استعدي معاي : سهره ♡!


السلام عليكم ورحمة الله وبركاته ..

اشتقت لكم اعتذر من اللي تأخرت بالرد عليهم سواء هنا او في الأسك .. اول ما اخلص البوست بأرد على الكل ان شاء الله ، كنت مشغوله هالأيام والحين رجعت للتدوين :$ وابشركم صورت 4 بوستات عشان اضمن هههههههههههههه :$


طيب اليوم البوست مره متحمسه له من يوم سألتكم بالتويتر وتفاعلتوا معاي يازينكم

اللي هو ( استعدوا معاي ) واليوم بيكون الأستعداد لسهره .. وعشان يكون البوست مفيد لكم سويت شرح للميك اب اللي حطيته وجبت لكم الصوره اللي سويت منها شعري ، يلا نشوف :$

أول شيء انا كنت مسويه تنظيف لبشرتي بالبخار وحطيت ماسك ودلعتها ..

نبدأ بإستعدادي بنفس اليوم :$

اخذت شاور وهذا اللي حطيته بشعري عشان يكون فيه لمعه ونعومه اكثر من العاده :

















1 - اللي هو شامبو مين تيل حبيبي .. ابشركم خلص ادعو اني اغيره :$
2 - حمام زيت بانويل ، صح بقولكم ! هالشيء لازم تستخدمونه صح ، تاخذون شوي مرررره منه وتخففونه بمويه بعدين تحطونه على كل الشعر :$
3 -بعدين لما غسلته حطيت على اطراف شعري بلسم اللي هو غطاه ذهبي

و غسلت وجهي في غسول كلين اند كلير ..

" الشامبو والبلسم تلقونهم في الدانوب "

ولما خلصت شاور حطيت بخاخ بلسم يترك على الشعر من بوتس بجوز الهند ومشطته بمشط اسنانه عريضه
بعدين حطيت السيروم وجففته بالأستشوار عشان يعطيه فوليوم اكثر ولما خلصت استشوار حطيت سيروم ثانيه عشان تروح النفشه


نجي للتسريحه  :$ سويت فينتاج ويفز ، يعني ويفي على ريترو .. يشبه الريترو بس انعم واعرض وهذي الصوره فيها خطوات هالتسريحه :





































مفكره اسوي بوست عن طريقتها بالتفصيل ، علموني لو حابين اسويها والا خلاص تكفي هالصوره :$

مره جميييله وتغيير عن الويفي العادي والريترو اللي الكل يسويه  .. احسها غريبه وكيوت


الميك اب _

كنت حاطه فبالي اهم شيء روج احمر غامق فسويت ميك ابي على هالأساس ..
اول شيء رطبت بشرتي بكريم no7 بعدين حطيت برايمر ..
وبديت بعيوني وهذي خطوات ميك اب العيون سويتها لكم وان شاء الله واضحه :

 













حطيت برايمر من ماك "ماك كريم كولور بيس"
بعدين حطيت على جفني أي شادو من ماك اسمه all that glitters  على فكره بالورقه لونه اغمق من الحقيقه ، بالحقيقه اجمل بكثير ومسويه له سواتش من قبل  (استخدمت الفرشاة رقم 1 ) < بحط الفرش بصور تحت وبتكون رقم 1 فيهم :$
















وعلى كسرة العين حطيت لون بني غامق عشان يعطي العين شكل وتحديد .. اللون من ماك اسمه embark واستخدمت الفرشة رقم 2 تجي مشطوفه وتساعد اني احطها بهالمكان















هنا دمجت اللون البني عشان مايكون خط حاد ، طبعاً بالورقه الدمج مو مره يطلع حلو  :$ .. بإستخدام الفرشاة رقم 3

















































































< توي انتبه فيه صوره مكرره :/ هههههههههههههههههههه :( معليش .. الاي لاينر استخدمت مايبلين الجل مع الفرشاة رقم 4
الحواجب رسمتها بالفرشاة المشطوفه واستخدمت تفس الأي شادو بني ..

وهذي الصوره فيها الفرش واسمائهم ورقمتهم 1 2 3 4 5 عشان تفهمون :$

















بعدين حطيت الكوريكتر تحت عيوني وبعده الفاونديشن اللي هو بوبي براون وخلطته مع بيبي كريم سماش بوكس  واخذت شوي كونسيلر وحطيته تحت عيوني برضو ..

وثبتتهم في باودر ميك اب فور ايفر HD  الشفافه السايبه ،

سويت كونتور واستخدمت برونزر اتش اند ام مع انه ماعجبني للكونتور بس هو انسب شيء عندي ..

وحطيت بلش على تفاحة الخد لونه بينك من سان لوران

بعد كذا حطيت الشيمر من بودي شوب فوق البلشر ومديته < طلع جميل مرررره  وجاي برونز محمر .. وهذا سواتش له



كنت ابي بلش كذا يكون برونز محمر عشان يطلع بيرفكت مع الروج الأحمر

اللوك  مع البلشر والروج زي كذا :

 




















واخيراً هذا الفستان اللي لبسته < ماتعذبت وانا اصوره ابداً :(

 























الفستان من دبنهامز ، ويجي ماسك على الجسم بس الأكمام طايحه ( طوله لين الركبه )
مع هاي هيل لحمي والكلتش لحمي على بيج (واضحين بأول صوره فوق) .. والتايت شفاف

العطر من بنانا ريببلك .. جميل مرررره بس مشكلته ثباته مو قوي يعني لا بأس فيه ..
ومناكير ماحطيت حسيت مايحتاج لأن الفستان فيه اشياء تلمع وروج احمر يكفي
اما الأكسسوار ساعتي وحلق فصّه بس .. نسيت اصورهم : ( المرات الجايه ان شاء الله


وووبس :$ ان شاء الله استمتعتو واستفدتو ياجميلات ؟ _
وانا اسوي لكم البوست استمتعت والله ، ومفكره اسوي منه استعداد بالصباح وللطلعات الخفيفه : $ والا ايش رايكم ؟


يلا اشوفكم على خير ان شاء الله ، مع السلامه

ريفيو : برونزر H&M

 



السلام عليكم ورحمة الله وبركاته

 

اليوم جايبه لكم شيء جمييييل توي طايحه عليه اللي هو برونزر h&m

بالبدايه بقولكم انا مو صحبة مع التان والبرونز ولا اهتم فيه .. احترم كل الأذواق وكل وحده وشخصيتها وستايلها بس ماحب التان الغامق مره أحسه احتراق :( ودائماً اشوف الأجنبيات تانهم جمييييل وناعم وفاتح .. يعجبني مره خصوصاً لما يجي التان على بينك

 

المهم الفتره اللي راحت كنت ابي اشتري برونزر عشان استخدمه للكونتور لأن اللي عندي فيهم شيمر ماينفعون كونتور .. وكنت في h&m  وشفت البرونزر تبعهم وتذكرت بنات قالو انه مره جميييل قلت اجربه وش وراي وسعره مره رخيص بـ 30 !! ( لاحظو اني كنت ابيه كونتور بس :$ )

 

اخذته وجربته و وقعت في غرامه

طيب كذا اكون خلصت قصتي ههههههههههه :$ خليني اقولكم ايش يميز هالبرونزر وليه حبيته ؟

 

 
















البرونز هذا للوجه وللجسم .. سعره 30 ريال

 

ليه حبيته ؟

لونه مو غامق مره وبنّي ! ولا هو اورنج بزياده .. فيه لمسة اورنج ولمسة برونز ولمسة بسيطه بينك ، يعطي سحنه جميله

مو مات مررره ولا فيه شيمر ، غريب !

اللون مو مره متشبع يعني لو انتي مثلي ماتحبين التان الغامق مسحه وحده بتكفيك وبيكون لونه كيوت وفاتح ، واذا تحبين اغمق حطي زياده حتى توصلين للنتيجه المطلوبه .. ( وهالشيء عجبني عشان يرضي الطرفين :$)

جربت اغمقه وطلع مره جميل مو متكتل مع اني حطيت كم مسحه !

على فكره انا جربت قبل ماك وكان اورنج :/ ماعجبني ابداً ، وجربت بينفت وكان على بنّي وغامق مره يعني بس ينفع كونتور

ميزه ثانيه فيه علبته كبيره يعني بتكفيك وقت كثير .. مفكره اشتري علبه ثانيه احتياط اخاف يقطعونه :$

والعلبه نفسها انيقه ماتحسينها بـ 30 ريال !


السيئه الوحيده فيه انه ماينفع كونتور .. ممكن البعض يعجبه بالكونتور بس انا لا ماعجبني مره ..

 
 
 
 
 
 
 
 
 
 
 
 
 
 
 
 
وهذ سواتش :
 
 
 
 
 
 
 
 
 
 
 
 
ماعرفت اصور العلبه وهي مسكره ، تعكس صورتي:$ جبت لكم اياها من النت
 
 
 
 
 
 
 
 
 
 
 
كيف استخدمه ؟

اخذ مسحه وحده واهزّ الفرشاة عشان يطيح الزايد ..

بعدين احطه بنفس مكان البلش بس ما اركز على تفاحة الخد يعني امده ،  وعلى انفي وعلى الذقن وعلى زوايا الجبهه
وهذي صوره توضح الأماكن اللي ينحط فيها البرونزر :















































مو من الناس اللي احب احط بودرة البرونز على وجهي كله بس جربته عشانكم وحطيت كم مسحه عشان اتأكد حلو او لا وطلع تمااام مو متكتل ولا شيء ..

وجربته على يدي بس حطيت اكثر من مسحه واللون جلس من العصر لين الليل !

مره حبيييته للجسم يخلي اللون جمييييل برونزي فاتح على بينك
النتيجه اللي يعطيني اياها نفس كذا وممكن اخليه افتح :


 
















اممم وش بقى :$ اللي ماجربو باودر برونز يجربون هذي لأني احس البرونز الفاتح يبرز الملامح ويدفّي الوجه حتى لو انتي مو مسويه تان بس حطيه على الأماكن اللي قلت ويطلع جميل

 

كذا اكون خلصت البوست وجربوه وعلموني ايش رايكم
مع السلامه ، أشوفكم على خير :$
love you all

 

كيف تخفين هالاتك بشكل مُحترف وعلى طريقة الكارداشيان !♡
























السلام عليكم ورحمة الله وبركاته ..

اشتقت للبلوقينق :/ مدري احس من زمان مانزلت شيء دسم :$

اليوم البوست بيكون : كيف تخفين الهالات السوداء بطريقه محترفه جداً ! البوست يمكن يطول جيبو لكم شيء يسليكم وروقو عليه :$

 

أول شيء بقولكم نصائح بسيطه لازم تلتزمين فيها بعملية اخفاء الهالات السوداء :

1 – لازم العين تكون مترطبه  مو ناشفه .. والا راح يكون شكل الكونسيلر بايخ ويطلع خطوط

2 – لاتشترين كونسيلر على بينك ، او افتح من لون بشرتك

3 – لاتحطين الكونسيلر بالفرك كأنك تدهنين وجهك ! لا حطيه بالطبطبه سواء بالفرشاة او بأصابعك

 
أول شيء بقولكم ايش المنتجات اللي راح تحتاجونها بعدين ندخل في الطريقه ..
 

راح تحتاجين " كوريكتر أو مصححّ " يكون لونه على مشمشي أو اورنج

و " كونسيلر " و " باودر "

بتقولون ليه كل هالثلاث اشياء ، يكفي كونسيلر ياندى :/

انا اقولكم ليه :$

الكوريكتر راح يصحح لون الهالات عشان نبدا بعملية الكونسيلر .. خطوة الكوريكتر بتكون مفيده للي هالاتهم غامقه أما لو هالاتك خفيفه اكتفي بكونسيلر

الباودر بتثبت الكونسيلر عشان مايروح وعشان ماتطلع خطوط والا بيطلع شكل الكونسيلر غلط : (

 

افضل كونسيلر وكوريكتر جربتهم هم بوبي براون ، جمييييل لونه مثالي وقوامه اجمل واجمل ، نتفه منه تكفي عيونك الثنتين !! وفيه ترطيب مو من الكونسيلرز اللي ناشفين وباهتين .. الكونسيلر يجي معاه لوس باودر
 

نشوف الصور :




اللي على اليمين كونسير واليسار الكوريكتر




الكوريكتر .. شايفين كيف لونه على مشمشي ؟




وهذا الكونسيلر .. لونه على بيج نفس لون بشراتنا




يجي معاه تحت لوس باودر " مخلصه الحين :$ " الحين استخدم اللوس باودر من ميك اب فور ايفر HD






وهذا سواتش عشان تفرقون بين اللونين " فوق الكوريكتر وتحت الكونسيلر " لاحظو انهم مره مشبعين باللون يعني هذا ترا نتفه اخذته بطرف اصبعي ! :$


هنا اخفيت العروق بيدي عشان تشوفون كيف تغطيتهم جميله :




على فكره بالعاده العروق زرقاء باينه مره بس الحين مافيه ولا شيء !!



طيب الحين نجي للتكنيك اللي راح نتعلمها سوا عشان نخفي الهالات بشكل محترف ويخلي تحت العين منور وثابت طول السهره مافيه خطوط ولا لون رمادي ولا شيء :$

الطريقه اللي راح اقولكم عنها معروفه فيها كيم كارداشيان .. شوفو صورتها بدون ميك اب لها هالات بس بالميك اب مافيييه شيء ابداً !!
 

















كيف يخفيها الميك اب ارتست تبعها ؟

1-أول شيء ترطبين العين .. بعدين تحطين الكوريكتر على شكل V أو على شكل علامة صح .. شوفو الصوره رسمت لكم بالأحمر المكان اللي بتحطون فيه الكوريكتر والمنتجات الباقيه ..
من تحت العين لين الأنف بعدين تسحبينه .. نفس ماقلت لكم شكل علامة الصح ..
 
 
 
 
 
 
 
 
 
 
 
 
 
 
 
 
 
 
2- بعد ماحطيتي الكوريكتر تجيبين الكونسيلر وتحطينه نقط فوقه وعلى نفس الشكل اللي معتمدينه اللي هو علامة الصح .. بعدين تبدين تدمجين الكونسيلر سواء بفرشاة او اسنفجه حتى توصلين لشكل طبيعي ..

3- بعد كذا تجيبين الباودر .. احلى شيء تبع ميك اب فور ايفر السايبه الشفافه .. تحطينها على نفس الشكل بس مو توزعينها على طول ! حطيها بالفرشاة طبطبه بعدين جيبي فرشاة الدمج وادمجيه وحاولي تدمجينه مع باقي الفاونديشن ..

وبتلاقين منطقة تحت العين منوره ومافيه هالات نفس كذا :$


















هذي التكنيك تسمّى " هاي لايتنق "
شوفو كيم اثناء ما الميك اب ارتست يسوي لها الهاي لايتنق تحت عينها
 
 
 
 
 
 
 
 
 
 
 
 
 
 
 
 
 
شايفين كيف تحت عينها ابيض ؟ هذي الخطوه 3 لما حط الباودر بس لسى مادمجها " اتوقع نفس اللي استخدمها ميك اب فور ايفر"
 
طيب عشان يكون اسهل لكم شوفو هذا الفيديو مسوي نفس الخطوات بالضبط وراح تفهمون ايش اقصد .. لاتخافون من الرجال ههههههههههههههههههههه هو ميك اب ارتست وجالس يطبق على نفسه عشان نفهم :$
 
 
الفرش اللي استخدمها أنا هي من سيقما وحده احط فيها و وحده ادمج ، تقدرون تستغنون عن اللي تدمج :$
 



E60
 
 
 
 
E40
 

وبس :$ ان شاء الله تكونو استفدتو وفهمتو الشرح يارب ..

بالنسبه للكونسيلرز كلهم من بوبي براون بهارفي نيكلز الفيصليه واسعارهم مو فاكره بس بحدود 150 كل واحد والفرش طالبتهم من موقع سيقما وباودر ميك اب فور ايفر موجوده بوجوه وسيفورا وسعرها مو اكثر من 150 ..

بكون سعيده لو شاركتو هالبوست وسويتو ريتويت

 

اشوفكم على خير ، مع السلامه
 

♡ مارلين مونرو كولكشن من ماك ♡










 


السلام عليكم ورحمة الله وبركاته

عندي لكم خبر جمييييل :$ .. ماك راح تطلق كولكشن  مارلين مونرو لهذا الشتاء  ♡♡♡

مدري وش اقولكم متحمسه بشكل ههههههههههههههههه : (

لطالما كانت مارلين ايقونة الجمال والأنوثه وميك ابها المشهور جداً الآي لاينر والآي شادو الفاتح والروج الأحمر
فَ هذا الكولكشن مستوحى منها ومعتمدين الوان انثويه وفاتنه

راح ينزل في شهر اكتوبر ان شاء الله في امريكا وما ادري متى بالضبط راح ينزل عندنا، تقريباً 30 منتج راح ينزلون بهالكولكشن ، انا من الحين انفتنت فيه الوانه جمييييله والباكيجنق كيوت وكل شيء .. كل منتج عليه صورة لمارلين

نشوف الصوره

 

 

 
 
 
 
 
مدري عشان انا تعجبني مارلين متحمسه للكولكشن والا فعلاً الكولكشن فاتن ؟ احسه جميييل حتى لو مافيه صورة مارلين :$ واكثر شيء اعجبني انه متنوع من ناحية الألوان ومن ناحية نوع الأرواج مات وكريم شين والبلش برضو في مات وفيه بقليتر ، الوانه بنظري تناسب كل الصبايا والسيدات   مو جريئه بزياده

  نشوف الصور واسامي المنتجات ♡_


 
• Deeply Adored – Deep scarlet (Matte)
• Charmed I’m Sure – Dark true red (Matte)
• Pure Zen – Warm nude (Cremesheen)
• Love Goddess – Mid-tone pink red (Satin)
• Scarlet Ibis – Bright orange red (Matte) (Repromote)

 



• How to Marry – Soft White (Veluxe Pearl)
• Preferred Blonde – Pale champagne beige (Veluxe Pearl)
• Silver Screen – True silver (Veluxe Pearl)
• Showgirl – Dark blue grey (Veluxe Pearl)




 


• Legendary – Pale soft coral (Satin)
• The Perfect Cheek – Neutral pink beige (Matte)
• Forever Marilyn – Sheer pale peach highlighter





• Vintage Vamp – Rich deep retro wine (Cream) (Permanent)
• Stage Red – Dark berry red (Cream)
• Flaming Rose – True red (Cream)
• Kid Orange – Coral (Cream) (Repromote)
• Rich, Rich, Rich – Glittery gold (Pearl)












Penultimate Eye Liner – • Rapidblack – Rich deep carbon black (Permanent)
Penultimate Brow Marker –
• Universal – Natural warm taupe-brown (Permanent)
Brow Finisher –
• Clear – Sheer (Permanent)
False Lashes –
• Extreme Black – Carbon black (Permanent)
Lash –
• 35 Lash – Dramatic lash with emphasis on the center of the lash
Eye Kohl – • Smolder – Intense black (Permanent)
• Fascinating – Intense matte white (Permanent)
Lip Pencil –• Beet – Vivid reddish-pink (Permanent)
• Redd – Clearly red (Permanent)
• Cherry – Vivid bright blue/red (Permanent)

Dazzleglass – • Phiff! – Sheer yellow peach (Repromote)
• Little Rock – Soft sheer white with pearlized pigments


كل شيء اعجبني :(
مين تحمس معاي :$ ؟ اللي تروح لماك تسألهم متى راح ينزل وتعلمنا الله يعافيها :$
وبسسسس :$

مع السلامه .. اشوفكم على خير
© BeautyDeRosee. Design by MangoBlogs.