سواليف صَبايا .. كيف صار حظي حلو كذا ؟!! :O




















السلام عليكم ورحمة الله وبركاته
 

هالفتره حابه انوع في البوستات ماتكون كلها ميك اب في ميك اب بما اني حسيت اني صرت اقرب منكم

وبما ان مدونتي عباره عن تبادل نصائح واحب تشاركوني في الأشياء اللي استفيد منها .. فـ اليوم راح احكي معاكم عن شيء اهم من الميك اب وبتستفيدون منه اكثر وماودي احتفظ فيه لنفسي ابي كلكم تدرون عنه

يمكن كلكم تعرفونه بس ماتفكرتو فيه او اخذتوه جد وآمنتو فيه ..

من العنوان باين ، واتوقع جذبكم صح ؟ :$

كيف صار حظي حلو ؟ كيف صرت اذا بغيت شيء وفكرت فيه الاقيه تسهل او تحقق لي بسرعه وبسلاسه .. ايش السر ؟

السر هو التوكل على الله ❤❤❤ " وكفى بالله وكيلاً " كيف اكتشفت هالشيء ؟

من الشيخ مشاري الخراز الله يسعده ويوفقه

هو شيء مفروض نمارسه من زمان كمسلمين ومفروض عارفينه ومؤمنين فيه ..

الحين اكلمكم كلام بنات انا مو مطوعه وملتزمه ، مثل كثير منكم اهم ماعلي صلاتي اما باقي الأشياء فالدنيا ملهيتني الله يهدينا جميعاً ويرحمنا برحمته ..

التوكل على الله قريب جداً من قانون الجذب والطاقه بس بطريقه اكثر ايمان :$

تأملو الآيه ( ومن يتوكل على الله فهو حسبه )

و (انا عند ظن عبدي )

يا الله ما اجمل التوكل ، كل همومك وكل امنياتك وكل مخططاتك وكل مصاعبك توكلها على الله والله ماراح يخيب ظنك اللي ماجربه وجرب هالراحه فاته شيء عظيم

( اذا علمت ان الله ارحم بك من نفسك ، وانه يحب منفعتك اكثر من ما تحب انت ذلك ، وانه الوحيد القادر على نفعك فكيف لاتعطيه كل اعتمادك وثقتك ؟ ) < كلام الشيخ

ودي احكي لكم مواقفي الكثيررررره واللي صارت بفتره قصيره .. بس اشياء شخصيه بجد انا خايفه احسد نفسي ماشاء الله مو مستوعبه كمية تسهيل الأمور اللي تصير معاي .. وراح اشارككم شيء بسيط وشخصي ياصديقاتي بما انه يخص المدونه :$

تذكرون لما قلت لكم بالتويتر اني غيرت الكام فجأه ؟ تدرون اني كنت الظهر اهوجس اني اجيب كام احترافيه او شبه احترافيه على الأقل عشان يتحسن التصوير في المدونه وتنفتح نفسكم وادلعكم :$ .. كان مجرد مخطط مستقبلي لأني توي مشتريه اشياء ومستبعده اني اشتريها حالياً ،

والله العظيم بالليل جتني الكام بدون ما اشتريها :o الحمدلله يارب كم انت كريم ورحوم وماتخيب ظن عبادك

يمكن بعضكم يقول ايه صدفه ، بس انا صارت معاي مواقف كثييييره كثيره وهذا مجرد موقف بسيط منهم ، طبعاً مو كل مواقفي مشتريات واشياء زي كذا ، التوكل يكون بكل شيء حتى بالآخره

طيب لو انتو حابين تجربون هالشيء وتسمتعون فيه معاي ، روحو لأكاونت الشيخ مشاري الخراز في التويتر ( تلاقوني مسويه له فولو ) بعدين روحو للمفضله تبعه وابدو من تحت .. هو كاتب خطوات التوكل على الله من قلبك وكلام جمييييل واتذكر كنت اقرا مواقف الناس بعد ماصارو يتوكلون على الله في ابسط امور حياتهم وكنت اقول مستحيل لو بيصير لي كذا بكون اسعد شيء ، اتخيلني بس كل شيء ابيه او شايله همه يتسهل لي !! ❤_❤ والحين صرت وحده منهم الحمدلله ..

 
طيب شيء ثاني حابه اقولكم عليه قبل تروحون للمفضله تبعه ، ابيكم تتذكرون ( وعلى نياتكم ترزقون ) صفّو نيتكم وبتلاقون الراحه النفسيه والسعاده وتسهيل الأمور .. لو انتي حاسه انك حاقده على احد ، اجلسي بينك وبين نفسك وسامحي هالشخص لوجه الله مو عشان سواد عيونه ، عشان ربي عشان ترتاحين انتي وتحسين قلبك خفيف مو شايل كل شيء ..

ولو انتي حاسه انك حاسده احد غصب عنك ، تصرفي بشكل عكسي على طول ، يعني لو وحده حسيتي انك بديتي تحسدينها على شيء او تتمنين شيء معاها على طول قولي الله يهنيها فيه وتأكدي ربي بيعطيك احسن منها ، وانتبهي تغيرين تعاملك مع احد عشان هو بس احسن منك ، بالعكس عامليهم بأحسن مايكون وبالكلمه الحلوه وعلى طول بتلاقين نفسك مرتااااحه نفسياً لأن شعور الحسد ابداً مو حلو واول ماتحسون انكم بديتو تشوفون اللي مع غيركم او اللي حققه غيركم استغفرو وادعو ربي يشيل هالشيء من قلبكم

ترا صفاء النيه من اهم الأشياء عشان ربي يرضى عليكم ويحقق لكم ماتتمنون ( لايؤمن احدكم حتى يحب لأخيه مايحب لنفسه )

يارب ماكون طولت بالكلام ، ودي يكون الكلام خفيف ومختصر وحاولت اختصر قد ما اقدر

الله يسعدكم كلكم ولاتنسون تروحون لمفضلة الشيخ مشاري الخراز وتسوون الخطوات ونصير صديقات هههههههههههههه :$

وبرضو بتلاقوني مسويه فولو لحساب قانون الجذب والطاقه ..

 
" ترا ماقريت كلامي بعد ماكتبته فـ لو فيه اخطاء او كلمات متكرره اعذروني :$ ابي يكون عفوي ومن القلب للقلب  "

 

مع السلامه ، اشوفكم على خير

ندى
You may also like:

10 comments

  1. ااااه < تنهيده من قلب :")❤
    سبحان الله ، كثيييير ملهتنا الدنيا نسأل الله الهدايه ..
    احس صارلي فتره متعلقه بآمور دنيويه تافهه صراحه!
    كثير يشغل بالي لبس وكشخه ومكياج والخرابيط هذي هههههههههههههههه
    حتى لوتلاحظين كاتبه ببروفايل التويتر "يارب اهديني" حاسه مقصره كثير كثير :""")
    يارب اهدينا اجمعين ()
    سبحان الله ، كلامك دخل قلبي وحبيته ❤
    الحمدالله كل شي ابيه بحياتي موجود بس صار عادي عندي ماصرت اقدره او اتحمس له مثل قبل!
    نحمد الله على كل حال .. وربي يجزاك الف الف خير صح مدونتك مالها علاقه بكلامي بس مدري احس وصلت قلبي وفكرت باشياء كثيره .. انا مقصره :(❤
    الله يتمم عليك ياقلي :*❤

    ReplyDelete
  2. يا ألله ياندى!
    قدّييييييش كلامك مُريح،
    أنا متأكدة كا حرف هنا طالعه من قلبك لأن الحكي لما يصير
    طالع من القلب يدخل القلب طوالي :*


    سبحان الله،
    دايم كل ماصار لنا شي عكس مانبي نتذمر وتضيق صديراتنا
    ووالله لو ربي كشف لنا أستار الغيب كان مانختار الا اللي اختاره ربي لنا

    ReplyDelete
  3. يالله تجربتك نفس تجربتي بس انا من فتره طويله الحمد لله والله يديمها يارب
    من جد توكلي على ربك وشوفي كيف بتتغير مواقف ماتخلصص
    واي شي يسير بحياتك قولي خيره
    انا طبعي اي شي بحياتي بسوي استخير واي شي يجيني اصلي شكر
    حتى لو كان شي بسيط !!
    والله صاحباتي يقولو سرنا نصلي استخاره من الراحه اللي نشوفك فيها
    عمرك مازعلتي على شي يسيرلك لاانك متاكده انو خيره
    جد التوكل والاستخاره والشكر لهم راحه نفسسسييه مررررررا
    الله يعطيك العافيه ع البوست اللي يذكرنا بربنا
    :)

    ReplyDelete
  4. ياااه ياندو ربي يسسعدك جبتيها ع الجرح
    تصدقي (كنت) كذا بيوم من الأيام ..
    بس الحين تغيرت كثير صرت أتوقع الحاجه السيئه وبالفعل تصير ، بس كلامك الحين حسيته صحاني من غفلتي..
    لأني مرت عليا ظروف سيئه فصرت أتوقع الأسوأ دائما ونسيت التوكل على الله ..
    يارب تجعلنا من المتوكلين عليك
    ربي يجزاك خير ندو ويسعد قلبك

    ReplyDelete
  5. تدرين ..

    اليوم مريت بيوم سئ لدرجه انعزلت عن الناس ..انصدمت بوحده بشكل من الاشكال وصارت بخاطري لاني انا انسانه طبيعيه وع وجهي معاها .. حتى ماي بيست فريند مابغيت اكلمها من زود ما انا بجد مابي اكلم احد ..

    وفتحت الاب ..ابي اروح لمفضلتي لان مدونتك موجوده فيها كنت ابي افتح موضوعك القديم وكنتي تنصحين فيه ..

    سبحان الله ولقيت هالكلام اللي يريح القلب

    ي عسااك تتهنين بكل شي يا ندى حتى لو انه كوب مويا ابيك تتلذذين فيها ..

    لان بجد بصفي نيتي وبعتمد كلامك
    انا بديت اشيل بقلبي واحقد من فتره يمكن شهر وكنت مو مرتاحه ماهو طبعي.. وجا كلامك <3

    ReplyDelete
  6. روووووعه كلامك ويدخل القلب ،،، اكثر موضوع انا محتاجه له ولله الله يسعدك ويسهل امرك ياندوش

    ReplyDelete
  7. الله يوفقك؛
    فعلاً مافيه شيء اريح للقلب من تصفيته؛ عن تجربتي 3>

    ReplyDelete
  8. يالله يا حُلو سواليفك :$
    الله رحمن رحيم يرحم عباده المتوكلين عليه , سبحانه ..
    تستاهلي كل خير يا ندى ؛ إنتي طيبّه وقلبك نظيف والله يرزق عبادة على صدق النوايا ..
    جزاك الله خير عالبوست المُعبّر جداً

    ReplyDelete
  9. صبايا, سمعتوا بخبر زواج رجل الأعمال وليد الجفالي؟ فتّشت لكن ما لقيت إسم زوجته الجديدة, إنتو بتعرفوا؟

    ReplyDelete
  10. صحّ, تزوّج وليد الجفالي من عارضة أزياء لبنانية إسمها لجين عضاضة, في كم صورة من العرس
     http://www.katagogi.com/aida881925_1112230033_108728

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.