين اطرافه فير لكن مو يومياً انتبهي واستخدمي حامي من الحراره

وأخيراً :
-     من أهم الأشياء اللي انصحك تجيبينها قبل تبدين السنه الدراسيه هو الـ Dry shampoo  يعني الشامبو الجاف ، لأيام الزنقات لو لقيتي جذورك باديه تدهن وماعندك وقت تتحممين هالشيء تبخينه على جذورك وبيسحب الدهون وبيطلع شعرك نظيف .. هو لأيام الزنقات بس .. بصيدلية بوتس فيه الشامبو الجاف من كذا ماركه روحو واسألو وخذو اللي يناسبكم ..
طريقته " تبخينه على جذورك بدون ماتقربينه مره .. بعدين تسوين مساج خفيف للجذور عشان يتوزع ويمتص الدهون "


الحين بعطيكم افكار للشعر سريييعه أهم شيء وسهله وكيوت :$

·      أول شيء البوني تيل أو ذيل الحصان تسريحتي المفضله :$ مافيه اجمل وابسط منها وحلو تضيفين اشياء كيوت عليها .. مثلاً تنزلين خصله عفويه أو نفس أول صوره من اليمين فكره حلوه الضفيره



·      الهيد باند أو الطوق أو ربطة الشعر .. برضو كيووووت لو تسوين بون حوسه والا بوني تيل وتحطينها بتضيف شيء وماراح تاخذ منك الا خمس دقايق شيء جميل وكأنك تعبانه على شعرك :$ صادفت انه الصور كلها الشعر سايب ، مو شرط الشعر يكون سايب .. تنفع مع كل شيء بون وذيل حصان وضفيره






طبعاً أنتو ماراح تختارون اشياء اوفر وكريستالات مثل بعض الصور .. الصور مجرد توضيح :$



 
·      البون الحوسه جميييله وعفويه ومافيه اسهل واسرع منها :$





·      وأخيراً أجمل شيء الضفيره ❤❤❤❤ أفكارها كثييييره ولو تضيفينها على اي تصفيفه بتعطيها جمال ..







نوع ثاني من الضفيره :



تجنن وسهله ماتوقعتها سهله كذا ! اكتبو في اليوتيوب fishtail braid وبيطلع لكم دروس وش كثرها :$



·      ذوات الشعر القصير ماشاء الله عليهم بس مايحتاج يشيلون هم شعرهم :$ بس حابه اعطيهم فكره كيوت اللي هي



 
تلبسين طوق او ربطة شعر او اللي تسمونه مره اعجبني على الشعر القصير :( ❤❤❤ ستايل .. وبذكركم بشيء لاتنسون دائماً تركزون على الحلق أحسه جزء من الشعر القصير

اللي شعرهم كيرلي مانسيتكم :$ بس للأسف تعبت وانا ادور تسفيفات ولا لقيت .. بس كل اللي حطيته يناسب الكيرلي سواء البون والا الضفاير ، فيه فكره حلوه مره شفتها بس ماعندي صورتها الحين ، هو أنكم تخلون شعركم طبيعي كيرلي بس تاخذون خصله عريضه وتسوونها ستريت بعدين تضفرونها تطلع مره رايقه وكيوت عاد انتي براحتك ترفعين فيها نص شعرك ونصه تفكينه أو تسوينه بون وتخلين الضفيره على جنب ..


أممم وبس .. ان شاء الله اعجبكم البوست حبيباتي واستفدتو لسى باقي بارت الفاشن متأكده بيعجبكم ان شاء الله :$
مع السلامه .. أشوفكم على خير
You may also like:

14 comments

  1. بسألك بخصوص البلسم ليه ما يكون من الجذور ؟
    هل يسبب تزييت للشعر ؟!
    و اذا امكن ممكن تكتبين مقادير الماسك تبع الزبادي او كيف طريقة عمله !
    و شكراً لك موضوعك رايق و مفيد 3> 3>

    ReplyDelete
  2. لو حطيتيه على الجذور بيخلي شعرك مسطح ويدهن بسرعه والاهم ممكن يسبب تساقط شعر ، معروف انه مخصوص لنهايات الشعر ..
    الماسك ياقلبي حسب طول شعرك بس شوفي كل ثلاث ملاعق زبادي حطي معاها ملعقة عسل ، زيدي الكميه حسب طول شعرك وكثافته .. وشكراً لك انتي :$

    ReplyDelete
  3. البوست مرا حلو وانا شعري قصير ودايم اخليه على طبيعته وماحب احط هيدباندز احس انها تصدع راسي مع ان عندي منها اشكال وزي ماقلتي لازم حلقان للي شعرهم قصير 3>
    طيب انا يوميا اغسل شعري بشامبو مخفف بمويه لانه يزيت اذا ماغسلته يوميا ويطلع مو حلو :( !
    واكيد احط ع الاطراف شوية بلسم عشانها جافه بعد:(
    يعطيك العافيه ياقلبو 3>

    ReplyDelete
    Replies
    1. ايه الشعر القصير لو ماغسلتيه مشكله حااااسه فيك :( بس كويس انك تخففينه بمويه ♡
      الله يعافيك ياقلبي ♡

      Delete
  4. البوست جميييل وممتع مشكوره وماقصرتي ..

    بس بغيت الفت نظرك لشيء مهم للجامعه اللي هو القهوه 3>3>
    ودي تتكلمين عن تجاربك مع المقات لان الشتاء جاي والمشروب الدافي الصباحي من امتع اجواء الشتاء...

    ReplyDelete
    Replies
    1. ياااااي ♡ مررررره اعجبني اقتراحك وسجلته عندي على طوووول .. شكراً لك ياقلبي ♡

      Delete
  5. مرحبًا بحبيبتنا وأنيقتنا 3>
    بوست جميل اشتهيت يجي السبت عشان أسويلي تسريحة بسيطة للجامعة :$ ههههه

    أنا شعري كيرلي .. ومن سنييين وأنا يوم إي يوم لأ أسشور بداية شعري وأخلّي الباقي طبيعي
    لكن حسيت إنو شعري تعب مرررة من قدّام :( جديًا مدري إيش أسوي !!
    ما أقدر أخليه كيرلي من قدام لأنو يطلع الشكل ما يعجبني ومو حلو
    حتى قصّتي ( غرّتي ) من قدام بدت تتقصف تخرب ؛ وحتى لو قصيتها ترجع تتقصف بفترة قصيرة
    وتطلعلي فراغات بسيطة من قدام !
    أخاف يتطوّر الوضع للأسوء بس جد ما أقدر أتخلّى عن السشوار :"""

    عندك أي نصائح ؟ تجارب ؟ تقدري تساعديني فيها ؟

    وشكرًأ لكِ كثير 3>>>>

    ReplyDelete
    Replies
    1. لااااا حرام عليك انتبهي دام بدت تطلع فراغات :( الشعر الكيرلي جميييييل ..
      انتي متعوده تستشورين الجذور صح ؟ ليه ماتطلعين بنيو لوك للعالم وتغيرين هالشيء ؟ اتركي الاستشوار واشتري لك كريمات التصفيف اللي مخصوصه للشعر الكيرلي
      فيه كريمات للكيرلي تخلي الشعر مرتب ومو منفوش وفيه لمعه ♡ استمتعي بشعرك فيه ناس تروح مشاغل تسوي نفسه ماشاء الله .. حرام تتعبينه ويطيح وتطلع فراغات :(
      يلا تصالحي مع شعرك واشتري لك اشياء تناسب شعرك وابدي اعتني فيه وراضييه ♡
      وبالتوفيق ياحلوه ..

      Delete
    2. والله فكرة قبل شوي كنت أتفرّج باليوتيوب وشفت وحدة أجنبية شعرها من فوق لتحت كيريلي وشكله يهبببّل ..
      إن شاء الله بجيب لي كريمات عشان أسوي كل شي وأتخاصم أنا والسشوار وأتصالح مع شعري على قولك هههه :(
      أنا اشتريت مقدمًا اللي هو " سيريوم كريستال " وبديت أحطه على شعري من تحت ويعطي لمعة ويرتب الكيرليّات
      بس بإذن الله لي نزلة لكريم من فوق وللجذور ..

      شكرًا لكِ 3>

      Delete
  6. وربي مدووونه رووووعه ..
    صدق استفدت♡
    الله يوفقك يارب..
    ندى ابي اسألك فيه اضرار للسيروم كريستال!!
    انا توي طايحه فيه وخصوصا اني وحده تستخدم الاستشوار يوميا لان شعري فصير لحد كتفي:-(
    وابي اسألك فيه كريمات ممكن استخدمها للجامعه بحيث اني احطها من الجذور لان شعري ينتفش كثير وابي اخفف من الاستشوار خصوصا ان شعري دهني من فوق وجاااف جدا من عند اذني الى الاطراف:-( والفراغات الي طالعه لي من قدام كثير مخوفتني فياليت تعطيني اسم كريم للاستخدام اليومي ويكون صحي وربي يسعدك

    ReplyDelete
    Replies
    1. ياحبي لك من ذوقك الله يسعدك ❤ ويسعدني انك مستفيده
      السيروم انا استخدمه وماشفت اضرار بس لاتكثرين منه كل شيء يزيد عن حده ...... الخ :$
      الاستشوار خففي منه حرام يعدم لك شعرك ، جربي تستخدمين ماسكات تحسن من شعرك وتستخدمين بلسم ولما تطلعين لاتحطين كريمات وكذا ، جيبي بخاخ بلسم يترك على الشعر من بوتس بجوز الهند وبخيه على شعرك وهو مبلول ومشطيه بمشط اسنانه عريضه بعدين حطي باطرافه السيروم وخذي خصل وابرميها بيطلع مموج طبيعي وكيوت وتكونين ارتحتي من الاستشوار ❤

      Delete
    2. ياحبييييلك شكرا ع الرد♥
      طيب فيه ماسك معين تنصحيني فيه!!لانه بجد شعري خرب من الاستشوار وصار خفيف من قدام:'(
      وبخاخ بلسم جوز الهند القاه في الصيدليات !!!
      وربي يسعدك ويوفقك قد ماتفيديننا♥♥♥;-)

      Delete
  7. يعطييك العافيه 33333>
    انا شعري كيرلي ستخدم بانتين بديل الزززيت واخليه على شعري ليين ينتهي يومي بس شعري يتسساقط بزياده :( لوخليت البانتين شعري يكون منفوش وانا مااستخدمت استشوار او الاشياء هذا ف لازم يكون الكيرلي مرتب بايش تنصحيني استخدم علشلن يوقف التسساقط وشي يرتب شعري
    (( ساره ))

    ReplyDelete
    Replies
    1. الله يعافيك حبيبتي ❤
      معروف بديل الزيت يسبب تساقط :(
      استبدليه بكريم لتصفيف الشعر الكيرلي من مكاديميا " تلاقينها بصيدلية نزيه بحياة مول"
       ❤

      Delete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.