اعادة بناء الشعر واصلاحه !♥

hair-repair-hair-care-300x225
السلام عليكم ورحمة الله وبركاته ..
الشعر التلفان التعبان المتساقط  كثير يعانون منه .. وكنت اعاني منه والحمدلله الحين  راضيه عن شعري ومبسوطه فيه ، فحبيت اشارككم تجربتي كيف اصلحت شعري ورجعت له الحياه ؟  قبل اتكلم عن المنتجات اللي استخدمتها بقولكم عن الستيبس اللي مشيت عليها .. أولاً :  تتركين الصبغ فتره وتريحين شعرك ، ثانياً : ضروري نقص الشعر عشان نبدا نعالج ونعتني ويطلع لنا شعر صحي جديد ، أنا قصيت شعري ون كت لين اخر رقبتي وبديت شغل عليه .. بعد مانقص ايش نسوي ؟ نرمي كل الشامبوهات التجاريه بانتين ودوف وسانسيلك وماشابهها ، وبعدين نجيب فيتامينات وننتظم بأكلها " هيردال ، زيت كبد الحوت " اللي يريحكم
نجي للأشياء اللي استخدمتها وفادتني الحمدلله IMG_0271
الشامبوهات .. بعد ماتركت المنتجات التجاريه اتجهت للشامبوهات العضويه " عضويه يعني مصدرها طبيعي وخاليه من الحاجات الكيميائيه اللي تضر الشعر" ومعروف الشامبوهات العضويه ماترغي كويس زي الباقي فلا تستنكرون هالشيء بس بنفس الوقت تنظف ! .. من اليمين شامبو Rehab من LUSH وكلنا نعرف انه لش منتجاتها طبيعيه وآمنه وهذا الشامبو مخصص للشعر التالف التعبان ، حلو الشامبو بس ينشف الشعر فيحتاج بلسم عميق بعده .. صرت استخدمه لغسل شعري بعد ما احط عليه زيت او ماسك عشان ينظفه كويس
اللي بالنص هذا اجملهم واحسنهم ♥ يهبل ومن اول ماتغسلين فيه تحسين الفرق  يعطي شعرك حجم وليونه مره ارتحت عليه وخلصته الحين وانتقلت للي جنبه .. شامبو عضوي بزيت الزيتون لجميع انواع الشعر وللشعر المصبوغ ، وغير المصبوغ ، الشامبو حلو ارتاح له شعري بس مايرطب مره عادي يعني لكن استخدمه وانا متطمنه : $
IMG_0278
conditioners
بلسم لش بجوز الهند عادي ماحسه يسوي شيء واو بس اعجبني اللي على اليسار اكثر فاعتمدته بداله : $ .. اللي على  اليسار بلسم بجوز الهند برضو وعضوي  كثير حلو يرطب الشعر ويخليه ليّن وصحّي ، بالنص حمام زيت بانويل معروف وضروري بمرحلة علاج الشعر يرطب الشعر ويغذيه ويخليه يلمع وجميييل .. مكوناته حلوه ومفيده ويساعد بعلاج الشعر ، طريقتي فيه احط براحة يدي واخلط معاه مويه دافيه عشان  اوزعه زين ، بعدين احطه على شعري بعد الشامبو من الجذور لين الأطراف واركز عليهم .. اتركه 10 دقايق بعدين اغسله وتمتعي بشعر جميل
قبل لا انتقل لمرحلة مابعد الشاور بوضح كيف طريقه غسل الشعر و وضع البلسم الصحيحهsummer-hair-care
الشامبو نحطه على الجذور بس ! اللي تحت الخط الأحمر هذا بينزل عليه الشامبو مع المويه وينظفه مايحتاج نحط عليه لأن كذا بيسبب تقصف واطراف جافه ، طيب نجي للبلسم .. نحطه برفق من الخط الأحمر وتحت مانخليه يجي الجذور يعني من الأذن وتحت تقريباً ..
الحين خلصنا من غسيل الشعر وترطيبه ، نجي لما بعد الشاور .. مانمشطه على طول ! نخليه بالفوطه عشر دقايق بعدين نمشطه بمشط وسيع واسنانه مدببه نفس الموجود بصورة الشامبوهات ، نبدا نمشط من الأطراف بحذر لين فوق وان شاء الله بهالطريقه نقلل من تساقط الشعر اللي بعد الشاور .. IMG_0285           اممم شايفين ثاني واحد من اليسار ؟ هذا Leave in conditioner بجوز الهند ابخه على شعري بعد ما امشطه وارجع امشي المشط عشان يتوزع كويس بعدين اخذ من السيروم واحط على الأطراف بس .. ونخلي الشعر ينشف من نفسه بدون استشوار
الدراي شامبو بالصوره ضروري لأني ما اغسل شعري يومياً ، يوم ورا يوم فمخليته عندي للحاجه واللي جنبه حامي من الحراره احطه اذا مضطره استخدم استشوار او اي شيء حامي ..
آخر شيء بتكلم عن التريتمنت اللي استخدمتها لشعري .. بالأسبوع مرتين كنت احط على جذور شعري كريم maintale بالجزر ريحته مو حلوووه بس نتيجته حلوه :( فحاولت اتحمل ريحته لفتره لين يطيب شعري .. أوكي حطينا الكريم على الجذور بعدين  احط زيت جوز الهند على باقي الشعر واسوي شعري بون فوق واجلس اخيس البيت  :$ هههههههههههههه .. واحياناً اكتفي بجوز الهند على كل شعري مره حلووووو يرطب الشعر ويخليه ناعم جميييل  ، وكريم الجزر بعد احياناً احطه لحاله على كل شعري يعني على حسب المود بس هذا الكريم جداً جداً حلو طوّل شعري وليّنه ولو احد عنده اطراف متقصفه يحطه عليهم كم ساعه ويغسله ويشوف كيف الأطراف خفففت ولانت !!
شيء مهم بقوله لازم الصبر ، انا صار لي 5 شهور ويمكن اكثر بعد من بديت اعتني بشعري والحمدلله الحين شفت النتايج بس ماتركت عنايتي للحين شامبوهاتي عضويه واحاول كل اسبوع اسوي تريتمنت لشعري والفيتامينات ماتركتها .. فاللي تسوي شهر وتقول هذا شعري ماتغير اقولها من الحين لاتسوين شيء : $ .. ان شاء الله يكون البوست مفيييد و واضح وخفيف عليكم واي سؤال او طلب لبوست معيّن تفضلو

- المنتجات المذكوره ومكان شرائها:

Lush Rehab shampoo 50 SR " محلهم في الفيصليه"
Maintale olive oil shampoo 39 SR " التميمي والدانوب"
olivaloe shampoo 50 SR " مي للعطور "
Nourshing coconut milk 40 SR " الدانوب "
lush coolanlin conditioner 50 SR " محلهم في الفيصليه "
Banawell hot oil treatment 40 SR " الصيدليات والسوبرماركت الكبيره "
Boots coconut leave in conditieoner 15 SR " صيدلية بوتس صحارى "
Boots heat protection spray 15 SR " صيدلية بوتس صحارى "
Boots dry shampoo 15 SR " صيدلية بوتس صحارى "
Cristal serum " كل الصيدليات
"
You may also like:

13 comments

  1. وين الاقي الشامبوهات والبسلم ؟ ي ليت تفيدينا

    ReplyDelete
    Replies
    1. عدلت على البوست حبيبتي .. كتبت المنتجات المذكوره وين تلاقونها مع اسعارها .. شكراً لزيارتك :)

      Delete
  2. كريم الجزر اش فايدته؟ واش اسمو طلت ع اﻻسماء الممكتوبة ماعرفت اطلعه ؟ انا احس جذوري ضعيفة من الصبغ اكيد حاوقف ويارب اقدر ان شاءالله ﻻنة شعري نصه طاح فابغي اعرف اش فايدة كريم الجزر واش فيه شيء يقوي لجذور وصح زيت جوز الهند ليه ماحطته ع جذور؟

    ReplyDelete
  3. كريم الجزر بنزل بوست عنه بكرا بإذن الله واتكلم عنه بالتفصيل .. انتظريني :*

    ReplyDelete
  4. -

    يا حبيييييييييييييلك ربي يسعدك ويوفقك ♥
    دققت شوي بكلامك ، لاحظت أني أسوي بعض الأشياء غلط
    زي أماكن الشامبو والبلسم وكيف أحطهم :(

    بإذن الله بأمشي على كلامك حرفيًا
    بس عادي لو مثلًا أجيب شامبو واحد وبلسم واحد من اللي ذكرتيهم :$ ؟
    وإذا ينفع إيش تنصحيني بالأحسن من كل واحد


    الله يسعدك ويرفع قدرك ويبارك فيكِ ، حبيت مدونتك مررررره
    بإذن الله من المتابعين ♥♥

    ReplyDelete
    Replies
    1. يازيييينك يختي وش هالكلام الزين استحيت :$ ايه عادي ونص انا حطيت كل اللي جربته بس ما استخدم الا بلسم واحد وشامبو واحد اللي هو شامبو مين تيل تلقينه في الدانوب والتميمي + بلسم جوز الهند اللي لونه ابيض دبدوب هذا بالدانوب بس لقيته .. وفيه بلسم دوف للشعر التعبان مره حلو بعد ، والله يسعدك ياحبيبتي نورتيني

      Delete
  5. انا جربت منهم مرطب الشفايف
    ترطيب & ريحه خيااال
    طلبته من تاجره في الاقلاع اسمها عالم التسوق بـ 30 ريال :)

    ReplyDelete
  6. السلام عليكم ..
    الله يعطيك العافية حبيت اسالك ،
    رحت لبانورما وحصلت صدلية وايتس
    طبعاً اول ما شفت الشامبو الي مرسوم عليه خيل اخذته
    يوم رجعت للقصيم اكتشفت انه حمام زيت :( ! / ليتك موضحه انواعه واثقه انو مافيه الا شامبو خخخ
    والاكتشاف الآخر اول ما قريت الي كاتبينه بالعربي على العبوة " المكونات " اول شيء كاتبين كحول .. وبعدين كاتبين كحول بس زيادة عليها كلمتين يعني نوع ثاني من الكحول !! استغربت الصراحة

    ReplyDelete
  7. وعليكم السلام ، الله يعافيك ♡
    مو مشكله متأكده انه حمام الزيت تبعهم بيكون جميييل لان كل ما اجرب شي منهم يعجبني ♡
    وبالنسبه للكحول عادي جداً ، البلسم حقي عضوي وبالتركيبه حاطين كحول .. يعني تطمني :$
    شكراً لك  

    ReplyDelete
  8. السلام عليكم ،
    حبيبتي روز حبيت اسالك حبوب هيردال ايش رايك فيها
    يعني ايش كانت نتايجها ع شعرك ؟
    وكمان لها اضرار جانبيه ؟
    لانو البعض يقول انها ممكن تكثر الشعر في الجسم :((
    واذا عندك منتج لتكثيف الشعر افيديني ><

    ReplyDelete
  9. يا اهلاً وسهلاً ❤
    هيردال بصراحه مره فادتني بس ماشفت النتائج الا بعد ماخلصت العلبه ! يعني استمري وخلصيها
    ومالها اضرار جانبيه بس تخلي الشعر ينمو اسرع فشعر جسمك بيطلع اسرع من قبل بس مايكثر 

    ReplyDelete
  10. حبيبتي روز جربت شامبو الخيل من بعد نصيحتك
    ارتحت له كثير
    وعجبني شكررررا لك

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.