استعدي معاي : سهره ♡!


السلام عليكم ورحمة الله وبركاته ..

اشتقت لكم اعتذر من اللي تأخرت بالرد عليهم سواء هنا او في الأسك .. اول ما اخلص البوست بأرد على الكل ان شاء الله ، كنت مشغوله هالأيام والحين رجعت للتدوين :$ وابشركم صورت 4 بوستات عشان اضمن هههههههههههههه :$


طيب اليوم البوست مره متحمسه له من يوم سألتكم بالتويتر وتفاعلتوا معاي يازينكم

اللي هو ( استعدوا معاي ) واليوم بيكون الأستعداد لسهره .. وعشان يكون البوست مفيد لكم سويت شرح للميك اب اللي حطيته وجبت لكم الصوره اللي سويت منها شعري ، يلا نشوف :$

أول شيء انا كنت مسويه تنظيف لبشرتي بالبخار وحطيت ماسك ودلعتها ..

نبدأ بإستعدادي بنفس اليوم :$

اخذت شاور وهذا اللي حطيته بشعري عشان يكون فيه لمعه ونعومه اكثر من العاده :

















1 - اللي هو شامبو مين تيل حبيبي .. ابشركم خلص ادعو اني اغيره :$
2 - حمام زيت بانويل ، صح بقولكم ! هالشيء لازم تستخدمونه صح ، تاخذون شوي مرررره منه وتخففونه بمويه بعدين تحطونه على كل الشعر :$
3 -بعدين لما غسلته حطيت على اطراف شعري بلسم اللي هو غطاه ذهبي

و غسلت وجهي في غسول كلين اند كلير ..

" الشامبو والبلسم تلقونهم في الدانوب "

ولما خلصت شاور حطيت بخاخ بلسم يترك على الشعر من بوتس بجوز الهند ومشطته بمشط اسنانه عريضه
بعدين حطيت السيروم وجففته بالأستشوار عشان يعطيه فوليوم اكثر ولما خلصت استشوار حطيت سيروم ثانيه عشان تروح النفشه


نجي للتسريحه  :$ سويت فينتاج ويفز ، يعني ويفي على ريترو .. يشبه الريترو بس انعم واعرض وهذي الصوره فيها خطوات هالتسريحه :





































مفكره اسوي بوست عن طريقتها بالتفصيل ، علموني لو حابين اسويها والا خلاص تكفي هالصوره :$

مره جميييله وتغيير عن الويفي العادي والريترو اللي الكل يسويه  .. احسها غريبه وكيوت


الميك اب _

كنت حاطه فبالي اهم شيء روج احمر غامق فسويت ميك ابي على هالأساس ..
اول شيء رطبت بشرتي بكريم no7 بعدين حطيت برايمر ..
وبديت بعيوني وهذي خطوات ميك اب العيون سويتها لكم وان شاء الله واضحه :

 













حطيت برايمر من ماك "ماك كريم كولور بيس"
بعدين حطيت على جفني أي شادو من ماك اسمه all that glitters  على فكره بالورقه لونه اغمق من الحقيقه ، بالحقيقه اجمل بكثير ومسويه له سواتش من قبل  (استخدمت الفرشاة رقم 1 ) < بحط الفرش بصور تحت وبتكون رقم 1 فيهم :$
















وعلى كسرة العين حطيت لون بني غامق عشان يعطي العين شكل وتحديد .. اللون من ماك اسمه embark واستخدمت الفرشة رقم 2 تجي مشطوفه وتساعد اني احطها بهالمكان















هنا دمجت اللون البني عشان مايكون خط حاد ، طبعاً بالورقه الدمج مو مره يطلع حلو  :$ .. بإستخدام الفرشاة رقم 3

















































































< توي انتبه فيه صوره مكرره :/ هههههههههههههههههههه :( معليش .. الاي لاينر استخدمت مايبلين الجل مع الفرشاة رقم 4
الحواجب رسمتها بالفرشاة المشطوفه واستخدمت تفس الأي شادو بني ..

وهذي الصوره فيها الفرش واسمائهم ورقمتهم 1 2 3 4 5 عشان تفهمون :$

















بعدين حطيت الكوريكتر تحت عيوني وبعده الفاونديشن اللي هو بوبي براون وخلطته مع بيبي كريم سماش بوكس  واخذت شوي كونسيلر وحطيته تحت عيوني برضو ..

وثبتتهم في باودر ميك اب فور ايفر HD  الشفافه السايبه ،

سويت كونتور واستخدمت برونزر اتش اند ام مع انه ماعجبني للكونتور بس هو انسب شيء عندي ..

وحطيت بلش على تفاحة الخد لونه بينك من سان لوران

بعد كذا حطيت الشيمر من بودي شوب فوق البلشر ومديته < طلع جميل مرررره  وجاي برونز محمر .. وهذا سواتش له



كنت ابي بلش كذا يكون برونز محمر عشان يطلع بيرفكت مع الروج الأحمر

اللوك  مع البلشر والروج زي كذا :

 




















واخيراً هذا الفستان اللي لبسته < ماتعذبت وانا اصوره ابداً :(

 























الفستان من دبنهامز ، ويجي ماسك على الجسم بس الأكمام طايحه ( طوله لين الركبه )
مع هاي هيل لحمي والكلتش لحمي على بيج (واضحين بأول صوره فوق) .. والتايت شفاف

العطر من بنانا ريببلك .. جميل مرررره بس مشكلته ثباته مو قوي يعني لا بأس فيه ..
ومناكير ماحطيت حسيت مايحتاج لأن الفستان فيه اشياء تلمع وروج احمر يكفي
اما الأكسسوار ساعتي وحلق فصّه بس .. نسيت اصورهم : ( المرات الجايه ان شاء الله


وووبس :$ ان شاء الله استمتعتو واستفدتو ياجميلات ؟ _
وانا اسوي لكم البوست استمتعت والله ، ومفكره اسوي منه استعداد بالصباح وللطلعات الخفيفه : $ والا ايش رايكم ؟


يلا اشوفكم على خير ان شاء الله ، مع السلامه
You may also like:

11 comments

  1. مشكوره على البوست الحلو والمفيد
    بس حبيت اسالك ايش الفرق بين فرش ماك ١٨٨ و ١٨٧ و ١٠٧
    وكيفية استخدامها لاني محتاره بينهم
    ياليت تجاوبيني

    ReplyDelete
  2. عجبني فستانك :)) والميك اب حسيته مررة مناسب ..
    يعطيك العافيه xx

    ReplyDelete
  3. اهلين حبيبتي ..
    فرشة ١٠٧ هي نفسها ١٧٨ بس انا ممسوحه الثمانيه وحسبتها صفر وقلت لكم ١٠٧ :$ سوري ..
    اما ١٨٨ نفسها بس اصغر وهي افضل شيء للبلشر الكريمي وتنفع للفاونديشن برضو .. الفرق بينهم انه ١٨٨ صغيره فتوصل لكل الاماكن وتنفع للبلشر الكريمي خصوصي .. اما ١٧٨ اكبر وتستفيدين منها بتوزيع الباودر بأنواعها لان توزيعها جميل ..

    ReplyDelete
  4. تسلمين يا هياء كلك ذوق ❤

    ReplyDelete
  5. ما شااء الله وش هالزييين ، الله يسعدك مره انبسطت و استفدت وانا اقرا ، والله يسعدك نبي بوست عن التسريحه :$

    ReplyDelete
  6. ماشاء الله
    قيت ريدي جميييل
    الله يسعدك يارب و يجزاك خير
    نقطة وحدة حبيت اسئلك عليها .. تنظيف البشرة
    انا بشرتي دهنية و اعاني لمن بجي احط ماسك و كدا
    ف بليز تيل مي ..

    ReplyDelete
  7. وش هالجمال ...
    يسعدك ربي ذوق و اناقه ، حريصه جدا اني اتابعك ،،
    جدا رائعه الله يحفظك ..

    ReplyDelete
  8. بليز بتعبك معايه وتختاريلي بخبرتك مجموعة فرش من سيقما حوالي ١٢او١٥ فرشه لان احترت من كثر المجموعات ابغاها تكون اساسيه واستخدامها اساسي بالميكب
    اش رايك بمجموعة Essential kit make me cool ?.?
    يسعدك ربي ساعديني وشوفيلي اكثر مجموعه عليها مدح وممتازه

    ReplyDelete
  9. ماشاء الله ع الذوق والاناقه♡
    بس ماصورتي الميك آب الي استخدمتيه ♡

    ReplyDelete
  10. الحين انتبهت له ب الصوره الاولئ ♡

    ReplyDelete
  11. ايه ايه ايه بليززز سوي فكره حلوه و بتساعدني كمان
    :(

    ReplyDelete

Thank you beautiful ! شكراً لتعليقك ياجميلة

© BeautyDeRosee. Design by MangoBlogs.